ElaKiri Community
Downloads
Go Back   ElaKiri Community > ElaKiri Traveler > Travel Sri Lanka
Reload this Page යක්කුන්ගේ හෙළ - The line of life & death
Reply
 
Thread Tools
(#1)
Old
Dodo Mahaththaya's Avatar
Dodo Mahaththaya Dodo Mahaththaya is offline
Senior Member
Dodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant future
 
Posts: 12,020
Join Date: Jun 2017
Location: Planet Earth
Oh! යක්කුන්ගේ හෙළ - The line between life & death - 10-16-2019, 12:21 AM

යක්කුන්ගේ හෙළ - The line between life & death

ආයුබෝවන් අපේ එළකිරි සාමාජිකයන්ට....

අදත් සංචාරක නූලක් තමා අරගෙන ආවේ.සියල්ලටම කලින් කරුණු කිහිපයක් ගැන කියන්නම්.

මේ ගමන තුලදී අපි මුහුණ දීපු සිදුවීම්, අපි ක්‍රියා කරපු අයුරු, අපි ගත්තු තීරණයන්, අපි අත්විඳපු මානසික තත්වයන් සියල්ලත් එක්ක අවසානයේ ගමනේ අත්දැකීම් ගැන දෙවෙනි පාර්ශවයක් විදිහට ඔයාලා ඉදිරිපත් කරන ඕනෑම අදහසක්,
එකඟ වීමක් හෝ නොවීමක්,විවේචනයක් මේ සියල්ල නිහතමානිව බාර ගන්නවා.

එළකිරියේ මම ලියපු බොහොමයක් ට්‍රැවල් ත්‍රෙඩ් වල මම කියල ඇති සංචාර තුලින්ම මට හම්බුනු මගේ දකුණේ මිත්‍රයා ගැන.
මේ ගමන ගියේ අපි දෙන්නා. අපි දෙන්නා විතරයි.
නමුත් අපේ සැලසුම වුනේ ගමනේ අතරමගින් තවත් යාළුවන් කිහිප දෙනෙක් අපිත් එක්ක සම්බන්ධ කරගෙන දවස් 10 විතර දීර්ඝ ගමනක්.
නමුත් බලාපොරොත්තු නොවුණු විදිහට අපි දෙන්නා ගමන දවස් 03 අත්හැර දමන්න තීරණය කළා.
අපි මේ ගමන ගියේ මේ අවුරුද්දේ අප්‍රේල් නිවාඩු කාලේ.ගමනාන්තය වුනේ නකල්ස් වනාන්තරය.
අපේ දල සැලැස්ම උනේ මේ පිළිවෙලට.

හුළුගඟ - යක්කුන්ගේ හෙළ - යක්කුන්ගේ ගල - කුඩාඔය හරහා වැද්දහෙන - දුවිලි ඇලි - කළුපහන - මීමුරේ.
ගමනේ අවසන් දින 04 අපි වෙන් කලේ කළුපහන තුන්හිස්ගල හරහා මීමුරේට බහින්න.අපේ අනෙත් සගයෝ අපි එක්ක සම්බන්ධ වෙන්න උන්නේ ඔතනට.
නමුත් යක්කුන්ගේ හෙළ උඩින් අපිට සිද්ධ වුනා ගමන අතහරින්න.අන්න ඒ සිදුවීම් පෙළ ගැනයි මම මේ නූලෙන් කියන්න යන්නේ.

අවුරුදු කිහිපයක ඉඳල අපි දෙන්න හිතාගෙන හිටියා දවස් 05, 06 ට වඩා දීර්ඝ ගමනක් යන්න.ඉතින් ඒ අනුව තමයි මේ ගමන යමු කියල කතා වුනේ.
යක්කුන්ගේ හෙළ කඳු වැටිය නැගල කන්දේ අනෙක් පසින් දුම්බර වනාන්තරයට ඇතුළු වෙලා කැලේ කෙනෙක් ලේසියෙන් නොයන මංපෙතක් ඔස්සේ දුවිලි නිම්නයට යන එක තමා අපේ අරමුණ වුනේ.
දුම්බර ය ගැන තරමක හරි අවබෝධයක් තියෙන, මම මේ කියන ඉසව්ව කලින් දැකපු මනුස්සයෙක් ඔලුවේ අත ගහගන්න ජාතියේ තීරණයක් ඒක.
ඒ යෝජනාව ස්ථීර කර ගන්න කලින් අපිට සෑහෙන තරමක් සිතියම් සහ කරුණු කාරනා එක්ක ඔට්ටු වෙන්න සිද්ධ වුනා අපේ ගමන් මග නිවැරදිව තෝර ගන්න.

ගමනේ මුලිකම සහ අමාරුම කාර්යය වුනේ මේ කියන යක්කුන්ගේ හෙළ පහලට බහින එක.
යක්කුන්ගේ හෙළ මොකක්ද කියන එක මේ පහල පින්තුරෙන් කෙනෙකුට අවබෝධ කර ගන්න පුළුවන්.
මේ පින්තුරේ මම ගත්තේ කළුපහන තුන්හිස්ගල මුදුනේ ඉඳල.


