ElaKiri Community
Downloads
Go Back   ElaKiri Community > General > Health & Lifestyle
Reload this Page “ගැස්ට්‍රයිටීස්” හැදෙන්නේ මෙහෙමයි
Reply
 
Thread Tools
(#1)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up “ගැස්ට්‍රයිටීස්” හැදෙන්නේ මෙහෙමයි - 06-05-2012, 10:37 AM

මොකක්ද මේ ගැස්ට්‍රයිටීස් කියලා හඳුන්වන රෝගය? ගැස්ට්‍රයිටීස් කියන්නේ ආමාශයේ ආසාදන තත්ත්වයකටයි. ආමාශයේ නිපදවන හයිඩ්‍රාක්ලෝරික් අම්ලය Acid ශ්‍රාවය වීම වැඩිවීම නිසා මෙය සිදුවන්නක්. අප ගන්නා ආහාර ගලනාලය ඔස්සේ ආමාශයටත්, පසුව කුඩා බඩවැල්වලටත් ගමන් කරනවා. ස්වභාවධර්මයා විසින් ගලනාලය සහ ආමාශය අතර කපාටයකුත් (පියන් වැනි දෙයක්) ආමාශය හා බඩවැල් අතර කපාටයකුත් පිහිටා තිබෙනවා. අප ආහාර ගන්නා විට මේ කපාට විවෘත වී ගලනාලය ඔස්සේ ආමාශයටත්, ආමාශයෙන් බඩවැල්වලටත් ආහාර ගමන් කරනවා.


ඒ ක්‍රියාවලිය නිමවූ පසුව කපාට වැසෙනවා. එසේ සිදු නොවුනොත් ආපස්සට ඒමක් සිදු වෙනවා. එවිට ආමාශයේ නිපදවන හයිඩ්‍රොක්ලෝරික් අම්ලය ආපස්සට ගමන්කොට ගලනාලය තුවාල වී ආසාදන තත්ත්වයක් ඇතිවෙනවා. මේ ආසාදනයට තමයි ගැස්ට්‍රයිටීස් කියන්නේ.




”ගැස්ට්‍රයිටීස්” රෝගයට හේතු කාරක ලෙස ඔබට දැක්විය හැක්කේ කුමක්ද?

හේතු කිහිපයක්ම තිබෙන්නට පුළුවන්. සමහර සිරුරුවල මේ කපාට නිසි ආකාරයෙන් පිහිටා නොතිබෙනවා. එවැනි අයගේ මේ ක්‍රියාකාරීත්වය හරියාකාරව සිදු නොවන නිසා විවෘතව තිබෙන කපාට ඔස්සේ හයිඩ්‍රොක්ලෝරික් අම්ලය සහ පිත ආපස්සට එන්නට පුළුවන්. ස්ථුල ශරීරයෙන් යුත් අයටත් මෙය බලපානවා.


එයට හේතුව ස්ථුල අයගේ ආමාශයේ බිත්තිවල මේද ස්ථිරය අධික ලෙස තැන්පත් වන නිසා එහි පීඩනයක් ඇතිවෙනවා. ඒ පීඩනය නිසා කපාට විවර වී අම්ලය සහ පිත ආපසු ගලනාලයට ගලායෑමක් සිදුවෙනවා.


අධික කෘශ අයටත් මේ දේ සිදුවන්නට පුළුවන්. ඔවුන්ගේ ආමාශය උරස් කුහරය ඇතුළට තල්ලු වෙනවා. එවිට කපාටවල ක්‍රියාකාරීත්වය හරිආකාරයෙන් සිදු වන්නේ නැහැ. එවිටත් අම්ල සහ පිත ගලනාලයට ගැලීම සිදුවෙනවා.


මේ තත්ත්වය යටතේ ආසාදනයට ලක්වන්නේ ගලනාලය පමණද?

ගලනාලයේ පිහිටා ඇති ශ්ලේෂ්ම පටල අම්ල Acid සහ පිතට ඔරොත්තු දෙන්නේ නැහැ. ඒ නිසා ශ්ලෙෂ්ම පටල තුවාලවීමේ ප්‍රවණතාවය වැඩියි. තුවාල දිගටම පැවතීමෙන් ආසාදිත තත්ත්වයක් ඇතිවෙනවා. අමාශයේත් මේ තත්ත්වය උදාවන්නට පුළුවන්. නමුත් සාමාන්‍යයෙන් අමාශය මෙම හයිඩ්‍රක්ලෝරික් අම්ලයට ඔරොත්තු දෙනවා.

ඕනෑවට වඩා දිගින් දිගටම ශ්‍රාවය වුණොත් ශ්ලේෂ්මල පටල තුවාල වී ආමාශයේද ආසාදන තත්ත්වයක් ඇතිවෙනවා.


අපගේ එදිනෙදා ජීවිතයේ ක්‍රියාදාමයන් මෙන්ම අප ගන්නා ආහාරත් මෙම රෝගය සෑදීමට හේතුකාරකයක් ද?


ඔව් අධික ලෙස මත්පැන් පානය දුම්පානය වේදනා නාශක බහුල වශයෙන් භාවිතාව, රුධිර පීඩනය වළක්වා ගැනීමට මෙන්ම කොලෙස්ටරෝල් දියකර ගැනීමට ලබාදෙන්නා වූ ඖෂධ දීර්ඝ කාලයක් භාවිතා කිරීම ආදියෙන් මේ ආසාදනය ඇතිවන්නට පුළුවන්. මේවා තුළින් ආමාශයේ බිත්ති සියුම් සීරීමකට ලක්වෙනවා.


ඒවා හඳුන්වන්නේ ගැස්ට්‍රික් ඉරෝෂන්ස් යනුවෙන්. මානසික ආතතිය වැඩි අයටත් “ගැස්ට්‍රයිටීස්” රෝගය වැළඳෙනවා. මනසත් ආමාශය සහ බහිස්‍රාවය ඉන්ද්‍රියනුත් අතර සම්බන්ධතාවයක් තිබෙනවා.


මෙය පාලනය කරන්නේ අපේ මොළයෙන් මානසික ආතතිය වැඩි අයගේ රුධිර සංස්කරණය වේගවත් නිසා ශ්ලේෂ්ම පටලවල ඒකාග්‍රතාවය බිඳී යනවා. ඒ නිසා ඔවුන්ට ගලනාලය සහ ආමාශය තුළ තුවාල සෑදී ආසාදන තත්ත්වයක් ඇතිවන්නට පුළුවන්.


මේ රෝගී තත්ත්වය නිර්ණය කර ගැනීමට කරන පරීක්‍ෂණ එහෙම තිබෙනවාද?

ඔව් එන්ඩොස් කොපි නමැති පරීක්‍ෂණයෙන් තමයි කොතැනද මේ ආසාදන තත්ත්වය පවතින්නේ කියා සොයා බලන්නේ. (පසුව මෙම පරීක්‍ෂණය පිළිබඳව සම්පූර්ණ විස්තරයක් සැපයීමට බලාපොරොත්තු වෙමු.


ගැස්ට්‍රයිටීස් රෝගයේ රෝග ලක්‍ෂණ මොනවාද?
පපුවේ දැවිල්ල පපුව හිරකිරීමක් ලෙස දැනීම, බඩ පිපීම, ඔක්කාර ගතිය, ගන්නා ආහාර ඇසිඩ් බවට පත්වී උගුරට එන්නා සේ දැනීම බඩේ ඉහළ කෙළවරේ උදර කුහරයේ වේදනාවක් දැනීම, දැඩි ලෙස කුසගින්න දැනීම ආදියයි. කුසගින්න පිළිබඳව කතා කිරීමේදී මිනිසකුට හෝ ඕනෑම සත්වයකුට කුසගින්න දැනෙන්නේ දිනකට තුන් වතාවක් පමණයි. උදේ, දවල්, රාත්‍රිය ස්වභාවික කුසගිනි සංකෝචනය වන වේලාවල් අමතර දැනේනනා වූ කුසගින්න කුසගිනි සංකෝචන නොවේ. නිතරම කුසගිනි දැනීම එක්තරා ආකාරයකට ගැස්ට්‍රයිටීස් රෝග ලක්‍ෂණ වන්නට ද පුළුවන්.


නිසි වෙලාවට ආහාර නොගැනීමෙන් ගැස්ට්‍රයිටීස් වැළඳෙනවා කියන්නේ සත්‍යයක් ද?
සාමාන්‍යයෙන් අපේ ආමාශය තුළ හයිඩ්‍රොක්ලෝරික් අම්ලය නිරන්තරයෙන්ම ශ්‍රාවය වෙමින් පවතිනවා. මේ නිරන්තර ශ්‍රාවයේදී ආහාරයක් ආමාශය තුළ නොතිබුණ විට කුස හිස්ව තිබුණොත් එකතුවන අම්ල Acid ප්‍රමාණය වැඩි නිසා ආමාශයේ තුවාල ඇතිවී ආසාදන තත්ත්වය උදාවන්නට පුළුවන්. මේ ආම්ලික ගතිය තනුක වීම තුළින් නැතිවී යනවා.


තනුක වන්නට නම් ජලය අවශ්‍යයි. එසේ නම් දවස පුරාම ආමාශයට ජලය ලැබෙන්නට ඕනෑ. කෑම වේල් තුනට අමතරව ටික ටික දවස පුරාම ජලය පානය කරමින් ආමාශයට ජලය සැපයීම කළ යුතුයි. සාමාන්‍යයෙන් වැඩිහිටියෙක් දිනකට ජලය ලීටර් 3 අනිවාර්යයෙන්ම පානය කළ යුතුමයි. ආමාශය නිරන්තරයෙන්ම වියළීමකට ලක් නොවී තබාගැනීමට නම් ටික ටික ජලය පානය කිරීම වැදගත්. ගැස්ට්‍රයිටීස් රෝගයට හේතුකාරකයක් ලෙස නවතම සොයා ගැනීම වන්නේ හෙලිකෝබැක්ටෝ ෆයිලේරියා යන බැක්ටීරියාවයි.



