ElaKiri Community
Downloads
Go Back   ElaKiri Community > General > ElaKiri Talk!
Reload this Page සිරිමත් ආතල් මරිජු කොනෙන් ඔයිල්ගේ __ ෂර්ලො"
Reply
 
Thread Tools
(#1)
Old
chega995's Avatar
chega995 chega995 is offline
Senior Member
chega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the rough
 
Posts: 490
Join Date: Apr 2018
Location: ලැට් එකේ
Up සිරිමත් ආතල් මරිජු කොනෙන් ඔයිල්ගේ __ ෂර්ලො" - 11-24-2019, 09:46 AM

සිරිමත් ආතල් මරිජු කොනෙන් ඔයිල්ගේ __ ෂර්ලොක් හෝම්ස් __ °•° වික්කමසිංහ වලව්වේ මහා මංකොල්ලය °•° - පලමු කොටස


ලන්ඩනයේ ග්‍රීෂ්ම සෘතුවයි.මුළු නගරය පුරාම තද අව් රෂ්මියක් සහ දැඩි උෂ්ණ කාළගුණයක් පැවති හෙයින් මාර්ගවල ජනතාව පයින් ගමන් කලේද ඉතා අල්ප වශයෙනි.සතියක් තිස්සේ එකතුවී තිබූ මාගේත්,මේරිගේත්, නැන්දම්මාගේත් කිලුටු රෙදි සියල්ල සෝදා වැලට දමා,එලියෙ කක්කුසියත්,බාත්රූම් එකත්,ඊයෙ රෑට උයපු වළං ටිකත් සෝදා දී මේරිගේ ගාත් හතරේම නියපොතුවල කියුටෙක්ස් ආලේපන ගල්වා දීමෙන් පසු හෝම්ස් හමුවීමට යාමට මට අවසර ලැබිණි.බිල ගෙවීමට දවස් තුනක් ප්‍රමාද වීමෙන් ඩයලොග් ටීවී කනෙක්ෂන් එක කපා තිබුනු නිසා දෙවනි ඉනිම සහ සංගීතේ බලන්නට නොහැකිව යක්සාවේස වී සිටි මේරි මදකට හෝ දමනය වූයේ අද යනගමන් මා කෙසේ හෝ මතක් වී බිල ගෙවාගෙන යන බව පවසා මැද සාලෙ දොර ගාව එල්ලා ඇති කන්දෙ බණ්ඩාර දෙවියන්ගේ රූපය ඉස්සරහ දිව්රා පොරොන්දු වීමෙන් අනතුරවය.කෙසේ වෙතත් දඬුවමක් ලෙස එනගමන් රු.299 ඩේට කාඩ් 2කුත් ඇට ලොකු පරිප්පු පන්සීකුත්,සාම්බ්‍රානි පැකැට්ටුවකුත්,කළුකුං රසැති ලංකාසෝයි පොඩි පැකට් එකකුත්,කළු ඩ්‍රෝවිං පොතකුත් ගෙනෙන ලෙස අණ ලැබිණි.මේරිගේ අවසරය ලද විගස උබර් හරහා තණ්ඩලේ මාමාගේ අශ්ව කරත්තය බුක් කරගත් මා තකහනියේම බේකර් වීථියේ අපගේ නවාතැන වෙත ගමන් කලෙමි.යනගමන් ප්‍රසන්න රණවරාගේ කසියා පොට් එකෙන් පෙරාපු දේශීය බාගෙකුත් පොෂ් කසිප්පු හෙවත් රෝයල් සකේ බෝතලේකුත් ගැනීමට මා අමතක නොකලෙමි.හෝම්ස් වඩාත් ප්‍රිය කල ගමගේ මල්තෝර බීඩි මිටියකුත් නේවිකට් 2කුත් රැගෙන මා නවාතැනට පිවිසියෙමි.හඩ්සන් මහත්මිය පෙනෙන්නට නොසිටි නිසා කෙලින්ම ඉහත මාලයට ගිය මා,දොර විවර කරගෙන කාමරයට පිවිසෙන විටත් හෝම්ස් සිටියේ ජොකා පිටිනි.ඔහු ඔහුගේ සුපුරුදු දිග බුරුත හාන්සි පුටුවෙහි කැලෑ උණ සෑදුනු තලගොයෙක් මෙන් දැප දමා සිටියේය.හාන්සි පුටුඅත දිගහැර කකුල් තැබීමට ඇති කෑලි දෙක මත ඔහු කකුල් දෙක දිගහැරගෙන පළල් කරගෙන සිටියේ කෝෂ සිසිල් වීමට බව මා දැන සිටියෙමි.මා දැකීමෙන් ප්‍රීතියට පත් වූ නමුත් ඔහු එය ආයාසයෙන්ම සඟවාගෙන කතා කලේය.

"ආ වොට්සන්...සෑහෙන කාලෙකින් නෙව.මොකද මේ දවස්වල පේන්නවත් හිටියෙ නැත්තෙ." හෝම්ස් ඇසීය.
"උඹට පේන්න ඉන්නවට වඩා මට වෙන වැඩ නැද්ද හෝම්ස්.අනික අවුරුදු කුමාරි ජජ් බෝඩ් එකට පේන්න පුක වන වන යන්න වගේ මං ඇවිත් දවස් දෙකකට සැරයක් උඹේ ඉස්සරහ වනල පෙන්නන්න ඕනද.." මම ඇසූ විට හෝම්ස්ට මළ පැන්නේය.

"ගහප් ගෝතයගෙ වල්ල මිනිමයිස් වෙන්න.බිම දාල බෙල්ල පාගන්නෙ දැනගනිය ප්‍රොස්ටිටියුට් බිච්.." හෝම්ස් ගුගුලේය.

"ඒව කරනකං හංසනී පියුමාලි වගේ කැහැ කැහැ බලං ඉන්නෙ නෑ මං.ඒ විකාර වලින් වැඩක් නෑ හෝම්ස්.ඇත්තටම ඇයි උඹ මේ ගිනි දවල් ජොකා පිටින්.කෝ හඩ්සන් ගෑණි." මම ඇසුවෙමි.

"ඒ අම්මණ්ඩි පොලේ ගියා බං.මේ ගිනි රස්නෙ කෝට් බූට් දාගෙන මට ඉන්න බෑ.ඒකයි මේ කම්පටබල් සමර් කිට් එකට බැස්සෙ.කරන්ට් නැති නිසා ෆෑන් එකවත් දාගන්න හැටියක් නෑ මිත්‍රයා.බඩු පොඩ්ඩක් ඇති පාපිස්ස යට.හිටහං මං ඔතල ගන්නම්.මාව සප්‍රයිස් කරන්න හිතාගෙන කබායෙ ඇතුල් සාක්කුවෙ දාගෙන ආපු සකේ බෝතලෙයි ජොකා අස්සෙ ගහහෙන ඉන්න කසියා බාගෙයි උඩ සාක්කුවෙ දාගෙන ඉන්න බීඩි මිටියයි නේවිකට් දෙකයි එලියට ගනිං." හෝම්ස් ඇඟට පතට නොදැනී පැවසුවේය.

ඇත්තෙන්ම මූව සප්‍රයිස් කිරීමට කිසිවක් සඟවා ගෙනවිත් පලක් නැති බව මට සිහිවූයේ එවෙලෙහිය.නිරීක්ෂණ මගින් නිගමනයන්ට එළඹීම පොල් ගෙඩියක් නම් හෝම්ස් එහි ජෝන් අමරතුංගයි.

"ඇත්තටම කොහොමද හෝම්ස් මම සඟවගෙන ආපු දේවල් ගානට මිම්මට හරියටම කියන්න ඔබට පුළුවන් උනේ." වික්ෂිප්ත වූ මම ඇසුවේ සෙප්පයිස් එකට ගෙනා බඩුත් සාක්කුවේ තිබුනු අටකලංපන්නත් මේසය උඩ තබමිණි.

"වැඩි දෙයක් නෑ වොට්සන්.නිරීක්ෂණ මගින් නිගමනයන්ට එළබීම තමයි.හරි සරලයි.සිරිසේන වගේ." හෝම්ස් කීවේය.

