.
අර්ජුන් ඇලෝසියස් රුපියල් බිලියන 3.5 ක වැට් බදු ගෙවීම පැහැර හරියි
2016-2019 අතර කාලය තුළ රජයට අයවිය යුතු රුපියල් බිලියන 3.5 ක වැට් බදු ගෙවීම පැහැර හැර ඇති බවට චෝදනා එල්ල වී තිබෙන ඩබ්.එම්. මෙන්ඩිස් සමාගමේ අධ්‍යක්ෂ මණ්ඩල සාමාජිකයන් තිදෙනෙකුට කොළඹ අතිරේක මහේස්ත්‍රාත් බණ්ඩාර ඉලංගසිංහ මහතා අද වරෙන්තු නික-ත් කර තිබේ.වරෙන්තු නිකුත් කර තිබෙන අධ්‍යක්ෂ මණ්ඩල සාමාජිකයන් අතර, අර්ජුන් ඇලෝසියස් ද සිටියි.
දේශීය ආදායම් කොමසාරිස්වරයා විසින් අදාල නඩුව 2020 වසරේ දී මෙම අධ්‍යක්ෂ මණ්ඩල සාමාජිකයන්ට එරෙහිව පවරා තිබේ.
නඩුව විභාග කළ මහේස්ත්‍රාත් අධිකරණය 2023 වසරේ දී සිය තීන්දුව ප්‍රකාශයට පත් කරන ලදී.
නොගෙවා ඇති හිග බදු මුදල් වහාම ගෙවන ලෙසට එකී නඩු තීන්දුවෙන් නිර්දේශ කර තිබේ.
අධිකරණය එසේ නිර්දේශ කර තිබුනද, අදාල සමාගම, මේ දක්වා එම හිග මුදල් ගෙවා දමා නැති අතර, අද දිනයේ දී අධිකරණය හමුවේ පෙනී සිටීමද අධ්‍යක්ෂ මණඩලය මග හැර තිබේ.
අධිකරණය, එම සමාගමේ අධ්‍යක්ෂ මණ්ඩල සාමාජිකයන් තිදෙනෙකුට එරෙහිව වරෙන්තු නිකුත් කර තිබෙන්නේ එම තත්ත්වය යටතේ ය.
නොගෙවා ඇති රුපියල් බිලියන 3.5 ක එම හිග වැට් බදු වහා ගෙවන ලෙසට මහේස්ත්‍රාත් අධිකරණය ලබා දී තිබෙන තීන්දුවට එරෙහිව විත්තිකරුවන් කොළඹ මහාධිකරණය හමුවේ අභියාචනයක් ගොනු කර තිබෙන බව වාර්තා වේ.
