වැස්සත් එක්ක වෙල්ලස්සට.......

වැස්සයි කියල ඇවිදින එක නවත්තන්න බෑනෙ.අනික වහින කොට ගෙවල් වලට වෙලා ඉන්නත් බෑ
වැස්සයි කියල බලන්නෙ නැතුව තෙමුණයි කියල හිතන්නෙ නැතුව ගිහින ආපු අපේ ට්‍රැවලර් ටීම් එකේ අලුත්ම සංචාරය එක්ක එකතු වෙන්න කියල හැමෝටම ආරාධනා කරනව

තෙමුණයි කියල ගණන් නොගත්තට මට නම් තාම හෙම්බා හෝ ගාල

දුර ගමනක් යන්න කලින් නිදා ගන්න ඕනෙ වුනාට අපිට නම් එහෙම එකක් නෑ.ට්‍රිප් එක ගියෙ 27 පාන්දර.26 මුලු රෑම අපි ඇහරගෙන.නදියගෙ ෆෝන් එක නැතිවුනා නම් අපිට නිදා ගන්න තිබුණා.
චාමිකයි,දිලුමයි,ලසායි,ගමයයි,මායි,නදියයි මේ ඔක්කොම එදා නදියලගෙ ගෙදර.
චමිත් ලයි පෙරාලයි පෙරාලගෙ ගෙදර.ඔක්කොම 11ක් වුනාට උදේ වෙනකම්ම අපි දන්නෙ 10යි.සැඟවුණු අමුත්තා කවුද කියල අපි දන්නෙත් උදේ

අපේ අණුමාන වලට අනුවම තරි අං.. අයියා තමයි සැඟවුණු අමුත්තා

බැඳපු මිනිස්සු තනියම ට්‍රිප් යනවා කියල ඒ මිනිහට බනින්න එපා ඉතිං දැන්

පෞද්ගලික හේතු හින්දා අපේ කඩියා බණ්ඩා වගේම පටාත් මේ ගමනට එකතු වුනේ නෑ

හයිලෙවල් පාර දිගේ අපි ගමණ ආරම්භ කරා.අපේ මුල්ම නැවතුම වුනේ රත්නපුර මහා සමන් දේවාලය.



දේවාලයට යන්න කලින්ම අපේ සමහරු පිං කර ගත්තා.ඒ අනිත් අයගෙ සෙරෙප්පු පරිස්සම් කරලා







ඇත්තටම මෙතනදි තවත් සුවිශේෂී දෙයක් සිද්ධ වුණා.අපිව බලන්න අමුත්තෙක් ආවා.
අමුත්තෙක් කිව්වට අපේම කෙනෙක්.
අපේ මිණිපුර සහෝදරයා.මැරීඩ් ක්ලබ් එකේ ක්‍රියාකාරී සාමාජිකයෝ හින්දා තරි අයිය නම් කලින් දැන හඳුන ගෙන තිබුණට අපි හැමෝම මිණීපුර සහෝදරයව හඳූණ ගත්තෙ එදා





දේවාලෙන් පහලට එනකොට මේක දැක්කේ කැමති කෙනෙකුට අලියගෙ බඩ යටින් යන්න පුලුවන්



මිණීපුර සහෝදරයා අපිව බලන්න ආව විතරක් නෙමේ ගෙදර එක්ක ගිහින් අපිට උදෑසන ආහාරයත් දුන්නා.
අපේ කට්ටියටත් ඉතිං කන්නම බෑනෙ

මිණිපුර දකින අහස



මිණීපුර සහෝදරයට සහ ගෙදර උදවියට සමුදීපු අපි නැවතත් ගමනේ...