"දැන් බලපං වොට්සන්.උඹ මෙතනට ආපු ගමන් මොකද කලේ,මේ පෑවිල්ලත් එක්ක තියෙන රස්නෙ නිසා කබායෙ බොත්තම් ටික සේරම ඇරගෙන අත් දෙකත් මෙහෙක් කරන් දෙපැත්තට දාගෙන තටු විදාහල මා වවුලෙක් වගේ සෝපාවට පත බෑවුනා.ඒ වෙලාවෙ මම දැක්කා ඇතුල් කබා සාක්කුවෙන් උඩට ඇවිත් තිබුනු කොළපාට ටොනික් මූඩිය.උඹ වගේ උපන්ගෙයි කසිප්පු කාරයෙක් කවදාවත් වැදගත් බ්‍රෑන්ඩ් එකකට යයි කියල මං හීනෙකින්වත් හිතන්නෙ නෑ වොට්සන්.ඒකෙන්ම මං උපකල්පනය කලා උඹ වැදගත් විදියට සීල් කරපු කසිප්පු බෝතලයක්ම ගෙනාව කියල.මගේ ඒ උපකල්පනය තහවුරු උනා උඹ ජොකා අස්සෙ ගහගෙන ඉඳපු කසියා බාගෙන්.මෙතන කැ#යා කියල හිතාගෙන කකුලක් පිට කකුලක් දාගෙන මට උපේනියං දෙද්දි මං දැක්කා උඹට අසාමාන්‍ය විදියට නැගල තියෙනව.අම්මප මට ඒ වෙලාවෙනං උඹේ හක්ක පුකේ හිටින්න පාරක් ගහන්න හිතුනා වොට්සන්.මොකද මං හිතුවෙ උඹට එහෙම උනේ මං ජොකා පිටින් ඉන්නව දැකල කියල.ඒත් දිය රෙද්ද පිටින් වැවේ නාන සනී ලියෝන්ව දැක්කත් උඹට කලිසමේ ඔච්චර ලොකු ඉලිප්පීමක් ඇති කරගන්න බැරි බව මම අත්දැකීමෙන්ම දන්නව.ඒ එක්කම උඹ උඩගහගත්තු කකුල අස්සෙන් මට පෙනුනා බාගෙ බෝතලේ අඩිය කලිසමේ තුන්පූට්ටුවට හිරවෙලා තියෙන අපූරුව.ඇත්තටම මට සැකයක් ආව මිත්‍රයා මේ අබුද්දස්ස කාලෙ උඹ ෆුඩ් සිටියෙන් පොල්තෙල් බාගයක්වත් ඉස්සුවද කියල.පස්සෙ මං දැක්ක උඹ මෙතනට එද්දි කලිසමේ මොනවද ලීක් වෙලා තිබුනා ඒත් ඒ පැල්ලම දැන් මැකිල ගිහින් කියල.විනාඩි 4ක් වගේ කාලෙකින් වාෂ්ප වෙන්න පොල්තෙල් වලටවත් මූත්‍රා වලටවත් උඹගෙ ලීක් ඔයිල් වලටවත් බෑ කියන එක හරිම සරල සිද්ධාන්තයක් මිත්‍රයා.එහෙනම් ඒ ගොඩක් වාෂ්පශීලී ද්‍රවයක් විය යුතුයි.හතේ පන්තියෙදි ඩෙස් එක යට තියන් කුමාරි මිස්ට හොරා කසිය ගහපු මට,බද්දෙවිතානගෙ කෙමෙස්ට්‍රි පන්තියෙ රෑන්ක් දාපු මට ඒ වාෂ්පශීලී ද්‍රවය කසිප්පු කියල අඳුරගන්න මොහොතක්වත් ගියෙ නෑ වොට්සන්.අනික ප්‍රසන්න රණවරයා හැමදාම කසියා පුරවල දුන්නොත් මූඩිය හරියට තද කරල දෙන්නෙ නෑ.ඕක මම හොඳට නෝට් කරපු දෙයක්.ඒක නිසා මං නිගමනය කලා උඹ රණවරාගෙ පොට් එකෙන් පෙරාපු දේසීය බාගෙකුත් ගෙනාව කියල." හෝම්ස් කීවේ පාපිස්ස යට තිබුනු කෑල්ලෙන් කොටසක් ගෙන සිහින්ව කපන අතරතුරය.

"හෆ්ෆට... ඒක හරි කියමු.ඒත් උඹ කොහොමද සාක්කුවෙ තියෙන්නෙ බිඩි මිටියයි නේවිකට් 2යි කියල හරියටම කිව්වෙ.." මම පුදුමයෙන් ඇසුවෙමි.

"අපි එක පන්තියෙ මිනිස්සුනෙ වොට්සන්.උඹ මම විතරක් නෙවෙයි රටේ ඉන්න සුවහසක් බෙබ්බො දැන් බීඩියට වැටිල හමාරයි.ටිකක්හරි ආදායමක් තියෙන එහෙමත් එකෙක් තමයි නේවිකට් එකක්හරි ගහන්නෙ.මම දැක්ක උඹ මෙතන පොයි කෙලිද්දි උඩ සාක්කුවෙ පොඩියට රවුම් හැඩේට යමක් තියෙනව.ඒක ගෝල්ලිප් පෙට්ටියක් නෙවෙයි කියල පහේ පන්තියෙ කෙල්ලෙක්ට උනත් කියන්න පුළුවන්.ඉස්සෙල්ල කාරණාවත් එක්ක මට තේරුණා උඹ දුමක් විදියට බීඩි මිටියක් ගෙනාව කියලා.කොහොමත් පැණි නැතුව කිරි ගෙනැත් වැඩකුත් නෑනෙ.ඒ වගේම කොච්චර බීඩි තිබ්බත් සිගා එකක් නැති අඩුව මකන්න බෑ කියලත් උඹ දන්නව.උඹටයි මටයි එක ගානෙ ගහන්නහරි වටින දේකින් දෙයක් ගෙන්නත් උඹ අමතක කලේ නෑ.ඇත්තටම උඹ හොඳ මිත්‍රයෙක් වොට්සන්.ඒකයි මං උඹට ආදරේ." හෝම්ස් කීවේ සැන්ඩියට බීඩියක් කපා මිශ්‍රණය සකස් කරන අතරතුරය.

"ඒ ඔක්කොමත් හරි හෝම්ස් අර අන්තිම කෑල්ල තමයි අවුල.පොඩ්ඩක් කොළු සීන් වගේ." මම කීවෙමි.

"ටෞක්.. මනුස්සකමට කිව්වෙ හු#තෝ.ඉඳා පත්තු කරලා ගනින්." කෝපාවිෂ්ඨ වූ හෝම්ස් පන්දම මට භාර දුන්නේය.
දෙක අදින විට අවශ්‍ය තැනට යා ගැනීමට හැකිවිය.කසියා පහර සමග එය කදිමට ගැලපිණි.හෝම්ස් එය මනාවට ඔතා තිබිණි.හෝම්ස් මෙන්ම හෝම්ස්ගේ වැඩිමල් සහෝදරයා වූ මයික්‍රොසොෆ්ට් හෝම්ස්ද එතීමේ කලාවේ අති දක්ෂයෙක් විය.වරක් පොල්පිතිගම යොවුන් මේලා කාර්නිවල් එකේ සහරා ෆ්ලෑෂ් ෂෝ එක බලන්න ගිය දවසේ ඩෑල් එක මට සෙට් විය.වේලපහින් අඩියකුත් ගසා සිටි අපි පොර එතූ පැට්ටෙක් ගසා නකීර් වී මියුසිකල් එකට ගොස් පිස්සු නටා හොම්බෙන් ගිය අයුරු මට තවමත් සිහිවේ.බඩු පාර සැරට වැදී නටන පදමට ආපු වෙලාවේ මල් සිංදු කියා අපේ ෆීලිංග් එක පච කිරීම නිසා නැප්පියට තද වූ හෝම්ස් දිගින් දිගටම තුසාර ජෝසප්ට කෑ ගසා ගල් ගසා කුණුහරුපෙන් බනිමින් එක ජංජාලයක් නැටුවේද පොලිස් අක්කා කෙනෙක්ට උම්මා දෙන්න ගියේද එදාය.

"ඇත්තටම කෝ බං උඹලෑ අයියා මයික්‍රොසොෆ්ට් කාරයා." නිහඬතාවය බිඳිමින් මම ඇසුවෙමි.

"ඩයල් එක රිටය උනා බං.උඹ දන්නවනෙ වොට්සන් පොරත් මං වගේම රහස් පරීක්ෂණවලට අති දක්ෂයි කියල.ඒත් අර 'බෝන් අගේන්' මාෆියා කල්ලියත් එක්ක හැප්පිල දිනන්න ඔහුට පුළුවන් උනේ නෑ.ඒ නිසා කලකිරීමෙන්ම තමයි ඔහු නිතරම සිටියේ.පොර අන්‍තිමට මට මේ ටෙලිග්‍රෑම් එක එවල තිබුන." ස්ටූලය මත තිබුනු දින සීයෙන් අළුත් රටක් කෘතහස්ත ග්‍රන්ථයේ පිටුවක් අතර දමා තිබූ විදුලි පණිවිඩය හෝම්ස් මගේ අතෙන් තැබීය.

