මටත් අරගලේ දිනපු මුල්ම දවසෙ (2022-07-09) පට්ට Moral එකක් ආවේ. ඒ සතුටට මං ඊට පහුවෙනිදම අපි තව වැඩි වැඩියෙන් අරගලේට Support කරන්න යන්න ඕනේ කියලා කියැවෙන විදිහේ Thread එකකුත් දැම්මා. ඒත් බං දැන්නම් අරගලේ ඉන්න සමහර මිනිස්සු කරන වැඩ හින්දා මට උං ගැන පට්ටම තරහක් ඇතිවෙලා ඉන්නේ. යකෝ අරගල කරනවා කියලා රජයේ දේපලත් විනාශ කර කර මේ විදියට මී හරක් වගේ හැසිරෙන්න ගත්තොත් නම් ඉතිං අපේ රටේ තත්ත්වය තිබ්බටත් වඩා බරපතල වෙන එක විතරලු වෙන්නේ. ජනාධිපති ලේකම් කාර්යාලය එහෙම කියන්නේ "ජනතාවගේ බදු මුදල් වලින්" හදපු දේවල්නෙ බං. එව්ව Politicians ල හොරකම් කරපු සල්ලි වලින් නිර්මාණය කරපු එව්ව නෙමෙයිනේ. ඒ හින්දා එව්වා විනාශ කරලා තේරුමක් නෑනේ. ඒ සරල දේ වත් ඔය අරගලේ කරන මිනිස්සුන්ට තේරුම්ගන්න බැරිද? මේ video එකේ කියන හැටියට ඊජිප්තුවේ Houni Mubarak ව දූරයෙන් පහ කරන්න ඒ රටේ මිනිස්සු කරපු අරගලයත් ඉතාමත් සාර්ථක වුනාලු. ඒත් බං ඒ පොර ධූරයෙන් පහ වෙච්ච දවසෙ ඉඳන් Transparency International Corruption Index එකට අනුව ඒ රටේ තත්ත්වය "කලින් තිබ්බටත් වඩා දරුණු වෙච්ච එක" විතරලු වෙලා තියෙන්නේ. අපේ රටේ මිනිස්සුත් දිගටම මේ විදිහට බූරුවෝ වගේ හැසිරෙන්න පටන් ගත්තොත් ඉතින් අපේ රටේ තත්ත්වයත් තිබ්බට වඩා දරුණු වෙන එක විතරයි වෙන්නේ. මං හිතුවේ සාමාන්ය මිනිස්සු කියන්නේ Politicians ලට වඩා අවංක සහ වැදගත් කට්ටිය කියලා. ඒත් බලාගෙන යද්දි ලංකාවේ මිනිස්සු සේරම එකයි. මිනිස්සු ගාව Discipline නැත්තං කවදාවත් ලංකාව වැටිලා තියෙන තැනින් ගොඩදාන්න බෑ. අනිත් එක තමා බං අපි සෙට් එක තරුණ ජවය කිය කිය කොච්චර නැටුවත් "අපි කව්රු ගාවවත් රටක් පාලනය කරන්න තරම් මොලයක් හා IQ එකක් නෑ" කියන ඇත්ත අපිට අකමැත්තෙන් වුනත් පිලිගන්න පුළුවන්කම තියෙන්න ඕනේ. හැබැයි දැන් මෙතන වෙලා තියෙන්නේ අරගලයේ යෙදුණු හැම එකාම එතන "පොර වෙන්න" දඟලන සීන් එකක්නේ. යකෝ දැන් politicians ල බලාගෙන ඉන්නේ අරගලේ ඇතුලෙ ඉන්න මිනිස්සු ටික "එකිනෙකා සමඟ" මරාගන්න පටන්ගෙන අරගලකරුවන් අතරේම අභ්යන්තර අර්බුදයක් ඇතිවෙලා අරගලකරුවන් අතින්ම අරගලය ස්වයං විනාශයට ලක් වෙනකං. එහෙම වෙන්න ඉඩතියන්න එපා. මේක ලංකාව ගොඩ දාන්න කාලෙකින් සෙට් වෙච්ච පට්ටම චාන්ස් එකක් බං.