මෙන්න මේක ගැන විශේෂයෙන් සඳහන් කරන්න කියල ඩීජේ ගමයා විශේෂයෙන් ඉල්ලීමක් කරා.
ඒ වගේම ඌට ටීක් ටීක් ගමයා කියන්න එපා කියලත් කියන්න කිව්වා



උඩවලව ජලාශය උඩින්



මුල්ම බස් එක ඒ කිව්වෙ කැමරාවට අසුවුනු



තනි කෙලින් පාර




මෙතන නැවැත්තුවෙ වෙන වැඩකට



මල්ලි දැන් සෙල්ලම බෑ මේක මහින්ද මහත්තයගෙ ආණ්ඩුව

ඉතිං අපිට මොකෝ අපි බැස්සෙ ෆොටෝ අල්ලන්න.මේව නම් පෙරාගෙ ඇස්



තණමල්විලටත් කිට්ටු කරා.



මෙතන පටන් බුදුරුවගලට යනතුරු සිදුවූ සියල්ල බලධාරියා විසින් කපා හරින ලද බව සලකන්න

හරි දැන් ඔන්න බුදුරුවගල





බුදුරුවගල ගලේ නිමකල බුදුරූපයකින් වගේම බෝසත් රූපයක් සහ තවත් පරිවාර කාන්තා රූපයකින් යුක්තයි.කොහොම වුනත් මෙය ඉදිකලේ කවුද කුමන කාලයකද යන්න තවමත් පරීක්ෂණ මට්ටමේ තමයි පවතින්නෙ.











බුදුරුවගල යන ඕනම කෙනෙක් බුදුරුව ගල ජලාශය ලඟ නවතින්නත් අමතක කරන්නෙ නෑ





බුදුරුවගලින් පස්සෙ අපි ගියෙ යුධගනාව චෛත්‍යය බලන්න.මේකත් විශාල ප්‍රමාණයේ දාගැබක්.
අහල තියෙනවද කතාව.දුටුගැමුණු රජ්ජුරුවො එක්ක සද්ධාතිස්ස කුමාරයා යුද්ධ කරේ මෙතැන කියලයි විශ්වාසය.ඒකයිනෙ මෙතනට යුධගනාව කියන්නෙ.




මේකෙ වටයක් යනව කියන්නෙ සෙල්ලම් නෑ...



මේ දිවුල් නම් සුපිරි



ඊලඟට අපි ගියෙ දෙමටමල් විහාරය වැඳපුදා ගන්න
මේ පැත්තෙ තියෙන හැම ජනශෘතියකටම සමබන්ධ වෙන්නෙ දුටුගැමුණු කුමාරයා මේකටත් එහෙමයි.
යුද්ධයෙන් පැරදී පලායන සද්ධාතිස්ස කුමාරයා පිටුපස ගැමුණු කුමාරයා හඹායන එක් අවස්ථාවක සද්ධාතිස්ස කුමාරයා මේ විහාරයෙ සැඟවී සිටියාලු.ඒ වෙලාවෙ මේ විහාරස්ථානයේ සිටිය හාමදුරුවරු තමයි සද්ධාතිස්ස කුමාරයට බෙහෙත් කරල තියෙන්නෙ.



පේනවද වෙල්ලස්සෙ අසිරිය මේ කුඹුරු යායවල් වල සාරය තමයි ගැමුණු කුමාරයාට යුද්ධයට බත සැපයුවේ.





අහල තියෙනවනෙ මාලිගාවිල බුදු පිළිමය ගැන.ප්‍රේමදාස ජනාධිපතිතුමාගෙ කාලයේදි බුත්තල පැවති ගම් උදාව හේතු කොට ගෙන තමයි බිම වැටිල විනාශ වෙලා තිබුණු මේ පිළිම කෙලින් කරේ.









