Reply to thread

Message: <blockquote data-quote="Ridila™" data-source="post: 16655433" data-attributes="member: 476443">මෙතෙක් කාලයක් බෞද්ධයින් වන අප මරනින් මතු ඇතැම් පුද්ගලයින් නිරයේ උපදින බව අසා ඇත්තෙමු. නමුත් ඒ නිරය යනු කුමක් දැයි බොහෝ නාමික නමුත් ප්‍රතිපත්ති ගරුක නොවන බෞද්ධයින් නොදන්න බව සැබෑවකි. නරකය, තිරිසන්, ප්‍රේත, අසුර යන සතර අපායන් අප සැවොම අසා ඇත. නමුත් ඇතැම් එලකිරියේ සිටින නාමික බෞද්ධයින් එය දනීදැයි මට නම් ගැටලුවකි. ඉහත කී සතර අපායෙයි එක් අපායක් වන "නරකය" අප නිරය යනුවෙන් හඳුන්වන්නෙමු. එසේනම් බොහෝ කලකින් හූයක් කිරිය තුල ඇදීමට මා හට නොහැකිවීම නියායෙන් මේ ලිපිය උපුටා ගැනීමකින් මෙසේ පළකිරීමට ඉටා ගතිමි.ඒ එක් එක් නිරයත් එහි සිදුවන දඬුවම් දීමත් එහි යෑමට සිදුවන්නාවූ පාප කර්ම පිලිබඳවත් පහතින් විග්‍රහයක් කොට දක්වමි. [ATTACH]51496[/ATTACH] 01. සංජීව නරකයයම පල්ලන් විසින් එහි උපන් සත්වයන් ගිනියම් වූ පොළොවෙහි පෙරළා කෑලි කෑලි කොට කපද්දීත් ඒ සත්වයන් කර්ම බලයෙන් නැවත ජීවත් වන බැවින් ඒ නිරය සංජීවය නම් වේ. අධික ක්‍රෝධයෙන් හා මානයෙන් අනුන් හා කෝළාහල කළෝ ද, දුබලයන් පෙළු රජවරු හා නිලධාරීහු ද මැරයෝ ද සතුන් මරන්නෝ ද මෙහි උපදින්නා හ.02. කාලසුත‍්‍ර නරකයමෙහි උපන් සත්වයන් ගිනියම් වූ යම පොළොවේ පෙරළා, දැලිනූල් ගසා සහින්නා වූ බැවින් කාලසුත‍්‍ර නරකය නම් වේ. මාපියන්ට හා මිතුරන්ට ද ගුණවත් මහණ බමුණන්ට ද අපරාධ කළවුන් එහි දුක් විඳින්නා හ. 03. සංඝාත නරකයමේ නිරයේ සත්වයන් නව යොදුන් ඝනකම පොළොවෙ හි එරී නිශ්චලව සිටිති. එහි අහස ගුඟුරන්නාක් මෙන් මහ හ`ඩ නංවමින් එරී සිටින නිරි සතුන් අඹරමින් පර්වතයෝ ඒ මේ අත පෙරළෙති. ඒවාට යට වී සත්වයෝ සුණු විසුණු වෙති. ඇත්, අස්, ගව ආදී සතුන්ට වද දෙමින් වැඩ කරන්නෝ ද සතුන් මැරුවෝ ද එහි උපදිති.04. රෞරව නරකයමේ නිරයෙහි සත්වයන්්ගේ ශරීර තුළට වැද ඇතුළත දවන්නා වූ නපුරු දුමක් ඇත්තේ ය. ඇතුළත පිටත දෙකම දවනු ලැබීමෙන් හ`ඩනු ලබන නිරි සතුන් ගේ හ`ඩ නිරතුරුව එහි ඇසෙන බැවින් එම නරකයට රෞරව නරකය යැ යි කියනු ලැබේ.05. මහා රෞරව නරකයඅතිශයින් රෞද්‍ර වූ ගින්නෙන් හා දුමින් තවනු ලබන සත්වයන් ගේ නිරන්තරයෙන් පවත්නා මහ හ`ඩ ඇති නිසා ද නිරි සතුන් ගේ ශරීර වලින් ගලන ලෙයින් පිරී තිබෙන නිසා ද ඒ නරකය මහා රෞරව නම් වේ. තුණුරුවනට අයත් වූ ද මාපියනට අයත් වූ ද වස්තුව පැහැර ගන්නෝ ද විනාශ කළ අය එහි උපදිති. 06. තාප නරකයමේ නිරයේ යම පල්ලන් විසින් ගිනියම් වූ පොළොවෙහි ගිනියම් වූ යහුල්වල අමුණන ලද සත්වයෝ ගින්නෙන් දැවෙමින් දුක් විඳිති. සතුන් පණ පිටින් දවා මැරුවෝ ද අනුන් ගේ ගෙවල් ගිනි තැබුවෝ ද එහි උපදිති.07. ප‍්‍රතාප නරකයමෙහි ද තාප නරකයෙහි නිරි සතුන් පැසෙන අයුරින් දීර්ඝ කාලයක් සත්වයෝ පැසෙති. මරණින් මතු ඉපදීමක් නැතැයි කියා මිත්‍යා දෘෂ්ටි ගෙන පව්කම් කළ අය එහි උපදිති.08. අවීචි මහ නරකයමේ නරකයෙහි එක් බිත්තියකින් නැගෙන ගින්න අනිත් බිත්තිය දක්වා ගමන් කරන්නේ ය. පොළොවෙන් නැගෙන ගිනි ජාලාව උඩ පියන්පත දක්වා ද උඩ පියන් පතින් නික්මෙන ගිනි ජාලාව පොළොව දක්වා ද ගමන් කරන්නේ ය. සත්වයෝ නිතරම එම සදිසාවෙන් ම එන ගිනිදැල් වලින් වෙලී දැවෙන්නා හ. අතරක් නැතිව එහි සත්වයෝ වෙසෙති. ගිනිදැල් වලින් හා දුක් වලින් ද සත්වයන්ගෙන් ද අතරක් නැති බැවින් ඒ නරකය අවීචිය නම් වේ. මව මැරීම, පියා මැරීම, රහතුන් මැරීම , සංඝ භේදය, බුදුන් ගේ ඇගේ ලේ සෙළවීම, යන පංචානත්තරීය කර්ම කළවුන් ද, බෝසතාණන් වහන්සේලා ගේ ජීවිත නැසුවෝ ද, ගුණවතුන් ගේ ජීවිත නැසුවෝ ද, චෛත්‍යය බිඳින්නෝ ද, බෝ ගස් විනාශ කළවුන් ද, රත්නත්ත‍්‍රයට අයත් වස්තුව පැහැර ගන්නාවුන් ද, මිත‍්‍ර ද්‍රෝහීහු ද, භාර්යාවන්ට අපරාධ කළෝ ද, බොරු කිවෝ ද, සුරාපානය කළවුන් ද, මිසදිටු ගැත්තෝ ද එහි උපදිති.දැනුමට යමක් එක් කර ගැනීමට නූල තුලට ගොඩ වැදි සැමට තුති. ඔබ සැමට සම්මා සම්බුදු සරණයි...!!! </blockquote>

Verification: Payakata winadi keeyak tibeda?

Top Bottom