අපිරිසිදුකම අත් නොසෝදා ආහාර අනුභව කිරීම කෑම පිසීමට අපිරිසිදු ජලය පාවිච්චි කිරීම, අපිරිසිදු ජලය පානය කිරීම නිසා මේ බැක්ටීරියාව ශරීර ගතවනවා. බුලත් කෑම නිසා හෙලිකෝබැක්ටෝ ෆයිලේරියාව ඇතිවෙනවා. බුලත් කන අයටයි මේ විෂබීජය තදට බලපාන්නේ. බුලත් කොටද්දී මෙන්ම පුවක් ගෙඩි පවා නොසෝදා භාවිතයට ගැනීම මෙයට හේතුවක්. සමහර විට පසු කාලයකදී බුලත් කෑමෙන් පිළිකා සෑදෙන්න ද පුළුවන්.


අපගේ දෛනික ජීවිතය අවුල් කරන ගැස්ට්‍රයිටීස් රෝගය අද ජනතාව අතර බහුලව දක්නට ලැබෙනවා. එයින් ඔබව මුදාගන්නටයි අපේ වෑයම. ඒ සඳහා අපට උපදෙස් දෙනු ලබන්නේ කොළඹ ජාතික රෝහලේ ආමාශයික සහ ආන්ත්‍රික රෝග පිළිබඳ ශෛල්‍ය වෛද්‍ය රනිල් ජයසේන වෛද්‍යතුමායි. ”ගැස්ට්‍රයිටීස්” ජානවලින් වත්, සුළඟින් වත්, වෛරසයක් ආසාදනයකින් වත් අපට වැළඳෙන රෝගයක් නොවේ. බොහෝ විට රෝගය වැළඳෙනවාට වඩා වැළඳ ගන්නවා යනුවෙන් පැවසුවොත් එහි වරදක් නැහැ.



අපගේ දෛනික ජීවන චක්‍රය තුළ අප ගන්නා ආහාර අපේ චර්යා රටා, කාර්යබහුලත්වය, මානසික ආතතිය වැනි දේ අපේ ජීවන රටාවට ආදේශ කිරීමෙන් අනවශ්‍ය ලෙස ගැස්ට්‍රයිටීස් අපේ ජීවිතයට බලහත්කාරයෙන් ඇදගැනීමක් ඇතිකරන බවක් තමයි වර්තමානයේ දක්නට ලැබෙන්නේ. එබැවින් මේ වද දෙන රෝගයෙන් මිදෙන්නට අපේ වෛද්‍යතුමා දෙන ඔවදන් ක්‍රියාත්මක කරන්නට උත්සාහ ගනිමු. එවිට ගැස්ට්‍රයිටීස් රෝගයට ඔබේ ජීවිතය අවුල් කරන්නට ඉඩ ප්‍රස්ථාව ලැබෙන එකක් නැහැ.


පිරිසිදු වතුර පානය “ගැස්ට්‍රයිටීස්” රෝගයෙන් මිදීමට පිළියමක් ද?
ඔව්, ජලය තුළින් ආමාශයේ නිපදවන හයිඩ්‍රොක්ලෝරික් අම්ලය තනුක වෙනවා. එපමණක් නොවෙයි ආමාශය නිතරම තෙත් ගතියෙන් තබන්නට ජලය අවශ්‍යයි. දිනකට වැඩිහිටියකුට ජලය ලීටර් 3 අත්‍යවශ්‍යයි. ගැස්ට්‍රයිටීස් රෝගීන් ජලය පානය කළ යුත්තේ ටිකෙන් ටික. විශේෂයෙන් එකවර ලීටරයක් පමණ බිමේදී ගැස්ට්‍රයිටීස් රෝගීන්ට දැඩි අපහසුතාවයන්ට මුහුණ දීමට සිදුවෙනවා. ආමාශයට වතුර පිරුණහම කපාට බුරුල් වෙලා ආමාශයේ නිපදවන හයිඩ්‍රොක්ලෝරික් අම්ලය වතුර සමඟ එක්වී කපාට හරහා ආපස්සට ගලනාලයට ගමන් කරනවා. එවිට ගල නාලයේ තුවාල සෑදෙන්නට පුළුවන්. වතුර එකවර ගොඩක් බිමෙන් ලෙඩේ වැඩිවෙන්න පුළුවන්.



ඕනෑම දෙයක් ශරීරයට ලබා ගැනීමේදී එය පාලනය කිරීම, අඩු වැඩි වීම වළක්වා ගැනීමට ශරීරය තුළ කි‍්‍රයාදාමයක් සක්‍රීයව ක්‍රියාත්මක වෙනවා. පාලනයකින් තොරව යමක් සිදුවුණොත් මේ සියල්ල සිරුර උරා ගන්නවා. එවිට අපට නොයෙකුත් ලෙඩ රෝග ඇතිවෙන්නටත් පුළුවන්. ස්වභාවධර්මයා විසින් සිරුර පාලනය කිරීමක් සිදුවන නිසා බිහිස්ස්‍රාවය ඉන්ද්‍රියයන් තුළින් අපද්‍රව්‍ය ඉවත් කෙරෙනවා. මම වෙදකම් කරන්නේ ආමාශ ආශි‍්‍රත රෝගයන්ට නිසා ආමාශ ආශි‍්‍රත රෝග පාලනයට ජලය ටික ටික ලීටර් 3 ක් දිනකට පානය කළ යුතුයි.
එයට හේතු කිහිපයක්ම තිබෙනවා. බඩවැල්වල සිදු කෙරෙන ක්‍රියාවලියට ජලය අවශ්‍යයි. එසේ නොවුණොත් අපට මළබද්ධය (බඩ වේලීම) ඇති වෙනවා. එය ප්‍රශ්නකාරී තත්ත්වයක්. පසුව අර්ශස්වලටත් හැරෙන්නට පුළුවන්. එවිට සැත්කම්වලටත් භාජනය කිරීම සිදු වෙනවා. ඒ නිසා බඩවැල්වල ක්‍රියාකාරීත්වය රැකගැනීමට නිතරම ටික ටික වතුර බොන්න කියලා මම උපදෙස් දෙන්නේ. මළපහවල සුමුදු බව රැකගන්නවා නම් මළ මාර්ගය ආශි‍්‍රත රෝගවලට මුහුණ දීමට සිදුවන්නේ නැහැ.



ආමාශගත රෝග නිවාරණ වෛද්‍යවරයෙක් ලෙස දිනකට වැඩිහිටියන්ට පමණක් නොව දරුවන්ටත් අවශ්‍ය ජලය ප්‍රමාණය පැවසිය හැකිද?

අපි පානය කරන ජලය ලේ වලට උරාගන්නවා. ඉතිරිය ආමාශයට ගමන් කරනවා. අනවශ්‍ය ප්‍රමාණය මුත්‍රා මගින් පිට කරනවා. සිරුරේ දෛනික ක්‍රියාවලියට අවශ්‍ය ජලය
අවුරුදු 1 1/2 දරුවෙකුට මි. ලී. 750 යි.
අවුරුදු 2 – 5 දක්වා ලීටර් 1 යි
අවුරුදු 10 – 12 දක්වා ලීටර් 1 1/2
අවුරුදු 16 – 20 දක්වා ලීටර් 2
අවුරුදු 20 සිට වැඩිහිටියකුට ලීටර් 3 යි
ආමාශගත රෝගවලට බලපාන කපාට බුරුල් වීමට හේතු කාරක තවත් තිබෙනවාද? ඔව්. චොක්ලට් වැනි දේ ආහාරයට ගත් විට මේ කපාට බුරුල් වී ගත් ආහාර උගුරට ඒමක් සිදු වෙනවා. ඇඹුල් ජාති හොඳ නැහැ. ඇඹුල්වල තිබෙන්නේ අම්ල. එවිට ආමාශයට අම්ල වැඩිවීමෙන් ඒකාග්‍රතාවය බිඳී තුවාල හැදෙන්නට බලනවා. ගැස්ට්‍රයිටීස් රෝගීන්ට චොක්ලට් සහ ඇඹුල් ජාති අගුණයි.


කිරි පිළිබඳව ඔබ දක්වන අදහස කුමක්ද?
කිරි විවාදාත්මකයි. කිරි කියන්නේ භෂ්මයක්. කිරිවලින් ආමාශයේ ආම්ලික ගතිය අඩු කරනවා. පානය කළ යුත්තේ සුදු කිරි පමණයි. තේ කහට සමඟ කිරි බීම හොඳ නැහැ. සාමාන්‍යයෙන් තේ කහට, කෝපිවල කැෆේන් තියනවා. කැෆේන් සහිත බීම ගැස්ට්‍රයිටීස් රෝගීන්ට හොඳ නැහැ. ඒ නිසා තේ කෝපිවලින් වළකිනවා නම් හොඳයි. සාමාන්‍ය අයට කිසිම ප්‍රශ්නයක් නැහැ. මම මේ කතා කරන්නේ ගැස්ට්‍රයිටීස් රෝගීන් ගැන පමණයි. කිරි සාමාන්‍ය ප්‍රමාණයකට බීවට කමක් නැහැ.



