ස්කෝප්සිනමා එකේ විනාඩි 5ට සේරම ඉවරයිලු.
මං දැනුවත්ව තාමත් කිසිම ෆිල්ම් එකකට ලංකාවේ ටිකට් බුකින් සයිට් එකක් crash කරවන්න හැකියාවක් ලැබිලා නෑ. Infinity War, Endgame, NWH, Avatar2 වලට සෑහෙන්න ලොකු හයිප් එකක් තිබුණත්, විශේෂයෙන්ම Avengers ෆිල්ම් දෙකට ලංකාව ඇතුලේ ෆිල්ම් එකකට ආපු ලොකුම හයිප් එක ආවත්, ඒ දෙකටවත් Bookmyshow, Scopecinemas, Tak Tik Book, Movieworks වගේ කිසිම බුකින් සයිට් එකක් crash කරන මට්ටමේ ට්රැෆික් එකක් උත්පාදනය කරන්න අවස්ථාව ලැබුණේ නෑ.
ඒත් පළවෙනි වතාවට ඒක කරන්න හැකියාව තියෙන ෆිල්ම් එකක් මග එනවා. BTS ලගෙ Yet To Come කියන Concert එක ෆිල්ම් එකක් විදියට ශූට් කරලා, එඩිට් කරලා, ලංකාව ඇතුලේ මේ පෙබරවාරි 1,3,4 කියන දවස් 3 රිලීස් වෙනවා. Limited release එකක් වීම, ලංකාව ඇතුලේ ඉන්න දඩාර bts ෆෑන්බේස් එක සහ එයාලට BTS කොන්සර්ට් එකක් උපරිම කොලිටි එකෙන් හොඳම විදියට නරඹන්න ලැබෙන චාන්ස් එකක් නිසා, අනිවාර්යයෙන්ම advance booking open උනු ගමන්, අර සෙට් එකම එක පාර ටිකට් බුක් කරන්න යනවා.
Advance booking open වෙන්නෙ අද, ඒ කියන්නෙ ජනවාරි 24 හවස 5 ට. ෆිල්ම් එක පෙන්නන්නෙ scope එකේ විතරයි. ඒකත් දවස් 3 ක් විතරයි. ඒකෙනුත් උපරිම ෂෝ ටයිම්ස් 5-6 ක් ඇති. ඉතින් අවස්ථාව සීමිතයි. ෆෑන්ස්ලා අසීමිතයි. මං දැනුවත්ව 10-15 දෙනෙක් හවස 5 වෙනකං දත කට මැදගෙන ඉන්නවා ඉක්මණින්ම ටිකට් බුක් කරන්න කියලා. ඒ වගේ තව කී දාහක් ඇද්ද. ඉතින් මේක තමා මට තේරෙන විදියට කාලෙකටම ලංකාවේ බුකින් සයිට් එකක් ක්රෑශ් කරවන්න තියෙන එකම චාන්ස් එක.
අපි බලමු ඉතින්, bts ෆෑන් බේස් එකේ වැඩ කොහොමද කියලා
Edit : Scope සයිට් එක නං මීට කලින් NWH, Avatar, MoM වලට පවා crash වෙලා තියෙනවලු. ඒක නිසා crash වීම ලොකු සාධකයක් විදියට ගන්න බෑ. විනාඩි 5 න් සෝල්ඩ් ඖට් උනු එක නං ආතල්
