ජපානයේදී සාප්පු සොරකමේ ගිය ශ්‍රීලංකන් ගුවන් සේවිකාව අත්අඩංගුවට
ශ්‍රීලංකන් ගුවන් සේවා ඉතිහාසයේ ජාත්‍යන්තර මට්ටමින් දැඩි අපහසුතාවක් ඇති කළ සිදුවීමක් වාර්තා කරමින්, ජපානයේ නරීටා ජාත්‍යන්තර ගුවන් තොටුපළ ආසන්නයේ පිහිටි සුප්‍රකට ඒඕන් (Aeon) සාප්පු සංකීර්ණයෙන් භාණ්ඩ සොරාගැනීමේ චෝදනාවක් මත ශ්‍රීලංකන් ගුවන් සේවයට අයත් කාන්තා ගුවන් කාර්ය මණ්ඩල සාමාජිකාවක ජපාන පොලිසිය මඟින් අත්අඩංගුවට ගෙන රඳවා තබාගෙන තිබේ.
නරීටා ගුවන් තොටුපළට ආසන්න හෝටලයක අනෙකුත් කාර්ය මණ්ඩල සාමාජිකාවන් සමඟ නවාතැන් ගෙන සිටියදී මෙම ගුවන් සේවිකාව තනිවම අදාළ සුපිරි වෙළෙඳ සංකීර්ණය වෙත ගොස් ඇති අතර, එහිදී සිදුවූ බව කියන සොරකම ආරක්ෂක කැමරා දර්ශන පරීක්ෂා කිරීමෙන් අනතුරුව තහවුරු වීමත් සමඟ වෙළෙඳ සල් සේවකයන් පොලිසිය දැනුවත් කර ඇත. ජපානයෙන් ලැබෙන ඇතැම් තොරතුරු මඟින් ඇය එරට ජනප්‍රිය සහල් කෙටි ආහාරයක් වන "ඔනිගිරි" (onigiri) ඇතුළු භාණ්ඩ සොරාගැනීමක් ලෙස සඳහන් කර තිබේ.
කටුනායක ගුවන් තොටුපළේ උසස් නිලධාරියෙකු උපුටා දක්වමින් පළවූ වාර්තාවක දැක්වෙන්නේ අත්අඩංගුවට පත්ව ඇත්තේ දෙහිවල ප්‍රදේශයේ පදිංචි 23 හැවිරිදි ගුවන් සේවිකාවක බවයි. විදෙස් රාජකාරි චාරිකාවලදී ගුවන් කාර්ය මණ්ඩල වෙත හෝටල් නවාතැන් පහසුකම්වලට අමතරව දිනකට ඇමරිකානු ඩොලර් 95 සිට 100 දක්වා වන ආහාර දීමනාවක් හිමිවන පසුබිමක මෙවැනි සිදුවීමක් වාර්තා වීම ශ්‍රී ලංකාවේ ජාතික ගුවන් සේවයට එල්ල වූ බරපතළ කැලලක් ලෙස සැලකේ.
ජපාන අපරාධ නීතියට අනුව, පරීක්ෂණ පැවැත්වෙන කාලසීමාව තුළ සැකකරුවන් දින 21ක උපරිම කාලයක් දක්වා (ඇතැම් මූලාශ්‍රවලට අනුව දින 23ක් දක්වා) රඳවා තබාගෙන ප්‍රශ්න කිරීමට එරට පොලිසියට බලය ඇත. සාමාන්‍යයෙන් සුළු සොරකම් සම්බන්ධයෙන් පවා විමර්ශන කාලය තුළ ඇප ලබා නොදෙන දැඩි පදනමක පිහිටා ජපාන නීතිය ක්‍රියාත්මක වන අතර, බාහිර බලපෑම්වලට හෝ පෞද්ගලික සබඳතාවලට එහි ඉඩක් නොමැති බව රාජ්‍ය තාන්ත්‍රික ආරංචි මාර්ග පෙන්වා දෙයි.
මෙම තත්ත්වය හමුවේ, ශ්‍රීලංකන් ගුවන් සේවයේ ඉහළ නිලධාරීන් කිහිපදෙනෙකු ජපාන බලධාරීන් සමඟ සෘජු සාකච්ඡා පවත්වමින් ඇය මුදාගැනීමට දැඩි උත්සාහයක නිරත වන බව වාර්තා වේ. මෙම මැදිහත්වීම ගුවන් සේවා කාර්ය මණ්ඩලය තුළ දැඩි අභ්‍යන්තර විරෝධයකට සහ විවේචනයට හේතු වී තිබේ. විශේෂයෙන්ම, මීට පෙර කාන්තා කාර්ය මණ්ඩල සාමාජිකාවන් සම්බන්ධ මතභේදාත්මක චෝදනාවලට ලක්වූ පියාසර මෙහෙයුම් අංශයේ ජ්‍යෙෂ්ඨ නිලධාරියෙකුගේ මැදිහත්වීම ආයතනික විනය සහ වෘත්තීය ප්‍රමිතීන් පිරිහීමට ලක්කරන බවට සේවකයෝ චෝදනා කරති.
ජාතික ගුවන් සේවයේ ජාත්‍යන්තර කීර්තිනාමයට සිදුවන හානිය සැලකිල්ලට ගෙන, මෙවැනි විෂමාචාර ක්‍රියා සම්බන්ධයෙන් වහාම ස්වාධීන පරීක්ෂණයක් ආරම්භ කළ යුතු බව වෘත්තීය සමිති නියෝජිතයෝ අවධාරණය කරති. කෙසේ වෙතත්, මෙම සිදුවීම සම්බන්ධයෙන් ශ්‍රීලංකන් ගුවන් සමාගමේ කළමනාකාරීත්වය හෝ ටෝකියෝ නුවර පිහිටි ශ්‍රී ලංකා තානාපති කාර්යාලය මෙතෙක් කිසිදු නිල ප්‍රකාශයක් නිකුත් කර නොමැති අතර, අදාළ සේවිකාව තවදුරටත් ජපානයේ නීතිමය භාරයේ පසුවේ.
පස්සෙ බනිනවා
ඉන්දියාවෙ එවුන් තමයි ඔහොම සිරිලන්තෙන් ආපු උන්ගෙ තියෙන්නෙ එංගලන්තෙන් ආපු එවුන්ටත් වඩා හොඳ ඇටිටියුඩ්
ඉන්දියාවෙ එවුන් තමයි නම කාල තියෙන්නෙ
ජප්පො රේසිස්ට්
අරකද මේකද
සේරම කලුවො එකයි ඉන්දියාව සී ලංකාව, බංගලාදේශෙ, නේපාලෙ, ෆීජී, දුඹුරු ජාන කියන්නෙ කෙලින්ම අඩු කුලේ තැනකට ගියාම ඉන්න දන්නෙ නැති කැරිම පජාතම ජාන තියන සෙට් එකක්
https://www.gossiplankanews.com/202...endant-arrested-for-shoplifting-in-japan.html