"යලි අප පිටියේදී හමුවන්නේ නැත.මා පසුපස සිටි සහ වචනයකින් හෝ සහයෝගයක් ලබාදුන් සියළු දෙනාටම තෙරුවන් සරණයි.

මීට ලොකු අයියා මයික්‍රොසොෆ්ට්"

එහි එසේ ලියා තිබිණි.ඇත්තවශයෙන්ම එය මහත් පාඩුවකි.මා මිත්‍ර ෂර්ලොක් හෝම්ස් මෙන්ම මයික්‍රොසොෆ්ට් හෝම්ස්ද අති දක්ෂ පුද්ගලික රහස් පරීක්ෂකයෙක් වූ අතර සිරිලංකාඩ් පොලීසියේද ඔහු තරම් දක්ෂ එකදු නිලධාරියෙක් හෝ සිටියේ නැත.

"ඇත්තටම මටත් කණගාටුයි හෝම්ස්.මොකක්ද මේ 'පිටියේදී හමුවන්නේ නැත' කියන එකේ තේරුම.මොකක්ද ඒ පිටිය." මම ඇසුවෙමි.

"කඹුරුපිටිය බං.පොර හිටියෙ කඹුරුපිටියෙ අපෙ තාත්ත ඉන්න කාලෙ ජීවිත බුක්තිය තියාගෙන ලියල දීපු අර බුරියවත්ත ඉඩමෙනෙ.රිටය වෙලා පොර ඉඩමත් විකුණලා අන්තිමට දෙහිඅත්තකණ්ඩියෙ පදිංචියට ගියා බං." හෝම්ස් කීවේ කසියා පාරක් උගුරට හලා ගනිමිනි.අපේ ඉස්සර බ්‍රෑන්ඩ් එක වූ බජාර් එකේ ලලක්කා හෙවත් තලතලා අතුකෝරලගේ එකට වඩා ප්‍රසන්න රණවරාගේ කසිය පාර සැර වැඩි බව පළමු ෂොට් එකෙන්ම මට දැනුනි.

"පට්ට දාඩිය පොල්ලක්නෙ දැම්මෙ.ෆෑන් එක දාගන්නවත් නෑ කරන්ට් කපලනෙ හු#ත." හෝම්ස් කීවේ නැගිට ගොස් ජනේලයක් අරින අතරතුරය.

"පට්ට රස්නෙයක් තියෙන්නෙ හෝම්ස්.වෙලාවක හිතෙනව ඔක්කොම අතෑරල දකුණු රට වගේ හොඳ සශ්‍රීක සුපිරි රටකට යන්න." මම කීවෙමි.

"ඒකත් ඇත්ත තමයි බං.මේ ගස් කපන කැපිල්ලට මෙහෙම තියෙනව ඇති.දැන් බලපං වොට්සන් 'ලේක්ෆයර්' වනාන්තරේ, 'ලයන්කිංග්' වනාන්තරේ 'නකල්ස් වනාන්තරේ' මේ ඔක්කොම කපාගෙන යනවනෙ අර බදුරෙදීන් වේසිගෙබල්හා." හෝම්ස් පැවසුවේ තරහිනි.

"ඒ උනාට හෝම්ස් මේ පාරනම් සිස්ටම් එක චේන්ජ් වේගෙන එන්නෙ.මටනම් ෂුවර් ලොකු වෙනසක් වෙයි." මම කීවෙමි.

"ලබ්බ තමයි වොට්සන්.කොච්චර උනත් බලපංකො මැයි පළවෙනිදට රැළි ටික.එතකොට තේරෙයි චේන්ජ් එක." හෝම්ස් කීවේ කට කොනකින් සිනාසෙමින් වුවද දැඩි ශෝකයෙනි.පසුගිය දින ගණනාවක් තිස්සේ දැඩි ආර්ථික ප්‍රශ්නවලට මුහුණදීමට හෝම්ස්ට සිදුවිය.එයට ප්‍රධානතම හේතුව වූයේ හෝම්ස්ට විසඳීමට ලැබුනු ගැටළු ප්‍රමාණය අඩු වීමයි.මන්දයත් සිරිලංකාඩ් පොලීසිය විසින් හෝම්ස්ට වඩා දක්ෂ ලෙස එම ගැටළු විසඳීමයි.උදාහරණයක් ලෙස මෑතකදී මුළු ලන්ඩනයම භීතියෙන් මුසපත් කල දේවාරූඪ වූ කපුවාගේ කුපාඩිකම නැමැති අභිරහස හෝම්ස්ට පෙර විසඳා පැය දෙකෙන් විසඳුම ලබා ගැනීමට සිරිලංකාඩ් පොලීසිය සමත් විය.ඉතා අහිංසක අවංක වැදගත් කපු මහතෙක්ගේ සිරුරට ආරූඪ වී එම ආරූඪයෙන් ඔහු ලවා බාලවයස්කාර දැරියක්ව දූෂණය කරවීමට තරම් කෲරතර මනසක් තිබූ එම දෙවියාව අල්ලා ඩී.සී.එස්.එල්. ගල් බාගෙ බෝතලේක දමා කිරල ඇබයක් ගසා උසාවියට භාර දී ශීලය නොකැඩෙන පරිදි ප්‍රවේසමට ඒ අහිංසක කපු මහතාව බේරාගැනීමට සිරිලංකාඩ් පොලීසිය යුහුසුළුව කටයුතු කලේය.යථොක්ත සිදුවීම කණවැකුණු සැනින් හෝම්ස් මා සමග කියා සිටියේ එම කපුවා කුපාඩියෙක් බවත් එයට වරදකරු ඔහු බවත්ය.එහෙත් සිරිලංකාඩ් පොලීසිය ගැටළුව විසඳා දෙවියාව අල්ලාගත් පසු මා හෝම්ස්ට සතියක් යනතුරු කින්ඩි දැමූයෙමි.එම දුකට ලලක්කාගේ පොට් එකට ගොස් කසිප්පු බෝතල් එකහමාරක් බී නස්තාර් වී බෝගහ හන්දියෙ වීල් පාක් එක ලඟ වැටී සිටි හෝම්ස්ව ගෙදරට ගෙනවිත් හඩ්සන් මහත්මියට බාර දී තිබුනේද පාසල් නිමවී ගෙදර යමින් සිටි දක්ෂ සිසුන් දෙදෙනෙක් වූ අවන්ත සහ අනුහස් විසිනි.

විසිත්ත කාමරයට වී මා සමග නිවී සැනසිල්ලේ අඩිය ගසමින් සිටි හෝම්ස් එක්වරම ජනෙල් රෙද්ද උස්සා පහල මාවත දෙස මද වේලවක් බලා සිටියේය.

"හුරේ...යි.විසඳන්න ගැටළුවක් ලැබෙන්නයි යන්නෙ වොට්සන්.ජී චකා..ජිංකි චකා...මේකනම් ගොඩක් සංකීර්ණ ගැටළුවක් වෙයි.පේන විදියටනම් මෙහෙට එන හිපාටුවට දහ අතේ කෙලවෙලා ඩයිනෝසර්ලා දහයක් විතර පෝලිම් දාලා වගේ." පුකේ ටින්ටස් ඇණයක් ඇනුන දෙවන ලෝක යුද්ධ භටයෙක් මෙන් හී සැරක් සේ නැගී සිටි හෝම්ස් මට එය පවසා ක්ෂණිකව නිදන කාමරයට පැන දොර වසාගත්තේය.

"අර හු#තා ඇවිත් දොරට තඩිබාවි.එකපාරටම දොර අරින්න එපා,පොඩ්ඩක් බිසී වගේ පෙන්නපං." හෝම්ස් කාමරය තුල සිට ගුගුලේය.

අමුත්තා ඉතා වේගයෙන් තරප්පු පෙල නගින ශබ්දය ඇසුනු අතර එක්වරම කිසිදු තට්ටු කිරීමකින් තොරව හුකෑස් ගා දොර ඇරගෙන ඔහු අපගේ විසිත්ත කාමරයට පිවිසී සිටියේය.ඔහුගේ මුහුණ සුදුමැලි වී තිබූ අතර මුහුණේ වූයේ තදින් කැලඹීමකට පත්වූ සලකුණුයි.

"අනේ හෝම්ස් මහත්මයා ඉක්මණට මට බ්‍රැන්ඩි වීදුරුවක්." අමුත්තා වෙව්ලන දෑස් මා දෙසට යොමු කර ආයාචනා කලේය.