ඕනෑවට වඩා බොන්න එපා. එයට හේතුව කිරිවල කැල්සියම් අයත්ව තිබෙනවා. කැල්සියම් අයන්වලින් ගැස්ට්‍රීන් හෝර්මෝනය උත්තේජනය වන්නට ඉඩ තිබෙනවා. කිරි වීදුරු 2 – 3 බීවාට කමක් නැහැ. ඕනෑවට වඩා පානය කළොත් කැල්සියම් අයන් ප්‍රමාණය උත්තේජනය වන නිසා ලෙඩේ වැඩිවන්නත් පුළුවන්. යෝගට්, මුදවපු කිරි ගැස්ට්‍රයිටීස්වලට හොඳයි කියලා මතවාදයක් තිබෙනවා? යෝගට් හොඳයි. මුදවපු කිරිත් හොඳයි. නමුත් අපේ උදවිය මුදවාපු කිරි කන්නේ ප්‍රමාණවත් ලෙස නොවේ. කිරි වැඩි කියලා පැණි දාගන්නවා. පැණි වැඩි කියලා කිරි දාගන්නවා. අන්තිමට කිරි මුට්ටියක්ම කාලා ඉවරයි. ඕනෑවට වඩා කිරි කෑමේදී ආමාශයේ ශ්ලේෂ්මල පටල රතු වෙලා ඒකාග්‍රතාවය නැති වෙනවා. තුවාල ඇතිවන්නටත් පුළුවන්.


ගැස්ට්‍රයිටීස් අසාත්මිකතාව ඇතිවන්නට තුඩු දෙන ආහාර මොනවාද?

ඉස්සෝ දැල්ලෝ, කකුළුවෝ, සැමන්, තක්කාලි, අන්නාසි, ඇඹුල් වර්ග, චොකලට් මේ කිසිවක් ආහාරයට එක්කර ගන්න එපා. මේවා කෑමේදී “ගැස්ට්‍රයිටීස්” වැඩි වෙනවා.

තෙල් (මේදය) සහිත ආහාර ගැස්ට්‍රයිටීස් රෝගයට බලපානවද?

ඔව්. තෙල් අධික ලෙස භාවිතය ගැස්ට්‍රයිටීස් රෝගයට ආ වැඩීමක්. විශේෂයෙන් බැදුම්, තෙම්පරාදු කරපු ආහාර කෑමෙන් වළකින්න. තෙල්වල යම් කිසි ආහාර වර්ගයක් බැඳුනට පසුව “හයිඩ්‍රොකාබන්” නමැති රසායනික ද්‍රව්‍යයක් නිපදවෙනවා. මේ හයිඩ්‍රොකාබන් ආමාශයට අගුණයි. ආමාශයේ තුවාල පමණක් නොවෙයි පිළිකා පවා මේ හයිඩ්‍රොකාබන් නිසා ඇතිවන්නට පුළුවන්. විශේෂයෙන්ම තෙල් බැදුම් කෑම ගැස්ට්‍රයිටීස් රෝගීන්ට අගුණයි.


ආර්ථික වශයෙන් පීඩා විඳින ඇතැම් පවුල්වල ගෘහනියන් වරක් බැදපු තෙල් පරිස්සම් කරමින් දෙතුන් වතාවක් ඒ තෙල්වලින්ම කරවල, මාළු ආදිය බදිනවා. ඒ තරම් වස විසක් තවත් නැහැ. මේ හැදෙන රසායන ද්‍රව්‍ය දෙගුණයකින් තුන් ගුණයකින් වැඩි වෙනවා. මේවා පිළිකා කාරකයි. දුප්පත්කම අවියක් කරගෙන නිරපරාදේ ලෙඩ හදාගන්න එපා.
මූලාශ්‍රය
Code:
http://www.dinamina.lk/arogya/art.asp?id=2012/03/07/apg10_0
Reply With Quote
(#2)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up 06-05-2012, 10:40 AM

“ගැස්ට්‍රයිටීස්” හැදෙන්නේ මෙහෙමයි

ගෑස්ට්‍රික් අමාරුව අද දවසේ අප බොහෝ දෙනාගේ මුව තුළ රැව්දෙන වචනයක් වෙලා. ඇත්තටම මොකක්ද මේ “ගැස්ට්‍රික්” ? අද අපි ඒ ගැන කතා කරමු.
“ගෑස්ට්‍රික්” කියන්නේ වැරදි වචනයක්. වෛද්‍ය විද්‍යාවේ විස්තර කරන “ගැස්ට්‍රයිටිස්” Gastritis නමින් හඳුන්වන රෝග තත්ත්වය වැරැදි ලෙස උච්චාරණය වීම නිසා “ ගැස්ට්‍රයිටිස් “ “ගෑස්ට්‍රික් “ ලෙස ව්‍යාවහාරයට එකතු වී තිබෙනවා. මෙම “ ගැස්ට්‍රයිටිස් “ යන රෝගයෙන් විස්තර කරන්නේ මොකක්ද කියලා දැන් බලමු.



අප විසින් මුඛයෙන් ගන්නා ආහාරය කුසට ඇතුල් වී පළමුව රඳවා ගන්නේ “ ආමාශය” නම් වු මල්ලක් වැනි ඉඩකඩ සහිත ආහාර මාර්ගයේ ඇති ඉන්ද්‍රියයක් තුළයි. මේ ඉන්ද්‍රිය තුළ ඇති ආහාර දිරවීමට අවශ්‍ය අම්ලයක් ( හයිඩ්‍රොක්ලොරික් අම්ලය ) හා තවත් ආහාර දිරවන රසායනික සංයෝග කිහිපයක් ශ්‍රාවය වෙනවා.



ආමාශ බිත්තියෙ ඇති අභ්‍යන්තර පටලය මගින් මෙම අම්ලවලින් ආමාශයට සිදුකරන හානිය වලක්වනවා. නමුත් අප විසින්ම සිදුකරන ගනු ලබන ඉදිරියේදී සාකච්ඡා කරන නොයෙකුත් කරුණු කාරනා නිසා මේ ආරක්‍ක්‍ෂක ග්ලේෂ්මල පටලයට හානි වී ආමාශ බිත්තියේ ප්‍රදාහයක් (Inflammation) හෝ තුවාල වීමක් (Ulcer) සිදුවී ගැස්ට්‍රයිටිස් රෝගය ඇති වෙනවා.


“ගෑස්ට්‍රයිටිස් “ යන රෝගය ආමාශයේ ආබාධයක් නිසා ඇති වුනත් අපි එදිනෙදා ජීවිතයේදී කතා කරන මෙම මාතෘකාවට යෙදාගත් “ ගෑස්ට්‍රික්” ලෙස හඳුන්වන රෝග ලක්ෂණ එකතුව, අංශයට අමතරව, මුඛයේ සිට ආමාශයට ආහාර රැගෙන යන බටයේත් (අන්නසෝත්‍රය හෙවත් (Oesophagus) දිරවීමට පටන් ගත් අම්ල මිශ්‍ර වූ ආහාරය ආමාශයේ සිට ඉවතට ගමන් ගන්නා කුඩා බඩවැලේ පලමු කොටස වන ග්‍රහනියෙත් (Duodenum) ඇතිවන ප්‍රදාහයන් නිසා ඇතිවන බවත් සඳහන් කරන්න ඕන. රෝගියා විසින් විස්තර කරනු ලබන “ ගෑස්ට්‍රික් “ රෝග ලක්‍ෂණ අනුව, ඔහුගේ වෛද්‍යවරයා විසින් ආබාධයට පත්ව ඇත්තේ මෙයින් කුමන ස්ථානයද යන්න තීරණය කරනු ඇත.



රෝගයට හෝ රෝග ලක්‍ෂණවලට ලබා දෙන ඖෂධ ඒ ඒ අනුව වෙනස් වන බව දැනගත යුතු වෙනවා.මෙහිදී ඇතිවන රෝග ලක්ෂණ ගැන විස්තර කරනවා නම් වමනය, ඔක්කාර ගතිය බඩ පුරවා දැමීම, උගුරට බඩේ වාතය ගලා ඒම ආහාර කුඩා ප්‍රමාණයක් ගත්තද බඩ පිරුණු ස්වභාවයක් ඇති වීම.


බඩ දැවිල්ල පපුව දැවිල්ල ඒ අතරින් ප්‍රධාන වෙනවා. ඉතා සරල ආකාරයට මෙම රෝග ලක්ෂණ පවතින විට ආහාර රටාව වෙනස් කිරීම , ජීවන පුරුදු වෙනස් කිරීම සහ ෆාමසියකින් මිලදී ගත හැකි සමහර ඖෂධ මගින් පාලනය කළ හැකි වෙනවා.



නමුත් අධික ලෙස පවතින බඩේ වේදනාව, මල පහ සමඟ ලේ පිටවීම වමනය සමඟ රතුපාටට හෝ කලුපාටට ලේ පිටවීම, දිගටම පවතින පපුවේ දැවිල්ල, ශරීරයේ බර අඩුවීම, දැඩි ආහාර අරුචිය, දිගටම පවතින වමනය හෝ පාචනය වැනි රෝග ලක්ෂණ ඇතිවිට වහාම වෛද්‍යවරයකු හමුවිය යුතු වෙනවා.