ඔය මැදින් තියෙන කන්දේ බෑවුම තමා යක්කුන්ගේ හෙළ.පහල පොඩියට තියෙන්නේ යක්කුන්ගේ ගල.

ඒක වචනයේ පරිසමාප්තියෙන්ම තියුණු මරණීය ප්‍රපාතයක්.මීටර් 1600 ට වඩා උසක ඉඳල 1200 වෙනකම්, මුදුනේ ඉඳල පොලවට සිරස් අතට අංශක 40 - 45 කෝණයක ආනතියකින් පහලට තියුණු නෙරුම් ඔස්සේ ගල් පර්වත, සහ බෑවුමේ වැවුණු වනාන්තර කොටසින් යුක්ත ලොකු ප්‍රපාතයක්.
මේක අතිශයින් අමාරු කාර්යක් බව අවබෝධයෙන් ගිය ගමනක්.නමුත් අපිට යම් තැනක වැරදුනා.




මේ calculation ටික කලේ මෙට්‍රික් සිතියමත්, terrain සිතියමත් මේ පින්තුරයත් ආධාර කරගෙන.තාක්ෂණික වශයෙන් මේ දුරවල් වල ලොකු වෙනසක් නැහැ.


සාමාන්‍යයෙන් දවස් 3,4 වඩා වැඩියෙන් යන ගමනක් නිසා වැඩිපුර බඩුමුට්ටු එක්ක බොහොම බර ගමන් මල්ලක් එල්ලගෙන යන්න සිද්ධ වුනා.
වත්තේගම හරහා හුළුගඟ ට ඇවිත් එතනින් අලකොලේ වතු යාය ඔස්සේ තමයි යක්කුන්ගේ හෙළ නගින්න තියෙන්නේ.
නකල්ස් වල උසින් වැඩිම කඳු මුදුන වෙන ගොම්බානිය නගින්නෙත් මේ කියන අලකොලේ වතුයාය හරහාමයි.
යක්කුන්ගේ හෙළ පිහිටලා තියෙන්නේ ගොම්බානිය කඳු මුදුනට ඉදිරියෙන්.කන්දේ මුදුනට වෙන්නට හැරෙන්නට ඉතිරි මුළු බිම්කඩම වැහිලා තියෙන්නේ ඝනව වැවුණු බට පඳුරු සහ කුරු ගස් වලින්.
බට පඳුරු අතරින් ගමන හිතපු තරම් පහසු වුනේ නැහැ වගේම කන්දේ ඒකාකාරී ආනතිය නිසා ගොඩක් ඉහලට යනකම් කඳු මුදුන පේන්නේ නැහැ.
ඒ වගේම තමයි මුදුනට යද්දී කන්දේ දකුණු පසින් පිහිටලා තියෙන ( බොරු කන්ද / Falls peak ) අවශේෂ කන්ද යක්කුන්ගේ හෙලට සමාන නිසා මංමුලා වෙන්න තියෙන ඉඩකඩ වැඩියි.
කිහිප විටක්ම අපි නැවතිලා අපි යන දිශාව ගැන සැලකිලිමත් වෙලා කන්දේ මුදුන පැහැදිලිව දකින්න ගස් උඩට නගිමින් ගමන් කලේ.
අපේ ගමන ගොඩක්ම අමාරු කලේ අපේ බර ගමන් මලු.


අලකොලේ වතුයායේ කෙලවරට පෙනෙන ගොම්බානිය කඳු මුදුන




ඔය ඉස්සරහින් පෙනෙන කඳු වැටිය තමා යක්කුන්ගේ හෙළ.








වතුයායේ කෙලවරින් පස්සේ කිසිම මංපෙතක් නැති වනය. එතන ඉඳල සීරුවෙන් ආනතිය දිගේ කන්ද මුදුනට ගියා.සමහර තැන් වල ගස් උඩට නැග්ගේ ගමන් කරන්න පහසු බට ගාල් නැති ඉසව්වක් හොයන්න.


මේ පින්තුරේ පේන්නේ බොරු කන්දේ ( falls peak ) මුදුන.ඔය නම දැම්මේ අපිට කලින් ගියපු සංචාරක මිත්‍රයෝ කට්ටිය. මෙතනට ගියොත් ආපහු මුදුනේ ඉඳල යකුන්ගේ හෙලට ලොකු බට ගාලක් මැදින් එන්න වෙනවා.




ඔය මීදුම් රැල්ලෙන් වැහිලා තියෙන්නේ බොරු කන්දේ ( falls peak ) මුදුන.


අපි කඳු මුදුන හරියටම දැක්කේ මෙතැනදී.අපි උඩට ඇවිත් තිබුනේ බොරු කන්දයි, යක්කුන්ගේ හෙලයි අතරින්.


අපි කන්දේ මුදුනට ආවට පස්සේ කරපු මුල්ම දේ තමයි කඳවුරකට සුදුසු තැනක් හොයා ගන්න එක.
කන්ද මුදුනේ පොඩි ගස් වදුලකින් වටවුණු පොඩි බිමක් දකින්න ලැබුනේ ඔය අවස්ථාවේ.
එතන බොහෝ දුරට වල් ඌරො හරි කොටියෝ හරි ලැගපු නිසා පඳුරු ඔක්කොම එළිවෙලා බිම හොඳට සුද්ද වෙලා තිබුණු නිසා අපි එතන තෝර ගත්තා.
ඊට පස්සේ අපි කලේ කන්දේ එහා කොනට වෙනකම් ඇවිදලා අවට දර්ශන බලන ගමන්ම අපේ හෙට දවසට සුදුසු බෑවුම මොකක්ද කියන දේ ගැන නිරීක්ෂණය කරපු එක.


