Reply to thread

Message: <blockquote data-quote="coollifestyle4u" data-source="post: 11473368" data-attributes="member: 106845">කෙල්ලව~මීට්_වෙන~දවස ආදරය කරන්න ලේසි වුනාට.. ඒ ආදරය අපේ ජිවිතයට ඇතුල් කර ගන්න පුදුම ගේමක් දෙන්න ඕනේ.. ඒ දේ ඉතින් අමුතුවෙන් කියන්න දෙයක් නෑ නේ.. අපේ එළකිරි අඩවියේ අත් දැකිම් ලබාපු සහෝදර සහොදරියන් ඕන තරම් ඉන්නවා නේ.. කොහොම වුනත් ආදරය ගැන ඉතින් මම හැම දාම වගේ කොයි කාටත් උපදෙස් දෙනවා නේ.. ඒ හින්දා ආදරය කරන්න මට නම් ගේමක් නෑ.. ඒත්.. අද මගේ හිතට පොඩි චකිතයක් තියෙනවා.. ඒකට හේතුව මම ආදරය කරපු කෙල්ලගේ ගෙදරට හවස මට යන්න වේලා තියෙනවා.. මට කිව්වාට මාත් එක්ක අම්මායි තාත්තායි දෙන්නාම එනවා.. මගේ ආදර කතාව හුගාක් වෙනස්.. සමහර වේලාවට ඔගොල්ලන් විශ්වාස කරන්නේත් නැති වෙයි.. ඒත් මම ඒ දවසේ ඉදලාම අපේ එළකිරි අඩවියේ ආදරය සම්බන්ධ ත්‍රේඩ් තියෙද්දි කියපු දෙයක් තමයි.. අපි ආදරය කරන්න ඕනේ ලස්සනට නෙවෙයි ලස්සන හදවතක් තියෙන කෙනෙක්ට කියලා.. , ඒහෙම කියද්දි බොහෝ දෙනෙක් මට චෝදනා නැගුවා තේරුමක් නැතිව බොලද අදහස් දෙනවා කියලා.. ඒත් ඒ දේ බොලද වුනත්.. මම අනික් අයට උපදෙස් දෙනවා වගේම මම ඒ දේ අනුගමණය කරන්න ඕනේ.. ඒත් බොහෝ දෙනෙක් උපදෙස් දුන්නාට ඒ අය පිළිපදින්නේ වැරදි පිළිවෙත්.. මගේ ආදරය සිදු වුනේ ඔන්ලයින් එකෙන්.. දැන් කට්ටිය හිතන්න එපා.. දවසේ පැය 14 ක් ම ඔන්ලයින් ඉදලා කරලා තියෙන්නේ මේ වැඩේ කියලා :පී කොහොම වුනත් අහම්බෙන් හම්බ වුන මේ කෙල්ලත් එක්ක මම ඇසුරු කරන්න පටන් ගත්තා.. ඒ කිව්වේ ඔන්ලයින් එකෙන්.. මම කෙල්ලගේ පෙනුම දැකලාත් තිබ්බේ නෑ.. ඒ වගේම කෙල්ලත් මගේ පෙනුම දැකලා තිබ්බේ නෑ.. මම ආදරය කරන්න හිතාගෙන නෙවෙයි ඒ කෙල්ලත් එක්ක යාලු වුනේ.. ඒත්.. ඒ කෙල්ලගේ සිතුම් පැතුම් අදහස් හැම දෙයක් ම.. මම බලාපොරොත්තු වුන කෙල්ලෙක් ගාව තියෙන්න ඕන හැම දෙයක් ම ඒ කෙල්ල ලග තිබ්බා.. ඒ හින්දායි මම කැමති වුනේ.. ඒත් මම ආදරය කියන්න ඉක්මන් වුනේ නෑ.. හේතුව ආදරය කියන දේ.. අපිට ඕන ඕන විදියට මිලදි ගන්න බැරි හින්දා.. ඒ කෙල්ලගේ පවුල ගැන කියනවා නම්.. අසරණ පවුලක්.. ඒ කෙල්ලගේ තාත්තාත් නෑ.. අපි නම් ඉතින් යම්තාක් දුරට ඔළුව උස්සන් ඉන්න පූල්වන් මට්ටමකට ඉන්නේ... ඒත් අපි ආදරය කරද්දි.. සල්ලි පදනම් ව නෙවෙයි ආදරය කරන්න ඕනේ.. ඒ හින්දා ඒ දේවල් ඒ හැටියට අපි හිතන්න නරකයි.. කොහොම වුනත් කාලයක් තිස්සේ තිබ්බ මේ සම්බන්ධය මම අම්මාට කියලා තිබ්බා.. ඒ අවස්ථාවේදි තාත්තා ලංකාවේ හිටියේ නෑ.. කොහොමත් අපි වැඩි හරියක් සමිප කම් දක්වන්නේ අම්මලාට නේ.. මැතකදි තාත්තා රට ඉදලා ලංකාවට ආවා... ඒ ආවේත් මේ පාර නම් මට මොනවා හරි කරලා දිලා යන්න ඕනේ කියන මතයෙන්.. කොහොම හරි.. තාත්තාට මේ කතාව ආරංචි වේලා අම්මායි තාත්තායි කෙල්ලගේ ගෙදර ගියා.. ඊට පස්සේ , තාත්තා ඒ අයගේ පවුලට අපේ ගෙදරට එන්න කිව්වා.. ඊයේ කට්ටියම ආවා.. බලන්න.. ඒ වේලාවේ පුදුම විදියට හිතේ ගැස්මක් එනවා.. ඒ අවස්ථාවේදි.. දැනෙන