මෙම රෝග සමූහයේ රෝග ලක්ෂණ ඇතිවන ආකාරය ගැන සලකා බලමු.
ඉතා ඉක්මනින් එහෙම නැතිනම් හදිසියේ රෝග ලක්ෂණ ඇතිවන්නේ ඔබ ගන්නා ඖෂධ ( විශේෂයෙන් ඇස්පි‍්‍රන් පවුලේ බෙහෙත් ) හා මත්පැන් පානය කිරීම නිසයි. කාලයක් තිස්සේ ගොඩනැගෙන රෝග ලක්ෂණ සඳහා මීට අමතරව H. Pylori නම් වූ බැක්ටීරියාවත්, කූඩා බඩවැල ආරම්භයේ ඇති “ පිත “ පසුපසට ඒ කියන්නේ ආමාශයට ආපසු ගලා ඒමත්, තව වෛරස් රෝග, අක්මාවේ වකුගඩුවේ රෝග ආදි නොයෙකුත් කාරනා නිසාත් ඇතිවන්න පුලුවන්.



ඔබට ගැස්ට්‍රයිටිස් රෝග ලක්ෂණ ඇති වූ හේතුව ඔබගේ වෛද්‍යවරයා සමඟ විශේෂයෙන් සාකච්ඡා කළ යුතු වෙනවා. රෝගය වැලක්විමේදීත් රෝගයට ප්‍රතිකාර ලබා ගැනීමේදීත් එය ඉතා වැදගත් වෙනවා. රෝගයට ගන්නා පෙති කරල් හපලා කහ පෙති ආදි ඖෂධ වලට අමතරව ආහාර පුරුදු හා ජීවන රටාව, වෙනස් කර ගැනීමත් මානසික ආතතිය අඩුකර ගැනීමත් ඉතා වැදගත් වෙනවා.


අපගේ ආහාර වෙලේ ඇති සමහර දෑ උදාහරණ ලෙස අධික තෙල්, කුලුබඩු අධික ලෙස යෙදු පොලොස් මස් වැනි ආහාර, ෂෝට්ඉට්ස් (short eats) ආහාර, පාන් හා පාන්පිටි ආහාර, තේ කහට , කෝපි ඇඹුල් කෙසෙල්, අච්චාරු වැනි අම්ලය වැනි ආහාර, අධික මිරිස් යෙදු ආහාර තෙල් සහිත මස් ‘ වර්ග‘ ඩෙවල් වැනි බයිට් වර්ග, chinese චයිනිස් රෙස්ටුරන්ට් වල ඇති ආහාර වර්ග , ආදි රෝග තත්ත්වය ඉතා උග්‍ර කරන අතර ආහාර පුරුදු ලෙස ඇති අධික ආහාර ප්‍රමාණයක් ගැනීම, ආහාර ගත් විගස නින්දට හෝ ඇඳට යාම, ශරීරයේ බර වැඩිවීම හෝ “ බඩ “ වැඩිවීම ඇඟට බඩට හිර කලිසම්, සාය වැනි ඇඳුම් ඇඳීමත් වැනි දේත් රෝග තත්ත්වය උග්‍ර කරනා දේවල් වනවා.




ඒ නිසා ඉහත ආහාරවලින් වැලකි සිටීමත්, ආහාර පුරුදු, මත්පැන් හා අදාළ ඖෂධවලින් වැලකි සිටීමත්, බත් , එලවලු , පලතුරු , මාලු වැනි ආහාර වලට පුරුදුවීමත් නිසි වෙලාවට ආහාර ගැනීමත්, අධික ලෙස නිරාහාරව නොසිටීමත්, මානසික ආතතිය අඩුකර ගැනීමත් වැනි දේ මගින් දැනටමත් මෙම රෝගයෙන් පෙළෙන ඔබට සහනයත්, අනාගතයේදී රෝගය සෑදෙන අයට රෝග වැලක්වීමකුත් ලැබෙනා බැව් සඳහන් කළ යුතු වෙනවා.
Reply With Quote
(#3)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up උදේට නැගිට්ටම පොළොවේ අඩිය තියන්න බැහැ - 06-05-2012, 10:42 AM




දැන් බොහෝ දෙනා ගැස්ට්‍රයිටීස් එහෙම නැත්නම් අම්ල පිත්තය නිසා කොයිවෙලේ බැලුවත් ඉන්නේ කටත් ඇඹුල් කරගෙන. ඔබ දන්නවාද? එසේ නැත්නම් ඔබ දැන සිටියාද? මේ රෝගය තුළින් අපගේ ලේවලට එකතුවන ආම්ලිකතාව නිසා අපට වෙනත් රෝගවලට ගොදුරු වන්නට සිදුවන බව. උදේ අවදි වුණු විගස කකුළ බිම තියන්න බැහැ. දණහිස් අමාරුව දණහිස් ඉදිමිලා. ටික වේලාවක් ඉඳගෙන හිටියාම ආයෙත් හරියනවා. මේ ආදී නොයෙකුත් රෝග ලක්ෂණවලින් ඔබ හෝ ඔබගේ ගෙදර කිසිවෙක් පීඩා විඳිනවා නම් ඔබට මේ ලිපිය කියවා බැලීම ඉතාම වැදගත් වනු ඇත. ඒ අනුව සන්ධිගතව ඇතිවන රෝග තත්ත්වයක් වන මේ පිළිබඳ අප සමඟ කරුණු කාරණා කතාබහට ලක් කළේ දේශීය පාරම්පරික වෛද්‍ය උදාර නිර්මාල් රණසිංහ වෛද්‍යතුමායි.





මේ රෝගය පිළිබඳව එහි ලක්ෂණ පිළිබඳ කෙටි හැඳින්වීමක් කළොත්?
අප නිසි දැනුවත්වීමක් නැති වූවත් බහුලව දැකගත හැකි රෝගයක් ලෙස හඳුන්වාදිය හැකියි. කාන්තාවන් අතර සුලබව දක්නට ලැබෙන මෙය ලේවල ආම්ලිකතාව බහුලවීම හේතුවෙන් එය අවසානයේදී ශරීරයේ අස්ථි පද්ධතියට සිදුකරන හානිය ලෙස සරලව හඳුන්වාදිය හැකියි. මෙවැනි රෝගීන් නිතර නගන මළසිවිල්ලක් වනුයේ උදේට නැගිට්ටාම අඩි දෙක තුනක් ඇවිදින්න බැහැ විලුඹ රිදෙනවා. එසේ නැත්නම් දණිස් රිදෙනවා බිම ඉඳගෙන ඉදලා නැගිටින්න බැහැ. හිරි ගතිය ආදියයි. නමුත් මේ සඳහා බොහෝ අත්බෙහෙත් වර්ග එසේත් නැත්නම් අස්ථි ශක්තිමත් කරන ආහාර වර්ග වලට යොමු වෙනවා. ස්ථිර පිළියමක් වගේම මේ සඳහා මුල්වන අපගේ දිනචර්යාවේ වැරදි අඩුපාඩු මොනවාද කියා සොයන්න පෙළඹෙන්නේ නැහැ.




මේ සඳහා මූලික වශයෙන් හේතුවන්නේ කුමන ආකාරයේ කරුණුද?
මීට මූලිකම හේතුව වෙලා තිබෙන්නේ අපි නියමිත පරිදි අපගේ ආහාරපාන නොගැනීමයි. අපගේ ආමාශය නියමිත වේලාවට නියමිත ප්‍රමාණයට ආහාර බලාපොරොත්තු වනවා. අපට කෙතරම් වැඩ තිබුණා වූවත් එසේත් නැත්නම් අපි කෙතරම් කාර්යබහුල වුණා කියලාවත් ශරීරය තමාගේ ක්‍රියාකාරිත්වය නතර කරන්නේ නැහැ. එනිසා අපි ආහාර ගන්නා තුරු ආමාශය බලාපොරොත්තුවෙන් ඉන්නවා. එහිදී නිසි වෙලාවට ආහාර නොගත් විට ආමාශයට උනන ආම්ලික යුෂය ආමාශයේ බිත්ති ජීර්ණය කරනවා. පසුව කුඩා අන්ත්‍ර මහා අන්ත්‍ර ඔස්සේ පහළට තල්ලු වන එම ආම්ලික ද්‍රව්‍ය අංගුලිකා මගින් ශරීරයට උරා ගන්නවා.
ආයුර්වේදයේ මේ ක්‍රියාවලිය රසය රක්තයට හැරවීම ලෙස හඳුන්වනවා. පසුව අපගේ ශරීරය ව්‍යායාමයට ලක්වන විට මෙම රුධිරය ශරීරය පුරා සංස්රණය වනවා. එහිදී වකුගඩු මෙන්ම දහඩිය මඟින් එම අම්ල ශරීරයෙන් බැහැර කළ ද ඉතිරිවන කොටස් යම් ලෙසක ශරීරය ක්‍රියාකාරී නොවන අවස්ථාවකදී සිරුරේ පහළතම කොටස්වල විළුඹ, දණහිස් මේ ආදී ස්ථානවල තැම්පත් වෙනවා. මේ ක්‍රියාවලිය දිගින් දිගටම සිදුවන විටදී අස්ථිවල පවතින කාට්ලේජවල තැම්පත් වී එම අස්ථිය විනාශ වනවා. මේ නිසා අස්ථි එකිනෙක ගැටීමට ලක් වෙනවා.
නිසි වේලාවට අදාළ ආහාරවේල හොඳින් නොගෙන කෘත්‍රිම කෙටි ආහාරවේල් කරා යොමුවීම නිසා අපට ආමාශය මඟින් හොඳ ප්‍රතිචාර බලාපොරොත්තු වෙන්න බැහැ.





මේ ආකාරයට බලන විට දිනකට අප ලබාගත යුතු ආහාරවේල් තුනෙන් එක වේලක්වත් අපි නියමිත පරිදි ලබා ගන්නේ නැහැ. සාමාන්‍යයෙන් උදෑසන ආහාරවේල රජෙක් වගේ ගත යුතුයි ලෙස නියමයක් පවතින්නේ රාත්‍රියට අපි සැහැල්ලු ආහාරයක් ගන්න නිසා ඒ අතර කාලසීමාවන් ආවරණය වන්නේ මේ උදෑසන ආහාර වේලෙන් කෙසේ වෙතත් මෙවැනි අත්වැරදි නිසා අපි මෙවැනි රෝගී බවට ගොදුරු වන්නේ නොදැනුවත්වමයි.