"තොපිලා කෙලං එන එන වෙලාවට බ්‍රැන්ඩි ගිල්ලන්න මේක බාර් එකක් කියල හිතුවද යකෝ.උඹට ඔච්චරම ඕන්නං එනගමක් කාලක් ගහල එන්න තිබුණනෙ." එකෙනෙහිම නිදන කාමරයේ දොර ඇරගෙන විසිත්ත කාමරයට පිවිසි හෝම්ස්,අමුත්තාට ගිගිරුවේය.හෝම්ස් පැමිණියේ තමාට සුපුරුදු ඇඳුමින් සැරසී ලින්ක් කේශා ගා කොණ්ඩය පීරා දුම් පයිප්පයද කටේ ගසාගෙන බස්තමද රැගෙන සුපුරුදු උජාරු ලීලාවෙනි.ඔහු එක්වරම කාමරයට පිවිසියේ මේ වෙස් පෙරලිය සඳහා බව මට වැටහිණි.

හෝම්ස් ගේ බැනුම් නොතැකූ අමුත්තා ස්ටූලය මත තිබූ කසිප්පු බෝතලය ගෙන කට තියාගෙන බීගෙන බීගෙන ගියේ ඉතාමත් කැලඹීමට පත්වූ අයුරිනි.හෝම්ස් එදෙස බලා සිටියේ,අවුරුදු අවසන් වූ පසු කාටත් හොරෙන් තනියම කෑමට සඟවා තැබූ කැවුම් ගෙඩියක් ගෙදර වෙන එකෙක්ට අසුවී කන අවස්ථාව ශෝකයෙන් බලා සිටින තුන වසරේ කුඩා ළමයෙකුගේ වැන් අසරණ මුහුණකිනි.එක හුස්මට උගුරු අටක් විතර බිව් අමුත්තා බෝතලය ස්ටූලය මත තැබීය.එයින් ඔහුගේ කැලඹිලි ස්වභාවය මදක් අඩුවූ බව පෙනෙන්නට තිබිනි.

"හෝම්ස් මහත්මයා...කවුද මේ මට කෑ ගහපු පර බල්ලා." අමුත්තා විමසුවේ මගෙනි.ඔහු සිතා සිටින්නේ හෝම්ස් මා බවයි.

"ඇත්තටම ලොකු උන්නැහේ මෙතන මමයි ෂර්ලොක් හෝම්ස්.ඔබ ඉන්නෙ වැරදි වැටහීමක." හෝම්ස් කීවේය.

"ආ ඇත්තද හෝම්ස් මහත්මයා.එතකොට කවුද මේ පරබල්ලා." ඔහු ඇසුවේ මාහට ඇඟිල්ල දිගු කරමිනි.

"මේ දොස්තර ජෝන් වොට්සන්.එම්බීබීඑස් ලන්ඩන්, යුනිවර්සිටි ඔෆ් සයිටම්.ඔහු තමයි මගේ සහයකයා." හෝම්ස් ඔහුට මාව හඳුන්වා දුන්නේය.

" ආ එහෙමද සල්ලි තියෙනව නම් ඉතින් ඕන ගොනෙකුට පුළුවන් දොස්තර කෙනෙක් වෙන්න.මටත් ඉන්නව ජෝන් කියල යාළුවෙක්.එයාට ලොකු පොල්ලෙලි මෝලක් තියෙනව.මේ ලඟ ගෙවල් තියෙන්නෙ." අමුත්තා කීවේය.පොර මහ කට වාචාල ඩයල් එකක් බව අපට වැටහිණි.

" මම කැමතියි මහත්මයා ඔබ ඔතනින් ඉඳගන්නවනම්.මොකද ඔබ මෙතනට එනකොටත් වෙව්ලමින් හිටියෙ.මට හිතෙන්නෙ දරුණු ප්‍රශ්නයක් විය යුතුයි." මම ඇසුවේ ඔහුට අමුත්තන්ට වාඩිවීමට තබා ඇති අපේ කැඩිච්ච වැල් පුටුව පෙන්වමිනි.

"ඔව් මහත්මයා දරුණු ප්‍රශ්නයක් තමයි.සික් එකනෙ.හවස් වෙද්දි පොඩ්ඩක් දාගත්තෙ නැත්නම් වෙව්ලන්න ගන්නව.හැමදාම ඔහොමයි.වෙලාවට කසිය පාර සෙට් උනේ." වැල් පුටුවෙන් වාඩිවූ අමුත්තා සිනා සෙමින් කීවේය.

හෝම්ස්ටත් මටත් මූණින් මූණ බැලුණේ නිතැතිනි.ඔහුට හොඳින් ඉදුණු විශාල වට්ටක්කා ගෙඩියකින් පහර දී පාර දිගේ එලවාගෙන යන්නට මට සිතුණු නමුත් ඉවසා සිටියේ හෝම්ස්ගේ රස්සාවට කෙලවීම නොකල යුතු නිසාය.අමුත්තා අවුරුදු 65 පැනපු නාකි හෝතම්බුවෙක් බව දුටුවනම මා නිගමනය කලෙමි.සුදු අත්දිග කමිසයක් සහ සුදු සරොමක් හැඳසිටි ඔහු උපැස් යුවලක් පැලඳ සිටියේය.වාචාල කටක් සහ අමිහිරි කටහඬක් හිමි ඔහු සිනාසෙනවිට ඇස් සිහින්වී යන අතර තරමක් ජෝකර් පෙනුමකින් යුක්ත අයෙක් විය.

"හරි මහත්මයා...මම සූදානම් ඔබේ කතාව අහන්න.ඔබ එකින් එක නිවැරදිව පැහැදිලිව විස්තර කරනවනම් ඒක මට ලොකු සහයක් වෙයි නිවැරදි නිගමනයන්ට එලඹෙන්න " සුපුරුදු ලෙස හාන්සි පුටුවේ පතබෑවුනු හෝම්ස් කීවේය.

"නිගමනයන්ට එලඹෙන්න නම් ඕන ගොනෙකුට පුළුවන්.හිහී" අමුත්තා කීවේ සිනාසෙමිනි.

හෝම්ස්ට මළපැනගෙන ආ බව මට දක්නට තිබිනි.ඕකාට මළපැන්නොත් ඌරෙක් වැනිය අතට අහුවෙන එකෙන් පහර දෙයි.නාකියා හු#ගන්න ආසන්න බව මට පෙනෙන්නට තිබිනි.

"අ...බ්.. ඇත්තටම සමාවෙන්න ඕන හෝම්ස් මහත්මයා...මම එහෙනම් කතාව කියන්නම් නේද.මගෙ නම ලක්ෂ්මන් කිරිඇල්ල.මේක මහා මංකොල්ලයක් මහත්මයා.මහ දවල් වෙච්ච දරුණු මංකොල්ලයක්...



part 2




taken from: මරිජුවානා ෆීලින්ග්ස් Facebook page
Reply With Quote
(#2)
Old
chega995's Avatar
chega995 chega995 is offline
Senior Member
chega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the rough
 
Posts: 490
Join Date: Apr 2018
Location: ලැට් එකේ
Up සිරිමත් ආතල් මරිජු කොනෙන් ඔයිල්ගේ __ ෂර්ලො" - 11-24-2019, 09:49 AM

part 1

සිරිමත් ආතල් මරිජු කොනෙන් ඔයිල්ගේ __ ෂර්ලොක් හෝම්ස් __ °•° වික්කමසිංහ වලව්වේ මහා මංකොල්ලය °•° - දෙවන කොටස


පිට හිතාගන්නවත් බැරි විදියට ගිනි දවල් වෙච්ච මංකොල්ලයක් හෝම්ස් මහත්මයා" අමුත්තා කීවේ ඇස් ලොකු කරගෙන දෙඅත් දෙපසට දමාගෙන හරියට අමතර ආදායමක් සොයාගැනීම සඳහා බත් කන්නැති පොඩි එවුන් බය කරන විශ්‍රාමික ජල රකුසෙකු මෙනි.

