මහරගම Wish Fertility ආදේශක මාතෘත්ව (surrogacy) නියෝජිතායතනය සිදු කළ බරපතළ වැරදීමක් හේතුවෙන්, බ්රිතාන්යයේ පදිංචි ශ්රී ලාංකික යුවළකට තමන් සාදාගත් නිවුන් දරුවන් සමඟ කිසිදු ජීව විද්යාත්මක සබඳතාවක් නොමැති බව හෙළිවීමේ අවාසනාවන්ත පුවතක් බ්රිතාන්ය අධිකරණයකින් වාර්තා වේ. දරුවන් වෙනුවෙන් බ්රිතාන්ය පුරවැසිභාවය ඉල්ලුම් කිරීමේ ක්රියාවලියේදී සිදුකළ ඩී.එන්.ඒ. (DNA) පරීක්ෂණයකින් පසුව මෙම කරුණ අනාවරණය වී ඇති අතර, අදාළ ආයතනය විසින් පියාගේ ශුක්රාණු වෙනුවට වෙනත් දායකයෙකුගේ ශුක්රාණු වැරදීමකින් භාවිත කර ඇති බව එහිදී තහවුරු වී ඇත. මෙම අනපේක්ෂිත සිදුවීමෙන් තමන් දැඩි ලෙස කම්පනයට පත් වූ බව අධිකරණ ලේඛනවල 'PP' සහ 'QQ' ලෙස හඳුන්වා ඇති, ශ්රී ලාංකික සම්භවයක් සහිත මෙම යුවළ පවසති.
මෙම යුවළ 2016 වසරේදී බ්රිතාන්යයේදී මුණගැසී 2017 වසරේදී විවාහ වී ඇති අතර, දරුවෙකු ලබාගැනීම සඳහා වසර ගණනාවක් පුරා දැඩි උත්සාහයක නිරත වී ඇත. එහිදී ඔවුන් සිදුකළ බාහිර සංසේචන (IVF) ප්රතිකාර අසාර්ථක වූ අතර, පසුව වැඩිදුර ප්රතිකාර සඳහා ඉන්දියාවට ද ගොස් තිබේ. එහිදී ඇයට නිවුන් දරුවන් ලැබුණද, සෞඛ්ය සංකූලතා හේතුවෙන් දින කිහිපයකින් එම දරුවන් මියගොස් ඇති අතර, ඉන්පසු නැවත ගැබ් නොගන්නා ලෙස වෛද්යවරුන් විසින් මව වන QQ හට උපදෙස් දී ඇත. පසුව ඔවුන්ගේ පවුලේ හිතවතෙකු ආදේශක මවක වීමට ඉදිරිපත් වීමත් සමඟ, ඔවුන් ශ්රී ලංකාවේ පිහිටි 'විෂ් ෆර්ටිලිටි' (Wish Fertility) නැමැති ආයතනයක සහය ලබා ගැනීමට තීරණය කර තිබේ.
අදාළ ආයතනය විසින් දායක බිත්තර සහ පියා වන PP ගේ ශුක්රාණු භාවිත කරමින් කළල නිර්මාණය කළ බවට ලිඛිතව තහවුරු කර තිබූ අතර, ඒ අනුව එම හිතවතිය නිවුන් දරුවන් බිහි කිරීමට සමත් විය. කෙසේ වෙතත්, මාස හතක් වයසැති මෙම නිවුන් දරුවන් සඳහා බ්රිතාන්ය පුරවැසිභාවය ලබාගැනීමේදී සිදුකළ ඩී.එන්.ඒ. පරීක්ෂණවලින් හෙළි වූයේ PP එම දරුවන්ගේ ජීව විද්යාත්මක පියා නොවන බවයි. මෙම ප්රතිඵලය තමන්ට "අකුණක් ගැසුවාක් මෙන්" දැනුණු බව පවසන මව, කෙසේ වුවද මෙම දරුවන් තමන් වෙනුවෙන්ම උපන් අය ලෙස සලකා ඔවුන් ආරක්ෂා කර නිවසට කැඳවාගෙන ඒමට අධිෂ්ඨාන කරගෙන සිටි බව සඳහන් කළාය. පසුව මේ පිළිබඳව බ්රිතාන්ය ස්වදේශ කටයුතු කාර්යාලය දැනුවත් කිරීමෙන් අනතුරුව, පසුගිය මාර්තු මාසයේදී දරුවන්ට බ්රිතාන්ය පුරවැසිභාවය පිරිනමා ඇත.
