Reply to thread

Message: <blockquote data-quote="tharakanilupul" data-source="post: 17575731" data-attributes="member: 504068">කොරියන් යුද්ධය -7කෙසේවෙතත් ඔක්තෝබරය මුලදී ප්‍රතිවාදී හමුදා 38  වන රේඛාව පසුකිරීමත් සමග තමන්ගේ හමුදාද යාලු ගංඟාව හරාහා කොරියානු භූමියට  යවන බව මාවෝ විසින් ස්ටාලින් හටද දන්වා සිටි අතර එවකට චීනය සතුව පුහුණුව  ලැබූ ගුවන් හමුදාවක් හෝ ගුවන් හමුදාවක් නොසිටි නිසා ගුවන් ප්‍රහාර එල්ල  කිරීම තුළින් එතෙක් ගුවනේ ආධිපත්‍ය නතු කරගෙන සිටි ඇමරිකානුවන් යටපත් කර  සිය හමුදාවේ ගමන් මඟ සුරක්‍ෂිත කරගැනීම අභිලාෂය විය. ස්ටාලින් විසින් සිය  ගුවන් හමුදා සහය ලබා දීමට එකඟ විය. <a href="http://4.bp.blogspot.com/-6a-8On7WClc/UZR9bqBpCwI/AAAAAAAAKYI/OPscbCGsoB8/s1600/5-11-2013+12-30-49+PM.jpg" target="_blank"><img src="http://4.bp.blogspot.com/-6a-8On7WClc/UZR9bqBpCwI/AAAAAAAAKYI/OPscbCGsoB8/s1600/5-11-2013+12-30-49+PM.jpg" alt="" class="fr-fic fr-dii fr-draggable " style="" /></a> <a href="http://2.bp.blogspot.com/-UaDE8ttzJro/UZR9bfr5tCI/AAAAAAAAKYM/MmzYl-TTBDc/s1600/5-11-2013+12-48-25+PM.jpg" target="_blank"><img src="http://2.bp.blogspot.com/-UaDE8ttzJro/UZR9bfr5tCI/AAAAAAAAKYM/MmzYl-TTBDc/s1600/5-11-2013+12-48-25+PM.jpg" alt="" class="fr-fic fr-dii fr-draggable " style="" /></a>  චීන පාර්ශවයේ මෙම පියවරයන් ඇමරිකානු මධ්‍යම රහස්  ඒජන්සිය හෙවත් CIA පවා නොදැන සිටි අතර දෙවන ලෝක යුද්ධයට පසු සියලු  ඇමරිකානු හිතවාදීන් උකුසු ඇස් යොමුකරගෙන සිටි සෝවියට් දේශය පවා තිර‍යේ  ඉදිරියට පැමිණ රඟදැක්වීමක් සිදු නොකරන නිසා චීනය ගැන කිසිදු සැකයක් ඒ  සංවිධානය වෙතද නොවූ අතර ඩග්ලස් මැක්ආතර් පවා සිය අධිවිශ්වාසය හෝ ඔත්තු සේවා  පදනම් කරගෙන 1950 ඔක්තෝබරය මුල ප්‍රථම වරට Wake Island Conference  හිදී හමුවූ අවස්ථාවේදී චීනයෙන් තර්ජනයක් එල්ල වනු ඇත්දැයි විමසන විට පවා එය  ප්‍රතික්‍ෂේප කර සිටියේය. එසේම එළඹෙන නත්තලටත් පෙර කොරියානු මෙහෙයුමට  යොදවා සිටි 8 වන ඇමරිකානු හමුදාව නැවත ජපානය වෙත යැවීමටද හැකියාව ලැබෙන  ඇතැයි ඔහු පවසා සිටියේය.  <a href="http://2.bp.blogspot.com/-948_Uwczc_c/UZR9ptQHITI/AAAAAAAAKZE/GxtrwPvqYug/s1600/5-16-2013+9-15-59+AM.jpg" target="_blank"><img src="http://2.bp.blogspot.com/-948_Uwczc_c/UZR9ptQHITI/AAAAAAAAKZE/GxtrwPvqYug/s1600/5-16-2013+9-15-59+AM.jpg" alt="" class="fr-fic fr-dii fr-draggable " style="" /></a> 1950 ඔක්තෝබරය සත්‍ය වශයෙන්ම ඇමරිකානුවන්ටම වාසිදායක කාලයක් විය. ඔවුන්  ඔක්.19 වන විට 38 වන රේඛාවට ඊසාන දෙසින් සැතපුම් 90 ක් වූ උතුරු කොරියානු  අගනුවර වන P’yŏngyang ද අත්පත් කර ගැනීමට වැඩි අපහසුවකින් තොරවම සමත් විය.  මේ ප්‍රධාන ඉලක්කය මෙන්ම උතුරු කොරියානු භූමිය යාලු නදියේ කෙළවරටම තල්ලු  කරමින් යාලු නදිය ආසන්නයටම ඇමරිකාව ප්‍රමුඛ එක්සත් ජාතීන්ගේ හමුදා ලංව  සිටියෝය.      චීන හමුදා මැදිහත්වීමක් පිළිබදව CIA හෝ මැක්ආතර්ගේ බලාපොරොත්තුවක් නොවූ අතර අදෘශ්‍යමානව සිදුවෙමින් පැවති චීන මැදිහත් වීම කෙසේවෙතත් 1950 නොවැම්බර් වන විට ලෝක යුද ඉතිහාසයේ යුද ජයග්‍රහණ පෙනී පෙනී සිටියද හරස් කපා ප්‍රතිවිරුද්ධ පාර්ශවයට ඇතැම්විට සියලු වාසි අත්කර දෙන ස්වභාවික සතුරා නම් දෘශ්‍යමාන විය. ඒ ශීත කාලගුණයයි. අංශක 0 ටත් වඩා අඩු උෂ්ණත්වයක් සමග සොල්දාදුවන්ට ඉතා අපහසුගෙන දෙන්නට වූ අතර රථවාහන වල තෙල් ආදියද මිදෙන්නට වූයෙන් ඒවායේ ක්‍රියාකාරීත්වයද ඇණහිටියේය.       නොවැම්බරය 1 දා වන විට උතුරු කොරියානු මායිමේ වූ චීනයේ මැන්චූරියාවද ආක්‍රමණය කරනු ඇතැයි බියකින් චීනය මැන්චූරියාව වෙත හමුදාව එක්රැස් කරමින් සිටින බව CIA ලොක්කා දන්වා සිටියත් එය විශාල පරිමාණයේ හමුදා මෙහෙයුමක් නොවනු ඇති බවද ඔහුගේ විශ්වාසය විය. යුද බිම තම නිවස මෙන් වූ මැක්ආතර් හටද චීනයේ යම් මැදිහත්වීමක් ඇති බවට ප්‍රහාරයන්ගේ වෙනස් කම් වලින් නිරායාසයෙන්ම දැනෙන්ටද ඇති බව සිතිය හැකිය. ඔහු නොවැම්බර් 24 වන දින Douglas C-54 Skymaster (<a href="http://en.wikipedia.org/wiki/Douglas_C-54_Skymaster" target="_blank">http://en.wikipedia.org/wiki/Douglas_C-54_Skymaster</a>) ගුවන් යානයකින් උතුරු කොරියානු උතුරු ප්‍රදේශයේ නිරීක්‍ෂණය කළ අතර කිසිදු වෙනසක් ඔහුට දැන ගන්නට ඉඩක් නොවීය. එයට හේතුව චීන භටයන් දහවලේ කොළ අතු වලින් ආවරණය වී සිටිමින් රාත්‍රිකාලයේ ක්‍රියාකාරීවීමයි. එසේම මෙදින ඇමරිකාව ප්‍රමුඛ හමුදා දැවැන්ත ප්‍රහාරයක්ද එල්ල කළ නමුත් නොවැබර් 25 දින ඇමරිකානු ප්‍රමුඛ හමුදාවන්ට එවැනිම දැඩි ප්‍රහාරයක් එල්ල වූ අතර