Reply to thread

Message: <blockquote data-quote="1sam" data-source="post: 26441440" data-attributes="member: 557062">බෞද්ධ දර්ශනය, බෞද්ධ ඉතිහාසය, සහ බෞද්ධ සාහිත්‍ය කියන තුනම අපේ සමාජයේ තිබුනත්,  අපි මූලික තැන දිය යුත්තේ බෞද්ධ දර්ශනයට සහ එහි කියැවෙන දේවල් අවබෝධ කර ගැනීමටයි. නමුත්, සිදු නොවන්නේත් ඒකමයි. බෞද්ධ ඉතිහාසයේ, මුඛ පරම්පරාගතව පැමිණෙන බොහෝ කරුණු, පසු කාලීනව ලේඛනගත කරද්දීත්, බෞද්ධ සාහිත්‍යයට අදාලව ලියවෙන පොතපත, ඒ ලියන පුද්ගලයාගේ දැනුම, කැමැත්ත මත අතිශයෝක්තීන් යොදා ගැනීම බහුලව සිදුවෙලා තියනවා. එයින් බුදු දහමේ හරයට හානියක් සිදු නොවුනත්, බෞද්ධ දර්ශනයේ ප්‍රායෝගික බවට සහ විශ්වාසනීයත්වයට නම් යම් අවැඩක් සිදු වෙන බව මට හිතෙනවා.මේ ගැන මගේ අත්දැකීමක් මීට වසර කිහිපයකට  පෙර බ්ලොග් පෝස්ට් එකකට පිළිතුරක් හැටියට ලිව්වා. ඒක පහලින් පේස්ට් කළා.//සෝභිත හාමුදුරුවන් ගැනත් ඉංගිරිස් බණ ගැනත් කියෙව්වාම මට පාසැල් කාලේ සිද්ධියක් මතක් උනා. 1976-79 වසර හතර මම උසස් පෙළ ඉගෙන ගත් කාලයයි. සෑම පසළොස්වක දිනකට ආසන්නම පාසල් දිනයේදී අපිට ධර්ම දේශනාවක් පැවැත්වෙනවා. ඒක පැවැත්වෙන්නේ ඉංගිරිස් භාෂාවෙනුයි. සිංහලෙන් වත් මලාට බන අහන්නේ නැති අපි, මේකට මේන් හෝල් එකට යන්නේ අපේ උප විදුහල්පති 'කටයා' මහතාට බයේ මිසක්, බණ  අහලා, සසර සයුරෙන් එතෙර වෙන අදහසින් නොවෙයි. (පාසැල Royal College කියලත් කිව යුතුයිනේ.) ඉහත වකවානුවේ එක්තරා බණ දිනක අපේ විදුහල්පති පීරිස් මහතා, හාමුදුරුවන් හඳුන්වා දීම ""සිංහලෙන්"" සිදු කළා. සිංහලෙන් කිවිසුමක්, ඈනුමක් වත් අරින්නේ නැති එතුමාට 'සිංහල තෙරියා ඉල්ලේ' කියලයි අපි ඔක්කොම ඒ වනතෙක් හිතාගෙන හිටියේ. හාමුදුරුවන්ගේ නම "නාග විහාර වාසී , මාදොළුවාවේ සෝභිත" කියලයි කිව්වේ. අපි හැමෝම මේ වෙච්ච දේ (ප්‍රින්සිපල් හිංගලෙන් කතා කරපු එක ) අදහාගන්න බැරුව පුදුම වෙලා ඉන්නකොට සෝභිත හාමුදුරුවෝත් (සිංහලෙන්) බණට කියාපු දේවල් ඊටත් වඩා පුදුමයි. වයස පනස් හතකට කිට්ටු මගේ ජීවිත කාලයේදී, බණකට අහපු එකම වචනයක් හරි මතකයේ තියනවානම් ඒ එදා සෝභිත හිමි කියාපු දේවල් කිහිපයක් තමයි. එතුමා කිව්වා බෞද්ධ සාහිත්‍යයේ කියැවෙන ආකාරයට සිද්ධාර්ථ කුමාරෝප්පත්තියෙදී ඇවිදීම, කථා කිරීම ඇත්තටම වෙන්න පුලුවන්ද?? උපන් ගමන් හයියෙන් ඇඬුවා කිව්වානම් විශ්වාස කරන්න පුලුවන්. වයස විසි අටක් වෙලත් සිදුහත් කුමාරයා මහල්ලෙක්, ලෙඩෙක්, මිනියක් දැකලා නැද්ද ? ඔච්චර එකේ යශෝධරා දේවියට හෙම්බිරිස්සාවක් වත්, මම මේ කියන්නේ හෙම්බිරිස්සාවක්වත්  (ඒක ටිකක් බරට උච්ඡාරණය කරලා දෙවරක්ම කිව්වාම, අපි වාගේම එහි අරුත තේරුම් ගත්ත ගුරු මණ්ඩලයේ ගුරුවරියන් මුහුණ වහගෙන හිනා උනාත්  තාම මතකයි) හැදිලා නැද්ද ?? ඕවා නොදන්නා කෙනෙකුට බුදු වෙන්න තියා ඇස් ඇස් සී වත් පාස් වෙන්න පුලුවන්ද? ආදී වශයෙන් දේශනා කළා. මේ උදාහරණ ගෙනාවේ බෞද්ධ සාහිත්‍යයේ කියැවෙන අතිශයෝක්තියන් (උපන් වෙලාවේ කතා කිරීම, ඇවිදීම, සතර පෙර නිමිති වැනි දේවල්) විශ්වාස නොකර, බෞද්ධ දර්ශනයේ කියවෙන දේවල් පමණක් විශ්වාස කරන්න, පිළිපදින්න කියා කීමටයි. මගේ ජීවිතයේදී අහපු ප්‍රීතිමත්ම ධර්ම දේශනාව ඒකයි. ඒ දිනය දක්වා, බන අහන්න මේන් හෝල් එකට ගියේ මරන්න ගෙනියන හරක් වගේ උනත් එදායින් පසු නැවත එවැනි බණක් අහන්න ලැබේවි කියලා අපි කලින්ම හෝල් එකට ගිහිං ඉස්සරහා පුටු අල්ලා ගත්තා උනත්, ඉන් පසු කිසිදිනෙක එවැනි බණක් තියා සිංහල භාෂාවෙන් වත් බණක් අහන්න ලැබුනේ නැහැ . සෝභිත හිමිපාණන්ට නිවන් සුව පතමි .//Reply</blockquote>

Verification: Hata thunen beduwama keeyada? (60 bedeema thuna)

Top Bottom