Reply to thread

Message: <blockquote data-quote="SHEHAN_GIWANTHA" data-source="post: 21812573" data-attributes="member: 496236">තෙතමනයෙන් වෙන අලාභහානි වළකා ඔබේ නිවස හරි විදිහට වෝටර්පෲෆින් (Waterproofing) කරගන්නේ මෙහෙමයි1. ස්ලැබ් එකක් වෝටර්පෲෆ් කරගන්නඅළුත් තාලෙට බොක්ස් ටයිප් ගෙයක් හදනව නම් බොහෝ වෙලාවට රූෆ් ටොප් එකක් තියෙන විදියට තමයි නිවාස සැලසුම් වෙන්නෙ. අඩු ඉඩක වැඩි ප්‍රයෝජනයක් ගන්න හිතන කෙනෙක් උනත් රූෆ් ටොප් එකක වැදගත්කම ගැන අනිවා හිතනව. එහෙම රූෆ් ටොප් එකක් නැතත්, අදියර දෙක තුනකින් තට්ටු දෙකක නිවසක් ඉදිකරන කොට පළමු කොටස නිම කරල ස්ලැබ් එකක් දාගෙන කාලයක් ගිහින් තමා උඩ තට්ටුව හදන්නෙ. මේ මොන අවස්ථාවක උනත් ස්ලැබ් එකක් වෝටර්පෲෆ් කරන්නම ඕන.එහෙම නොකලොත් ඉතින් ගේ ඇතුලට වතුර කාන්දු වෙන එක වලක්වන්න බෑ. එහෙම වතුර කාන්දු වීමකදි ස්ලැබ් එකේ කම්බි දිරන්න ගන්න එකත්, වයරින් වලට වතුර ගිහින් වයර් ශෝට් වෙන එකත් වලක්වන්න අමාරු කාරණා. මෙන්න මේ දේ වලක්වා ගන්න ස්ලැබ් එකක් සාදා නිම කරගත්තට පස්සෙ වෝටර්පෲෆ් කරන එක අනිවා කරන්න ඕන. වෝටර්පෲෆ් නිෂ්පාදන නිකම්ම ආලේප කලාට ඒකෙන් නිසි ප්‍රතිඵල ගන්න බෑ. හැම විටම වෝටර්පෲෆ් නිෂ්පාදනයක් හරස් අතට සහ දිග අතට වශයෙන් දෙපැත්තටම ආලේප කරන්න ඕන.2. ස්ලැබ් එකේ පළුදු නම්මුළු ස්ලැබ් එකම නියමාකාරයෙන් වෝටර්පෲෆින් කලත් නොයෙක් නොයෙක් හේතු මත ස්ලැබ් එහෙක තැනින් තැන පළුදු වීම් හෝ පැල්මවල් ඇති වෙන්න පුළුවන්. එහෙම ඇති වෙන පැල්මකින් වෙන්නෙත් අර වෝටර්පෲෆ් නොකලම ඇති වෙන්න පුළුවන් කරදරමයි. වැහි දවසක මේ පැල්මකින් වතුර කාන්දුවක් වෙලා වයරින් වල ප්‍රශ්නයක් ඇති වුනොත් ගිනි ගන්න උනත් ඉඩ තියෙනව. ස්ලැබ් එකේ කම්බි දිරන එක කොහොමත් නිවසේ කල් පැවැත්මට සුභ දෙයක් නෙවෙයි කියන එක අමුතුවෙන් මතක් කරන්න අවශ්‍ය නැහැනෙ. මෙන්න මේ වගේ පැල්මවල් වලට ස්ලැබ් එක වෝටර්පෲෆ් කල විදියටම කරන්න බැහැ. මේ පැල්ම පිරවෙන්න ඕන වගේම වතුර කාන්දුවට පිළියමක් කරන්නත් ඕන. මෙහෙම පැලුම් අත්තිවාරමේත් වහල වලත් ඇති වෙන්න පුළුවන්. අව් වැසි වලින් ආරක්ෂා වෙන්න ඔබ ගොඩනගාගන්න නිවස මේ අව් වැසි වලින් රැකෙන විදියට පරිස්සම් කරගන්න එකේ වාසිය ඔබටමයි. නිවසක කල් පැවැත්ම රැඳෙන්න නම් වතුර කාන්දු වෙන තැන් වලට අනිවා ඉක්මණින්ම පිළියම් යොදන්න.3. බිත්ති වල තෙතමනයඉස්සර නම් බිත්ති තෙතමනයෙන් ආරක්ෂා කරගන්න වෙදර් ශීල්ඩ් පේන්ට් එකක් තමයි පාවිච්චි කරන්නෙ. මොකද බොහෝමයක් ගෙවල් වල බිත්ති වලට වහලෙනුත් ආවරණයක් සැපයෙන නිසා බිත්ති වලට කෙලින්ම වතුර වැටෙන්නෙ නෑ. නමුත් අළුතෙන් ගොඩනඟන බොක්ස් ටයිප් නිවාස වල බිත්ති සහ නිතර තෙමෙන බිත්ති තියෙන නානකාමර වල බිත්ති වලට තෙතමනයෙන් ආරක්ෂා වීමට වෙදර් ශීල්ඩ් පේන්ට් එක විතරක් ප්‍රමාණවත් නෑ. මේ වගේ බිත්ති වලට වෝටර්පෲෆින් සීලර් එකක් පේන්ට් එකට කලින් භාවිතා කරන්න. බ්ලොක් ගල් වලින් බඳින බිත්ති වේවා ගඩොලින් බඳින බිත්ති වේවා වතුරෙන් පෙඟුනම කාලයක් ගිහින් දිරාපත් වෙන්න ගන්නව. බිත්ති බොල් වෙන්න ගන්නව. මේ වගේ තත්ත්වයන් වලක්වා ගන්න බිත්ති වෝටර්පෲෆින් කරන එකත් වැදගත් කාරණයක්.