“මගේ දුව හරිම ලස්සනයි. ඒ හින්දා හැමෝම එයාට ආදරෙයි. ගෙදර වැඩ ටික හොයලා බලලා කරන්නේ දුව. දුව නැති වුණු එක මගේ දකුණු අත කැඩුණා වගේ. මගේ ලස්සන දුව අද මට නෑ. මරණ සහතික කොළය විතරක් අද මට ඉතිරි වෙලා." යැයි ලොර්යක් හා ත්රීරෝද රථයක් එකිනෙක ගැටී සිදුවූ අනතුරින් මිය ගිය විශ්ව විද්යාල ශිෂ්යාවගේ හදිසි මරණ පරීක්ෂණයේදී ඇගේ මව වන මේනුවරගේ මොනිකා ක්රිෂාන්ති (48) මහත්මිය ඉකුත්දා (08) පැවසුවාය. මෙලෙස මිය ගොස් තිබුණේ ශ්රී ජයවර්ධනපුර විශ්ව විද්යාලයේ සිවු වැනි වසර අවසන් කර උපාධිය අපේක්ෂාවෙන් සිටී රඹුක්කන ගලඋඩදෙනිය පොල්අත්තාපිටිය පදිංචිව සිටි මෙරගල්ගේ සනුරි ඉසුරිකා වීරසේකර නමැති 26 හැවිරිදි විශ්ව විද්යාල ශිෂ්යාවකි.
ශිෂ්යාව ඇති දැඩි කරමින් සිටි සුනඛයාගේ පාදයක අස්ථියක් බිඳී තිබියදී ඊට ප්රතිකාර කිරිමට ඉකුත් 07 වැනිදා එකම සහෝදරයා හා බාප්පාගේ පුතාද සමග පේරාදෙණියේ පිහිටි රජයේ සත්ව රෝහලට ගොස් ආපසු පැමිණෙමින් සිටිය දී කොළඹ මහනුවර ප්රධාන මාර්ගයේ කෑගල්ල පොලිස් වසමේ මංගලගම ප්රදේශයේ දී ඉදිරියෙන් මාවනැල්ල දෙසට ධාවනය වෙමින් තිබුණු ලොරියක ගැටී ත්රීරෝද රථයේ සිටි තිදෙනාම බරපතළ තුවාල ලබා කෑගල්ල මහ රෝහලට ඇතුළත් කර තිබුණි.
කෑගල්ල මහ රෝහලේ හදිසි ප්රතිකාර ඒකකයේ ප්රතිකාර ලබමින් සිටිය දී විශ්ව විද්යාල ශිෂ්යාව ජීවිතක්ෂයට පත්ව තිබුණි. සෙසු තරුණයන් දෙදෙනා දැඩි සත්කාර ඒකකයේ ප්රතිකාර ලබමින් සිටින අතර, මිය ගිය ශිෂ්යාවගේ හදිසි මරණ පරීක්ෂණය ඉකුත්දා (08) දහවල් කෑගල්ල ප්රාදේශීය ලේකම් කොට්ඨාස හදිසි මරණ පරීක්ෂිකා රේණුකා සුබෝධනී කළුආරච්චි නිශ්ශංක මහත්මිය ඉදිරියේදී සිදු කෙරිණි.මිය ගිය විශ්ව විද්යාල ශිෂ්යාවගේ මව වන මේනුවරගේ මොනිකා ක්රිෂාන්ති මහත්මිය මෙසේද කීවාය.
