ජනාධිපති රනිල් වික්‍රමසිංහ තිලකරත්න දිල්ෂාන්ගේ දියණිය වන ලිමන්සා තිලකරත්න හොර පාරෙන් වයස අවුරුදු දහනමයෙන් පහළ ශ්‍රී ලංකා කාන්තා ක්‍රිකට් කණ්ඩායමට ඇතුළු කර තිබේ.
ශ්‍රී ලංකාවේ කිසිදු මට්ටමක ක්‍රිකට් කණ්ඩායමක් නියෝජනය නොකළ සිය දියණියව ශ්‍රී ලංකා කාන්තා කණ්ඩායමට එක් කිරීමට ඩිල්ෂාන් යොදා ගන්නේ වයස විසිතුනෙන් පහළ දේශීය කාන්තා සුපර්ලීග් තරඟාවලියයි. මෙරට කාන්තා ක්‍රිකට් ක්ෂේත්‍රයේ දස්කම් දක්වන ක්‍රීඩිකාවන් මේ තරඟාවලිය සඳහා තෝරාගනු ලැබේ. එහෙත් කිසිදිනෙක මෙරට කාන්තා ක්‍රිකට් තරඟයකට සහභාගී නොවූ ලිමන්සා තිලකරත්න දඹුල්ල කණ්ඩායමට තෝරා ගන්නේ තිලකරත්න ඩිල්ෂාන්ගේ බලපෑම හේතුවෙනි.
ලිමන්සා තිලකරත්න හොර පාරෙන් කණ්ඩායමට…
වර්තමාන ක්රීඩා ඇමතිවරයා ද වන ජනාධිපති රනිල් වික්‍රමසිංහ ඕස්ට්‍රේලියාවේ සංචාරයක යෙදෙන වයස අවුරුදු දහනමයෙන් පහළ ශ්‍රී ලංකා කාන්තා ක්‍රිකට් කණ්ඩායමට අවසර ලබාදී ඇත්තේ එම කණ්ඩායමට ලිමන්සා තිලකරත්න නීති විරෝධී ආකාරයට ඇතුළත් කර ඇති බවට විවිධ පාර්ශව පෙන්වා තිබිය දී ය. ශ්‍රී ලංකාවේ කාන්තා ක්‍රිකට් තරඟ සඳහා සහභාගී නොවූ ඕස්ට්‍රේලියානු පුරවැසියෙකු ද වන (ද්විත්ත පුරවැසි) ලිමන්සා තිලකරත්න නීති විරෝධී පැරෂුට් ක්‍රමයට ශ්‍රී ලංකා කාන්තා ක්‍රිකට් කණ්ඩායමට ඇතුළත් කර තිබේ .ඕස්ට්‍රේලියානු සංචාරය සඳහා තෝරාගත් ක්‍රීඩිකාවන් පහළොස් දෙනා…
මොරටුව වේල්ස් කුමරි විද්‍යාලයේ රනුදි නානායක්කාරගේ නායකත්වයෙන් යුත් ඕස්ට්‍රේලියාවේ සංචාරය සඳහා තෝරාගත් ක්‍රීඩිකාවන් පහළොස් දෙනෙකුගෙන් සමන්විත වයස අවුරුදු 19 න් පහළ ශ්‍රී ලංකා කාන්තා ක්‍රිකට් කණ්ඩායමට තිලකරත්න ඩිල්ෂාන්ගේ දියණිය ඇතුලත්ව සිටියේ නැත.ෂම්මි, ඩිල්ෂාන් ගෙන් තේරීම් කමිටුවට බලපෑම්…
එහෙත් තිලකරත්න ඩිල්ෂාන් සහ ශ්‍රී ලංකා ක්‍රිකට් ආයතනයේ ප්‍රධානී ෂම්මි සිල්වා ඇතුළු බලධාරීන් තේරීම් කමිටුවට බලපෑම් කර ලිමන්සා තිලකරත්න කණ්ඩායමට ඇතුළත් කළහ. ඉන් පසුව ලිමන්සා තිලකරත්න ද ඇතුළත් දහසය දෙනෙකුගෙන් සමන්විත කණ්ඩායම ක්රීඩා ඇමති ජනාධිපති රනිල් වික්‍රමසිංහගේ අනුමැතියට යොමු කළේ ය.කුප්‍රකට රාජපක්ෂ සට්ටැඹියා…