"මේක සිද්දවුනේ අපෙ රනිල් හාමුගෙ වික්කමසිංහ වලව්වෙ.රනිල් හාමුට තරහකාරයො කවුරුවත් හිටියෙ නෑ හෝම්ස් මහත්මයා.ඒ පළාතෙ හැමෝම ඔහුට දරුවෙකුට වගේ ආදරෙයි.ඔහු ඉතාම නීතිගරුක,ගුණධර්ම,සාරධර්ම වලින් පිරිච්ච දහම් පාසල් දරුවෙක් තරම් අහිංසක ශ්‍රේෂ්ඨ පුද්ගලයෙක් හෝම්ස් මහත්මයා.ඒ වගේම රටට ජාතියට ආදරේ කරපු යහපත් පුද්ගලයෙක්.ඒ විතරක් නෙවෙයි ඔහු විශිෂ්ට මොළයක්.ඇත්තෙන්ම ඔහු නළුවෙක් නෙවෙයි මොළයක්....
"හෝව්...හෝව්...මේ ලොකු උන්නැහේ,තමුංගෙ ඔය හාමු ඔච්චරම මොළයක් නම් ඌටම මේක විසඳගන්න කියහංකො.තකහනියක් කෙලං ඇවිත් මට කියන්නෙ ලබ්බටද." ඔහුට තමාගේ හාමුවාගේ පුරාජේරුව කියවීමට බාධා කරමින් හෝම්ස් ගුගුලේය.

"නෑ හෝම්ස් මහත්මයා.ඔහුට රහස් පරීක්ෂණ සම්බන්ධයෙන් නම් දැනුමක් නැහැ.ඔහුට තියෙන්නෙ ආර්ථිකය පිළිබඳ විශිෂ්ඨ ඥාණයක්.රහස් පරීක්ෂණ නම් මොනාද ඉතිං.ඕන ගොනෙකුට පුළුවන් රහස් පරීක්ෂණ කරන්න." කිරිඇල්ල කීවේ සුපුරුදු ගූ හිනාව දමමිනි.

"මේ අයිසේ...මට මේක කියනව.තැන් තැන්වල ගිහින් නැති ගුණ කිය කිය මේ වගේ රෙදි නැතුව කඩේ යනවට ඔය කියන හාමුවා තමුසෙට කීයක් ගෙවනවද..?" හෝම්ස් ඇසුවේ විධානයක ස්වරූපයෙනි.හෝම්ස්ගේ එම කතාවෙන් අමුත්තා අප්සට් ගිය බව පැහැදිලිවම දකින්නට තිබිණි.යාළුවාගේ බත් එක හොරෙන් කා ටීචට මාට්ටු වූ තුන වසරේ ශිෂ්‍යයෙකුගේ වැනි මුහුණක් ඔහුගෙන් පිළිබිඹු විය.

"අනේ කාටවත් කියන්න නම් එපා හෝම්ස් මහත්මයා.ඔබතුමාලට ඇත්ත නොකිය බෑනෙ.පොඩි පොඩි කමිෂන් සම්තිංග්ස් ටිකක් ලැබෙනව ඉතින්.තව ඉතින් බාර් පර්මිට්,වාහන පර්මිට්,බස් රූට්,ෂෙඩ් පර්මිට්,කොන්ත්‍රාත්,කොමිස් කුට්ටි,ඇඳපු රෙදි,පරණ ජොක්කු,බත් දංකුඩ,මස් කටු,ගස්ලබු ඇට,කුඩ නන,මල් ජංගි එකී මෙකී නොකී හැමදේම ලැබෙනව මහත්මයා.ඒකයි ජුංඩක් කඩේ යන්නෙ.මේ මංකොල්ලය නිසා රනිල් හාමු පට්ට විදියට අසරණ වෙලා ඉන්නෙ.මේක කොහොමහරි විසඳල දෙන්න හෝම්ස් මහත්මයා.අනේ මං ඔබතුමාලට ඇත්තම කියන්නම්.මහරජ කන්සා පල්ලා." කිරිඇල්ල කීවේ ඇත්තම කියන බව ශපථ කරමිනි.එහෙත් ඔහු විස්වාස කල නොහැකි අමු පචෝරියෙක් බව අපට පෙනුනි.

"හරි මේ අන්තිම වතාව කිරිඇල්ල මහත්මයා.ඔබතුමා ආයෙ මෙතන හැමිනෙන්න හැදුවොත් දෙනව පයින් පාරක් ලබ්බ ඇවිල්ල මූණෙ වදින්න.හා දැන් කියන්න මහත්මයා." හෝම්ස් කීවේ ඉතා ආදරණීය ලෙසිනි.

"හරි හරි මහත්මයා.මං කියන්නම්.මම මේ කියන වික්කමසිංහ වලව්ව තියෙන්නෙ නොනගිනපුර, සමනල මාවතේ.වලව්ව අයිති අපේ රනිල් හාමුයි එයාගෙ නෝනයි ඒකෙ තමයි ජීවත් වෙන්නෙ.රනිල් හාමුට අම්බානෙකට තරහකාරයො ඉන්නව හෝම්ස් මහත්මයා.මිනිස්සු ඔහුව මරාගෙන මස් කන්නෙ නැත්තෙ හරක් මස් කන්නෙ නැති නිසා කියලා කොල්ලෙක් ෆේස්බුක් එකෙත් දාල තිබුනා.ඒතරමට තරහකාරයො.අඩුම ගානෙ හාමුගෙ හිතවත්තු විසිතිස් දෙනෙක්වත් හැමවෙලාවෙම වලව්වෙ ඉන්නව.වලව්වෙ වැඩට සේවකයො දහසය දෙනෙක්,රියදුරන් පස් දෙනෙක්,බල්ලො නාවන්න සේවකයො තුන් දෙනෙක්,හාමු නාවන්න සේවකයෙක්,හාමුගෙ පෞද්ගලික වැඩවලට ඉන්න තරුණ කඩවසම් සේවකයො පස්දෙනෙක්,ආරක්ෂක නිළධාරීන් විසි එක් දෙනෙක් වලව්වෙ ඉන්නව හෝම්ස් මහත්මයා.මීට අමතරව හාමුව බැහැදැකල පු# දීල යන්න වටේ ඉන්න වහල්ලුත් ඇවිත් යනව." කිරිඇල්ල කීවේය.

"එතකොට වලව්වෙ කාන්තා සේවිකාවන් කවුරුවත් නැද්ද." හෝම්ස් ඇසුවේය.

"නැහැ හෝම්ස් මහත්මයා.වික්කමසිංහ නෝනා ඇරුණම කිසිම කාන්තා පුළුටක්වත් වලව්වෙ නැහැ.වලව්වෙ ඇතිකරන බල්ලො හතරදෙනත් පිරිමි සත්තු.ඔබට කියන්න හෝම්ස් මහත්මයා මේ ඊයෙ පෙරේද දවසක වලව්වෙ ෆ්‍රිජ් එක පිටිපස්සෙ ඉඳල ගෑණු කැරපොත්තියො දෙන්නෙක් අහුවෙලා හමු උන් දෙන්නවත් පලපු ටෙනිස් බෝලයක් ඇතුලට දාල එහා වත්තට විසික් කලා.ඒ විතරක් නෙවෙයි හාමුගෙ ලඟම හිතවත් යාලු මිත්‍රාදීන් බොහොමයකුත් පිරිමි අය තමයි.

"එතකොට කිරිඇල්ල මහත්මයා මේ අවාසනාවන්ත සිද්ධිය උනේ කවදද.." හෝම්ස් ඇසුවේ නළල රැලි කරගනිමිනි.

"ඒක සිද්ධවුනේ පෙරේද හවස හෝම්ස් මහත්මයා.වික්කමසිංහ වලව්වෙ කාමරයක් පිරෙන්න ලොකුවට හදල තිබුන අපේ රනිල් හාමුගෙ සේප්පුවෙ අගුල කඩලා ඒක ඇතුලෙ තිබුන දේවල් සේරම හොරකම් කරගෙන ගිහින්.ඉතාම වටින ලියකියවිලි මුදල් වගේ ගොඩක් වටිනා දේවල් කොල්ලකාගෙන ගිහින්ලු.එදා කාමරයේ දොර ඇරගෙන ඇතුලට ගියපු ගමන් රනිල් හාමු මැහිතෙල් බීපු කෑඳැත්තෙක් වගේ යටිගිරියෙන් කෑ ගහගෙන එලියට පැන්නා.ඒ සද්දෙට අපි ඔක්කොම වික්ෂිප්ත උනා හෝම්ස් මහත්මයා.අපිට හිතුනෙ හාමුට කවුරුහරි පිහියෙන් ඇන්නා කියල.ඒත් කොහෙද ඒ තරම් වාසනාවක්.ඒ වෙලාවෙ තමයි හාමු කම්මුලට අත් දෙක තියාගෙන කොර ගගහ ඇවිත් අඬ අඬ අපිට කිව්වෙ සේප්පුව කඩලා වස්තුව කවුදෝ මංකොල්ල කාගෙන ගිහින් කියලා." කිරිඇල්ල විස්තරය කීවේ සිනාසෙමිනි.ඔවුන්ට මෙතරම් අලාභයක් සිදුවී ඇති මොහොතක ඔහු මෙසේ සිනාසීම මා තුල ඇති කලේ කුතුහලයකි.