හැබැයි මං කිරියෙ Thread එකකට දාලා තිබ්බ comment එකක දැක්කා මේ අරගලය "වමේ පක්ෂ වලින්" සංවිධානය කරපු අරගලයක් කියලා. උං ඒකට "නිර්පාක්ෂික" කියලා ටැග් එකක් ගහපු හින්දා අනිත් සාමාන්ය මිනිස්සුත් ඒකට රැවටිලා අරගලයට සම්බන්ධ වුනා කියලා ඒකෙ තිබ්බා. සාමාන්ය මිනිස්සුන්ව දරුණු වැඩ කරන්න පොලඹවන්නෙ ඒ වමේ පක්ෂවල කට්ටියම තමයි කියලත් ඒ comment එකේ තිබ්බා. ඒ කියන්නේ බං අපි අරගලේ අස්සෙ දරුණු වැඩ කරන්න පටන්ගත්තොත් එහෙම අපි නොදැනුවත්වම "වමේ පක්ෂ වලට කඩේ යනවා" වගේ සීන් එකක්නෙ වෙන්නේ. ඒ කියන්නේ මේ අරගලේ දිහා පිටින් බලාගෙන ඉන්න මිනිස්සු ජාති 3 ක් මට තේරෙන විදිහට ඉන්නවා.
1. දැනට බලයේ ඉන්න සෙට් එක අරගලකරුවන් අතින්ම අරගලය ස්වයං විනාශයට ලක් වෙලා යනකං බලාගෙන ඉන්නවා.
2. වමේ සෙට් එක අරගලය තුලින් තමන්ගෙ යටි අරමුණු ටික ක්රියාත්මක කරලා රටේ බලය අල්ලගන්න බලාගෙන ඉන්නවා.
3. කොහෙටවත් නැති ඕපපාතික මිනිස්සු දෙතුන් දෙනෙක් "මම තමයි අරගලය පටන්ගත්ත නායකයා" කිය කිය අරගලය හයිජැක් කරන්න බලාගෙන ඉන්නවා.
මං නම් කියන්නේ මේ මිනිස්සු ජාති තුනෙන්ම අපි පරිස්සම් වෙන්න ඕනේ. මේ රට ගොඩගන්න පුළුවන් Fields වල ඒ ඒ Subjects වලට අදාල සුපිරි knowledge එකක් තියෙන, හොඳ Experience එකකුත් තියෙන, හොරකං කරන්නෙත් නැති සුපිරි Uncle ල හා Aunty ල මං දැකලා තියෙනවා. ඇයි බං ඒ කට්ටිය සේරටම එකට එකතුවෙලා Syndicate එකක් හදාගෙන ලංකාව ගොඩ දාන්න සුපිරි plans ටිකක් හදලා එව්වා execute කරන්න බැරි? එහෙම කරානම් මේ රට සුපිරියටම ගොඩදාන්න පුළුවන්නේ. මං නම් කියන්නේ තාමත් මේ රට සුපිරියටම ගොඩදාන්න පුළුවන්. හැබැයි ඉතිං ඊට කලින් අපේ ලංකාවේ මිනිස්සුන්ගෙ Mindset එක හරියට හැදිලා ඉන්න ඕනේ. මොකද අපේ රටේ "සාමාන්ය මිනිස්සුත්" වගකීම් විරහිත විදිහට හැසිරෙන තාක්කල් මේ රට කවදාවත් ගොඩ දාන්න බෑ.
(මං මී හරකා, බූරුවා වගේ වචන සමහර තැන්වලට දාපු එක පොඩ්ඩක් inappropriate කියලත් හිතෙනවා. ඒත් බං ඒ වචන ටික එතෙන්ට දාන්නෙ නැතුවත් බෑ වගේ.)