ElaKiri Community

ElaKiri Community (http://www.elakiri.com/forum/index.php)
-   News (http://www.elakiri.com/forum/forumdisplay.php?f=10)
-   -   කිරිපිටිවල ඇති ඌරු තෙල් ගැන සොයන්න ගැඹුරු (http://www.elakiri.com/forum/showthread.php?t=1889083)

kavindu84 02-14-2019 02:41 PM

කිරිපිටිවල ඇති ඌරු තෙල් ගැන සොයන්න ගැඹුරු
 


කුමන තත්ත්වයක් යටතේ වුවද කිරිපිටි සමාගම්වල අවශ්‍යතා අනුව කටයුතු කිරීමට ආණ්ඩුව සූදානම් නොමැති බව කර්මාන්ත හා වාණිජ කටයුතු නියෝජ්‍ය අමාත්‍ය බුද්ධික පතිරණ පවසනවා.

වෙළඳපොල තුළ මේ වනවිට මතුව ඇති කිරිපිට හිඟය සම්බන්ධයෙන් නෙත් නිවුස් කළ කරුණු විමසීමක දී නියෝජ්‍ය අමාත්‍යවරයා මේ බව කියා සිටියා.

ආනයනික කිරිපිටිවල ගුණාත්මක භාවය සොයා බැලීම සඳහා පුළුල් වැඩපිළිවෙලක් අවශ්‍ය බවද නියෝජ්‍ය අමාත්‍යවරයා පෙන්වා දුන්නා.

එහිදී "දැනට බරපතල චෝදනා ඇවිල්ලා තියෙනවා මේ කිරිපිටිවල තියෙන සැබෑ කිරි ප්‍රෝටීන එළියට අරගෙන මෙලමයින් සහ DCD ඇතුල් කරනවා කියලා. ඒ වගේම මේ කිරිපිටිවල තියෙන මේද කොටස් එළියට අරගෙන ෆාම් ඔයිල් සහ ඌරු තෙල් වගේ මේද ඇතුල් කරනවා කියලත් චෝදනාවක් ආවා. ඒ නිසා මේ සම්බන්ධයෙන් ගැඹුරු වැඩපිළිවෙලක් අවශ්‍යයි. ජනාධිපති පරීක්ෂණ කොමිසමක් හෝ පාර්ලිමේන්තු තේරීම් කාරක සභාවක් මේ සඳහා අවශ්‍යයි කියලා මම කියනවා." යනුවෙන් සඳහන් කළා.

මේ වනවිට පවතින හිඟයට ආනයනික කිරිපිටි තොග රේගුවෙන් නිදහස් කර නොගැනීම මෙන්ම තවත් කරුණු කිහිපයක් බලපා හැකි බවයි පාරිභෝගික අයිතීන් සුරකීමේ සංවිධානය පෙන්වා දෙන්නේ.

එහි සභාපති රංජිත් විතානගේ මේ බව සඳහන් කළා.


http://nethnews.lk/article/63420


All times are GMT +5.5. The time now is 10:07 AM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.

Page generated in 0.00949 seconds with 9 queries