තිලකරත්න ඩිල්ෂාන් යනු කුප්‍රකට රාජපක්ෂ සට්ටැඹියෙකි. වසර 2019 ජනාධිපතිවරණයේදී ඔහු ගෝඨාභය රාජපක්ෂ ජනාධිපති කිරීම සඳහා දරදිය ඇද්දේ ය. වසර 2020 මහ මැතිවරණයේදී ඔහු පොහොට්ටුවෙන් තරඟ කරන බව නිවේදනය කළ නමුත් අවසානයේ ඔහුට නාමයෝජනා නොලැබිණි. මෙයින් කලකිරීමට පත් තිලකරත්න ඩිල්ෂාන් සිය පවුලේ සාමාජිකයන් සමඟ ඕස්ට්‍රේලියාවට සංක්‍රමණය වී එහි පුරවැසිභාවය ලබා ගත්තේ ය.ඕස්ට්‍රේලියානු පුරවැසියෝ…
ශ්‍රී ලංකාවේ සිටින කාලයේ දී ඩිල්ෂාන්ගේ දියණිය පාසැල් හෝ ක්රීඩා සමාජ මට්ටමින් ක්‍රිකට් ක්‍රීඩාවට සම්බන්ධව සිටියේ නැත. ලිමන්සා තිලකරත්න ඕස්ට්‍රේලියාවේදී ක්‍රිකට් ක්‍රීඩාවට සම්බන්ධ වූවාය. එහෙත් ඇයට ඕස්ට්‍රේලියාව නියෝජනය කිරීමේ මට්ටමට දක්ෂතා දැක්වීමට නොහැකි විය.ඩිල්ෂාන්ගේ ශ්‍රී ලංකා කාන්තා ක්‍රිකට් කුරුමානම..
ගෝඨාභය රාජපක්ෂ ජනාධිපතිධූරයෙන් පන්නා දැමීමෙන් පසුව තිලකරත්න ඩිල්ෂාන් සිය පවුල සමඟ යළි සිය රට පැමිණියේ සිය දියණිය ශ්‍රී ලංකා කාන්තා ක්‍රිකට් කණ්ඩායමට ඇතුළත් කිරීමේ බලාපෙරොත්තුවෙනි. ඕස්ට්‍රේලියාවේදී අයුතු බලපෑම් සිදුකර ඩිල්ෂාන්ට තම දියණිය ජාතික කණ්ඩායමට තබා පාසැල් කණ්ඩායමකට හෝ ඇතුළු කිරීමට නොහැකිය.කිසිදිනෙක මෙරට කාන්තා ක්‍රිකට් තරඟයකට සහභාගී නොවූ ලිමන්සා…
ශ්‍රී ලංකාවේ කිසිදු මට්ටමක ක්‍රිකට් කණ්ඩායමක් නියෝජනය නොකළ සිය දියණියව ශ්‍රී ලංකා කාන්තා කණ්ඩායමට එක් කිරීමට ඩිල්ෂාන් යොදා ගන්නේ වයස විසිතුනෙන් පහළ දේශීය කාන්තා සුපර්ලීග් තරඟාවලියයි. මෙරට කාන්තා ක්‍රිකට් ක්ෂේත්‍රයේ දස්කම් දක්වන ක්‍රීඩිකාවන් මේ තරඟාවලිය සඳහා තෝරාගනු ලැබේ. එහෙත් කිසිදිනෙක මෙරට කාන්තා ක්‍රිකට් තරඟයකට සහභාගී නොවූ ලිමන්සා තිලකරත්න දඹුල්ල කණ්ඩායමට තෝරා ගන්නේ තිලකරත්න ඩිල්ෂාන්ගේ බලපෑම හේතුවෙනි.