මේ රෝගයෙන් වැළකී සිටීමට අපට ගත හැකි ක්‍රියාමාර්ග මොනවාද?
ඉහත සඳහන් කළ පරිදි මෙවැනි රෝග සඳහා අප ලබාගන්නා ආහාරවේල නිසිපරිදි නියමිත පරිදි ලබා ගැනීම වැදගත්. ඒ වගේම දිනකට අවශ්‍ය කරන ජලය පානය කරනවා නම් වඩාත් සුදුසුයි. තවද ආයුර්වේද දින දර්ශනයට මේ ලොව මනුෂ්‍යයෙකුට ජීවත්විය හැකි හොඳම ආකාරය සඳහන්.



ඒ අනුව පුද්ගලයකු භ්‍රහ්ම මූර්තියෙන් එනම් පාන්දර 4 ට පමණ අවදි වෙනවා නම් එමඟින් ශරීරයේ නිරෝගීකමට අප නොදැනුවත්වම පරිසරයෙන් ලැබෙන දෑ බොහෝමයි. ඊට අමතරව කෘත්‍රිම ආහාරවලින් සියයට සීයක් වැළකී සිටීම වඩා නුවණට හුරුයි. ඒ අතරම අපගේ ආහාරයට එකතුවන ඇතැම් ආහාර වර්ග විශේෂයෙන් මාංශමය ආහාර වර්ග පිළිබඳ මේ වනවිට දෙවරක් සිතා බැලීමට පවා දැන් අපට සිදුවී ඇත. ඊට හේතුව ඒවා පවා දැන් ක්ෂණිකව ලබා ගන්නා දේවල් බවට පත්වෙලා.



එනිසා හැකි සෑමවිටම එදිනෙදා ගෙදර දොරේ, වත්තේ පිටියෙන් සොයා ගත හැකි ආහාර වෙත යොමුවීම වඩා වැදගත්. නිසි විවේකය ව්‍යායාමය වගේම නිසි විරේකයත් ශරීරයට අත්‍යවශ්‍යයි. ඒ වගේම අපගේ ශරීරයේ ප්‍රතිශක්තිකරණයේ සෑම දුර්වලකමකටම අද අපි පානය නොකරන සෑම වතුර බිංදුවක්ම වගකිව යුතුͺ වෙනවා. එනිසා ජලය නියමිත ප්‍රමාණයට පානය කිරීම ඉතාම වැදගත්. එහිදී අවම වශයෙන් අපි අවදිව ඉන්න සෑම පැයකටම වරක් ජලය අඬු කෝප්පයක් පමණ පානය කළහොත් දිනකට අවශ්‍ය කරන ජලය අපට ලබා ගත හැකියි.





අතීතයේ දී අපි අපගේ බත්වේල පිළියෙල කර ගත් විට අපට අවශ්‍ය කරන ව්‍යායාමය අපට ලැබුණා. නමුත් දැන් ඒ තත්ත්වය වෙනස්. ඒ නිසා ඊට සමානව අපගේ ශරීරයට අවශ්‍ය කරන නිසි ව්‍යායාමය මෙන්ම මානසික නිරවුල්භාවයද පවත්වා ගැනීම මේ සඳහා එක ලෙස වැදගත්.
Reply With Quote
(#4)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up බඩේ දැවිල්ල - 06-05-2012, 10:46 AM

ගැස්ට්‍රයිටිස්
ආහාර වේල් මග හැරීමෙන් ඇතිවන ලෙඩේ බඩේ දැවිල්ල




බඩේ දැවිල්ල’ ,බඩේ ගෑස්’, හෝ ගැස්ට්‍රයිටිස් නමින් සාමාන්‍ය ව්‍යවහාරයේ දි හැඳින්වෙන මෙම රෝගය බොහෝ දෙනාගේ ජිවිත සමග

තදින් බැදී පවති. මෙම රෝග තත්ත්වය සඳහා හේතු වනුයේ ආමාශයේ හා ග්‍රහණියේ ඇති වන්නා වු තුවාලයි. මේවා පෙප්ටික් වණ (peptic

ulcer) ලෙස හඳුන්වනු ලබයි.ආහාර මාර්ග නාලය ශ්ලේශ්මල ලෙස හැඳින්වෙන දියරමය පටලයකින් ආවරනය වී පවතී. සාමාන්‍ය තත්ත්ව

යටතේදි ආමාශයේ නිපදවන හයිඩ්‍රොක්ලෝරික් අම්ලයට මෙම ශ්ලේශ්මල පටලය ඔරොත්තුදෙයි. නමුත් විවිධ හේතු නිසා මෙම

හයිඩ්‍රොක්ලෝරික් අම්ලය ශ්ලේශ්මල පටලය සමඟ ගැටී තුවාල ඇති කරයි. මේවා පෙප්ටික් වණ’ ලෙස හඳුන්වයි.



පෙප්ටික් වණ වල ස්වභාවය

මේ අයුරින් ඇති වන්නා වු පෙප්ටික් වණ මුලික කොටස් 02 කට වර්ග කල හැක.

එනම්,

(01) තිව්‍ර වණ (Acute ulcers )


(02) නිදන්ගත වණ(Chronic ulcers)තීිව්‍ර වණ ප්‍රමාණයෙන් කුඩා වන අතර ඒවා ආමාශයේ හා ග්‍රහනියේ අභ්‍යන්තර පෘෂ්ඨයේ මතු පිට

දැක ගත හැකිය. මේවා සුව වීම සදහා සති තුනක් වැනි කෙටි කාලයක් ගත වෙයි.

නමුත් නිදන්ගත වණ ප්‍රමාණයෙන් විශාල වන අතර සංකිර්ණත්වයෙන්ද වැඩිය. මේවා වඩාත් ගැඹුරින් පිහිටා ඇති අතර සුව වීමට

දිගු කාලයක් ගතවේ.



රෝගය වැළදිමට බලපාන සාධක
1. සමහර පුද්ගලයන් තුළ දක්නට ලැබෙන ආමාශය සංකෝචනය විමේ වැඩි නැඔුරුතාවය. මේ නිසා ඔවුන්ගේ

හයිඩ්‍රොක්ලෝරික් අම්ල නිෂ්පාදනය වැඩි වීමෙන් හානි ඇතිවෙයි.


2. රුධිරයේ ඇති ආමාශයික අම්ල නිපදවීම උත්තේජනය කරන හෝමෝන සාන්ද්‍රණය ඉහළ යෑම. (මේ නිසා ආමාශයික

අම්ල නිෂ්පාදනය ඉහළ යයි.)


3. හයිඩ්‍රොක්ලෝරික් අම්ල ස්‍රාවය නිෂේධනය කරන්නා වු පොස්ටග්ලැන්ඩින් හෝමෝන සාන්ද්‍රණය අඩු වීම.


4. ඇස්ප්‍රින් වැනි ඖෂධ භාවිතය, හෝමෝන ඖෂධ භාවිතය, වේදනා නාශක භාවිතය. (මේවා ශ්ලේශ්මල පටලයට හානි

පමුණුවයි.)


5. මධ්‍යසාර භාවිතය.


6. ඇතැම් බැක්ටීරියාවන් උදා -: හෙලිකො බැක්ටර් පයිලෝරි
දුම්බොන පුද්ගලයන්ගේ තුවාල සුව වීමට වැඩි කාලයක් ගත වෙයි. මිට අමතරව මානසික ආතතියද මේ
රෝග තත්ත්වය කෙරෙහී බලපාන බව සොයා ගෙන ඇත. එමෙන්ම පුරුෂයන් මෙම රෝගයෙන් පෙළීමේ වැඩි
නැඔුරුතාවයක් දක්වයි. එසේම O රුධිර ගණය ඇති අයට රෝගය වැලඳිමේ ඉඩ-කඩ වැඩි බවද පෙනී යයි.



බඩේ දැවිල්ල නිසා ඇති වන අහිතකර බලපෑම්


(01) ආමාශයික හා ග්‍රහණිගත තුවාල වලින් රුධිරය වහනය විම.


(02) විශේෂයෙන්ම නිදන්ගත තුවාල පිපිරිමෙන් පරිතාන ප්‍රදාහය’ රෝග තත්ත්වය සෑදිම .


(03) ආමාශයේ හා ග්‍රහණියේ තුවාල සුව වු විට පටක ප්‍රතිස්ථාපනය වන්නේ තන්තුමය පටකයකින්ය.(Fibrosis)මෙම

තන්තුමය පටකය නිසා ආහාර මාර්ගයේ අවහිරතාවයන් ඇතිවීමට හැක.


(04) නිදන්ගත තුවාල කල් යැමේදි පිළිකා සෛල බවට පත් වීම.(විශේෂයෙන් නිදන් ගත තුවාල මත හෙලිකො බැක්ටර්

පයිලෝරි වැනි බැක්ටීරියාවන් ක්‍රියාකාරී වු විට පිළිකා සෑදිය හැක.)

ආහාර වේල් නිසි වේලාවට නොගැනිම හා ආහාර වේලාවන් අත පසු කිරිම රෝගයට බලපාන ආකාරය.


ආහාර වේල් නිසි වේලාවට නොගැනිම මේ රෝගයට එතරම් බල නොපායි. එහෙත් ආහාර වේල් අතපසු කිරීම එතරම් සුදුසු දෙයක් නොවෙයි.