ජීව විද්යාත්මක සබඳතාවක් නොමැති වීම හේතුවෙන්, නීත්යානුකූල දෙමාපිය අයිතිය පැවරීමේ නියෝගය (parental order) සඳහා ඉදිරිපත් කර තිබූ ඉල්ලුම්පත්රය ඉල්ලා අස්කර ගැනීමට යුවළට සිදුවූ අතර, ඒ වෙනුවට දරුවන් දරුකමට හදා ගැනීමේ නියෝගයක් (adoption order) සඳහා ඉල්ලුම් කිරීමට ඔවුහු පෙළඹුණහ. පසුව අධිකරණය විසින් එම දරුකමට හදා ගැනීමේ අවසරය ඔවුන් වෙත ලබා දී තිබේ. මේ සම්බන්ධයෙන් තීන්දුව ලබා දෙමින් විනිසුරු පීල් (Mr Justice Peel) මහතා ප්රකාශ කළේ, මෙම වැරදීම සඳහා යුවළ කිසිසේත්ම වැරදිකරුවන් නොවන බවත්, ඔවුන් තමන් පණ මෙන් ආදරය කරන මෙම දරුවන් ඇති දැඩි කිරීමට දැඩි කැමැත්තකින් පසුවන බවත්ය. මෙම ශුක්රාණු මාරුවීම අභ්යන්තර පාලන පද්ධතියේ දුර්වලතාවක් මත සිදුවූ අත්වැරදීමක්ද නැතහොත් හිතාමතාම සිදුකළ දෙයක්ද යන්න පැහැදිලි නැති බවද විනිසුරුවරයා පවසා ඇත.
මේ අතර, අදාළ ශ්රී ලාංකික සායනය අධිකරණය හමුවේ ප්රකාශ කර තිබුණේ,
දායක ශුක්රාණු මෙන්ම පියාගේ ශුක්රාණු ද භාවිත කිරීමට අවසර දෙමින් යුවළ විසින් එකඟතා පත්රයකට අත්සන් තබා තිබූ බවයි. කළල නිර්මාණය කිරීමේදී ශුක්රාණු සාම්පල දෙකම භාවිත කළ බැවින් තැන්පත් කරන ලද කළල සඳහා කුමන ශුක්රාණුවක් සම්බන්ධ වූයේදැයි හඳුනාගත නොහැකි වූ බව ද සායනය පවසා සිටියද, යුවළ එම චෝදනාව දැඩි ලෙස ප්රතික්ෂේප කරති. සායනයේ මෙම ප්රකාශය මුළුමනින්ම ප්රතික්ෂේප කළ විනිසුරු පීල් මහතා, පියාට කිසිදු සබඳතාවක් නොමැති සර්වසම නොවන (non-identical) නිවුන් දරුවන් දෙදෙනෙකු බිහිවීමෙන් පෙනී යන්නේ පියාගේ ශුක්රාණු කිසිසේත්ම භාවිත කර නොමැති බව යැයි පෙන්වා දුන්නේය. එමෙන්ම දායක ශුක්රාණු භාවිත කිරීමට යුවළ අවසර දුන් බවට කිසිදු සාක්ෂියක් නොමැති බවත්, පියාගේ ශුක්රාණුවල කිසිදු ගුණාත්මක ගැටලුවක් නොතිබූ බැවින් දායකයෙකුගේ සහය ලබාගැනීමේ අවශ්යතාවක් නොවූ බවත්, ශුක්රාණු සාම්පල වෙන්කර හඳුනාගත නොහැකි වූ බවට සායනය කරන ප්රකාශය අතිශය පුදුමසහගත මෙන්ම පිළිගත නොහැකි එකක් බවත් විනිසුරුවරයා වැඩිදුරටත් අවධාරණය කළේය.
(ද ගාර්ඩියන් ඇසුරිනි)
Source - https://www.theguardian.com/uk-news...e-overseas-surrogacy-agency-twins-wrong-sperm
මෙම යුවළ 2016 වසරේදී බ්රිතාන්යයේදී මුණගැසී 2017 වසරේදී විවාහ වී ඇති අතර, දරුවෙකු ලබාගැනීම සඳහා වසර ගණනාවක් පුරා දැඩි උත්සාහයක නිරත වී ඇත. එහිදී ඔවුන් සිදුකළ බාහිර සංසේචන (IVF) ප්රතිකාර අසාර්ථක වූ අතර, පසුව වැඩිදුර ප්රතිකාර සඳහා ඉන්දියාවට ද ගොස් තිබේ. එහිදී ඇයට නිවුන් දරුවන් ලැබුණද, සෞඛ්ය සංකූලතා හේතුවෙන් දින කිහිපයකින් එම දරුවන් මියගොස් ඇති අතර, ඉන්පසු නැවත ගැබ් නොගන්නා ලෙස වෛද්යවරුන් විසින් මව වන QQ හට උපදෙස් දී ඇත. පසුව ඔවුන්ගේ පවුලේ හිතවතෙකු ආදේශක මවක වීමට ඉදිරිපත් වීමත් සමඟ, ඔවුන් ශ්රී ලංකාවේ පිහිටි 'විෂ් ෆර්ටිලිටි' (Wish Fertility) නැමැති ආයතනයක සහය ලබා ගැනීමට තීරණය කර තිබේ.