සීලර් එකක් විතරක්ම පාවිච්චි කරල සේරම හරි කියල නොහිතා වෝටර්පෲෆින් පේන්ට් එකක් ගාන්නත් අමතක කරන්න එපා. සීලර් එකෙන් ලබාදෙන කල් පැවැත්ම තව දුරටත් ආරක්ෂා වෙන්න නම් සීලර් එක උඩින් වෝටර්පෲෆින් පේන්ට් එකක් ආලේප කරන්න. වතුරෙන් බිත්ති වලට වෙන හානිය වලක්වා ගන්න නිවැරදි ලෙස මේ දේවල් පාවිච්චි කරන්න.4. වැහි කාලෙට උල්දිය සීරාවතදින්ම වහින කාලෙට වත්තට පිරෙන වතුර ඉක්මණින්ම බැහැල යන්නෙ නෑ. එක දිගටම වහින වැස්සට අත්තිවාරම් වලින් උල්දිය සීරාවන් ඇති වෙන්න පුළුවන්. ඒ කියන්නෙ අත්තිවාරමට යටින් එන වතුර බිත්ති වලට උරා ගන්න පටන් ගන්නව. මෙන්න මේ දේට පිලියමක් නොකලොත් බිත්ති වල යට කොටස පෙඟිලා කඩා වැටෙන්න උනත් පුළුවන්. හැම නිවසකම මේ තත්ත්වය ඇති වෙන්නෙ නැති උනත් පහත් බිම් වල නිවාස ඉදි කර ඇති සහ ඉදි කරන අයට මේ අත්දැකීම ඇති. මේ දිය සීරාව නොඑන්න නම් ඒකටත් වෝටර්පෲෆින් සීලර් නිෂ්පාදනයක් පාවිච්චි කරන්න. සිමෙන්ති දිය කරල පිටින් ගාන එක තාවකාලික විසඳුමක් විතරයි.5. නාන කාමර වෝටර්පෲෆ් කිරීමඋඩ තට්ටුවක හදන නාන කාමරයක් නම් කලින් කිව්ව වගේ සීලර් එකක් ටයිල් කරන්න කලින් බිත්ති වලට ආලේප කරන්න. ඒ විතරක් මදි. රූෆ්ටොප් ස්ලැබ් එහෙකට වගේම නාන කාමරයේ බිමත් වෝටර්පෲෆ් කරන්නම ඕන. ඔබ දැකල ඇති සමහර ගෙවල් වලට ගියාම නාන කාමරය තියෙන තැන පහල තට්ටුවේ ඉඳන් බැලුවම සීලිමේ තෙත පැල්ලම් තියෙනව. ඒ වගේම නාන කාමරයේ යාබද බිත්තියේ තෙත පැල්ලම් තියෙනව. සමහර වෙලාවට බිත්තියේ පේන්ට් එකත් සවුත්තු වෙලා බිත්ති පෙඟිලා තියෙන අවස්ථා ඔබ දැකල ඇති. මේන්න මේ තත්ත්වය ඇති වෙන්නෙ නාන කාමරය හරි හැටි වෝටර්පෲෆ් නොකලමයි. ටයිල් අතරින් කාන්දු වෙන වතුර බිත්තියට කෙලින්ම උරාගත්තම ටයිල් බොල් වෙලා, බිත්ති පෙඟිලා, අළුත්වැඩියාවන් වැඩි වෙන එක තමා වෙන්නෙ. ප්‍රමිතියකින් යුතුව වැඩ නිම කරගත්තොත් මේ ප්‍රශ්න මතු වෙන්නෙ නැති බව මතක් කරන්නම ඕන.6. වහල වලින් වතුර කාන්දු වීමවහලෙට දාන සීට් එකක මොනම හේතුවක් නිසා හරි පොඩි පලුද්දක් ඇති වෙලා නම් වැස්සට ඇතුලට වතුර කාන්දු වෙන එක කරදර ගොඩකට මග පාදනව. විශේෂයෙන්ම වහලයට යටින් සීලිමක් ගහල නම්. වහලයේ ශීට් වලින් බේරෙන වතුර ලී වලට හානි කරනව වගේම සීලිමට වැටිලා සිවිලිම් ශීට්ස් පෙඟෙන්නත්, ලී සිවිලිමක් නම් ඒවා දිරන්නත් පටන් ගන්නව. පුංචි වතුර බිංදුවකින් පටන් අරන් ලොකු හානියක් ඇති කරන්න මේ පොඩි පලුද්දකට පුළුවන්. මෙහෙම පළුදු වලටත් වෝටර්පෲෆින්ග් සීලර් එකක් පාවිච්චි කරන්න. පරණ විදියට තාර ගාල තාවකාලික පිළියම් කරනවට වඩා කාලයක් පවතින දෙයක් කරන එක තමා සුදුසුම.</blockquote>

Verification: Haya warak paha keeyada? (haya wadi kireema paha)

Top Bottom