යක්කුන්ගේ හෙලට අවතීර්ණ වීමේ සතුට..




යක්කුන්ගේ හෙල..


ඔය පෙනෙන්නේ ගොම්බානිය. ඕක තියෙන්නේ යක්කුන්ගේ හෙලට පිටුපසින්.


කැලේ සත්තු විසින් වන ගොමුව මැද්දේ හදල තිබුණු ස්වභාවික ආවරණය. අපි කුඩාරම් අටවන්න මෙතන තෝර ගත්තේ සීතල හුළඟ, වැස්සෙන් ආවරණය වෙන්න.ඇත්තටම එතන හොඳ ආරක්‍ෂිත තැනක්.

ඒ වගේම වඩාත් වැදගත්ම කාරණයක් උනේ වතුර.
අපි කලින් ගියපු සංචාරකයන්ගෙන් දැන ගත්තු විදිහට යක්කුන්ගේ හෙළ මුදුනේ ඉඳල පොඩි දිය සීරාවල් ගලාගෙන යන නිසා වතුර ගැන අපි ලොකුවට වද වුනේ නැහැ.
නමුත් ඒක සම්පුර්ණයෙන්ම වැරදි විනිශ්චයක්.
අපි බොහොම අමාරුවෙන් කැලේ පීරගෙන කන්දේ මුදුනට යද්දී හවස 2 විතර ඇති.ඒ වෙද්දී අපේ වතුර කියල ඉතුරු වුනේ උගුරු 4,5 විතරයි.
කන්ද උඩ සියලුම වතුර සීරාවල් හිඳිලා.
ඒ නිසා අපි තීරණය කළා එදා රාත්‍රිය වතුර නැතුව ඉන්න.හවස අපි ගෙනියපු කෑම සහ බිස්කට් කාලා එක වතුර උගුරකින් සෑහීමකට පත් වෙන්න සිද්ධ වුනා.

ඔය විදිහට ඉතාම දුෂ්කර වෑයමකින් කන්ද මුදුනට නැගගත් අවට දර්ශනය නිසා ඒ වෙහෙස පහසුවෙන් අමතක වුනා.
යක්කුන්ගේ හෙලට දුම්බරයේ විශාල කොටසක් පේනවා.
ගොම්බානිය, හුන්නස්ගිරි කන්ද, සෙල්ව කන්ද සහ රත්නගිරිය එක පසෙකිනුත්,නකල්ස් කඳු 05, අළුගල් කන්ද, තුන්හිස්ගල, ලකේගල කොටසක්, වමාරපුගල,
දුවිලි ඇලි නිම්නය, මානිගල, ඇටන්වල, සිට රිවස්ටන් දක්වාත් පේනවා.
ඒ වගේම සුදුගල නිම්නයේ කොටසක්, ලාහුමානගල, රත්මීටිය කඳුත්, ඈතින් මොරගහකන්ද ජලාශත් පේනවා.




යක්කුන්ගේ හෙලේ එලියට පිහිටලා තියෙන තියුණු නෙරුම් සහිත බෑවුම.








කුරු ගස් වල මුදුන් දළු රතු පාටින් ලස්සන දර්ශනයක් මවා පානවා





කළුපහන තුන්හිස්ගල සහ මීමුරේ ලකේගල කොටසක්.


ඈතින් නකල්ස් කඳු 05 සහ මැදින් රිලාගල, සෙල්වකන්ද සහ ගෝනගිය ඇල්ලේ නිම්නය. රත්නගිරිය තියෙන්නේ ඔය නිම්නයට මෙපිටින්.






ගිනිකෙලියා පතන සහ දුවිලි නිම්නය


ඔය දුවිලි නිම්නයට උඩින් තියෙන්නේ වමාරපුගල. ඊට පිටිපස්සෙන් පේන්නෙ මීමුරේ ලකේගල කොටසක්.



Last edited by Dodo Mahaththaya; 10-16-2019 at 10:43 AM.
Reply With Quote
(#2)
Old
Dodo Mahaththaya's Avatar
Dodo Mahaththaya Dodo Mahaththaya is offline
Senior Member
Dodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant future
 
Posts: 12,020
Join Date: Jun 2017
Location: Planet Earth
10-16-2019, 12:21 AM













නකල්ස් මුදුන් 05 සහ අළුගල් කන්ද







ඔය පහලින් පොඩි පාන් රාත්තලක් වගේ තියෙන්නේ යක්කුන්ගේ ගල. අපේ අරමුණ ඕකට බහින එක.


මල්කිරිගොඩ කපොල්ල, මානිගල, වල්පොලමුල්ල ඈතින් රිවස්ටන් දක්වා ලොකු පරාසයක් පෙනුනා.







කඳු මුදුන් වල සැරිසරන රාජාලියෙක්...පින්තුරේ නම් බොඳ උනා.