"සිදුවීම ගැන නම් මට යම් අවබෝධයක් ලැබුනා.ඒත් අවශ්‍ය සාක්ෂි එකතු කරගන්න අදාල ස්ථානය පරීක්ෂා කර බලන්න මට එන්න වෙනව කිරිඇල්ල මහත්මයා.මේ ගැන ඔබට සැක කටයුතු යමක් හෝ එවැනි අසාමාන්‍ය සිදුවීමක් ගැන මතකයක් තිබෙනවද." හෝම්ස් ඇසුවේය.

"අනේ මන්දා හෝම්ස් මහත්මයා.එහෙම ලොකු සැක කටයුතු දෙයක් නම් මට මේ දවස් ටිකේ දැකගන්න ලැබුනෙ නැහැ.ඒත් වෙනදට වලව්ව පැත්තෙ ඇවිත් යන ඩිජිටල් හරීන් කොලුවා එදා ආවෙ නෑ.පස්සෙ මම පොරට කෝල් එකක් දාල ඇහුවම ඌ කියපි උන්ගෙ තාත්තා ඊට කලින් දවසෙ ඌට කිව්වලු පහුවදාට වික්කමසිංහ වලව්ව පැත්ත පලාතෙ යන්න එපා කියල." කිරිඇල්ල කීවේ සිනාමුසු මුහුණෙනි.

"එතකොට කවුද රනිල් හාමුව ලඟින්ම ආශ්‍රය කරපු හිතවත් අය" හෝම්ස් ඇසුවේය.

"හාමු ලඟින්ම ආශ්‍රය කලේ එයාගෙ මූලිකත්වයෙන් පවත්වගෙන යන එක්සත් සමනල ජාතික සංගමේ ඉන්න නමේ අගට "ල" යන්න තියෙන පකීර්ලා සෙට් එක තමයි.මංගල,සාගල,අකිල වගේ ලල ලල එවුන්,ඒ ඇරුණම මම, රෙවී ලැට්නායක,අපේ කෙරූ බයසූරිය මහප්පා,පොල්ලෙලිගම ජෝන් සීයා,ගණිතාචාර්‍ය තැම්පත් රෝසි රූරැජිණි කෙල්ල,රවු ෆක් ඊම් නානා,රිෂාඩ් බඩඋඩීන් වේසිගෙබල්හා,එඩිතර වන්ෂොට් හෙවත් ගූගල් රන්ජා,හුරිජ්ජබර රහුමාන් නානා,බේරුවල දත් සාප්පුවෙ දොස්තර රාජිත,මගේ හිතෙත් මරික්කාර් තම්බි,සලෝපුකුසංගම හීන් ප්‍රේමදාස කොලුවා,එක්සෙට්‍රා වගේ කට්ටිය තමයි." කිරිඇල්ල කීවේය.

"ආ එහෙමද.අප්පිරියාවෙ සංතෝසෙ බෑ නම් සෙට් එක ඇහුවම.මේ ඒක නෙවෙයි මොකක්ද අර සලෝපුකුසංගම කියනනෙ.කොහෙද ඒක තියෙන්නෙ." හෝම්ස් ඇසුවේ කුතුහලයෙනි.

" සලෝපුකුසංගම කියන්නෙ හෝම්ස් මහත්මයෝ සදා ලෝක පූජිත කුමාර සංගක්කාර ගම,ඒක තියෙන්නෙ රදාගේ ප්‍රේමදාස ලොකු උන්නැහෙල ගිනි පෙට්ටි ගෙවල් පෝලිම හදපු ගම්මුදාවෙ හි හී." කිරිඇල්ල කීවේ සිනාසෙමිනි.

"එහෙමද.ඉතාමත් සතුටුයි කිරිඇල්ල මහත්මයා.එහෙනම් ඔබ දැන් යන්න.මට වික්කමසිංහ වලව්ව පොඩ්ඩක් පරීක්ෂා කරලා බලන්න අවශ්‍යයි.ඒකට අපි අද හවසට එන්නම්.ම්ම්ම් ඒ වගේම අත්තිකාරම් මුදලක් ඔබ විසින් ගෙවනවනම් ඔබට පුළුවන් ගැටළුව සම්බන්ධව අපේ තිබෙන උනන්දුව ඉහල නංවන්න." හෝම්ස් කීවේය.

"අහා හරි හෝම්ස් මහත්මයා ඔබට අත්තිකාරමක් ගෙවන්න කියලා රනිල් හාමු මට වෙන් කරලාම මුදල් දුන්නා." කියූ කිරිඇල්ල පුටුවෙන් නැගිට සරම පැත්තෙන් උස්සා ජොකාගේ වාටියේ ගසාගෙන සිටි ලියුම් කවරයක් එලියට ගත්තේය.එය දිගහැර එයින් රුපියල් දෙදහසක් ගෙන කමීස උඩ සාක්කුවට දමාගත් ඔහු ලියුම් කවරය වසා එය අත් දෙකෙන්ම හෝම්ස්ට දික් කලේ අළුත් පාසල් වාරයේ පළමු දින ඩෙස් පුටු අස් කරන්න වෙන නිසා කපටිකමට පාසල් නෑවිත් ඉඳ පහුවදා පාසල් පැමිණි කෛරාටික සිසුවෙක් පන්‍තිභාර ටීචට බුළත් අත දික් කරන්නාක් මෙනි.එම ලියුම් කවරයේ කෙලවරෙහි "ෂර්ලොක් හෝම්ස් මහතා වෙත අත්තිකාරම් මුදලකි,මීට අතිගරු රනිල් හාමු" ලෙස ලියා තිබෙනු පෙනෙන්නට විය.
"තමුසෙ මොකක්ද අර සාක්කුවෙ දාගත්තෙ." හෝම්ස් ඇසුවේ ලියුම් කවරය අතර නොගනිමිනි.
"හි හී.ඒක මේ පුරුද්දට වෙන දෙයක් හෝම්ස් මහත්මයා.දන්නැද්ද මටත් පොඩි කමිෂන් එකක් තියෙන්න එපැයි යන ගමන් ගෝලිප් එකක්වත් ගහන්න." කිරිඇල්ල කීවේ ඇඹරෙමිනි.

"හු#ගන්නැතුව ඒකත් මේකට දාල දීපං." හෝම්ස් ගුගුලේය.

හෝම්ස්ගේ අණට කීකරු වූ කිරිඇල්ල වහාම එම දෙදහත් නැවත ලියුම් කවරයට දමා හෝම්ස්ට දී ඉක්මනින් පිටත්ව ගියේ කිසිදු විලිලැජ්ජැවක් නැති අයුරිනි.

"බලපං වොට්සන් අරූගෙ ගතිය.කොහෙන්හරි ගානක් කපාගන්නමයි හදන්නෙ.ඕකුන් නම් මහ කැළණි හිඟන්නො.ඉදකිං විතරක්." හෝම්ස් කීවේ තරහෙනි.

"ඇයි හෝම්ස් ඌ අපි ඉස්සරහම ඒ වැඩේ ඌට මොළයක් නැද්ද." මම ඇසුවෙමි.

"නෑ මිත්‍රයා.ඕකුන් හැමදාම ඔහොම එලිපිට ගසාකාලා දැන් උන්ට ඒක පුරුද්දට ගිහින්.ඌ හිතන්න ඇති උන්ගෙ වහල්ලු වගේ මාත් අන්ධයි කියල.ඌ හිතුව මදි මේ ෂර්ලොක් හෝම්ස්ට අරින්න." හෝම්ස් කීවේ තවත් කසියා පාරක් හලාගනිමිනි.කිරිඇල්ලයා නිසා බාධා උනු අපේ අඩිය නැවතත් ඉදිරියට කරගෙන ගියෙමු.හවස වික්කමසිංහ වලව්වට යායුතුයැයි කියා හෝම්ස් වැඩිය නොගත් නිසා මා උගේ ටිකත් එක්ක කඩිනමින් දාගෙන දාගෙන ගියෙමි.අතරමගදී සමහර අවස්ථාවක හෝම්ස් මට බැන බැන දෙහි බෑවක් මාගේ ඔලුවේත් යටි පතුල්වලත් උරච්චි කරනු මට සිහිනෙන් වගේ ලාවට මතකය.