ජනරාල් මැක්ආතර්ගේ නිගමනයන් බොරු කරමින් ඒ වන විටත් දින 3 කට‍ පෙරාතුවම චීන හමුදා යාළු තරණය කරමින් උතුරු කොරියාවට ඇතුළුව තිබුණා පමණක් නොව මැක්ආතර්ගේ නිගමනය වූ 70,000 ක පමණ හමුදාවක් නොව 300,000 ක පමණ බට කණ්ඩායමක් පැමිණ තිබුණි. <a href="http://4.bp.blogspot.com/-PKIaDIBmjoU/UZSBFFyVLbI/AAAAAAAAKZ0/bxejfv48NSA/s1600/Douglas+C-54+Skymaster.jpg" target="_blank"><img src="http://4.bp.blogspot.com/-PKIaDIBmjoU/UZSBFFyVLbI/AAAAAAAAKZ0/bxejfv48NSA/s1600/Douglas+C-54+Skymaster.jpg" alt="" class="fr-fic fr-dii fr-draggable " style="" /></a>    volunteer army හෙවත් ස්වේච්ඡා හමුදාව ලෙස නම් කොට එවූ මෙම චීන හමුදාවේ ඉහළම අණදෙන ජනරාල්වරයා හැරුණ කොට සෙසු නිලයන් සියල්ලම සමාන ලෙස සැලකූ බව පසුව ඇමරිකානු සොල්දාදුවන් පවා පවසනු ලැබූහ. මෙම චීන ස්වේච්ඡා හමුදාව විසින් ඇමරිකාව ප්‍රමුඛ හමුදාවට වටකොට පහර දුන් අතර නොවැම්බර් 27 වනදා එල්ලවූ අතිදැවැන්ත මිනිස් රැළි මෙන් එල්ලවන ප්‍රහාර හමුවේ පසුබානු හැර වෙන යමක් ඇමරිකානු හමුදාව ප්‍රමුඛ අන්‍යයන්ට නොවීය. කෙසේවෙතත් මෙම දෙපාර්ශවයටම කිරාමැනීමකින් තොරව දඩුවම් දුන් බලවේගය වූ එවකට පැවති ශීත කාලගුණයයි. එ‍හිදී ඇමරිකානු පාර්ශයට යම් තරමක හෝ වාසි දායක වූයේ ඔවුන්ට උණුසුම් ඇගලුම් යම් ප්‍රමාණයක් හා ආහාරද සැලකිය යුතු ප්‍රමාණයක් සතුවීමයි. ඒ අතින් චීන හමුදාවන්ට කටුක අත්දැකීම්වලට මුහුණ දෙන්නටද සිදුවූ අතර ඔවුන් විද ඒ අහිතකර ප්‍රතිඵලවලටද මුහුණ දෙමින් සතුරාට එළව එළවා පහර දීමට හැකි බලය ඔවුන්ට සතුවූයේ බටහිර අධිරාජ්‍යවාදයට එදිරිව ඔවුන්ගේ මොළ ශෝධනයට ලක් කර තිබූ නිසා බවද පැවසේ.   ‍දැවැන්ත පිරිස් බලයක් තිබූ චීන හමුදාවන්ට කාලතුවක් වැනි බර අවි ප්‍රහාර  එල්ලවූවද ඔවුන්ගේ කිසිදු පසුබෑමක් සිදුනොවීය. ඇතැම් එක්සත් ජාතීන්ගේ හමුදා  බලඇනී හුදකලා තත්ත්වයකට පත්ව තිබූ අතර සැපයුම් මාර්ගද අවහිර වීමෙන් සියලු  සැපයුම් ගුවනින් සිදුකළ යුතුව තිබූ නිසා ඇතැම් අවස්ථාවල එයට පැන නැගී බාධා  හේතුවෙන් පතරොම් ආදියද හිඟවීමෙන් 600-700 ප්‍රමාණයේ බට පිරිස්වලට සතුරාට  යටත්වනු හැර වෙන කරන්නට යමක් නොවූයේ ඒ වන විට ඔවුන්ට පසුබැසීමට හෝ නොහැකිවන  සේ වට කොට සිටි හෙයිනි.</blockquote>

Verification: Hata thunen beduwama keeyada? (60 bedeema thuna)

Top Bottom