ඔය මොල්ලි දෙකක් වගේ තියෙන්නේ සුදුගල.එතන පහලින් තියෙන්නේ සුදුගල නිම්නය. කුඩා ඔය යන්නේ ඔය නිම්න භුමිය මැදින්.









යක්කුන්ගේ හෙලේ පහල කොටස.ගොම්බානිය උඩට මේ කොටස හරි අපුරුවට පේනවා...

......//......


( මේ පින්තුරේ මම ෆේස්බුක් එකෙන් ගත්තේ ඔයාලට පෙන්නන්න.මේ ගොම්බානියේ ඉඳල යක්කුන්ගේ හෙළ පෙනෙන විදිහ.ඔය උසින් වැඩි කොටස යක්කුන්ගේ හෙලේ මුදුන, පහලින් තියෙන්න මම කිව්ව පහල කොටස. ඔය මැද්දෙන් යන්නේ සුදුගල ට පහලින් ගලාගෙන යන කුඩා ඔය )

......//......









ඔය විදිහට කන්දේ එහා කොනට වෙනකම් ඇවිදලා අවට සිරි නැරඹුවා.

අපේ ඊළඟ සැලසුම වුනු යක්කුන්ගේ ගල බොහොම පොඩියට යක්කුන්ගේ හෙලට පහලින් අපි දිහා බලාගෙන ඉන්නවා වගේ තමයි අපට දැනුනේ.
අපි ඊළඟට කලේ කන්දේ අපි බහින්න තීරණය කරගෙන ඉන්නේ ඉදිරිපස මුහුණතින් පහලට විහිදුනු සෑම නෙරුමක් ම පරික්ෂා කිරීම.
මෙතැනදී අපි සමහර නෙරුම් වලින් පහලට මීටර් 40,50 විතර බැහැල වඩාත් බෑවුම අඩු නෙරුම තෝරා ගත්තා, පහුවෙනිදට කාලය ඉතුරු කර ගන්න.


අපි හෙට දවසට පහලට බහින්න සුදුසු කියල තෝර ගත්තේ මේ දාරය ඔස්සේ.


ආපහු සැරයක් අපි යක්කුන්ගේ ගල දිහා හැරිලා බැලුවා.

Last edited by Dodo Mahaththaya; 10-16-2019 at 12:36 AM.
Reply With Quote
(#3)
Old
Dodo Mahaththaya's Avatar
Dodo Mahaththaya Dodo Mahaththaya is offline
Senior Member
Dodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant futureDodo Mahaththaya has a brilliant future
 
Posts: 12,020
Join Date: Jun 2017
Location: Planet Earth
10-16-2019, 12:22 AM

ඊට පස්සේ අපි කුඩාරම අටවගෙන කුඩාරම් රෙද්ද එළියේ පඳුරු අතරින් ගැට ගැහුවා. අපි එහෙම කලේ හදිසියේ රාත්‍රියේ වැස්සොත් හෝ පින්න නිසා හෝ එකතුවෙන වතුර එකතු කරගන්න.
මොකද අපිට පහුවදා වතුර හම්බු වෙන්න කොච්චර දුර යන්න වෙයිද කියන එක ගැන අදහසක්වත් තිබුනේ නැහැ.
ඒ රාත්‍රිය ගතකලේ කෑම, වතුර නැතුව..


වන ගොමුවෙන් ආවරණය වුනු අපේ කුඩාරම.


පහුවදා පාන්දරින්ම නැගිට්ටට පස්සේ කරපු පළවෙනිම දේ තමයි එළියේ ගස් වල රැඳුනු පින්න ලේන්සු වලින් පොඟවල තොල කට තෙමා ගනිපු එක.
ඊට පස්සේ අපි කන්දේ මුදුනට ගිහින් නැගෙනහිර අහසෙන් ඉර පායාගෙන එන හැටි බැලුවා.කළුපහන කන්දේ පැත්තකින් ඉර පායගෙන අහස ගිනියමින් වේලාගන්න දර්ශනය ඇත්තටම ලස්සනයි.
එදා දවස අපි දෙන්නටම තීරණාත්මක දවසක් වුනා.ඒක නිසා අපි වැඩිපුර කාලය ගෙවා දමන්න කලින් කුඩාරම අකුලාගෙන ගමන් මලු ලැස්ති කරගත්තා.
කුඩාරමේ කැනපි රෙද්දේ එකතු වුනු පින්නෙන් වතුර උගුරු 3,4 බීලා ඉතුරු ටික පරිස්සමට බෝතලයට දාගෙන අපි පිටත් වුනා.










දුම්බරයේ මම කැමතිම කඳු මුදුන වෙන තුන්හිස්ගලට එපිටින් ගිනියම් අහසෙන් ඉර උදාවෙන අයස්කාන්ත දර්ශනයක් දකින්න තරම් අපි වාසනාවන්ත උනා.






කැනපි රෙද්දට එකතු වුනු වතුරෙන් පිපාසය සංසිදුවාගෙන, තව පොඩ්ඩක් බෝතලේට පුරවා ගත්තා.
මගේ යාළුවගේ තමා මේ රත්තරන් වටිනා අදහස.


