Reply to thread

Message: <blockquote data-quote="Dark_Night_of_the_Soul" data-source="post: 24510732" data-attributes="member: 495054">...තවත් සුළු වේලාවකින්, පූජකයා බිමට නැවී, තම වමතෙහි ඇති ගිනිහුලින් එම දර මිටි ගොඩට ගිනි තබනු ඇත. ඔහු දැන් සිටියේ තරුණිය අසලින් සිටගෙන ඈට කොඩිවින මන්ත්‍රයක් ජප කරමිනි. ඈව දඩුවට ගැටගසා තිබුනේ බරැති දැවමුවා දම්වැලකින් බව කල් හට පෙනී ගියේය. එය අත්ලාන්තිසයේ නිපදවන ලද අස්වාභාවික ස්වරූපයේ දම්වැලක් විය. ඔහුගේ මග හරස් කරමින් සිටි කල්ලිය පීරාගෙන තරුණිය සිටි තැනට ගියද, ඔහුට එම දම්වැල සිදිය නොහැකි බව කල් ට වැටහුනි. ඇගේ දෑස් ඔහු දෙස දැඩි ආයාචනයකින් යොමු වී පැවතිනි. ඔහු දරකෝටු ගොඩ දෙස බැලූ අතර, ඉන්පසු තම ඉග පටියේ ගසා තිබූ ගිනිගල් කිරිච්චියට අත තැබීය. ඈ ඔහු සිදු කිරීමට යන දෙය වටහාගත්තාය. ඈ හිස සැළූ අතර, ඇගේ දෑස් තුලින් සහනදායී බව ගලා හැලෙන්නට විය.කල් පහර දුන්නේ නාගයෙකු මෙන් හදිසියේම සහ අනපේක්ෂිත ලෙසය. ඔහු තම කිරිච්චිය ඉග පටියෙන් ගලවා ඉදිරියට වීසි කලේය. එය පියඹා ගොස් ඇගේ හදවත තුලට කිදා බැස්සේ ඈව ක්ෂණිකව මරණයට පත් කරමිනි. දැන් ඈට ගිනි ජාලාවලින් දැවෙමින් මරහඩ නගමින් දුක් විදීමේ අවශ්‍යතාවක් නැත. මිනිසුන් මායාවකට හසුව ගියාක් මෙන් තෘෂ්නිම්භූත ව ගියෝය. කල් බමරයක් මෙන් ආපසු කැරකුණු අතර, ජනකායෙන් ඉවතට පලා දුවන්නට වූයේය. ඔහු දිවගොස්, අසල තිබූ පර්වතයෙහි දැඩි බෑවුම සහිත පැත්ත දිගේ ඉහලට නැග ගියේ බළලෙකු මෙනි. ඔහු පර්වතය දිගේ අඩි විස්සක් පමණ දිවූයේය. මිනිසුන් විශ්මයෙන් භ්‍රාන්තව ගොස් ගල් ගැසී සිටියෝය. අවසානයේදී එකකු තම දුන්න සහ ඊතලය ඇදගෙන, මෘදු පර්වත බෑවුම දිගේ එය මානන්නට විය. කල් ප්‍රභල ශක්තියක් යොදමින් පර්වත හිස මතින් නැගී ගියේය. දුනුකරුගේ දෑස් සිහින් ව ගිය අතර, එවිටම අම්-රා පය පැටලී ගියාක් මෙන් ඔහු මත කඩා පැන්නේය. විදී ගිය ඊතලය සුළං හඩ නගමින් ඇදී ගියේ පර්වතයෙන් ඉවතටය. ඒ වන විට කල් අතුරුදන්ව ගොස් හමාරය. ඔහුට තමා පිටුපසින් නැගුනු ගෝෂාව කණ වැකිනි. ඔහුගේම ගෝත්‍රයෙහි මිනිසුන්, ලේ පිපාසාවෙන් ගිනිගෙන තිබිනි. ලේ තැවරුණු තම සදාචාරසම්පන්න දණ්ඩ නීතිය කඩ කිරීම හේතුවෙන්, ඔහුව ඝාතනය කිරීම පිනිස ඔවුන් ඔහු පසුපස දිව ඒමට තැත් කරමින් සිටියෝය. එහෙත් අත්ලාන්තිසයේ කිසිම මිනිසෙකුට, මුළු ලෝකයේ කිසිම මිනිසෙකුට, මුහුදු-කදු ගෝත්‍රයේ කල් සමග දිව යාමට හැකියාවක් තිබුනේ නැත.--නිමි.මෙම කෙටි කථාන්තරය, මින් අනතුරුව ලියවුනු "The Shadow Kingdom" නැමැති කෙටි කථාව සමග සම්බන්ධ වේ.</blockquote>

Verification: Dawasata paya keeyak thibeda?

Top Bottom