ඊට හේතුව වන්නේ ආමාශය තුළට ස්‍රාවය වන හයිඩ්‍රොක්ලෝරික් උප ස්ථරයක් නැති විට ශ්ලේශ්මල පටලය හා ගැටීමෙන් හානි

පැමිණවීමයි.



මෙම රෝගය සඳහා ලබා දෙන ප්‍රතිකාර
· ආමාශයේ ආම්ලික ගතිය උදාසීන කරන ඇල්ඩියුරොක්ස් කාණ්ඩයට අයත් ඖෂධ වර්ග. : උදා --(Al(OH)3, Mg(OH)2 )

මෙමගින් තාවකාලික සහනයක් ලබා ගත හැක.


· බිස්මත් අඩංගු ඖෂධ.


· ඇම්පිසිලින් හා එරිත්‍රොමයසින් වැනි ප්‍රතිජීවක ඖෂධ වර්ග

පෙප්ටික් වණ’ රෝගයේ රෝග ලක්ෂණ

(01) උදරයේ දැවිල්ලක් වැනි වේදනාවක් ඇති විම. සමහර අයට මේ තත්ත්වය ඇති වනුයේ සමහර ආහාර වර්ග කෑමට

ගැනීමෙන් පසුවය.
උදා -: මිරිස් හෝ කුළුබඩු වැඩියෙන් යෙදු ආහාර.


(02) උදර කුහරය පිටතින් ස්පර්ශ කිරීමේදී වේදනාවක් ඇතිවීම.


(03) රාත්‍රී කාලයේදි නින්ද කැඩීම.


(04) වමනය, සෙම හෝ පිත පිටවීම.


(05) ලේ සහිත වමනය පිටවිම, රුධිරය සහිත කළු වර්ණ අසුචි පිටවීම. (රෝග තත්ත්වය උත්සන්න වු
Reply With Quote
(#5)
Old
Jenna's Avatar
Jenna Jenna is offline
Senior Member
Jenna is on a distinguished road
 
Posts: 261
Join Date: Jul 2008
Location: C:\
06-05-2012, 10:49 AM

sahenda wedagath reppp++
Reply With Quote
(#6)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up ගැස්ට්‍රයිටිස් - 06-05-2012, 10:49 AM

ගැස්ට්‍රයිටිස්




අද කාලයේ අපේ රටේ බහුලවම පවතින රෝගයක් ලෙස ගැස්ට්‍රයිටිස්


රෝගය හඳුන්වන්නට පුලුවනි. බොහෝ දෙනෙක් සුලු බඩේ දැවිල්ලකදී පවා ‛‛මට ගැස්ට්‍රයිටිස් ඇතැයි’’ කියනු ඔබටද අනන්තවත් ඇසී
ඇතුවාට සැක නැත. කෙසේ වෙතත් එලෙස බඩේ ඇතිවන සෑම රෝගී තත්ත්වයක්ම ගැස්ට්‍රයිටිස් රෝගයේ ලක්ෂණයක්ද?



ගැස්ට්‍රයිටිස්
රෝගය හඳුනාගන්නේ කොහොමද ?


මෙවැනි වැදගත් කරුණු රැසක් අනාවරණය කර ගැනීමට අප පලාලි යුධ හමුදා රෝහලේ ජ්‍යේෂ්ඨ



ලේඛකාධිකාරී වෛද්‍ය එච්.ආර්. තඹවිට මහතා හමුවුණා. මේ දිග හැරෙන්නේ අප මාණ්ඩලික වාර්තාකරු වෛද්‍ය තඹවිට හා ‛‛බඩ පපුව
පුච්චන’’ ලෙඩේ ගැන කළ හෙළිදරව්වයි.


මොකක්ද මේ ගැස්ට්‍රයිටිස් කියන්නේ ?

ගැස්ට්‍රයිටිස් ලෙස අප සාමාන්‍යයෙන් හදුන්වනු ලබන්නේ ආමාශයේ ඇතිවන වණ තත්ත්වයක්. මෙය සුලු තුවාලයක් විය හැකියි.



නැතහොත් ආමාශ බිත්ති ගැඹුරට තුවාල වී ඇතිවු තුවාලයක් වීමටද හැකියි. සමහර විට තාවකාලිකව ඇතිවන ගැස්ට්‍රයිටිස් තත්ත්වයන්ද
තිබෙනවා. මත් වතුර පානය දුම්පානය ආදිය නිසා ආමාශ බිත්තියේ තැනින් තැන තුවාල වීම නිසා ආදියෙන්ද මේ තත්ත්වයන් ඇතිවිය
හැකියි. මේ කුමන තත්ත්වයක් යටතේ හෝ ආමාශයේ ඇතිවන වණ, තුවාල තත්ත්වයක් සාමාන්‍යයෙන් ගැස්ට්‍රයිටිස් ලෙස අප හඳුන්වනවා.


ගැස්ට්‍රයිටිස් රෝගයේ රෝග ලක්ෂණ මොනවාද?

සමාජයේ බොහෝ දෙනා තමන්ට බඩේ ඇතිවන ඕනෑම අපහසුතාවයක් ගැස්ට්‍රයිටිස් ලෙස හැඳින්වීමට පුරුදුව සිටිනවා. නමුත්
මෙය 100% ක්ම සත්‍ය ප්‍රකාශයක් නොවෙයි. මෙහි රෝග ලක්ෂණ ප්‍රධාන කොටස් දෙකක් තිබෙනවා.

1. ආමාශයේ තුවාල නිසා ඇතිවන රෝග ලක්ෂණ

2. ග්‍රහණියේ තුවාල නිසා ඇතිවන රෝග ලක්ෂණ

ආමාශයේ හෝ ග්‍රහණියේ තුවාල ඇතිවීම නිසා පොදුවේ ඇතිවන රෝග ලක්ෂණ ලෙස, බඩ දැවිල්ල, කෑම අරුචිය නිතරම කටට
කෙළ ඉනීම, නිතරම පපුව දිගේ දැවිල්ලක් වැනි තත්ත්වයක් ඇතිවීම, කටට ඇඹුල් රසයක් දැනීම ආදිය ඇතිවීමට
පුලුවනි.එමෙන්ම සමහරුනට නිතරම බඩ පුරවා දැමු ගතියක් ඇතිවීමට පුලුවන. එමෙන්ම රාත්‍රී කාලයේදී ඇතැම් පුද්ගලයන්ට
මේ අපහසුතා නිසාම නින්දෙන් නිතරම අවදිවීමද දක්නට ලැබේ. මේ මුලික රෝග ලක්ෂණ ඇතැම් පුද්ගලයන්ට ටික කාලයකින්
නැති වී යාමට හෝ සමහරුනට දිගු කාලයක් පැවතීමට ඉඩ තිබෙනවා. උදාහරණක් විදිහට මත්පැන් පානය කිරීමක්, අච්චාරු හෝ
අධිකව මිරිස් යෙදු ආහාරයක් ගත් පුද්ගලයෙකුට මේ ගැස්ට්‍රයිටිස් ලක්ෂණ ඇති වී ටික දිනකින් එම ලක්ෂණ නැතිවී යාමට
පුළුවනි. නමුත්, මේ සාධක දිගු කාලයක් පැවතීම නිසා ඇතැම් පුද්ගලයන්ට දිගු කාලීනව මේ රෝග ලක්ෂණ පවතින්නත්
පුළුවන්.





ගැස්ට්‍රයිටිස් රෝගයේ රෝග ලක්ෂණ පෙන්වන වෙනත් රෝගාබාධ මොනවාද?


මෙම රෝග ලක්ෂණ පෙන්වන ප්‍රධාන රෝගාබාධ තුනක් හදුනාගත හැක. එනම්,

1. පිත්තාශයේ ඇතිවන සංකූලතා,
පිත්තාශයේ ගල් ඇතිවීම නිසා, ප්‍රදාහයන් නිසා ඇතිවන සංකූලතා

2. අග්න්‍යාශයේ ඇතිවන සංකූලතා

3. ඉහත ආකාර දෙකටම (02) වඩා භයානක තත්ත්වයක් වන්නේ ගැස්ට්‍රයිටිස් රෝගයේ රෝග ලක්ෂණ පෙන්වන පපුවේ ඇතිවන අපහසුතා/
අමාරු. මේ නිසා කෙනෙකුට දිගු කාලයක් සුව නොවන ගැස්ට්‍රයිටිස් තත්ත්වයක් පවතිනවා නම්, එහෙමත් නැතිනම් වෙනදාට වඩා
තමන්ගේ වේදනාව වැඩිනම් වහාම වෛද්‍යවරයකු හමුවී ප්‍රතිකාර ගැනීම ඉතාම වැදගත්. විශේෂයෙන් වයස අවුරුදු 40 ට වැඩි පුද්ගලයන්
මේ තත්ත්වයන්ට මුහුණ දෙන්නේ නම් ඒ පිළිබඳව වඩාත්ම සැළකිලිමත් විය යුතුයි.


ගැස්ට්‍රයිටිස් රෝගය විනිශ්චය කරගැනීම සඳහා පවතින පරීක්ෂණ මොනවාද?

