සිරිපාල ඇතුළු තවත් ලෝකේ පුරාම හිටපු පිරිමි ගොඩක් දෙනෙක් එකම දවසේ මිය ගිහින් දිව්ය ලෝකෙට ගියා. එතන හිටපු ප්රධාන දෙවියෝ මේ ඔක්කොම පිරිමි ටික එක තැනකට රැස් කළා.
දෙවියන් මයික් එකක් අරගෙන මහා හයියෙන් කතා කළා.
"හරි... දැන් මට මේ පිරිමි ඔක්කොම පෝලිම් දෙකකට වෙන් වෙන්න ඕනේ. ජීවතුන් අතර ඉද්දි තමන්ගේ ගෑනිට බයෙන් හිටපු, ගෑනිගේ පදේට නැටුපු, ගෑනි කියන කියන දේ කරපු උන් ඔක්කොම වම් පැත්තේ පෝලිමට යන්න.
හැබැයි තමන්ගේ ගෑනිව පාලනය කරපු, ගෙදර නියම 'බොස්' (Boss) වෙලා හිටපු, ගෑනිට පොඩ්ඩක්වත් බය නැති නියම පිරිමි ටික දකුණු පැත්තේ පෝලිමට යන්න."
විනාඩි 5කින් පෝලිම් දෙක හැදුණා. වම් පැත්තේ (ගෑනිට බය උන්ගේ) පෝලිම කිලෝමීටර් ගාණක් දිගයි. ලක්ෂ ගාණක් පිරිමි බිම බලාගෙන ඒකේ ඉන්නවා. හැබැයි පුදුම වැඩේ කියන්නේ, දකුණු පැත්තේ (ගෙදර බොස්ලාගේ) පෝලිමේ හිටියේ එකම එක මනුස්සයයි. ඒ තමයි අපේ සිරිපාල!
දෙවියන්ට මාර සතුටුයි. දෙවියන් අර ලක්ෂ ගාණක් ඉන්න පෝලිම දිහා බලලා කේන්තියෙන් කිව්වා, "තමුසෙලා ගැන මට ලැජ්ජයි. ගෑනුන්ට බයේ ජීවත් වෙලා තියෙන්නේ නිකන් වහල්ලු වගේ."
ඊට පස්සේ දෙවියන් ආඩම්බරෙන් ආවා සිරිපාල ළඟට. ඇවිත් සිරිපාලගේ පිටට තට්ටුවක් දාලා, මයික් එක සිරිපාලගේ කට ළඟට කරලා, අර ලක්ෂ ගාණක් ඉන්න පිරිමින්ට ඇහෙන්න මෙහෙම කිව්වා.
"බලනවා මේ සිරිපාල දිහා. මෙයා තමයි නියම පිරිමියා. මුළු ලෝකෙන්ම තමන්ගේ ගෑනිට බය නැතුව, ගෙදර ලොක්කා වෙලා හිටියේ මෙයා විතරයි. කියන්න සිරිපාල... ඔයා කොහොමද ඔච්චර නිර්භීත වුණේ? අර මහා සෙනඟක් ඉන්න පෝලිමට යන්නේ නැතුව, ඇයි ඔයා තනියම මේ පෝලිමට ආවේ?"
සිරිපාල බයෙන් බයෙන් මයික් එක දිහා බලලා, හොඳටම වෙව්ලන ගමන්, අඬන හඬින් මෙහෙම කිව්වා.
"අනේ මම දන්නේ නෑ දෙවියනේ... මම දිව්ය ලෝකෙට එනකොටම මගේ නෝනා, ලතා මගේ කන මිරිකලා කිව්වා 'අර සෙනඟ ඉන්න තැන්වල රස්තියාදු ගහන්නේ නැතුව, අර මිනිස්සු නැති හිස් පෝලිමට ගිහින් හිටපන්...
මම එනකම් අඩියක් හරි හෙල්ලුණොත් මරාගෙන කනවා!' කියලා... ඉතින් මම මේ පණ බයේ හිටගෙන ඉන්නවා!!"
(දෙවියන්ටත් මයික් එක අතෑරුණාලු!)