මේ තමයි බුදුපිළීමය



මේ බෝසත් පිළිමය





මේක නම් රජ කාලෙ කතාවක් වෙන්නම ඕනෙ



පෙරේත කමට රොටි කාල දොඩම් එනතුරු බලා සිටීම
ඒක නම් අද කාලෙ කතාවක්



එදා අපේ ගමනේ අවසානය උනේ බිබිල.බිබිල ට යන්න කලින්ම වැස්ස පටන් ගත්තා.වැස්සෙම අපි බිබිලට ගියා

මෙන්න පලවෙනි දවසේ අපේ ගමන් මාර්ගය

ඔතනින් පලවෙනි දවසෙ කතන්දරය ඉවරයි කියල හිතුවට එහෙම නෑ
රෑට අපි කන්නෙ බොන්නෙ නැද්ද.කෑම ගේන්න බිබිලෙ ටවුමට ගිහින තමයි ගමනේ හොඳම සිදුවීම වුනේ.මේ සිද්ධියට මුහුණ දෙන්න වාසනාව උදා කර ගත්තේ නදියයි ගමයයි එක්ක මම
ටවුන් එක තිබ්බෙ වාහනේ යන තරම් දුරක නෙමෙයි.ඒ හින්ද අපි ගේට්ටු වලින් පැනලත් මහ රෑ ටවුන් ගියා ඒව වෙනම කතා.
අර කතාව කියනවනම් මෙහෙමයි.අපි තුන්දෙනා කෑම ගේන්න ගිහින් පාර හරහා වාහනේ හරවන්න හැදුවා.අයියෝ සල්ලි කියන්නෙ වාහනේ එක රෝදයක් තාර කට්ටෙන් පැන්නා.දැන් හෙලවෙන්නෙවත් නෑ .

වහිනවා හෝ ගාල මොනවා කරන්නද තල්ලු කරා කියන්නකෝ
පාරෙ යන වාහන නවත්තනවා මල්ලි තල්ලුවක් ඕනෙද අහනවා ආවට වඩා හයියෙන් යනවා
යන්තම් තල්ලු කරගෙන හොඳටම නාගෙන අපි ආව කොහොම හරි.අපිට උදවු කරපු අංකල්ට බොහොම ස්තුතියි

මොනව වුනත් එදා රෑ තමයි රෑ
වැඩි තොරතුරු නූල තුලින් දැන ගන්න

බලාගන්න බිබිලෙ ටවුම





බිබිලෙට එන්න පුලුවන් මාර්ග ගණනාවක්ම තියෙනවා.බදුල්ල ලුණූගල පැත්තෙන්,මහියංගණය පැත්තෙන්,මඩකලපු පැත්තෙන්,මොණරාගල පැත්තෙන් වගේම අම්පාර ඉඳලත් බිබිලෙට එන්න පුලුවන්.බිබිලෙ ටවුම සුවිශේෂී වෙන්නෙ ඒ හින්දා


අපි තෝර ගත්තෙ බිබිලෙන් අම්පාර පාර.මේ පාර ලස්සණයි ඒත් ටිකක් දුෂ්කරයි.අම්පාරට යනකම්ම එකෙක් හම්බවෙන හැම කෙනාගෙන්ම පාර හොඳයි ද ඇහුවලු



මෙයාලත් ඉන්නවා



නාමල් ඔය පැත්තෙ ඉඳල කොල්ලෙක් කොළඹ පැත්තෙ වැඩට එනවා.ඇවිත් එහෙදි ගෑණු ළමයෙක් එක්ක යාලු වෙනවා.ගෙවල් වල අකමැත්ත හින්ද දෙන්න පැනල යනවා.දැන් ඒ ගොල්ලො කොමඩු කඩයක් දාගෙන
කොමඩු කඩේ අක්කගෙ කතාව ලස්සනයි.එයා අපිට කිව්වෙ ටිකයි අපි ඉතුරු ටික සම්පූර්ණ කර ගත්තා.ඔය ඇති නැත්නම් මට මේක නවත්තලා කෙටි කතාවක් ලියන්න හිතෙනවා
කොහොම වුනත් අන්තිමට අක්ක අපිට කිව්ව කතාව තමා සුපිරිම



පල්ලෙහා පින්තූරය කොමඩු කඩේ ගාවදි ගත්තු එකක්.
එතනදි ඇහුණු එක කතාවක් කියන්නම්.
අක්කෙ සිග්නල් නෑ නේද.????
මොන සිග්නල්ද මල්ලි මටයි අයියටයි දෙන්නටම ෆෝන් දෙකක් තියෙනවා.ඒ දෙක තියා ගෙන ඉන්නෙ වෙලාව බලන්න



යන්තම එතනින් ගියා නාමල් ඔය ට.
මේ නාමල් ඔය ජලාශය.