යක්කුන්ගේ හෙලෙන් බහින එක කොහෙත්ම පහසු නම් නැහැ.මොකද මම මෙතුවක් ජීවිතයේ ගිය ගමන් වලදී මුහුණ දීපු සිදුවීම් සියල්ල අමතක කලත්, ඒ වගේ අපහසු බැස්මක් මීට කලින් බැහැල නැහැ.
ඒ අපහසුවට තවත් මරණීය අත්දැකීම් සහ මානසික තත්වයක් එකතු වුනාම ඒක එහෙමපිටින්ම nightmare එකක්.

අපි දෙන්නා පහලට බහින්න කලින් කැමරා ආම්පන්න සේරම මල්ලට අඩුක් කරගෙන බැස්සේ. මගේ පරණ පොකට් කැමරාව විතරක් මම සාක්කුවේ දාගත්තා.
ඒකනිසා මෙතන ඉඳල පින්තුර බොහොම සීමිතයි වගේම අපැහැදිලියි.






අපිට න්‍යායාත්මක විදිහට තියුණු ආනති කොටස තිබුනේ මීටර් 600 - 700 අතර ප්‍රමාණයක්. ( මුහුදු මට්ටමේ ඉඳල සිරස් අතට මීටර් 400 වගේ ලම්භක දුරක් තමා බහින්න තියෙන්නේ ) ඊට පස්සේ බෑවුමේ ආනතිය අඩුයි.මීටර් 1000 + දුරකින් පස්සේ නැවත සාමාන්‍ය රූස්ස වනය.
අපි ගමන පටන් ගනිද්දී වෙලාව උදෑසන 8.10.කාලගුණය ක්‍රමයෙන් මීදුමට බර වෙලා අඳුරු මන්දාරමකින් වැහුනා.
අපි පහලට බහින්න උපයෝගී කර ගත්තේ බොහොම සරල ක්‍රමයක්.උඩින් ඉන්න කෙනා බෑග් 2 සහ කුඩාරම අල්ලගෙන ඉද්දි අනෙක් කෙනා මීටර් 2,3 පහලට බැහැල බෑග් අරගෙන පහලින් තියනවා.ඔය විදිහට මාරුවෙන් මාරුවට බෑග් එල්ලගෙන යන්නේ නැතුව පහලට බහිනවා.
ගමන කොහෙත්ම ලේසි නම් වුනේ නැහැ. ඒ වගේම අපි නැවත උඩට යෑමක් ගැන හිතුවෙත් නැහැ.
ලොකු කරදරයක් නැතුව පලවෙනි මීටර් 100 අපි පැයක් වගේ ඇතුලත බැස්සා.


අපේ ප්‍රයත්නයට කලින් පොඩි සෙල්ෆි එකක් ගත්තා.





එතනින් පස්සේ ගමන බොහොමත්ම දුෂ්කර උනා.මොකද අපි පොඩි ලන්දකින් වටවුණු නෙරුවක් කෙලවර හිර වුනා.
අපි එතන පොඩි විවේකයක් ගත්තා. පොඩි චොකලට් පෙත්තකින් ශක්තිය අරගනිපු නිසා අපි ඒ තැනට '' චොකලට් ලන්ද '' කියල නම් තිබ්බා.
එතනින් පස්සේ අපි ලන්දේ එක කෙලවරකින් පහලින් පෙනුණු දෙබෝක්කාවට බහින්න තීරණය කළා.
ඒ කඩඉමත් පහු කලාට පස්සේ අපි දෙබෝක්කේ උඩ ඉඳල කඹය දාලා බෑග් පහලට අරගෙන බොහොම පරිස්සමින් අඩිය තියල දෙබෝක්කාවට බැස්සා.
ඒවෙද්දී පැය 3 කිට්ටු කාලයක් ගිහින්.දෙබෝක්කාවට බැස්සට පස්සේ අපිට දිය සීරාවක් හම්බු වුනා. එතනින් ඇති වෙනකම් වතුර බීලා බෝතල් වලට පුරවගෙන අපි හිමින් හිමින් දෙබොක්කාව දිගේ පහලට බැස්සා.
නමුත් අපිට වැඩිදුරක් යන්න නම් ලැබුනේ නැහැ, තීරණාත්මක ලෙස අපි මරණීය ප්‍රපාතයක කෙලවරට ආවා.එතන මීටර් 40,50 විතර ගැඹුරු dead end එකක්.


මෙතන තමා චොකලට් ලන්ද..


චොකලට් ලන්දෙන් පස්සේ අපි බැස්සේ ඔය පහලින් පෙනෙන බෑවුමට.එතන ට පහලින් තමා දෙබෝක්කාවේ උඩ.










ඔය විදිහට ලොකු උත්සාහයකින් පස්සේ කඹේ ආධාරයෙන් බෑග් පහලට දාගෙන අපි දෙන්නා දෙබෝක්කාවේ පහලට බැස්සා.
එතන දිය සීරාවෙන් වතුර පුරව ගත්තා.


එක මොහොතකට අපි දෙන්නම මූණට මූන බලාගෙන හිටියා.
පරාජය කියන දේ මනුස්සයෙකුගේ ඇස් වලින් ඔච්චර ලඟින් මම දැක්කේ එදා.ඇත්තටම මටත් නිකන් ඇඬේන්න වගේ ආවා.
යාළුවා මගෙන් ඇහුවේ එකම එක ප්‍රශ්නයයි, ගමන නවත්තමු නේද ?