* * * * *



කෙසේ හෝ දවල් 1 පමණ වන විට හෝම්ස් පයින් ඇන මට කීද්දුවේ වික්කමසිංහ වලව්වට යා යුතු බැවිනි.කඩිමුඩියේ නා ගත් මා අලුත් කිටක් දමාගෙන කොණ්ඩය පීරා මුහුණේ පවුඩර් ගා ලකලැහැස්ති වන තුරුම හෝම්ස් හාන්සි පුටුවේ දැප දාගෙන දුම් පයිප්පෙ බිබී මට දෝස්මුර දැම්මේය.පොර පැයක් පමණ මට කීද්දූ බවත් මළමිනියට හෙණ ගැහුවාක් මෙන් මා වැටී සිටි බවත් මම මළ පෙරේතකමට උගුඩුවා වගේ බිව්වා යැයි කියමින් ඔහු ගිගිරුවේය.තරමක හිස බමණ ගතියක් තිබුනද එතරම් අපහසුවක් නොතිබුනු නිසා ගමනට එක් වීමට මට හැකිවිය.හඩ්සන් මහත්මිය අපට දිවා ආහාරය පිණිස රතුහාලේ බතකුත් වතුමොටෙයියා බැදුමකුත් බණ්ඩොක්කා වෑංජනේකුත් කරවිල ඩෙවල් එකකුත් සාදා තිබුණද හෝම්ස්ගේ මී හරක් තදියම නිසා කුසගින්නේම පිටත් වීමට මට සිදුවිය.තණ්ඩලේ මාමා හපුතලේට හයර් එකක් ගොස් තිබුනු නිසා බෝගහ යට පාක් එකේ සිටි බ්‍රෙන්ඩන් කුරුප්පුගේ අශ්ව කරත්තයෙන් අප දුම්රියපොල වෙත ගමන් කලෙමු.දුම්රියපොලට ලඟාවන විට හෝම්ස්ට පට්ට බඩගින්නක් හා පත බොකක් සෙට් වී තිබිණි.පොරට ඇවිදගැනීමටත් අපහසු තත්වයක් තිබුණු නිසා අප ලඟම තිබූ සයිවර් කඩයකට ගොඩවීමු.එසැනින් හෝම්ස් එහි හිමිකරුගෙන් විමසා කඩය පිටුපසට දිව ගියේ ඉක්මනට බොක දැමීමට බව මා තේරුම් ගතිමි.හෝම්ස් එනතුරු මා කඩය ඇතුලට ගොස් හිඳගතිමි.කුඩා සයිවර් කඩයක් වූ එහි බිත්තියේ තැනක අරාබි අකුරු වැනි යමක් මුද්‍රණය කල වෛවර්ණ කොල කිහිපයක් අලවා තිබිණි.කොත්තු පරාටා සහ උළුඳු වඩේ සෑදීමට,උස කළු කෙට්ටු කොළුවෙක් සිටි අතර ඌ සියවසකින් පමණ නාන්නට තියා වතුර බාල්දියක් හීනෙන්වත් නොදකින්නට ඇතැයි ඌ ඇඳගෙන සිටි සුපිරිසිදු ස්කිනර් එක දැකීමෙන් මා නිගමනය කලෙමි.මුදලාලියා කැෂියර් කූඩුවට වී ප#යා වගේ සිටි අතර ඌ නිශාන්ත මුතුහෙට්ටිගමගේ ස්වරූපයට බොහෝසෙයින් සර්වසම සිරුරක් දැරූ බඩබෝල කන්නෙකි.කඩේ ආප්ප විකිණීම ඇති බව මා දැනගත්තේ ඌ ඔළුවේ දමාගෙන සිටි කැටයම් කැපූ ආප්පය දැකීමෙනි.

"යේක ෂර්ර්ර් මක්කද කනවා??" මා ගැස්සී යන ලෙස මගේ පිටුපසින් පැමිනි එකෙක් ඇසීය.හැරී බැලූ විට මා වික්ෂිප්ත වීමි.ඌ අමුතුම ජීවියෙකි.කෙට්ටු ඩෑල් එකක් වූ ඔහු, කළුතර ගෙදර අපේ සුනංගු සීයා අඳින ජාතියේ අත් තියෙන සුදු මේස් බැනියමක් ඇඳගෙන සිටි අතර එය සෑහෙන්න දුර්වර්ණ වී තිබිණි.මූ දෙවන ලෝක යුද්ධයට සහභාගි වී වෙඩි කා තිබුණු එකෙක් බව මා නිගමනය කලේ උගේ බැනියමේ වූ වෙඩි වැදුනු සිදුරු නිසාවෙනි.තවද නිල් කොටු කොටු සරමක් බඩ මැඳින් ඇඳ තිබුනේ සරමේ යට වාටිය කකුලේ මග හරියට සෙට් වෙන අයුරිනි.ඌ තරමක් චැසිය ඇඳ ගහපු බකල් එකෙක් වූ අතර දූෂණ හා මූල්‍ය වංචා වලට හසුවී දඩ ගසා රැකියාවෙන් නෙරපා දැමූ නත්තල් සීයා කෙනෙක්ගේ වැනි පැත්තක් තඹ පාටින් මළකඩ කෑ දිග යටි රැවුලක් ද ඌට තිබිණි.කඩේ මුදලාලියා මෙන්ම පොරද ආප්ප ප්‍රමෝෂන් එකට සැට්වී ඇති අයුරු උගේ හිස දැකීමෙන් මට වටහා ගත හැකිවිය.

"මට මස්කඩ නං කන්න බෑ.දැන් දෙක විතර වෙලානෙ මොනවද කන්න තියෙන්නෙ.?" මම ඇසුවෙමි.

"නෑ ෂර්ර් මොක්කද කනවා අහුවෙ? කොත්තු තියෙනව පරාට තියෙනව තව බීෆ් රයිෂ්,චික්කන් රයිෂ්,වඩයි,ගෝද්දම්බරොට්ටි තියෙනව,බිරියානි,වෝටර්ජෙලි, ජෙලට්නයිට්, ඩෙටනේටර්, යක්කඩබොල ෂර්ර් ඔඳ එව්ව." ඌ කීවේ ගෑණු දරුවොම අටක් විතර ඉන්න හද්ද දුප්පත් රොඩී ගෙදරකට දෑවැදි රහිතව දෙවනි කෙල්ල කැන්දන් යන්න එන ගොයිගම මනමාලයාට ගෙදර තාත්තා කතා කරන්නාක් මෙන් දැඩි සංග්‍රහශීලී අයුරිනි.නමුත් පොරගේ කටගඳ සැරටම වහනය විය.

"හා හා පරාට ගේන්න.හොඳි එක්ක." මම කීවේ ඉක්මනට ඌ එලවාගැනීමේ අරමුණෙනි.කටගඳට අමතරව දාඩිය ගඳට සැර විලෙවුන් විශේෂයක් මිශ්‍රවීම නිසා හමන සාම්ප්‍රදායික මැදපෙරදිග ගන්දස්කාරය උගේ ලඟින් සැරටම වහනය විය.
ඩෑල් එක ගොස් කොත්තු ගසන බුවා සිටින කුඩා වීදුරු කුටිය තුලට අත දමා පරාට අට්ටියක්ම අතින් ගෙන තැටියකට දාගන්නවා මා දුටු නමුත් මා එය නොදුටුවා සේ සිටියෙමි.අපි කන ජරාවෙ හැටියට ඕක එච්චරම ආපදාවක් නොවේ.විරාට් කෝලියා සහ රෝහිත් ෂර්මා එකතුවී උන්ගේ ආච්චිලා වැහීම නිසා දිගට හරහට හනුමා දර පලන්නාක් මෙන් හයේ හතරෙ ඒවා වනන්නට පටන්ගත් ටීටුවෙන්ටි මැච් එකක, දහ අටවන ඕවරය විකට්ටුවක්ද සහිතව ලකුණු දාසයකට විතර දමාගත් දුස්මන්ත චමීරයාගේ වැනි සැනසිලි සහගත සිනහමුසු මුහුණෙන් හෝම්ස් මා වෙත පැමිණියේ එවෙලෙහිය.

"පුදුම සහනයක් දැනෙන්නෙ වොට්සන්.මොනවද උඹ ඕඩර් කලේ" හෝම්ස් ඇසුවේ ඉඳගන්නා අතරතුරය.

"අරූ කෑම ලිස්ට් එකක් කිව්ව, අන්තිමට මොනවද ඉංග්‍රීසි කෑම ජාති වගයකුත් කියාගෙන ගියා.මං ඕව දන්නැති නිසා පරාට ඉල්ලුවා." මම කීවෙමි.