නාමල් ඔය පහුකරල අපි ගමන් කලේ සේනානායක සමුද්‍රය බලා.
ලංකාවෙ තියෙන විශාලතම ජලාශය.

මේක ඊට කලින් නාමල් ඔයම තමයි.දවස් තුනක් අපිත් එක්ක ගිය අපේ ගමන් සඟයා



සේනානායක සමුද්‍රය පෝෂණය කරන්නෙ අක්කර ගණනාවක් පුරා විහිදුණු ගල් ඔය නිම්න ජාතික උද්‍යානය මගින්







ඇත්තටම ලොකුයි නේ





අපි නොගිය තැනක් නෑ අපි නොකල දෙයක් නෑ



අපි ඊලඟට ගමන් කරේ තවත් අති පූජණීය පුද බිමකට.සම්බුදු පහස ලත් දීඝවාපි පුදබිම.



සම්බුදු පහසින් පූජණීය වූවා සේම දීඝවාපි පුදබිම අපට ඉතා සුවිශ්ෂයි.භද්‍ර කච්ඡායනා කුමාරිගේ සොහොයුරෙකු වූ දීඝායු කුමාරයා මෙම ප්‍රදේශයට පැමිණ හෙළ කුමාරියක සමග ආවාහ වීමෙන් අනතුරුව දීඝ ගාමිණී කුමාරයා බිහිවෙනවා.
දීඝ ගාමිණී උණ්මාද චිත්‍රා කතාව දන්නවනෙ.පණ්ඩුකාභය කුමාරය බිහිවෙන්නෙ ඒ හින්දනෙ.
එහෙම බැලුවම අපේ රාජාවලියට හෙල ලේ මුසු කරන්නෙ ජීවය දෙන්නෙ මෙන්නෙ මේ ප්‍රදේශ වලින්

ඒත් අද අපට කියල ඉතුරු වෙලා තියෙන්නෙ දීඝවාපි දාගැබ විතරයි.



අලුතෙන් කැණීම් ආරම්භ කරලා අතීත ආරමයක් නටඹුන් මතුවෙල.ඒත් ඡායාරූප ගන්න තහනම්



දීඝවාපියෙන් අයිස් ක්‍රීම් කාල නොමිලේ දෙන බෙලිමල් රස විඳල අපි ගියා දීඝවාපි පරිවාර චෛත්‍යය බලන්න.



පරිවාර චෛත්‍යය හැටියට නම් බලන්න තියෙන්නෙ මෙච්ච්රමයි



ඒත් වටපිටාව නම් ලස්සනයි





දෙවෙනි දවසේ නෑම ඇරඹුණෙ මෙතනින් කන්ද නැගල එන්න කලින් හොඳටම වැස්සා වගේම හොඳටම නෑවා

අම්පාර නගරයෙදි අපිට අන්තර්ජාලයේ තවත් සුන්දර මිනිසෙක් හම්බවුනා.පසුගිය වසරේ හොඳම බ්ලොග් කරුවාට හිමි සම්මානයෙන් පුද ලද හිස් අහසේ අයිති කරුවා සඳරු




අම්පාර නම් හිතුවට වඩා බොහොම හොඳයි.අම්පාරෙ නවතින්න තිබ්බ නම් හොඳයි කියලත් සමහරු කිව්වා





අම්පාරට සමුදීල අපි වැස්සෙම මඩකලපුව බලා පිටත් වුණා.
එතන ඉඳන් තනිකරම ක්‍රියාදාම චිත්‍රපටියක් වගේ.
ආ ඔයා කොහෙද......ආ එතනින් හැරෙව්වද .......ආ මඩකලපුවට ආවද.....
ආ....අපි දැන් එනවා

රෑ වෙද්දි අපි මඩකලපුවට ආවා.බලල ඉන්නකෝ දෙවෙනි දවසේ ගමන් මාර්ගය.