ඒ ප්‍රශ්නෙට උත්තරේ ඒ වෙද්දීත් මගේ ඔලුවේ ලියවිලා තිබුන.හැබැයි හිතට පුදුම දුකක්, කලකිරීමක් සහ වේදනාවක් දැනුනා.
අපි දෙන්නා විනාඩි 5,10 ඔහේ බලාගෙන හිටියා. නැවත හරි සිහිකල්පනාවට එන්න, අපි හිටපු තත්වෙට එන්න ටික වෙලාවක් ගියා.
ඒ වෙලාවේ එකම එක දෙයක් තේරුම් ගත්තා, ඒ තමයි වනාන්තරය මින් ඉදිරියට අපිට කිසිම සහයෝගයක් දක්වන්නේ නැහැ කියන දේ.






දෙබෝක්කාව දිගේ ටික දුරක් පහලට එද්දී අපිව ලොකු ප්‍රපාතයක් මුදුනේ හිර වුනා.
මේ ප්‍රපාතය බහින්න නම් අඩුම මීටර් 50 වත් ශක්තිමත් කඹයක් ඕනේ.මෙතැනදී අපි පුදුමාකාර විදිහට අසරණ උනා.අපි ගමන අත්හැරියේ මෙතැනදී.මෙතනදීමට පින්තුරයක් වත් ගන්න කල්පනාවක් උනේ නැහැ. ඒතරමටම අප්සට් එකේ හිටියේ. මේ පින්තුර තුනම යාලුවා ගැහුවේ.


අපි ආපහු ගමනක් ගැන හිතුවේ අන්න ඒ වෙලාවේ.ඉතින් අපි තීරණය කළා මුළු ගමනම අත් හැරලා නැවත උඩට ගිහින් ආපු විදිහට ගෙදර යන්න.
අපි මුලින්ම කලේ බෑග් දෙකේම තිබුණු කෑම බීම සේරම එලියට ගනිපු එක. ඊට පස්සේ අමුවෙන්ම නූඩ්ල්ස් පැකට් දෙකක් කාලා, රාත්‍රියටත්, පහුවදාටත් උවමනා තරමට කෑම තියාගෙන ඉතුරු සේරම ටික පැකට් වලින් කඩල එලියට හලලා දැම්මා.එහෙම කරලා බෑග් වල බර පොඩ්ඩක් අඩු කරගෙන නැවත හැරෙද්දී වෙලාව හරියටම දවල් 12.25.
අපි ඒ වනවිට මුදුනේ ඉඳල මීටර් 250 - 300 වගේ දුරක් පහලට ඇවිත් තිබුන. පැය 4 වඩා කාලයක් ගෙවිල තිබුන.
අපේ බලාපොරොත්තුව උනේ හවස් වෙන්න කලින් මුදුනට යන්න.

අපි ඉක්මනින්ම දෙබොක්කාව පහලට ආවා.ගමනේ තීරණාත්මකම සිදුවීම සිද්ධ වුනේ අන්න ඒ වෙලාවේ.
දැන් අපි නැවත මේ දෙබොක්ක උඩට යන්න ඕනේ. නමුත් බෑග් එක්ක ඒක උඩට යන එක කොහෙත්ම කරන්න බැහැ.
ඒ නිසා කෙනෙක් උඩට ගිහින් කඹය ගැට ගහල බෑග් අරගන්න ඕනේ.
බහින අවස්ථාවේ මම ඒ දේ කල නිසා මිත්‍රයා ඉදිරිපත් උනා ඒ දේ කරන්න. මම පහල හිටියා.
කලින් බැහැපු අවස්ථාවේ පඳුරු පොඩිවෙලා, පස් ලිස්සලා තිබුණු නිසා ඒක අතිශයින් අවදානම් වැඩක්.
දෙපැත්තේම ගල් බිත්තියෙන් වැහුණු පටු දෙබෝක්කාවේ උස මීටර් 8,10 විතර ඇති.
අවදානම දරාගෙන මිත්‍රයා ටිකින් ටික උඩට නැග්ගා.
ජීවිතයේ සමහර මොහොතවල් තියෙනවා ක්ෂණිකයෙන් විදුලියක් කෙටුවා වගේ සිද්ධ වෙන.ඒ මොහොතට නිමේෂයකින් හිතේ දහසකුත් සිතුවිලි මැවෙනවා.
එකවරම මගේ මිත්‍රයා පස් කන්ඩි පෙරලගෙන පහලට ලිස්සනවා විතරයි මම දැක්කේ, ඒ මොහොතේම මම දෙබෝක්කාවේ හිටපු ගල උඩින් පීනලා ඇවිත් යාළුවගේ කබායෙන් ඇල්ලුවා.ඒ වෙද්දී යාළුවා පස් කණ්ඩියක කකුල ගහගෙන ගල බදාගෙන නැවතුනා.
මගේ ජීවිතේ මම ගෙවපු භයංකරම මොහොතක් කිව්වොත් හරි.
යාළුවව දෙබොක්කේ හිර වෙනවා, ඔලුව ගලක වදිනවා, ලේ විලක් මැද්දේ මම තට්ට තනි වෙනවා,යාලුවවත් කර තියාගෙන කන්දේ ආපහු යනවා, පොලිසියට ඉස්පිරිතාලෙට යනවා, දහසකුත් එකක් ප්‍රශ්න වලට මුහුණ දෙනවා,අම්මලා තාත්තලට මුහුණ දෙන්න බැරි වෙනවා,ජීවිතේ හුදෙකලා වෙලා මනසින් හැමදාම දුක් විඳිනවා,විශ්වාස කරන්න මේ හැම සිතුවිල්ලක්ම ඔලුව හරහා ඇඳෙන්න ගියේ එකම එක මොහොතයි.
යාළුවගේ කටහඬින් තමා මම නැවත මේ ලෝකෙට ආවේ.සීරීම් තුවාල සහ වේදනාවක් ඇරෙන්න කිසිම බරපතල හානියක් නැහැ.
අපි දෙන්නා පුදුමාකාර විදිහට අසරණ වුනා.
ඒක නිසා හිත ශක්තිමත් කර ගන්න අපි චුට්ට වෙලාවක් හිටියා.
ඊට පස්සේ මම කිව්වා '' උඹ ඉඳපන් මම උඩට යන්නම් ''.
හැබැයි යාළුවගේ අතින් කඹේ ගලේ මැද පඳුරක් උඩ හිර වුනා.දැන් උඩට යන එක තවත් අපහසුයි. අල්ල ගන්න තරම් හයිය පඳුරක් වත් නැහැ.
නමුත් සොබාදහම ඒ වෙලාවේ අපේ පිහිටට ආවා. කරදරයක් නැතුව අපි දෙන්නා බෑග් අරගෙන දෙබොක්කාව උඩට එද්දී වෙලාව 1.40 යි.




