නාමල් රාජපක්ෂ ශ්රේෂ්ඨාධිකරණ නීතිඥයෙකු ලෙස දිවුරුම් දෙයි.
පාර්ලිමේන්තු මන්තී්ර නාමල් රාජපක්ෂ ශ්රේෂ්ඨාධිකරණයේ නීතිඥවරයෙකු ලෙස අද දිවුරුම් දෙනු ලැබුවා. ඒ, අගවිනිසුරු ශිරාණි බණ්ඩාරණායක ඉදිරියේයී. අළුත්කඬේ අධිකරණ සංකීර්ණයේ පැවති මෙම උත්සව අවස්ථාව සඳහා ජනාධිපති මහින්ද රාජපක්ෂ මහතා සහ එම ආර්යා ශිරන්ති රාජපක්ෂ එක්ව සිටියා. ගල්කිස්ස ශාන්ත තෝමස් විද්යාලයෙන් ප්රාථමික සහ ද්වීතික අධ්යාපනය නිමකළ නාමල් රාජපක්ෂ, ලන්ඩනයේ සිටි විශ්වවිද්යාලයෙන් නීතිවේදය පිළිබඳ උපාධිය ලබා ගත්තා. පසුව ශී්ර ලංකා නීති විද්යාලයේ අවසන් පරීක්ෂණයෙන් අනතුරුව නීතිඥවරයෙකු ලෙස අද ඔහු දිවුරුම් දෙනු ලැබුවා. ඔහු සමග තවත් 09 දෙනෙකු ශ්රේෂ්ඨාධිකරණ නීතිඥයන් ලෙස දිවුරුම් දී ඇති බව සඳහන්.