අදාළ ආයතනය විසින් දායක බිත්තර සහ පියා වන PP ගේ ශුක්රාණු භාවිත කරමින් කළල නිර්මාණය කළ බවට ලිඛිතව තහවුරු කර තිබූ අතර, ඒ අනුව එම හිතවතිය නිවුන් දරුවන් බිහි කිරීමට සමත් විය. කෙසේ වෙතත්, මාස හතක් වයසැති මෙම නිවුන් දරුවන් සඳහා බ්රිතාන්ය පුරවැසිභාවය ලබාගැනීමේදී සිදුකළ ඩී.එන්.ඒ. පරීක්ෂණවලින් හෙළි වූයේ PP එම දරුවන්ගේ ජීව විද්යාත්මක පියා නොවන බවයි. මෙම ප්රතිඵලය තමන්ට "අකුණක් ගැසුවාක් මෙන්" දැනුණු බව පවසන මව, කෙසේ වුවද මෙම දරුවන් තමන් වෙනුවෙන්ම උපන් අය ලෙස සලකා ඔවුන් ආරක්ෂා කර නිවසට කැඳවාගෙන ඒමට අධිෂ්ඨාන කරගෙන සිටි බව සඳහන් කළාය. පසුව මේ පිළිබඳව බ්රිතාන්ය ස්වදේශ කටයුතු කාර්යාලය දැනුවත් කිරීමෙන් අනතුරුව, පසුගිය මාර්තු මාසයේදී දරුවන්ට බ්රිතාන්ය පුරවැසිභාවය පිරිනමා ඇත.
ජීව විද්යාත්මක සබඳතාවක් නොමැති වීම හේතුවෙන්, නීත්යානුකූල දෙමාපිය අයිතිය පැවරීමේ නියෝගය (parental order) සඳහා ඉදිරිපත් කර තිබූ ඉල්ලුම්පත්රය ඉල්ලා අස්කර ගැනීමට යුවළට සිදුවූ අතර, ඒ වෙනුවට දරුවන් දරුකමට හදා ගැනීමේ නියෝගයක් (adoption order) සඳහා ඉල්ලුම් කිරීමට ඔවුහු පෙළඹුණහ. පසුව අධිකරණය විසින් එම දරුකමට හදා ගැනීමේ අවසරය ඔවුන් වෙත ලබා දී තිබේ. මේ සම්බන්ධයෙන් තීන්දුව ලබා දෙමින් විනිසුරු පීල් (Mr Justice Peel) මහතා ප්රකාශ කළේ, මෙම වැරදීම සඳහා යුවළ කිසිසේත්ම වැරදිකරුවන් නොවන බවත්, ඔවුන් තමන් පණ මෙන් ආදරය කරන මෙම දරුවන් ඇති දැඩි කිරීමට දැඩි කැමැත්තකින් පසුවන බවත්ය. මෙම ශුක්රාණු මාරුවීම අභ්යන්තර පාලන පද්ධතියේ දුර්වලතාවක් මත සිදුවූ අත්වැරදීමක්ද නැතහොත් හිතාමතාම සිදුකළ දෙයක්ද යන්න පැහැදිලි නැති බවද විනිසුරුවරයා පවසා ඇත.
මේ අතර, අදාළ ශ්රී ලාංකික සායනය අධිකරණය හමුවේ ප්රකාශ කර තිබුණේ,
දායක ශුක්රාණු මෙන්ම පියාගේ ශුක්රාණු ද භාවිත කිරීමට අවසර දෙමින් යුවළ විසින් එකඟතා පත්රයකට අත්සන් තබා තිබූ බවයි. කළල නිර්මාණය කිරීමේදී ශුක්රාණු සාම්පල දෙකම භාවිත කළ බැවින් තැන්පත් කරන ලද කළල සඳහා කුමන ශුක්රාණුවක් සම්බන්ධ වූයේදැයි හඳුනාගත නොහැකි වූ බව ද සායනය පවසා සිටියද, යුවළ එම චෝදනාව දැඩි ලෙස ප්රතික්ෂේප කරති. සායනයේ මෙම ප්රකාශය මුළුමනින්ම ප්රතික්ෂේප කළ විනිසුරු පීල් මහතා, පියාට කිසිදු සබඳතාවක් නොමැති සර්වසම නොවන (non-identical) නිවුන් දරුවන් දෙදෙනෙකු බිහිවීමෙන් පෙනී යන්නේ පියාගේ ශුක්රාණු කිසිසේත්ම භාවිත කර නොමැති බව යැයි පෙන්වා දුන්නේය. එමෙන්ම දායක ශුක්රාණු භාවිත කිරීමට යුවළ අවසර දුන් බවට කිසිදු සාක්ෂියක් නොමැති බවත්, පියාගේ ශුක්රාණුවල කිසිදු ගුණාත්මක ගැටලුවක් නොතිබූ බැවින් දායකයෙකුගේ සහය ලබාගැනීමේ අවශ්යතාවක් නොවූ බවත්, ශුක්රාණු සාම්පල වෙන්කර හඳුනාගත නොහැකි වූ බවට සායනය කරන ප්රකාශය අතිශය පුදුමසහගත මෙන්ම පිළිගත නොහැකි එකක් බවත් විනිසුරුවරයා වැඩිදුරටත් අවධාරණය කළේය.
(ද ගාර්ඩියන් ඇසුරිනි)
Source - https://www.theguardian.com/uk-news...e-overseas-surrogacy-agency-twins-wrong-sperm