මගේ සැමියා මෙරගල්ගේ සම්පත් වීරසේකරයි. සම්පත් දැනට රුමේනියා රාජ්යයේ සේවය කරනවා. අපි දෙන්නා විවාහ වෙලා අවුරුදු 27 ක් පමණ වෙනවා. අපි දෙන්නාට ගැහැනු දරුවන් දෙදෙනකු හා පුතකු සිටිනවා. මිය ගොස් සිටින සනුරි ඉසුරිකා දුව කුරුණෑගල ශාන්ත ජෝශප් බාලිකා විද්යාලයෙන් අධ්යාපනය ලබා කලා අංශයෙන් ශ්රී ජයවර්ධනපුර විශ්ව විද්යාලයෙන් අවුරුදු හතරම ඉගන ගත්තා. අවසන් විභාගය ලියලා ගෙදරට වෙලා හිටියා ඔක්තෝබර් මාසයේ උපාධි ප්රධානෝත්සවයේ දී උපාධිය ගැනීමට බලාපොරොත්තුවෙන්.දෙවැනි දුව සඳුනී ඉමාෂා වීරසේකරයි.
ඒ දුවත් කුරුණෑගල ශාන්ත ජෝගප් බාලිකා විද්යාලයෙන් ඉගනුම ලබා නිවසටවී සිටිනවා. තෙවැනි පුතා සසිදු ඉමක වීරසේකරයි. පුතා කුරුණෑගල ශාන්ත ආනා විද්යාලයෙන් ඉගෙනුම ලබා ඉකුත් සාමාන්ය පෙළ විභාගයට පෙනී සිටි නිවෙසටවී සිටිනවා.මගේ සැමියා අවුරුදු පහක කාලයක් විදෙස් රැකියාවක් කරලා ලංකාවට ඇවිත් නැවත ගිහිල්ලා මාස තුනයි. රැකියාවක් කරන්නේ නෑ දරුවන් රැක බලාගෙන ගෙදරටම වෙලා ඉන්නවා. අපට කියලා ත්රීවීල් එකකුත් තියෙනවා.මිය ගිය මගේ දුව හරි ලස්සනයි. ගෙදර හැමදේම හෙයා බලා කරනවා. දුව නැති වීම මගේ දකුණු අත කැඩුණා වගේ දැනෙනවා. සනුරි ඉසුරිකා දුව සතුන්ට හරිම ආදරෙයි. මිනිසුන්ටත් ඒ වගේමයි.සනුරි දුව මීට අවුරුද්දකට පමණ ඉහතදී කුරුණෑගලින් රුපියල් 20,000 ක් දීලා බලු පැටවකු ගෙනාවා. මේ බලු පැටියාට ඔජෝ කියලා නමකුත් දැම්මා, බල්ලා ලොකුයි. නිතරම සෙල්ලම් කරන්න බල්ලා' කැමැතියි.
බල්ලා ඉකුත් 04 වැනිදා මිදුලේ සෙල්ලම් කරමින් ඉන්න කොට ඌගේ පිටි පස්සේ කකුලක් මිදුලේ ගහක වැදිලා ඇවිඳින්න බැරි වුණා. පස්සේසනුරි දුව අපේ ත්රීවිල් එකෙන් එයාව කෑගල්ල පෞද්ගලික සත්ව ප්රතිකාර කරන වෛද්යවරයකු වෙත අරන් ගියා. ඒ වෛද්යවරයා බලලා කියලා තියෙනවා මට බෙහෙත් දෙන්න බෑ. පේරාදෙණිය සත්ව රෝහලට ගෙනියන්න කියලා. ඊට පස්සේ තමයි එදා 07 වැනිදා උදේ අපේ ත්රිවිල් එකෙන් පේරාදෙණිය රජයේ සත්ව රෝහලට බල්ලා අරන් යන්න තීරණය කළේ. අසල පදිංචිව සිටින 18 හැවිරිදි උදාර කෞශල්යා පුතා ත්රිවිල් එක අරන් ගියා. සනුරි ඉසුරිකා දුවත් මගේ 16 හැවිරිදි සසිදු ඉමල්ක වීරසේකර පුතත් 'ඔජො'අරගෙන ත්රිවිල් එකට පිටි පස්සෙන් නැගලා උදේ 8.30 ට පමණ ගෙදරින් පිටත් වෙලා ගියා.
