Reply to thread

Message: <blockquote data-quote="coollifestyle4u" data-source="post: 7104220" data-attributes="member: 106845">නිරෝගිමත් ජීවිතයක් ගත කිරීමට යෝග උපයෝගී &#3482නිරෝගිමත් ජීවිතයක් ගත කිරීමට යෝග උපයෝගී කරගන්නේ කෙසේද? වර්තමානයේදී යෝග පිළිබඳව සමාජයේ බොහෝ දෙනෙක් අතර තිබෙන්නේ නිවැරැදි මතයක් නොවේ.  ”යෝග“ නිර්වචනය කිරීමේදී කායික, මානසික, ආධ්‍යාත්මික යන සුවයන් තුනම පිළිබඳව සලකා  බැලෙනවා. අද බොහෝ දෙනෙක් කතා කරන්නේ යෝග ආසන පිළිබඳව පමණයි.  යෝග ආසනවලදී ශරීරය  නැමීමක් සිදුවෙනවා. නුපුහුණු අයකුට යෝග ආසන සඳහා ශරීරය නැවීම අපහසුයි.  ශරීරය නැවීම  අපහසු වූ විට ඔවුන් පවසන්නේ යෝග ඉතා අපහසු ව්‍යායාම ක්‍රමයක් බවයි. මෙය ඉතා වැරැදි  සහගත මතයක්. දීර්ඝ කාලයක් පුහුණු වූ අයකුට යෝග ආසනවල යෙදීම ඉතාම පහසු කටයුත්තක්.  යෝග ආසන, ඇඟ නැවීම වැනිදේ අයත් වන්නේ යෝගවල බාහිර අංග යෝගවලට. බාහිර අංග යෝග අතරට  යම, නියම, ආසන, ප්‍රාණයාම, සත්‍යහාර යන කොටස් ඇතුළත් වෙනවා. බාහිර අංග යෝග වලට අමතරව අභ්‍යන්තර අංග යෝග නම් කොටසක් තිබෙනවා. ඒ යටතට ධාරණ,  ධ්‍යාන සමාධි අයත්. මෙම කොටස යෝගවල ඉතා වැදගත් කොටසක්. ශරීරය නැවීම යෝග ලෙස  සැලකුවහොත් ජිම්නාස්ටික් ක්‍රීඩකයෙක් යනු ඉතා හොඳ යෝගී වරයෙක්.  මෙය ඉතා වැරැදි  මතයක්. වයස අවුරුදු 5 ක ළදරුවාගේ් සිට වයස්ගත මහල්ලා දක්වා යෝග අභ්‍යාස කළ හැකි බව  යෝග දර්ශනයේ සඳහන් වෙනවා.  ඒ සඳහා හඳුන්වා දෙන ක්‍රමවේද, නිසි පුහුණුව, චිත්ත  ඒකාග්‍රතාව, සිරුර හසුරුවන ආකාරය, ආශ්වාස ප්‍රශ්වාසය පාලනය යන සියල්ලම යෝගවල  අන්තර්ගතයි. යෝග යනු කායික මානසික ආධ්‍යාත්මික බැඳීමක්. මෙය සංස්කෘතිත භාෂාවෙන්  යූජී ලෙස හඳුන්වනු ලබනවා. බටහිර වෛද්‍ය විද්‍යාවේ ද අද ප්‍රකාශ කරන්නේ නිවැරැදි නිරෝගී භාවය යනු කායික මානසික  සහ ආධ්‍යාත්මික නිරෝගී භාවය බවයි. මනෝ විද්‍යාව තවත් ඉදිරියට ගොස් කායික, මානසික  ආධ්‍යාත්මික සහ සමාජීය වශයෙන් සුවපත් පුද්ගලයා සත්‍ය වශයෙන්ම නිරෝගී පුද්ගලයා බව  සඳහන් කරනවා. නිවැරැදි ලෙස යෝග අභ්‍යාස කිරීම මඟින් ඉහත සඳහන් සියලු ගුණාංග වලින්  සම්පූර්ණ පුද්ගලයකු බවට පත්වී සුවපත් මිනිසකු වීමේ හැකියාව ලැබෙනවා. යෝග අභ්‍යාස  කිරීමෙන් නිරෝගී සම්පත ළඟා වනවා මෙන්ම තාරුණ්‍යය ආරක්ෂා වෙනවා; භෞතික සැප සම්පත්  වැඩි වර්ධනය වෙනවා; මානසික ගැටලුවලින් තොර සරල ජීවිතයකට හුරු වෙනවා; සිතන පතන කරන  කියන දේ ඉටු වෙනවා. නිවැරැදි යෝග ලෙස හැඳින්වෙන්නේ මෙයයි. </blockquote>

Verification: Dawasata paya keeyak thibeda?

Top Bottom