පේනවද අපේ නවාතැන.ඔය E අකුරෙන් සඳහන් වෙන්නෙ එතන.මඩකලපු ලයිට් හවුස් එක ලඟ.ජීවිතයෙදි නවාතැන් ගත්තු තවත් සුන්දරතම නවාතැනක්.

ඇත්තටම ජීපීඑස් වලින් ඉන්න තැන දැන ගැන සිතියමේ භූවිෂමතාව ඇස් ඉදිරියෙදි දකින එක සංචාරකයෙකුට පරිසර ලෝලියෙකුට හිතට ගෙනෙන්නෙ අමුතුම හැඟීමක් ​

කලපුවට විතරක් නෙමෙයි පොලවටත් හෝ ගාල වහිනවා.ජනේලයකින් එළීය බලා ඉන්න එක හරිම සීතල අත්දැකීමක්......
මේ වෙලාවට ආදර හැඟීම් හිතට එන එක නවත්තන්න පුලුවන්ද.......
ඇත්තමයි මගෙ හිත ඔයාව තුරුලු කරගෙන සදලුතලයට වෙලා වැහිපොද වලට තෙමි තෙමි ඔහේ ඈත කලපුව දිහා බලාගෙන හිටියා............අඩුම තරමින් ඔයාගෙන් කෝල් එකක්වත් ආවනම්....හ්ම්ම්ම්ම්......

ත්‍රෙඩ් එක මාරුවුණා නෙමේ අපේ සංචාරයෙ ප්‍රේමණීය එකක් බවට පත් වෙන්නෙ මෙතන ඉඳන්.

කවදම හරි හම්බ වෙන ආදරයක් වෙනුවෙන් බලන් ඉන්න එක භාවනාවක් වගේ අමාරුයි තමයි.ඒත් මම හිතං හිටියෙ ඒ වගේ අමාරු ආදර කතාවක් තියෙන්නෙ මට විතරයි කියල.ඒත් ඒක එහෙම නෙමෙයි කියල මම තේරුම ගත්තෙ එදා.ඉස්සරහට මොනව වෙයිද කියල නොහිතම අපිත් එදා ඒ පෙම් කතාවෙ හවුල් කාරයො වුනා.
අපේ නවාතැනින් ගිහින් මඩකලපුවෙ සංචාරක නවාතැන් පීර පීර අන්තිමට තැන හොයා ගෙන අදාල කෙනාවත් හොයා ගෙන තව පොඩ්ඩෙන් එතනින් කෑමත් කාල ආපු ඒ ගමන ඇත්තටම ආදරණීයයි.ජීපීඑස් හින්ද ගිය පාරෙන් නැතුව වෙන පාරකින් හරි එන්න පුලුවන් එකත් ඇත්තටම ප්‍රේමණීයයි.

කතාව වැඩි වුණද මන්ද.මොනව වුනත් එකක් කියන්න ඕනෙ මඩකලපුවෙ නම් ඕනෙ අවශ්‍ය දේවල් හොයන්න කිසිම අමාරුවක් නෑ.
මන්නාරමේ වගේ දෙන දේවල් ගන්න ඕනෙත් නෑ

රෑ පහන් වෙන තුරුම ඩාන්සින් ස්ටාර් ක්‍රියාත්මක වුනත් අමාරුව නොසලකලම උදෙන්ම නැගිට්ටෙ නැගෙනහිරෙන් නැගෙන ඉර බලන්න.
ඒත් කොයින්ද ඉරක් වැහි දෙයියො හැම දෙයක්ම කලුවර කරල.ඒ වෙලාවෙ නම් මට හිතුණෙ අනේ හොඳයි කියල.තව ටිකක් නිදා ගත්ත අනිත් පැත්ත හැරිල




කලපුවට වහින කොට තවත් ලස්සනයි




තුන්වෙනි දවස ඇරඹුනේම වැස්සත් එක්ක. අපි වැස්සත් එක්කම පාසිකුඩා ගියා.