හවස දෙකට විතර මම දුවට කෝල් එකක් ගත්තා. ඊට පස්සේ දුව කිව්වා අම්මේ බල්ලාගේ කකුල් දෙකම හැදුවා. ඉස්පිරිතාලේට ශත පහක්වත් ගත්තේ නෑ. කඩෙන් ගත්තු බඩු ටිකට රුපියල් 8000 ක් ගියා කියලා කිව්වා. අපි ගෙදර එන ගමන් ඉන්නේ කියලා කිව්වා. හවස 3.50 ට විතර තැපැල් කන්තෝරුව අසල පදිංචිව සිටින කෙනෙක් අපේ ගෙවල් ළඟ සිටින රෝෂි ජයතිලකට කියලා තියෙනවා ත්රීරෝද රථය මංගලගම දී අනතුරකට ලක් වෙලා - තුන් දෙනාම කෑගල්ල මහ රෝහලට ඇතුළත් කරලා කියලා. පස්සේ අපේ ගෙවල් ළග ඥාති කෙනෙක් සමග මම කෑගල්ල රෝහලට ආවා. රෝහලේ හෙදියක් මට කිව්වා දුව මිය ගිහිල්ලා අනිත් දෙන්නාට තුවාලයි කියලා. පස්සේ අපි හවස ගෙදර ගිහිල්ලා පහුවදා 08 වැනිදා දුවගේ දේහය ගන්න කෑගල්ල මහ රෝහලට ආවා.
දුවගේ දේහය හඳුනාගෙන මරණ පරීක්ෂණයට පෙනී සිටියා. මට මරණය ගැන සැකයක් නෑ. මට පස්සේ දැන ගන්න ලැබුණා කෑගල්ලේ ඉදලා මාවනැල්ල දක්වා ධාවනය වෙමින් තිබුණු ලොරි රථයක ඉදිරිපස ත්රීවිලරය හැප්පිලා තුන්දෙනාම කෑගල්ල මහ රෝහලට ඇතුළත් කරලා කියලා. බල්ලා ද අනතුරින් පසුව මිය ගිහිල්ලා කියලා දැන ගත්තා. නමුත් මම බල්ලා දැක්කේ නැ. මේ අනතුර සම්බන්ධයෙන් මම රුමේනියාවේ ඉන්න දුවගේ තාත්තාට කිවා. එයා ලංකාවට එන්න පිටත් වුණා කියලා කිව්වා
මිය ගිය විශ්ව විද්යාල ශිෂ්යයාවගේ ඥාතියකු වන මාරසිංහ ආරච්චිලාගේ සරත් මාරසිංහ (54) ද සාක්ෂි ලබා දුන්නේය.මිය ගිය විශ්ව විද්යාල ශිෂ්යයාවගේ දේහය සම්බන්ධයෙන් පශ්චාත් මරණ පරීක්ෂණය කෑගල්ල මහ රෝහලේ සහකාර අධිකරණ වෛද්ය නිලධාරි වෛද්ය කේ.ඒ.ආර්. සුරංග කුලතුංග මහතා විසින් සිදු කරන ලද අතර, ලබා දුන් සාක්ෂි වලට හා වෛද්ය වාර්තා අනුව මහා මාර්ගයේ සිදු වු අනතුරකින් හිස, පපුව ඇතුළු ස්ථානවල හටගත් බහුවිධ තුවාල හේතුවෙන් සිදු වු හදිසි මරණයක් බවට කෑගල්ල ප්රාදේශීය ලේකම් කොට්ඨාස හදිසි මරණ පරික්ෂිකා රේණුකා සුබෝධනී කළුආරච්චි නිශ්ශංක මහත්මිය තීන්දු කළාය. මිය ගිය විශ්ව විද්යාල ශිෂ්යයාවගේ අවසන් කටයුතු ඊයේ (10) රඹුක්කන දී සිදු කෙරණි.
චමින්ද වැවතැන්න
