ආර්ථිකය යළිත් අර්බුදයකට
ශ්රී ලංකාව යළි ආර්ථික අර්බුදයක් කරා ගමන් කරමින් සිටින බවත් ඒ සඳහා වන බොහෝ සංඥා ආර්ථික ක්රියාකාරිත්වය තුළ දැනටමත් දැකිය හැකි බවටත් මූල්ය හා ආර්ථික විශේෂඥයෝ අනතුරු අඟවති.
මේ සඳහා නිසි ක්රියාමාර්ග නොගතහොත් ලබන වසරේ (2027) දී ශ්රී ලංකා ආර්ථිකය අර්බුදයට පත්වෙනු ඇති බවත්, දැනටමත් උග්ර විදේශ විනිමය පීඩනයකට රට මුහුණ දෙමින් සිටින බවත් ඔවුහු පෙන්වා දෙති.
පසුගිය දිනවල ඇමෙරිකානු ඩොලරයට සාපේක්ෂව දිගින් දිගටම රුපියල පිරිහීමට ලක් වූ අතර රජයට සහ මහ බැංකුවට එම තත්ත්වය පාලනය කර ගැනීම සඳහා විනිමය පාලන ක්රියාමාර්ග අනුගමනය කිරීමට ද සිදුව ඇත.
එසේම මහ බැංකුව විසින් දේශීය විදේශ විනිමය වෙළෙඳපොළේ ඩොලර් විකිණීමට කටයුතු කරමින්, ඒ හරහා රුපියලේ පිරිහීම පාලනය කර ගැනීමට උත්සාහ කළත් එය ද තිරසර විසඳුමක් නොවන බව ද එම මූල්ය හා ආර්ථික විශේෂඥයෝ සඳහන් කරති.
2022 වසරේ රට ඉතිහාසයේ දරුණුතම ආර්ථික අර්බුදයට මුහුණ දීමෙන් පසුවත් ඉන් නිසි පාඩම් ඉගෙන ගෙන තිරසර ලෙස විදේශ විනිමය ඉපයුම් මාර්ග වැඩි කර ගැනීමේ උපායමාර්ගවලට යොමුව නැති බවට චෝදනා කරන ඔවුහු, අයිඑම්එෆ් වැඩසටහනක් සම්පූර්ණ කරමින් සිටියදී ද නැවත වතාවක් රටට විදේශ විනිමය පීඩනයකට මුහුණ දීමට සිදුව ඇති බවත් එසේම ණය තිරසරභාවය (විදෙස් ණය ගෙවීමේ හැකියාව) අතින් ඉහළ අවදානමක සිටින බවට ජාත්යන්තර මූල්ය අරමුදල විසින්ම සිය නවතම සමාලෝචන වාර්තාව මගින් රතු එළියක් දල්වා ඇති බවත් පෙන්වා දෙති.
ඔවුන් තවදුරටත් සඳහන් කරන්නේ 2027 මාර්තු මාසයේ මූල්ය අරමුදලේ ණය වැඩසටහන අවසන් වීමෙන් පසු කාලයේ ආර්ථික හා විදේශ විනිමය කළමනාකරණයට ශ්රී ලංකාව සූදානම් විය යුතුව ඇති බවත් එය ඉතාම අභියෝගාත්මක වනු ඇති බවත්ය.
ශ්යාම් නුවන් ගනේවත්ත
Divaina Irida Sangrahaya 14.06.2026
මෙයා රටේ තෙල් නැති වෙන කතාව, රට බංකොලොත් වෙන කතාව කිව්වේ ඊට අවුරුද්දකට විතර කලින්. ඒකත් ඒවගේම උනා. 