මිත්‍රයා දෙබෝක්කාවේ උඩට නගින්න පටන් ගනිද්දී මම පින්තුරයක් ගැහුවා.එතනින් පස්සේ නැවත පහලට එනකම් කිසිම පින්තුරයක් ගත්තේ නැහැ.මොකද ඒ සිද්ධියෙන් පස්සේ අපි දෙන්නම සෑහෙන දුරට මානසික පසුබෑමක හිටියේ.

අපි පහලට බැස්සේ කොච්චරක් තියුණු ආනතියකින්ද කියන දේ අපි හරියටම දැක්කේ ඒ වෙලාවේ.නමුත් එතනින් පස්සේ කිසිම තැනක අපි නතර වුනෙත් නැහැ.අතපය හතරෙන්ම කන්දේ උඩට බඩගාගෙන කඳු මුදුනට එද්දී වෙලාව හැන්දෑවේ 3.15.අපි වතුර ටිකක් බොන්න නතර උනෙත් ආරක්ෂිතව උඩට ආවට පස්සේ.

හරියටම උදේ ඉඳල කන්දේ බාගයක් දුර පහලට ගිහින් නැවත උඩට එන්න අපිට පැය 7 වැඩි කාලයක් ගියා, නමුත් ඒ මුළු කාලෙම අපි ඇවිදලා තිබුනේ මීටර් 550 -600 වගේ බොහොම පුංචි දුරයි.

අපි දෙන්නා උඩට ආවට පස්සේ තීරණය කළා කලින් දවසේ ආපු විදිහටම කන්දෙන් පහලට බැහැල නැවත අලකොලේ වතු යායට යමුයි කියල.
අපිට පැය 3 වගේ කාලයක් ඉතුරු වෙලා තිබුන හවස් වෙන්න කලින් යාගන්න.
ඒ ගමනේදී නම් දෙතුන් වතාවක් ලිස්සලා වැටෙනවා ඇරෙන්න වෙනින් කිසිම කරදරයකින් තොරව පැය 3 විතර අපිට පුළුවන් උනා අලකොලේ වතුයායේ කෙලවරේ තියෙන රත්නතැන්න අම්බලමට සේන්දු වෙන්න.














ඔය තියෙන්නේ රත්න තැන්න අම්බලම.කන්දේ දෙබෝක්කාවේ ඉඳල රත්නතැන්න කිට්ටුවට ම එනකන් අපි කිසිම පින්තුරයක්වත් ගන්න නතර වුනේ නැහැ. එක සීරුවට පහලට බැස්සා.


එදා දවසටම අපි කෑවේ අමු නූඩ්ල්ස් එකකුයි, චොකලට් දෙක, තුනකුයි නිසා අපි ඉකමනටම කෑම හදාගෙන ඒ රාත්‍රිය අම්බලමේ කුඩාරම් ගහල පහුවදා උදේ වතුයාය හරහා හුලුගඟින් අපේ ගමන නිමා කළා.


යක්කුන්ගේ හෙලට සහ රත්නතැන්න අම්බලමට ආයුබෝවන් කියලම පිටත් උනා.













අලකොලේ වතුයාය හරහා හුලුගඟට පිටත් වුනා. අපේ ගමනේ අවසානය මේ විදිහට සනිටුහන් උනා.