එදා නාන්න ඕනෙ අයට මුහුදට බහින්න ඕන වුනෙ නෑ එළියට බහින්න විතරයි ඕන වුනේ

ඒ මොනදේ වුනත එදත් තනිකරම ක්‍රියාත්මක වුනේ ආදර අන්දරයක්.
නදිය ජීවිතයටම හෙමින් ගියෙත් එදා.වෙන මොකුත් හින්ද නෙමේ වැස්ස හින්ද හයියෙන් යන්නබෑ
කවුද පිටි පස්සෙ ඉඳන් අහනවා නදියෝ කොළඹ යන්නෙ හෙටද කියලා

වැස්සෙ වුනත් අපිට පැණී බෝතල් භාගයක්ම දීපු කිරිකඩේ නංගියට ස්තුති වෙන්න ඕනෙ
අපේ අයත් හොඳට පැණි හැලුවා



අපි කලින් සැලසුම් කරල තිබුනෙ තුන්වෙනි දවසෙදි තවත් එලකිරි සාමාජිකයෙක් එක්ක සම්බන්ධ වෙන්න. එතුමා අපිටම කියලා වෙනමම දේවලුත් කලින්ම අරන් තිබ්බලු.ඒත් වැස්ස හින්දා එතුමා පොලොන්නරු එන්නෙ නැතුවම ගෙදර ගිහින්

පොලොන්නරු ඇවිත් පොතේ හැටියට යන්න හැදුවඩ වැඩක් වුනේ නෑ වැස්සත් එක්ක.



වැස්සට කලින් ගියෙ මෙතනට විතරයි.මේකත් දාන්නෙ අපි පොලොන්නරු ගිය බව පෙන්වන්න.නැත්නම් කියයි අපි බොරු කියනවා කියලා.



මුලු පොලොන්නරුවෙම ඇවිද්දත් වැස්ස හින්ද පින්තූර ගන්න බැරුවුනා.

ඒත් අපේ ක්‍රියාන්විතය ක්‍රියාත්මක වුනා අංක 4 සොයා.සාර්ථකයි හොඳටම.රඟපෑවා ලෙසටම.
එකෙක් ජීවිතේ පලවෙනි වරට මස්කට් අරන් දුන්නා කාටද

මොනදේ වුනත් එදත් තෙමුණා ඇති වෙන්න
ඇතතමයි මම කවියක් ලියනවා උඹ ගැන
වැස්සත් එක්ක වෙල්ලස්සෙ ගිහින් ආවෙ ඔහොමයි.මට මඟ ඇරුණු තැන් ත්‍රෙඩ් එකේදී අපේ අය කියයි.සමුගන්න කලින් බලන්නකෝ අපේ කට්ටියව.

මිස්ට ඇන්ඩ් මිසිස් පෙරේරා




චමිත් එක්ක පවී



එස්පී චාමික



තංගල්ලෙන් දිලුම්



ප්‍රධාන නළුවා නදීර84



තරි අයියා.....දවස් තුනක් ලිහල තිබ්බට වැටවල් ගාවටමයි යන්නේ



ලසා



මේ ගමයා.....
නෑ යකෝ මම සතිස්




අන්තිමට මම



වැස්සෙන් මොන බාධා තිබ්බත් තවත් අති සුන්දර සංචාරයක් නිමා වුනේ ඒ විදිහට.ඒත් පොඩි දුකක් හිතේ තියෙනවා ආයෙ ට්‍රැවලර් ටීම් එකත් එකක් මට ට්‍රිප් එක්ක යන්න කවද වෙනකම් ඉන්න වෙයිද

එහෙනම් සමු ගන්න හදන්නෙ ත්‍රෙඩ් එක බලපු හැමෝටම බොහොම ස්තුතියි.​

________________________________

​

​

​

We Highly Appreciate Your Ideas..
send your Suggestions and ideas :-

[email protected]




​