නීතිවිරෝධී අන්තර්ජාල සූදූ වෙබ් අඩවි 24ක් වහාම ක්‍රියාත්මක වන පරිදි තහනම් !

බලපත්‍ර ලබාගැනීමකින් තොරව නීතිවිරෝධී ලෙස ශ්‍රී ලංකාව තුළ අන්තර්ජාල සූදු සහ ඔට්ටු ඇල්ලීමේ සේවාවන් පවත්වාගෙන යනු ලබන වෙබ් අඩවි 24කට ශ්‍රී ලංකාව තුළ පිවිසීම (Access) වහාම ක්‍රියාත්මක වන පරිදි අත්හිටුවීමට ශ්‍රී ලංකා විදුලි සංදේශ නියාමන කොමිෂන් සභාව ඊයේ (04) පියවර ගෙන තිබෙනවා.
ඩිජිටල් ආර්ථික අමාත්‍යාංශය යටතේ පවතින ශ්‍රී ලංකා විදුලි සංදේශ නියාමන කොමිෂන් සභාව (TRCSL) විසින් ඊයේ (04) දින මෙම පියවර ගෙන තිබුණේ, මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය යටතේ ක්‍රියාත්මක වන සූදු ක්‍රීඩා නියාමන අධිකාරිය (Gambling Regulatory Authority) විසින් 2025 අංක 17 දරන සූදු ක්‍රීඩා නියාමන අධිකාරිය පනතේ ප්‍රතිපාදන සහ බලතල ප්‍රකාරව කරන ලද දැනුම්දීමකට අනුවයි.

සූදු ක්‍රීඩා නියාමන අධිකාරී පනතේ 15, 16 සහ 18 වගන්ති යටතේ නියමිත වලංගු බලපත්‍ර ලබාගැනීමකින් තොරව ශ්‍රී ලංකාව තුළ අන්තර්ජාල සූදු සේවාවන් පවත්වාගෙන යාම සහ ප්‍රවර්ධනය කිරීම පනතේ 44 වගන්තිය ප්‍රකාරව වරදක් මෙන්ම නීතිවිරෝධී ක්‍රියාවක් බවයි ශ්‍රී ලංකා විදුලි සංදේශ නියාමන කොමිෂන් සභාව නිවේදනයක් නිකුත් කරමින් සඳහන් කර ඇත්තේ.

ඒ අනුව, අදාල නීතිවිරෝධී වෙබ් අඩවි වෙත ශ්‍රී ලංකාව තුළ සිට පිවිසීම වැළැක්වීම සඳහා විදුලි සංදේශ නියාමන කොමිෂන් සභාව විසින් සියලුම විදුලි සංදේශ සේවා සපයන්නන් වෙත අවශ්‍ය උපදෙස් ලබා දී ඇතැයි එම කොමිසම පවසනවා.

ඒ අනුව, වහාම ක්‍රියාත්මක වන පරිදි තහනම් කරන ලද නීතිවිරෝධී අන්තර්ජාල සූදු වෙබ් අඩවි:

1. 1xbet(dot)com
2. betway(dot)com/en-lk
3. 22bet(dot)com
4. melbet(dot)com
5. unibet(dot)com
6. betfair(dot)com
7. dafabet(dot)com
8. bet365(dot)com
9. 1win(dot)com
10. spinbetter(dot)com
11. 10cric(dot)com
12. bc(dot)game
13. megapari(dot)com
14. pin-up(dot)bet
15. stake(dot)com
16. mostbet(dot)com
17. parimatch(dot)com
18. betwinner(dot)com
19. linebet(dot)com
20. 4rabet(dot)com
21. rajabets(dot)com
22. dbbet(dot)com
23. coldbet(dot)com
24. WinWin(dot)