වඩාගෙන ගහන කසුන් වැඩ පෙන්වයි

නිවුස් ෆීඩ් එක!
නිකමට හිතන්නකෝ ඔයයි යාළුවෝ සෙට් එකයි එකතු වෙලා කෑම මේසෙක වාඩිවෙලා හරිම බරපතල ප්‍රශ්නයක් ගැන කතා කර කර ඉන්නවා කියලා. උදාහරණෙකට, මේ මාසේ ගෙදර වියදම කොහොමද කවර් කරගන්නේ, ණය ගෙවන්නේ කොහොමද, ඊළඟ අවුරුද්දේ බජට් එක බැලන්ස් කරගන්නේ කොහොමද වගේ ඔළුව රත්වෙන සීරියස් ටොපික් එකක්.
ඔන්න ඔය වෙලාවේ කතාව යන පැත්ත ගැන මේසේ ඉන්න එකෙක්ට එච්චර සතුටක් නෑ. මිනිහට ඕනේ මේ කතාව වහාම නවත්තලා හැමෝගෙම අවධානය වෙන පැත්තකට හරවන්න. ඉතින් මිනිහා මොකද කරන්නේ?
කොහෙන්දෝ උස්සන් ආපු මැරුණු පූසෙක්ව ගෙනත් "දඩාස්" ගාලා අර කෑම මේසේ මැද්දට අතාරිනවා!
දැන් මොකද වෙන්නේ? අර මෙච්චර වෙලා කතා කර කර හිටපු බජට්, වියදම්, ණය ඔක්කොම කැලේ! මේසේ වටේ ඉන්න හැමෝම කතා වෙන්නේ එකම එක දෙයක් ගැන විතරයි:
"ඊයා ඕයි! මොකද්ද මේ මේසේ උඩ ඉන්න මැරුණු පූසා? කවුද මූව මෙතනට දැම්මේ? මාර ගඳයිනේ!"
දේශපාලනයේදී සහ මීඩියා වලදී මේකට තමයි කියන්නේ "Dead Cat Theory" (මැරුණු පූසාගේ තියරිය) කියලා. මේක හොයාගත්තේ අපි නෙවෙයි, බ්‍රිතාන්‍යයේ හිටපු අගමැති බොරිස් ජොන්සන්ගේ දේශපාලන උපදේශකයෙක් වුණු ලින්ටන් ක්‍රොස්බි (Lynton Crosby) තමයි මේ තියරිය ලෝකෙටම ප්‍රසිද්ධ කළේ.
තියරිය හරිම සරලයි:
රටේ මිනිස්සුන්ට බලපාන ලොකු, සංකීර්ණ, එහෙමත් නැත්නම් ආණ්ඩුවලට උත්තර දෙන්න ටිකක් අමාරු මාතෘකාවක් කරළියට එනකොටම, ඊට වඩා හෙනම ඩ්‍රාමාටික්, ඇඟ කිළිපොලා යන, කුණු රසය හරි කම්පනය හරි උපරිමයෙන්ම තියෙන වෙන සිද්ධියක් මේසේ උඩට වැටෙනවා. එතකොට මුළු රටම අර ප්‍රධාන ප්‍රශ්නේ පැත්තකින් තියලා මැරුණු පූසා වටේ රොක් වෙනවා.
දැන් පොඩ්ඩක් අද අපේ ෆේස්බුක් ෆීඩ් එකයි නිවුස් චැනල් ටිකයි දිහා බලමුකෝ...
එක පැත්තකින් අද මුළු රටේම ඉදිරි අනාගතය, අපේ සාක්කුවට වැටෙන ගාණ, බදු ප්‍රතිපත්ති සහ රුපියල් ට්‍රිලියන ගණන් එහා මෙහා වෙන අයවැය (Budget) පාර්ලිමේන්තුවට ඉදිරිපත් වෙන දවස. හරිනම් අද හවස් වෙද්දී අපි හැමෝම කතා වෙන්න ඕනේ ඒ ඉලක්කම් ගැන, රට යන ආර්ථික පාර ගැනනේ.
හැබැයි අද දවසේ ට්‍රෙන්ඩින් නම්බර් වන් මොකද්ද?
අනුරාධපුරේ උපවාස භූමියක් මැද්දේ ගියපු පොලු හරඹයකුයි, කුංෆු පාරවල් ටිකකුයි, ඔළු පලාගෙන ලේ හලාගන්න WWE මැච් එකකුයි! බලන බලන හැම තැනම බ්‍රේකින් නිවුස්, ලයිව් වීඩියෝ, ස්ලෝ-මෝෂන් රිප්ලේ! අයවැය කතාව පැත්තකට දාලා දැන් මුළු රටම කමෙන්ට් සෙක්ෂන් වල බෙදිලා රණ්ඩු වෙනවා කවුද හරි, කවුද වැරදි, කාගේ පොලු පාරද සැර කියලා.
මම මේ කියන්නේ මේ ගහගැනිල්ල කවුරුහරි ප්ලෑන් කරලාම අද දවසේම කළා කියලා නෙවෙයි. සමහරවිට මේක තනිකරම අහම්බයක් වෙන්න පුළුවන්. හැබැයි ඉතිහාසය පුරාවටම ලෝකේ ඕනෑම රටක දේශපාලනය දිහා බැලුවම, මේ වගේ තීරණාත්මක දවස්වලටම හරිම පුදුම විදිහට කොහෙන් හරි "මැරුණු පූසෙක්" නිවුස් ෆීඩ් එක මැද්දට පාත් වෙන එක නම් මාරම කලාවක්!
සමහර වෙලාවට පූසාව කවුරුත් විසි කරන්න ඕනෙත් නෑ; අපේ මීඩියා වලටයි, ඩ්‍රාමා බලන්න ආස අපිටයි කොහේ හරි ගහගන්න සද්දයක් ඇහුණු ගමන් අපිම ගිහින් පූසාව උස්සන් ඇවිත් අපේ කෑම මේසේ උඩ තියාගන්නවා. ඊට පස්සේ අපේ පොකට් එකට කෙලින්ම බලපාන දේවල් අමතක කරලා, අර පූසාගේ මයිල් ගණන් කර කර සතියක් විතර යනකන් ෆේස්බුක් එකේ මරාගන්නවා.
ඉතින් යාළුවනේ, ෆෝන් එක ස්ක්‍රෝල් කරද්දී ලේ# පෙරාගත්තු බ්‍රේකින් නිවුස්, මෙගා ඩ්‍රාමා දැක්කට කමක් නෑ... හැබැයි පොඩ්ඩක් ඔළුව උස්සලා බලන්න මේසේ යටින් ඇත්තටම මොනවද පාස් වෙන්නේ කියලත්! මොකද පූසා දිහා බලන් ඉද්දී පිඟානේ තියෙන බත් ටිකට මොකද වෙන්නේ කියලා හොයාගන්න බැරි වෙන්න පුළුවන්!
අපි හැමදාම රැවටෙන්නේ මේසේ උඩට වැටෙන පූසන්ටද, නැත්නම් අපිමද මේ ඩ්‍රාමා ඉල්ලන්නේ?

ඔය පොල්ලම අරන් කරකවලා දෙන්න තිබ්බේ ඕකට දෙකක්

ශැවොලින් ටෙම්පල්