බයික් එක උදේට ස්ටාට් වෙන්නෙ නැද්ද? මෙන්න හේතු සහ විසඳුම් 🏍️

උදේට වැඩට යන්න හදනකොට බයික් එක ස්ටාට් වෙන්නෙ නැති වුණාම තියෙන කරදරේ දන්නෝ දන්නවා. ගොඩක් වෙලාවට ලොකු කැඩිල්ලක් නෙවෙයි, පොඩි දේවල් ටිකක් තමයි හේතුව වෙන්නෙ.

1. මුලින්ම පෙට්‍රල් තියෙනවද කියලා බලන්න, රිසව් එකට දාලා තියෙනවද කියලත් බලන්න. පෙට්‍රල් නැතුව ස්ටාට් වෙන්නෙ නෑනෙ.
2. බැටරිය බැහැලා නම් සෙල්ෆ් ස්ටාට් එක වදින්නෙ නෑ, හෝන් එකයි ලයිට් එකයි දුර්වල වෙනවා. එහෙම නම් කික් එක ගහලා බලන්න, ඒත් බැරි නම් බැටරිය චාජ් කරගන්න වෙයි.
3. ප්ලග් එකේ තෙතමනය තිබ්බොත් හරි ප්ලග් එක සවුත්තු වෙලා තිබ්බොත් ස්ටාට් වෙන්නෙ නෑ. ප්ලග් එක ගලවලා වේලලා ආයෙ දාලා බලන්න, පරණ නම් අලුත් එකක් දාන්න.
4. වැස්ස කාලෙදි නම් වතුර ගිහින් තියෙන්න පුළුවන්. බයික් එක වේලුණු තැනක තියලා ටික වෙලාවක් ඉඳලා ආයෙ ට්‍රයි කරන්න.
5. චෝක් එක පොඩ්ඩක් ඇදලා ස්ටාට් කරලා බලන්න, ස්ටාට් වුණාම ටිකකින් චෝක් එක අඩු කරන්න අමතක කරන්න එපා.
6. දවස් ගාණක් එක තැන තිබ්බ බයික් එකක් නම් කාබියුරේටරේ පෙට්‍රල් පරණ වෙලා තියෙන්න පුළුවන්. එහෙම වුණොත් ගරාජ් එකකට දාලා පිරිසිදු කරගන්න එක තමයි හොඳම දේ.
7. මොනව කළත් ස්ටාට් වෙන්නෙ නැත්නම් බලෙන් ට්‍රයි කරන්න යන්න එපා, හොඳ මැකෑනික් කෙනෙක්ට පෙන්නන්න. බලෙන් ගැහුවොත් තව සවුත්තු වෙන්න පුළුවන්.

ඔයාලටත් බයික් එකේ මේ වගේ ප්‍රශ්නයක් තියෙනව නම් මෙතන දාන්න, මම දන්න විදිහට උත්තර දෙන්න බලන්නම්. දන්න කෙනෙක් ඉන්නව නම් ඔයාලගෙ විසඳුමත් කියන්න, හැමෝටම උදව්වක් වෙයි.