සිතුවිලි ගැන මේ සම්බන්ධව පළපුරුදු සහෝදර සහෝදරියන්ට තේරුම් ගන්න පුලුවන්.. කොහොමත් ඉදිරියේදි.. පිළිවෙලක් වෙන්න එන්න සහෝදර සහෝදරියන්ට වුනත් ඒ හදවතේ දැනෙන ගැස්මේ වේගය තේරුම් වෙයි.. ඒ අවස්ථාවට මුහුණ දුන්නාම.. කොහොම වුනත් ඒ අය කැමති වුනත්.. අද කෙල්ලගේ ගෙදර එන්න කිව්වා කෙල්ල මාව දැකලා නැති හින්දා.. ඒ කෙල්ල පැහැපත් නැති වුනත් මම පැහැයට නෙවෙයි ආදරය කලේ.. ඒ කෙල්ලගේ ගතිගුණ වලට. මම මේ දේවල් කිව්වේ.. අපේ සහෝදරයන්ට මගේ පුද්ගලික කරුණු පහදලා දෙන්න නෙවෙයි.. විශේෂයෙන් ආදරය කරන අපේ සහෝදර සහෝදරියන්ට මට කියන්න කාරණාවක් තියෙනවා.. ඒ ඇවිත්.. අපි ඔන්ලයින් එකෙන් ආදරය කරන්න හිතනවා නම්.. ඒ කෙල්ලගේ පවුල් පසුබිම ගැන හිතන්න කලින් ඒ කෙල්ලගේ සිතුම් පැතුම් තමන්ට ගැලපෙනවා ද කියලා හිතන්න. ඒ වගේම ඒ කෙල්ලගේ පසුබිමේ කතාවත් පොඩ්ඩක් අහලා දැන ගන්න...  තවත් දෙයක් හදවතින්ම ආදරය කරනවා නම්.. විශේෂයෙන් රූපයක් දකින්නේ නැතිව මේ මම වගේ.. අපි බලාපොරොත්තු වුන පෙනුම තිබ්බේ නැති වුනත්.. තේරුමක් නැතිව ඒ කෙල්ලගේ ජිවිතයට බලපැමක් ඇති වෙන විදියට ක්‍රියා කරන්න එපා.. අපි ඒ ගැන වැඩි තැකිමක් දැක් වුවේ නැති වුනාට කෙල්ලගේ හිතට හුගාක් දුරට ඒ දේ බලපායි.. අනික අපේ තවත් පාර්ශ්වයක් ඉන්නවා.. මනමාලියෙක් බලන්න ඕනෑවට කිසිම සීමාවක් නැතිව.. හැම ගෙයක් ගාණේම ගිහිල්ලා කෙල්ලව බලලා අකමැති කියලා එන පිරිසක්.. ඒ දේ නම් ඇත්තටම පහත් ක්‍රියාවක් හැටියටයි මම නම් දකින්නේ.. මේ දේ කිව්වේ ආදරය නොකර විවාහ වෙන්න යන අයටයි.. ඒ වගේ දෙයක් නොකර කපුවෙක් මංගල යෝජනාවක් ගෙනාපු පලියට ගෙවල් ගාණේ ගිහිල්ලා කෙල්ලව බලලා එන්නේ නැතිව.. කෙල්ලගේ පින්තුරයක් ගෙන්න ගෙන.. ඒ පවුලේ විස්තර පොඩ්ඩක් හොයලා බලන්න..  දැන් කට්ටිය කියයි.. කෙල්ලව බලන්නේ නැතිව කොහොම ද මචන් කැමැත්තක් දක්වන්නේ කියලා.. ඒක තමයි පින්තුර බලන්න ඊට පස්සේ කැමති නම් විතරක් ගිහිල්ලා බලන්න.. නැතුව විනෝදාංශයක් හැටියට ඒ ව්දියට කරන්න උත්සහ කරන්න එපා.. එකෙන් ඒ කෙල්ලට වගේම ඒ පවුලේ උදවියටත් ඒ දේ තදින්ම බලපාන්න පුලුවන්.. අනික් කාරණාව ඇවිත් කිසිම දවසක දැවැදි බලාපොරොත්තු වෙන්න උත්සහ කරන්න එපා.. ඒ අය කැමැත්තෙන් දෙන කතාව වෙනයි.. ඒත් අපිට මෙච්චරක් ඕනේ.. අක්කර මෙච්චරක් ඕනේ රත්තරං මේ ප්‍රමාණයක් ඕනේ කියලා ඉල්ලන පිරිසක් තවමත් මේ සමාජයේ ඕන තරම් ඉන්නවා.. ඒ හින්දායි දුප්පත් පවුල් වල කෙල්ලෝ තවමත් කසාදයක් ගැන සිහින දකින්නේ නැතිව.. ජිවත් වෙන්නේ.. කොහොම වුනත් අද මගේ ජිවිතයේ ඉරණම කොහොම වෙයි ද කියලා හිතා ගන්න බෑ.. ඒත්.. මම මගේ සහෝදර සහෝදරියන්ට මේ කතාව කිව්වේ.. මේ කතාවෙන් හරි අපේ ආදරය කරන සහෝදර සහෝදරයන්ට යම් දෙයක් තමන්ගේ ජිවිතයට ගන්න ලැබෙයි කියන බලාපොරොත්තුවෙන්... ඔගොල්ලන්ට දැනෙන අදහස් ඉදිරිපත් කරන්න , මම ඒ දේවල් වලට පුලුවන් පුලුවන් ආකාරයෙන් අදහස් ඉදිරිපත් කරන්නම්.. </blockquote>

Verification: Payakata winadi keeyak tibeda?

Top Bottom