මේ සඳහා විශේෂ පරීක්ෂණ අවශ්‍ය නැහැ. මුලින් සඳහන් කළ රෝග ලක්ෂණ ඇසුරෙන්ම, රෝගියා හා කතාබහ කර රෝගය
හදුනාගැනීමට හැකියාව තිබෙනවා. නමුත් මේ රෝග ලක්ෂණ ඇතිවන්නේ ගැස්ට්‍රයිටිස් රෝගය නිසාමද යන්න සැක සහිත
අවස්ථාවලදී ඒ සඳහා භාවිතා කළ හැකි පරීක්ෂණද පවතිනවා. ඒ අතර,


1. එන්ඩස්කොපි පරීක්ෂණය -

මුඛයෙන් විශේෂිත බටයක් ඇතුල් කිරීමෙන් ආමාශය පරීක්ෂා කර එමගින් ලබාගන්නා ඉතා කුඩා කොටස්

පරීක්ෂාවට ලක්කර නිසැකවම එහි ඇතිවී ඇති තුවාලයට හේතුව සොයාගත හැකියි. විශේෂයෙන්ම වැඩිහිටි වියේදී

ගැස්ට්‍රයිටිස් නිසා ආමාශයේ ඇතිවන තුවාල ඇතැම් විට පිළිකා තත්ත්වයක් වීමටද ඉඩකඩ පවතිනවා.


2Ultra Scanඅතිධ්වනි පරිලෝකන පරීක්ෂණය

3. ආමාශයේ ඇති ආම්ලිකතාවය මැනීමේ පරීක්ෂණ මගින්


ගැස්ට්‍රයිටිස් ඇතිවීමට බලපාන ප්‍රධාන හේතු මොනවාද?


මේ සඳහා විවිධාකාර හේතු බලපෑ හැකියි. මෙලෙස බලපාන හේතු ප්‍රධාන වශයෙන් කොටස් දෙකකට බෙදිය හැකියි.
1. පාරිසරිකව ඇතිවන හේතු
2. ශරීරයේ අභ්‍යන්තරයේ ඇතිවන හේතු

මෙයින් පාරිසරිකමය හේතු අතරට අප ගන්නා ආහාර විශේෂයෙන්ම අච්චාරු, අධික තුනපහ, මිරිස් අඩංගු ආහාර ගැනීම, එමෙන්ම
මත්වතුර, දුම්වැටි භාවිතා කිරීම ආදිය දැක්විය හැක. එමෙන්ම මානසික පීඩනය/ ආතතිය නිසා ආමාශ බිත්තිය යම් වෙනස්කම්වලට
දිගුකාලීනව භාජනය වී තුවාල ඇති විය හැකියි. ඊට අමතරව අද වන විට සොයාගෙන තිබෙන H-pylori නැමැති බැක්ටීරියා ආසාදනය නිසාද
ගැස්ට්‍රයිටිස් රෝගය ඇතිවිය හැකියි. ඊට අමතරව ඉතා සුලු වශයෙන් පාරම්පරිකවද මේ රෝග තත්ත්වය ඇති විය හැකි අවස්ථා තිබෙනවා.



ඇයි මෙච්චරම ගැස්ට්‍රයිටිස් වලට බිය?

මේ සඳහා බලපානු ලබන ප්‍රධානම හේතුවක් තමයි මේ රෝගය නිසා එදිනෙදා කටයුතු කරගෙන යාමට ඇති අපහසුතාවය. ඊට
අමතරව දිගු කාලයක් මේ රෝග තත්ත්වය පැවතීම නිසා ඇතිවිය හැකි සංකූලතා නැතහොත් අතුරු ආබාධ නිසාද මේ රෝගය
සම්බන්ධයෙන් දැඩි අවධානයක් යොමු කළ යුතුයි.


මේ අතුරු ආබාධ අතරින් ප්‍රධානම අතුරු ආබාධ අතර ගැස්ට්‍රයිටිස් රෝගය නිසා ඇතිවන තුවාල ආමාශ බිත්තිය සිදුරු කරගෙන
උදරයට විවෘත වීමට ඉඩ තිබීම දැක්විය හැකියි.


එවැනි විටෙකදී ශල්‍යකර්මයක් මගින් එය සුවකර ගත හැකියි.එමෙන්ම ශරීරයේ අභ්‍යන්තර අවයවයකට මේ තුවාල ගමන් කිරීම
නිසා එම අවයවයට හානි සිදුවීම, මෙම තුවාල නිසා අභ්‍යන්තරව රුධිරය වහනය වීම් සිදුවී එම රුධිරය මළපහ සමග පිටවීම. ඒ
නිසා රක්තහීනතාවය ඇතිවීමට ඉඩ තිබීම ආදියද අතුරු ආබාධ ලෙස දැක්විය හැකි අතර, ඇතැම් විට මෙම තුවාල නිසා විශාල
රුධිරවහනයක් සිදුවුවහොත් ජීවිතයට හානි සිදුවීම පවා විය හැකියි.


ඊට අමතරව මෙම තුවාල නිසා පිළිකා ඇතිවීමේ අවදානමක්ද පවතිනවා. තුවාල නිසා ආමාශයේ ඇතිවන කැළැල් නිසා ආමාශයේ
ඇති ආහාර ක්‍රමාකුංචනයෙන් ඉදිරියට ගමන් කිරීමට බාධා සිදුවිය හැකියි. ඒ නිසාම මේ රෝගය ආරම්භක අවස්ථාවේදීම නිසි
වෛද්‍ය ප්‍රතිකාර ලබාගෙන සුව කරගැනීම වැදගත්



මේ සඳහා පවතින ප්‍රතිකාර මොනවාද?


ප්‍රධාන වශයෙන් ආමාශයික වණ ඇතිවන හේතු හා ඒවා වළක්වා ගැනීමට ගත යුතු පියවර හඳුනාගත යුතුයි. විශේෂයෙන්ම අපගේ
ආහාර-පාන ගැනීමේදී ඇති අහිතකර / වැරදි පුරුදු අත්හැරිය යුතුයි. මානසික පීඩනය වැනි හිත, භාවය ආශ්‍රිත ගැටළු පවතී නම් ඊටද ප්‍රතිකාරද
ගත යුතුය. ඊට අමතරව ඇති වෛද්‍ය ප්‍රතිකාර ප්‍රධාන වශයෙන් කොටස් දෙකකට බෙදා දැක්විය හැකියි.


1. ශල්‍යකර්ම ආශ්‍රිත ප්‍රතිකාර
2. ඖෂධ ආශ්‍රිත ප්‍රතිකාර


මෙහිදී අතීතයේ නම් අනිවාර්යයෙන්ම ශල්‍යකර්මයක් අනුගමනය කළත්, අද පවතින ඖෂධ ප්‍රතිකාර මගින් රෝගය බොහෝ
දුරට සුවකර ගත හැක. මේ ඖෂධ වර්ග කිහිපයක් ඇති නිසා පුද්ගලයාගේ රෝගය නිශ්චය කර නිසි වෛද්‍ය උපදෙස් මත මේ
ඖෂධ ලබා ගත යුතුය.


එමෙන්ම ශල්‍යකර්ම ආශ්‍රිතව පවතින ප්‍රතිකාර කිරීමට සිදුවන අවස්ථා අද වන විට ඉතාමත්ම සීමා සහිත වී ඇත. වෛද්‍ය ප්‍රතිකාර මගින්
සුවකළ නොහැකි වූ විට හා සංකූලතා ඇතිවු විට මේ ශල්‍යමය ප්‍රතිකාර කරනු ලැබේ. ගැස්ට්‍රයිටිස් රෝගය දිගුකාලීන හේතු නිසා ඇතිවන්නක්
නිසාම රෝගය සුවකර ගැනීම සඳහාත් දිගුකාලීන ප්‍රතිකාර ගත යුතුය.


මේ නිසා වෛද්‍යවරයෙකුගේ අධීක්ෂණය යටතේ ප්‍රතිකාර ලබාගත යුතු අතර, නිතරම සායනවලට සහභාගි වීම හා තමාගේ ආහාර පුරුදු
යෝග්‍ය ලෙස වෙනස් කර ගැනීමද අනිවාර්යයෙන්ම කළ යුතුය. ආහාර ගැනීම ක්‍රමවත් චක්‍රයකට අනුව සිදු කළ යුතුය. විශේෂයෙන්ම
උදැසන ආහාරය නොවරදවාම නිසි වේලාවට ගැනීම ඉතාම වැදගත් වේ


Code:
http://wedananasala.org/sinhala/index.php?option=com_content&view=category&layout=blog&id=68&Itemid=77


.
Reply With Quote
(#7)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
Up නීරෝගි සිරුරක් පවත්වා ගෙන යෑමට නම්. - 06-05-2012, 10:51 AM

මිනිස් සිරුර ඉතා සංකීර්ණ එමෙන්ම පුදුමාකාර යන්ත්රයක් වැන්න. එහි පැවැත්ම හා වර්ධනය නිසියාකාරව පවත්වා ගෙන යෑම සඳහා දිනපතා ආහාර වේල් කීපයක් අවශ්ය වෙයි. මෙම යන්ත්රයේ ඇති සියලූම අවයවයන් හොඳින් හා නිවැරදිව ක්රියාත්මක වන්නේත්, කිසිම උපද්රවයකට ගොදුරු නොවී දිගු කලක් පවත්වා ගෙන යා හැක්කේත් එවිටය. විශේෂයෙන්ම නීරෝගි සිරුරක් පවත්වා ගෙන යෑමට නම්, විටමින් පදාර්ථයන් බහුල ආහාර වැඩි වැඩියෙන් ගත යුතුයි.

රට ඉඳි:
රෝගී හදවත් ඇති අයට රට ඉඳි ඉතා හොඳ ආහාරයක් මෙන්ම, ඕෂධයක් බව වෛද්ය මතවලින් හෙළි වෙයි. රට ඉඳි ඇට ඉවත් කොට, පොඩි කර ගැනීමෙන්, හොඳ පානයක් සාදා ගැනීමට පුළුවන. වෙහෙසකර ගතිය හා නහර දුර්වලත්වයටද රට ඉඳි පානය ගුණදායකය.