"ඒ වුනාට හැම වෙලාවෙම විමසිල්ලෙන් ඉඳපන් වොට්සන්.අවුලක් නෑ වෙලාවෙ හැටියට පරාටත් හොඳයි."
"නාකි අජූත වේටර් ජීවියා තැටියකට දාගත් පරාටත් හොදි ප්ලේට් එකත් පිඟන් දෙකත් ගෙනැවිත් මේසය මත තැබුවේය.
"යේක ඇතිවෙනකන් කන්න ෂර්ර්.ඕන දෙයක් තියෙනං ඉල්ලන්ඩ." කියූ ඔහු කපටි බයාදු සිනාවක් දමා ගියේය.
"බලපං වොට්සන් අරූගෙ කටේ ගඳ.කුණුපොල් බෑයට චූ කලා වගේ." හෝම්ස් කීවේ නහය හකුළුවාගනිමිනි.
අප සිටි මේසයට යාබදව බිත්තිය මුල්ලේ පෝර කවරයක් පිරෙන්නට මොනවාදෝ දමා පුරවා ඇති බව දුටු හෝම්ස් හොරෙන්ම එයට පයින් ඇන සෝදිසි කරමින් එයට එබිකම් කලේය.

"මොනවද බං ඒ" මම ඇසුවෙමි

"අප්පටසිරි.මේඩින් චයිනා අළුත්ම කඩු ලෝඩ් එකක් යකෝ.මං බොක දාන්න ගියපු වෙලාවෙ දැක්කා කක්කුස්සියෙ වහල උඩත් තිබ්බ කඩු දුසිම් පහක් විතර." හෝම්ස් කීවේ නළල රැලිගන්වමිනි.

"අනේ බං මේ වටේ තියෙන කැලේ සුද්ද කරන්න ගේන්න ඇති.උඹටත් ඕන නැති මගුලක් නෑනෙ කට වහගෙන ඕක කාපං." මම කීවේ පිඟානට හොඳි දමාගෙන කෑම ගන්නා අතරතුරය.හෝම්ස් එයට කිසිවක් නොකී අතර හෙතෙම කල්පනාවේ නිමග්න විය.අල්ලාදුන් පරාට අල්ලාදුන් හොදි වල පොඟවා අල්ලාදුන් අතින් අල්ලාගෙන අල්ලාදුන් කටේ ඔබාගත් මා ගිලගෙන ගිලගෙන ගියේ තිබූ කුසගින්න නිසාවෙනි.නහුතෙට බඩගින්න වැඩිවී සිටි බව කියමින් මගදිගට පාරම් බබා පැමිණි හෝම්ස් එක් පරාටයක් පමණක් කුඩා කෑලිවලට කඩා හොදි නැතුව කමින් සිටියේය.
"ඔය හොද්ද කන්න එපා වොට්සන් මේ බලපං" හෝම්ස් කීවේ හොදි තසිමට ඇඟිල්ල දිගු කරමිනි.

"මොකෙක්ද කැරපොත්තෙක්ද." මම ඇසුවෙමි.හෝම්ස් හොදි තසිමේ තිබී කුඩා ගුලියක් වැනි යමක් හැන්දකින් එලියට ගත්තේය.

"මේ බලපං.වඳ පෙත්තක්.කන්න එපා යකෝ මේකට වඳ පෙති දාලා." හෝම්ස් කීවේ ඇස් ලොකු කරගනිමිනි.

"අනේ මේ හෝම්ස් උඹ වතුර බේසමේ කිඹුල්ලු දකින්න එපා.අනික සයිටම් ඩොකෙක් විදියට මම කියන්නෙ මිනිස්සු වඳ කරන්න පුළුවන් බෙහෙතක් ලෝකෙ කොහෙවත් හොයාගෙන නෑ.උඹ මේ සහෝදර ජනතාවට අභූත චෝදනා නගලා ජාතික සමගිය නැති කරන්න හදන්න එපා.ඕක පිටි ගුලියක්" මම කීවෙමි.

"හහ් හහ් හා.එහෙමද මිත්‍රයා.කාරි නෑ.දැන් ඔය කෑව මදෑ.යමු පරක්කුත් උනා." කී හෝම්ස් මාගේ අතින් ඇදගෙන පුටුවෙන් නැගිට්ටේ මගේ කෑමටද බාධා කරමිනි.මා අත සෝදාගන්නිද්දී හෝම්ස් බිල ගෙවාදැමූ අතර අප කඩිනමින් පිටත්ව කොටුව දුම්රියපොලට පිවිසියෙමු.

"උඹනම් මහ ඇණයක් හෝම්ස්.නිදහසේ කන්නවත් දෙන්නෙ නෑනෙ.උඹට ඔහොම සැක හිතෙන්න අර මිනිස්සුන්ගෙ තියෙන වැරදි මොනවද." මම ඇසුවෙමි.

"ඕකට මම මොනවත් කිව්වොත් සංහිඳියාව නැති වෙනව වොට්සන්.ඊටපස්සෙ මටත් වෙන්නෙ හිරේ යන්න." හෝම්ස් කීවේ කට කොනින් මද සිනහවක් පාමිණි.

කොටුව දුම්රියපොලෙන් නොනගිනපුරට ටිකට් ගත් අප මහින්ද මහත්තයා හැදූ කෝච්චියකට ගොඩවීමු.අප ඇතුල්වූ දුම්රිය මැදිරියේ එක් ආසනයක් මත තනි කලු පැහැති රෙදිවලින් එතූ විශාල පාර්සල් දෙකක් තිබුනු අතර හෝම්ස් පුන පුනා කීවේ ඒ නින්ජා ස්වරූපයෙන් මුහුන වැසෙන සේ ඇඳගත් එක්තරා කාන්තා හෝ ඇතැම්විට පිරිමි මානව ජීවීන් දෙදෙනෙකු වන බවයි.කෙසේනමුත් මගේ තර්කය වූයේ ඒ පාර්සක් දෙකක් බවයි.කොයිහැටි වෙතත් අපේ ආරක්ෂාවට අප වෙනත් මැදිරියකට ගොස් අසුන් ගතිමු.පැයක පමණ ගමනකින් පසු අපට නොනගිනපුරට යාගැනීමට හැකිවිය.

සමනල මාවත පිහිටියේ නොනගිනපුර දුම්රියපොලට නුදුරිනි.සමනල මාවත පුරා කොළ පැහැති කොඩිවැල් එල්ලා තිබුන නිසා එය සොයාගැනීමට අපහසු නොවීය.වික්කමසිංහ වලව්ව අප සිතුවාට වඩා අති විශාල සුඛෝපභෝගී පෙනුමකින් යුක්ත එකක් විය.ඉතා උස් මනරම් තාප්පයකින් වටවූ එහි තිබුනේ උස් වූ වටිනාකමින් වැඩි යැයි කිව හැකි ගේට්ටුවකි.අප ගේට්ටුව අසලට ගොස් සීනුව හැඬවූයෙමු.

"කවුද යකෝ මේ වෙලාවෙ.හෙට එනවලා.අද හාමු නෑ." ගේට්ටුවට ඇතුලතින් තිබූ මුර කුටියෙන් සිංහ නාදයක් පිටවිය.


taken from: මරිජුවානා ෆීලින්ග්ස් Facebook page
Reply With Quote
(#3)
Old
chega995's Avatar
chega995 chega995 is offline
Senior Member
chega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the rough
 
Posts: 490
Join Date: Apr 2018
Location: ලැට් එකේ
11-24-2019, 09:52 AM

bump
Reply With Quote
(#4)
Old
chega995's Avatar
chega995 chega995 is offline
Senior Member
chega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the roughchega995 is a jewel in the rough
 
Posts: 490
Join Date: Apr 2018
Location: ලැට් එකේ
11-24-2019, 09:57 AM

bp++
Reply With Quote
(#5)
Old
JohnnySS's Avatar
JohnnySS JohnnySS is offline
Senior Member
JohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to allJohnnySS is a name known to all
 
Posts: 1,553
Join Date: Apr 2018
Location: සංසාරේ....
11-24-2019, 10:00 AM

repost මචන්...
Reply With Quote
(#6)
Old
malakadss's Avatar
malakadss malakadss is offline
Senior Member
malakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to beholdmalakadss is a splendid one to behold
 
Posts: 6,077
Join Date: Mar 2009
Location: තාම ලන්කාවේ
11-24-2019, 02:56 PM

bump
Reply With Quote
Reply

Bookmarks

Tags
මරිජුවානා feelings

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Copyright © 2006 - 2011 ElaKiri™ Beta2.Evo vBulletin, vBa iBproArcade Subdreamer I-Magic MKv

Page generated in 0.11057 seconds with 11 queries