( අපි ගමන අත් හරින්නට හේතු උණු සිද්ධිය සහ අපේ මානසික තත්වය තේරුම් ගත්තු අනෙක් මිත්‍රයෝ ඒ ගමන අත්හැරීම වෙනුවෙන් අපිට දොස් පැවරුවේ නැහැ.
නමුත් ඔවුන්ට වෙච්ච අසාධාරණය නිසා ඊට මාස කිහිපයකට පස්සේ මම ඔවුන්වත් සම්බන්ධ කරගෙන තවත් ඒ වගේ ත්‍රාසජනක, අභියෝගාත්මක, ලේසියෙන් කෙනෙක් නොයන කැලෑ නීතියෙන් වටවුණු ඉසව්වක නම් නොලත් දිය ඇලි හොයාගෙන අද්විතීය සංචාරයක් ගියා.
අන්න ඒක ගැන නම් ලියන එක දෙපාරක් හිතන්න ඕනේ මොකද ඒ ගැන තතු දන්න සීමිත දෙනෙක් දන්නවා ඒ ගමනේදී අපි දැකපු දේවල් සහ එව්වයේ වටිනාකම.
ඒ වගේම නීති ගරුක නොවන මිනිස්සු ඒ ගැන සියලු තොරතුරු දැනගත්තොත් සිදුවෙන හානිය ගැන.ඒ නිසා අවසරයක් ලැබුනොත් ඒ ගැන පස්සේ දවසක ලියන්නම්.
ඊට පස්සේ අගෝස්තුවේ අපි දෙන්නා දුම්බරයේ වෙනත් ඉසව්වක දවස් 05 සාර්ථක සංචාරයක් ගියා.ඒ ගැන නම් වෙනින් දවසක කියන්නම්.
ඒ ගමනේදීත් අපි බොහොම කර්කශ අත්දැකීම් ලැබුවා වගේම, අලුත් ඉසව්වක් ගැන පුංචි හෝඩුවාවක් පවා ලැබුන.)


මේ වගේ ගමනක සිතියම් සහ වෙනත් විස්තර කරුණු කියල දෙන්න කිසිම දෙයක් නැහැ. මොකද අලකොලේ වතුයායේ කෙලවරේ ඉඳලම ආපහු එනකම්ම ඝන වනාන්තරය මැදින් ගියපු ගමනක් නිසා.කවුරුත් අමනාප නොවෙයි කියල හිතනවා.
තවත් සංචාරක නූලකින් හම්බුවෙමු. එතකන් කිරියේ ඔබ සැමට ආයුබෝවන්.ජය වේවා.

Reply With Quote
(#4)
Old
SHANUXLK's Avatar
SHANUXLK SHANUXLK is offline
Senior Member
SHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to allSHANUXLK is a name known to all
 
Posts: 3,492
Join Date: Dec 2013
10-16-2019, 12:24 AM

++
You must spread some Reputation around before giving it to Dodo Mahaththaya again.
Reply With Quote
(#5)
Old
HypermaD2's Avatar
HypermaD2 HypermaD2 is offline
Senior Member
HypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to allHypermaD2 is a name known to all
 
Posts: 4,692
Join Date: Jul 2017
10-16-2019, 12:50 AM

Heta balannam bro..
Reply With Quote
(#6)
Old
hichchiputha's Avatar
hichchiputha hichchiputha is offline
Senior Member
hichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud of
 
Posts: 15,510
Join Date: Jan 2018
Location: වොන්ඩර් ලැන්ඩ්
10-16-2019, 12:53 AM

Up
Reply With Quote
(#7)
Old
hichchiputha's Avatar
hichchiputha hichchiputha is offline
Senior Member
hichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud of
 
Posts: 15,510
Join Date: Jan 2018
Location: වොන්ඩර් ලැන්ඩ්
10-16-2019, 12:53 AM

Apit ekkan yanna ban
Reply With Quote
(#8)
Old
hichchiputha's Avatar
hichchiputha hichchiputha is offline
Senior Member
hichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud of
 
Posts: 15,510
Join Date: Jan 2018
Location: වොන්ඩර් ලැන්ඩ්
10-16-2019, 12:54 AM

Heta udeta balannam dan doy matay
Reply With Quote
(#9)
Old
hichchiputha's Avatar
hichchiputha hichchiputha is offline
Senior Member
hichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud of
 
Posts: 15,510
Join Date: Jan 2018
Location: වොන්ඩර් ලැන්ඩ්
10-16-2019, 12:55 AM

Joint ekak dala neda nagge as deka teek wela
Reply With Quote
(#10)
Old
hichchiputha's Avatar
hichchiputha hichchiputha is offline
Senior Member
hichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud ofhichchiputha has much to be proud of
 
Posts: 15,510
Join Date: Jan 2018
Location: වොන්ඩර් ලැන්ඩ්
10-16-2019, 12:55 AM

Elakiri machan
Reply With Quote
Reply

Bookmarks

Tags
kolu karayo, useful threads, wild gay adventures, ~ ඩෝඩො ගේ ත්‍රෙඩ් ~

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Copyright © 2006 - 2011 ElaKiri™ Beta2.Evo vBulletin, vBa iBproArcade Subdreamer I-Magic MKv

Page generated in 0.07214 seconds with 9 queries