අල්ලස් නඩු 5න් 4කට චාමරට ඇප - ඇප නැතිවූ නඩුවට චාමර හා ලේකම් නොවැ: 6 දක්වා ඇතුළට

Anyhacker

Well-known member
  • Oct 5, 2026
    4,591
    2,697
    113
    United States
    අල්ලස් නඩු 5න් 4කට චාමරට ඇප - ඇප නැතිවූ නඩුවට චාමර හා ලේකම් නොවැ: 6 දක්වා ඇතුළට
    https://sinhala.adaderana.lk/news/253536 · අද දෙරණ

    MediaFile_20261023_144215_239.jpg


    අල්ලස් චෝදනාවක් සම්බන්ධයෙන් රක්ෂිත බන්ධනාගාරගත කර සිටින පාර්ලිමේන්තු මන්ත්‍රී චාමර සම්පත් දසනායක මහතා සහ ඔහුගේ පෞද්ගලික ලේකම්වරයා නොවැම්බර් 06 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අධිකරණය අද (23) නියෝග කළේය.

    මන්ත්‍රීවරයාට එරෙහිව අල්ලස් කොමිසම ගොනුකර තිබූ නඩු 05න් 04කට ඇප හිමිවුවද එක් නඩුවක් සම්බන්ධයෙන් ඔහු මෙලෙස තවදුරටත් රක්ෂිත බන්ධනාගාරගත කෙරිණි.

    ප්‍රාථමික කර්මාන්ත රාජ්‍ය අමාත්‍යවරයා ලෙස කටයුතු කළ සමයේ සිදුවූ පොස්පේට් අපනයන බලපත්‍ර ලබාදීමකදී සමාගම් 03කින් රුපියල් ලක්ෂ 84ක අල්ලස් ලබාගැනීම සහ මැණික් ව්‍යාපාරිකයන්ගෙන් අල්ලස් ලබාගැනීමේ චෝදනා මත පාර්ලිමේන්තු මන්ත්‍රී චාමර සම්පත් දසනායක මහතාට සහ ඔහුගේ පෞද්ගලික ලේකම්වරයාට එරෙහිව නඩුව කොළඹ ප්‍රධාන මහේස්ත්‍රාත් අධිකරණයේදී අද යළි කැඳවනු ලැබීය.

    එහිදි පළමුව පොස්පේට් අපනයන බලපත්‍ර ලබාදීමට සමාගම් 02කින් රුපියල් ලක්ෂ 81ක අල්ලස් ලබාගැනීම සම්බන්ධයෙන් වූ නඩුව කැඳවූ අතර අල්ලස් කොමිසමේ නිලධාරින් එහි වැඩිදුර විමර්ශන වාර්තාවක් අධිකරණයට ඉදිරිපත් කළේය.