Reply to thread

Message: <blockquote data-quote="NRTG" data-source="post: 25642607" data-attributes="member: 573158">කල්පිටිය ප‍්‍රාදේශිය ලේකම් කොට්ඨාශයට අයත් පල්ලිවාසල්තුරෙයි ප‍්‍රදේශයේ කලපුව ආශ‍්‍රිතව වෙරළබඩ තීරයේ බැකෝ යන්ත‍්‍රයක් භාවිත කරමින් කඩොලාන පද්ධතියට සිදුකළ විනාශය සම්බන්ධයෙන් පරීක්‍ෂණයක් ආරම්භ කර තිබෙනවා. ඒ, පුත්තලම දිසා වන නිලධාරි ජී.ඞී.ජී.සරත් කුමාර විසින්.ඉස්සන් වගාව සදහා ස්වභාවික කඩොලාන පද්ධතිය විනාශයට ලක්කරමින් ඉස්සන් පොකුණු ඉදිකිරීම කල්පිටිය ප‍්‍රාදේශිය සභාවේ සභාපතිවරයාගේ සෘජු මැදිහත්වීම මත සිදුවූ බවටයි ගම්වාසීන් චෝදනා කළේ.පරිසරවේදීන් ද පෙන්වා දුන්නේ අදාල ඉස්සන් ගොවිපලේ පිහිටි ඉපැරණි ඉස්සන් පොකුණු නවීකරණය කිරීම සදහා කල්පිටිය ප‍්‍රාදේශිය සභාවේ සභාපතිවරයා අනුමැතිය ලබාගෙන තිබූ බවයි. එහෙත් ඩෝසර් සහ බැකෝ යන්ත‍්‍ර උපයෝගි කර ගනිමින් කලපු තීරයට යාබදව පිහිටා තිබූ ස්භාවික කඩොලාන පද්ධතිය සම්පූර්ණයෙන් විනාශයට ලක්කරමින් දැවැන්ත පාරිසරික හානියක් සිදුකර එහි නව ඉස්සන් පොකුණු ඉදිකර ඇති බවට පරිසරවේදීන් චෝදනා කළා.පුත්තලම දිසා වන නිලධාරිවරයා පැවසුවේ පල්ලිවාසල්තුරේ කළපු තීරයට යාබදව පිහිටා ඇති මෙම ඉස්සන් වගාවට අයත් භූමිය කල්පිටිය සභාපතිවරයාට අයත් බවට සනාථ වී ඇති බවයි. අදාල භූමිය කල්පිටිය ප‍්‍රාදේශිය ලේකම්වරයාගේ මැදිහත් වීම මත වාර්ෂික බදු ක‍්‍රමයට ලබා දී තිබෙනවා.මෙම ඉස්සන් පොකුණු ඩෝසර් යන්ත‍්‍ර භාවිතයෙන් නවීකරණය කිරීමට යාමේදී කඩොලාන පද්ධතියට හා අදාල ප‍්‍රදේශයට ඉන් බරපතල හානියක් සිදුව ඇති බවයි පුත්තලම දිසා වන නිලධාරිවරයා පැවසුවේ. සීමා මායිමෙන් ඔබ්බට ගොස් විශාල වශයෙන් පස් තල්ලූ කිරිම හේතුවෙන් කඩොලාන පරිසර පද්ධතියට හානියක් සිදුව ඇති බවත් එය බරපතල වරදක් ලෙස නිරික්ෂණයට ලක්ව තිබූ බවත් ඔහු කියාසිටියා. සිද්ධිය සම්බන්ධයෙන් වන සංරක්ෂණ නිළධාරින් නෛතික ක‍්‍රියා මාර්ග ගැනීමට අවශ්‍ය නීතිමය කටයුතු සිදු කෙරෙමින් පවතින බවයි මෙහිදී ප‍්‍රකාශ කෙරුණේ.කල්පිටිය ප‍්‍රාදේශිය සභාවේ සභාපති අබුබක්කර් මොහොමඞ් ඉන්ෆාස්ගෙන් නෙත් නිවුස් කල විමසීකදී ඔහු පවසා සිටියේ තමන් 2017 වසරේ වාර්ෂික බදු ක‍්‍රමය යටතේ මෙම ගොවිපල ලබා ගත් බවයි. එහි අක්කර දෙකකට ආසන්න භූමියෙන් ඔබ්බට ගොස් කිසිදු සංවර්ධන කටයුත්තක් සිදු නොකල බවයි ඔහු පැවසුවේ.මේ අතර මෙම සිද්ධිය සම්බන්ධයෙන් පොලීසියද අංශ කිහිපයක් යටතේ පරීක්‍ෂණ ආරම්භ කර තිබෙනවා.</blockquote>

Verification: Payakata winadi keeyak tibeda?

Top Bottom