මාගේ වචනයකින් හෝ කිසිවෙකු ඡන්දය දුන්නා නම්
සමාවෙන්න
සම්මානනී විජේසිංහ
ප්රවීණ ගීත රචක රත්න ශ්රී විජේසිංහ මහතාගේ දියණියක වන සම්මානනී විජේසිංහ මහත්මිය සිය සමාජ මාධ්ය ගිණුමේ සටහනක් තබමින් ප්රකාශ කර ඇත්තේ, තමන් කළ ප්රකාශයක් හෝ ලියූ සටහනක් හේතුවෙන් යම් පාර්ශවයකට ඡන්දය දීමට කිසිවෙකු හෝ පෙළඹුණේ නම් ඒ පිළිබඳව තමන් සමාව ඉල්ලා සිටින බවයි.
ඉන්දීය ලේඛක දීප චෙල්ලන්ගේ කෘතීන් සම්බන්ධයෙන් රජය අනුගමනය කරන ක්රියාකලාපය දැඩි ලෙස විවේචනය කිරීමෙන් අනතුරුව ඇය මෙම සටහන තබා ඇත. එහිදී වත්මන් පාලනය පිළිබඳව ඇය සිය කලකිරීම ප්රකාශ කර තිබේ.
යහපත් රටක් ගොඩනැගීම වෙනුවෙන් දායක විය හැකි ඕනෑම බලවේගයකට සහය වීමට තමන් සූදානම් බව පවසන ඇය, විශේෂයෙන් සඳහන් කර ඇත්තේ JVP/NPP (ජනතා විමුක්ති පෙරමුණ හෝ ජාතික ජන බලවේගය) නොවන ඕනෑම දේශපාලන කඳවුරක් සමඟ එක්වීමට තමන් සූදානම් බවයි.
මීට පෙර වත්මන් දේශපාලන ප්රවාහය කෙරෙහි යම් හිතකර ආකල්පයකින් පසුවූ පිරිස් අතර ඇය ද සිටි බව ඇයගේ මෙම ප්රකාශයෙන් ගම්ය වන අතර, වත්මන් තීරණාත්මක දේශපාලන වටපිටාව තුළ මෙම ප්රකාශය සමාජ මාධ්ය ජාලවල දැඩි කතාබහට ලක්වෙමින් පවතී.
උපුටා ගැනීමකි.