මී පැණි:
ඛනිජ සහ විටමින්වලින් බහුල මී පැණි, කාටත් ගුණදායක ඕෂධයක් බව වෛද්ය මතවලින් හෙළිවෙයි. මී පැණි ශරීර වර්ධනය සඳහාද උපකාරි වෙයි. එය විෂ බීජ නාශකයක් හැටියටද සලකනු ලැබේ. මී පැණිවලට සුදු ලූණු දමා පල්වන්නට හැර කෑමෙන්, හෘදයාබාධ බොහෝ දුරට අඩුකර ගත හැකි බවද කියති. කිරි සමග මීපැණි ගැනීම ශරීරයට ඉතා හිතකර බව වෛද්යවරු පවසති. දිනපතා මී පැණි ස්වල්පයක් ගැනීමෙන් ශරීරයේ තරබාරු ගතිය අඩු කර ගත හැකි යැයිද කියති.


ඇපැල්:
ඇපැල් එවැනි පලතුරකි. දිනපතා ඇපැල් ගෙඩියක් ආහාරයට ගැනීමෙන් වෛද්යවරුන් පලවා හැරීමට පුන්ථවන් බවට කියමනක් තිබේ. පෙක්ටින් :ඡැජඑසබ- සහ ෆයිබර් :ත්සඉරු කෙඳි සහිත ආහාර) පදාර්ථයන් බහුල ඇපල් ගෙඩිය රුධිර ධාවනය හොඳින් පවත්වා ගෙන යෑම උපකාරි වෙන බව කියවේ. ශරීරයේ ඇති කොලොස්ටරෝල් ප්රමාණය පාලනය කිරීමටද, ඇපල් ගෙඩියට හැකියාවක් ඇති බව වෛද්යවරු පවසති. ඇපල් ඒ, බී1, බී2, සහ සී යන විටමින්වලින් පිරි පලතුරක් බවද කියවේ. එපමණක් නොව, ඛනිජ :පසබැර්ක- බහුල පලතුරකි. දත් දිරා යෑම වළක්වා ගැනීමට ඇපල් ගෙඩිය හොඳම පලතුරක් බව වෛද්යවරු සඳහන් කරති.

ඉදුණු කෙසෙල් ගෙඩි:
ශරීරයට ඉතාමත් හිතකර පලතුරකි. පැණි රස කෑමවලින් (ලොසින්ජර් චොක්ලට් වැනි) මිදීමට වැඩි වැඩියෙන් ඉදුණු කෙසෙල් අනුභව කරන ලෙස සමහර වෛද්යවරු ඉල්ලා සිටිති. ඉදුණු කෙසෙල් ගෙඩියක කැලොරි 94 ක් පමණ අඩංගු වන බව ඔවුහු කියති.

බටර් මිල්ක්:
බටර් මිල්ක් නොහොත් මෝරු ශරීරයට ඉතා හිතකර පානයක් වුවද, බොහෝ දෙනෙකු මෝරු බීමට කැමැත්තක් නොදක්වන බව පෙනේ. ලැක්ටික් අම්ලය :ඛ්ජඑසජ ්ජසා- සහ යීස්ට් :ශැ්ිඑ- බහුල මෝරු, මුත්ර පිරිසිදු කිරීමට පමණක් නොව, හොඳින් පෙරීමටද උපකාරි වන බව කියවේ. කෑම දිරවීමට බෙහෙවින්ම උපකාරි වන මෝරු ශරීරය තුළ ඇති සෛල :ක්ැකක- පද්ධතිය ඉතා හොඳින් ක්රියා කිරීමට උපකාරි වෙන බවද කියවේ.

ගෝවා:
ගෝවා ශරීර යන්ත්රය ක්රියා කිරීම සඳහා බොහෝ උපකාරි වන එළවළුවකි. විටමින් ඒ, බී, සී වලින් යුක්ත ගෝවා කැල්සියම් සහ යකඩ වලින්ද යුක්තය. මළබද්ධය ඇති නොවීම සඳහා වැඩි වැඩියෙන් ගෝවා පාවිච්චි කරන ලෙසද වෛද්යවරු උපදෙස් දෙති. ගෝවාද කෙදි සහිත එළවළුවකි.

චීස්:
ප්රෝටීන් වැඩියෙන්ම බහුල ආහාරයක් හැටියට චීස් හඳුන්වනු ලැබේ. විටමින් ඒ සහ බී වලින් යුත් චීස් කැල්සියම් සහ සින්ක් :න්සබජ- වලින් යුක්තය. දත් සහ ඇට මිදුලූ වැඩීමට හා ශක්ති සම්පන්න වීමට චීස් බෙහෙවින්ම උපකාරි වන බව වෛද්යවරු පවසති.

බිත්තර:
හදවත් රෝගීන්ට බිත්තර ගුණ කෑමක් නොවේ. එහෙත් වැඩෙන දරුවන්ගේ යකඩ ප්රමාණය වැඩි කර ගැනීම සඳහා බිත්තර කහ මදය බෙහෙවින්ම උපකාරි වන බව වෛද්යවරු මත පළ කරති. ප්රෝටීන්, යකඩ, මේදය හා කැල්සියම්වලින් යුත් බිත්තරය, ඒ.බී.ඩී. යන විටමින්වලින්ද යුක්තය. කෙසේ වෙතත් කොලොස්ටරෝල් බහුලව ඇති අය බිත්තර ගැනීමෙන් වැළකී සිටිය යුතු යැයි වෛද්යවරු හැම විටකම අවවාද කර සිටිති.

සුදු ලූණු:
සුදු ලූණු අනුභව කිරීමට බොහෝ දෙනෙකු මැළිවෙන්නේ කෑමෙන් පසු කටින් පිටවෙන දුර්ගන්ධය හේතුවෙනි. එසේ වුවද, සුදු ලූණු ශරීරයට ඉතා හිතකර ඕෂධයකි. බෝවන රෝග වළකා ලන ඕෂධීය ගුණයක් සුදු ලූණු ගෙඩියේ ගැබ් වී ඇතැයි වෛද්යවරු මත පළ කරති. රුධිර ධාවනය ඉතා හොදින් පවත්වා ගැනීමට සුදු ලූණු උපකාරි වෙයි. හමේබිරිස්සාව, පීනස, කැස්ස ආදි රෝගයන්ටද සුදු ලූණු ගුණදායකය.

දොඩම්:
විටමින් C වලින් පිරී ඇති දොඩම්, ශරීරයේ වර්ධනයට තදින්ම බලපාන පළතුරු වර්ගයකි. ශක්ති සම්පන්න දත් පෙළක් හා පිරිසිදු හමක් ඇති කර ගැනීම සඳහා දිනපතා දොඩම් වීදුරුවක් බීමට අමතක නොකරන මෙන් වෛද්යවරු ඉල්ලා සිටිති. දොඩම් යුෂ, විෂ බීජ මර්දනය කරන්නක් බවද ඔවුහු සඳහන් කරති.

සෝයා බීන්ස්:
ප්රෝටීන් බහුල සෝයා බීන්ස් බොහෝ දෙනෙකු විසින් ප්රයෝජනයට ගනු ලබන්නේ මස් වෙනුවටය. කොලොස්ටරෝල් අඩංගු නැති සෝයා බීන්ස් ග්රෑම් සියයක ක්ලෝරිස් 88 ක් අඩංගු බව කියති.

යෝගට්:
යෝගට් මිනිස් ශරීරයට ඉතා හිතකර ආහාරයක් බව වෛද්යවරුන්ගේ මතයයි. මස් පිඬු වේදනා සමනය කළ හැකි ගුණයක්ද යෝගට් ද්රාවයේ තිබේ. එපමණක් නොව,රුධිරය පිරිසිදු කිරීමේ බලයක්ද යෝගට් සතුව ඇත.


අබ්දුල් මජීඩ් මහත්මයාගෙ ලිපියකිනි.
Reply With Quote
(#8)
Old
sirajstc's Avatar
sirajstc sirajstc is offline
Senior Member
sirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of lightsirajstc is a glorious beacon of light
 
Posts: 56,984
Join Date: Apr 2008
Location: ~*~CeYLoN..~*~
Send a message via Skype™ to sirajstc
06-05-2012, 10:53 AM

Keep In Touch
Reply With Quote
(#9)
Old
Captain Arjun!!!!!'s Avatar
Captain Arjun!!!!! Captain Arjun!!!!! is offline
Senior Member
Captain Arjun!!!!! is a jewel in the roughCaptain Arjun!!!!! is a jewel in the roughCaptain Arjun!!!!! is a jewel in the roughCaptain Arjun!!!!! is a jewel in the roughCaptain Arjun!!!!! is a jewel in the roughCaptain Arjun!!!!! is a jewel in the roughCaptain Arjun!!!!! is a jewel in the rough
 
Posts: 6,161
Join Date: Apr 2011
06-05-2012, 12:08 PM

jio jio elama thamai
Reply With Quote
(#10)
Old
RaZor_911's Avatar
RaZor_911 RaZor_911 is offline
Senior Member
RaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to allRaZor_911 is a name known to all
 
Posts: 11,737
Join Date: Jul 2011
Location: Unknown
06-05-2012, 01:01 PM

Godak wadagath macho
Thanks for sharing +2
Reply With Quote
Reply

Bookmarks

Tags
ask allah shifa, billah, health, la hawla wala, quwwatha illa

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Copyright © 2006 - 2011 ElaKiri™ Beta2.Evo vBulletin, vBa iBproArcade Subdreamer I-Magic MKv

Page generated in 0.12996 seconds with 10 queries