Reply to thread

Message: <blockquote data-quote="hukp1" data-source="post: 7770977" data-attributes="member: 189407">පටිඝ නිමිත්තයි අයෝනිසෝමනසිකාරයයි හොඳ මාතෘකාවක්. මනුෂ්‍යයාගේ සිත උපතින්ම හරිම පිරිසිදුයි. නිශ්චලයි. ක‍්ලේශයන් ඒ හිතේ ලිහිටන්නේ නෑ. ඒ නිසා තමයි පොඩි දරුවෙක්‍ගේ හිනාවකින් මුළු ගෙදරක්ම සතුටින් පුරවන්න හම්බවෙන්නේ. කොහොම වුනත් ටිකෙන් ටික මනුෂ්‍යයා පරිණත වෙනකොට ඒ මනුෂ්‍යයාගේ සිතේ ඇති වන සිතුවිලි බහුතරයක් ඒවා ක්ලේෂයන්ගෙන් පිරුණු ඒවා වෙනවා. ඒ නිසා තමයි ළමයි ටික ටික ලොකුවෙනකොට පුංච් කූඹි වගේ සත්තු මරලා දාලා ඒකෙන් සතුටක් ලබන්නේ. මේ තමයි මිනිස් සිතේ ස්වභාවය. ඒ ගැන ඉගෙන ගනිද්දි අපිට වැටහෙන දේ තමයි සිතයි, ඒ සිතේ පහලවෙන සිතුවිලියි කියන්නේ දෙකක් කියන එක. මේ සිතේ පහල වෙන සිතුවිලි අතුරින් වැඩිහරියක්ම සිතුවිලි අකුසල් සහගත සිතිවිලි බව නැවත නැවතත් කියන්න උවමනා වෙන්නේ නෑ.ඒ නිසාම තමයි අපිට සම්මා වායාම කරන්න වෙන්නේ නිවන් අවබෝධ කරගන්න. මේ ඇතිවන සිත් ඇතිවෙන්නේ ෂඩ්ඉන්ද්‍රිය මුල්කරගෙන. ඇස්, කන්,නාසය ආදිය හේතුවෙන්. මේ එක් එක් ඉන්ද්‍රිය මගින් ගන්න අරමුණු තියෙනවා. උදාහරණයක් විදියට ඇහෙන් රූප අරමුණු ගන්නවා. මේ අරමුණු මුල් කරගෙන තමයි නිමිත්ත හට ගන්නේ. ඉතින් මේ පටිඝ නිමිත්ත ගැන බලද්දි පටිඝ සංඥාවක් කුමනාකාරයකින් හරි හිතේ පහල කර ගැනීම තමයි පටිඝ නිමිත්ත වෙන්නේ. මේක ආකාර කීපයකින් වෙන්න පුළුවන්. ප්‍රධාන ලෙසම තණ්හාව හා රාගය නිසා තමයි පටිඝ සංඥාවක් ඇති වන්නේ. ව්‍යාපාදයට වඩා අඩු බලයක් තමයි මේ පටිඝයේ තියෙන්නේ. ව්‍යාපාදය කියන්නේ තරහව දිගින් දිගටම අරගෙන යන එක. නමුත් පටිඝය කියන්නේ එහෙම දිගින් දිගටම ගෙන යන මටිටමේ තරහක් නෙමේ. ඒ බව අපි මතක තියාගන්න ඕනා. අනිත් අතට පටිඝය තියන්නේ කෙනෙක් ගැන හරි ඒ කෙනාගේ ගුණයක් ගැන අපි අපේ හිතේ ඇති කර ගන්නා ගැටීමක් බවත් මතක තියා ගන්න ඕනි. ඊළඟට අයෝනිසෝමනසිකාරය. යෝනිසෝමනසිකාරය කියන්නේ සරලවම ගත්තහම එළඹ සිටි සිහිය. මේකේ විරුද්ධාර්තය තමයි මේ කියන අයෝනිසෝමනසිකාරය.ඇත්තටම කියනවානම් සම්මා සතිය හා සම්මා සමාධිය අපිට වැදගත් වෙන්නේ මේ අවස්ථාවේදී තමයි. සතිය කියන්නේ සිහිට පිහිටුවා ගැනීම. ඒ සිහිය දිගින් දිගටම අපි තුල පවත්වාගෙන යන එක තමයි යෝනිසෝමනසිකාරය වෙන්නේ. ඉතින් මේ සඳහා සම්මා වායාමය අවශ්‍ය වෙනවා. මේ විදියට දිගින් දිගටම සතිය පවත්වාගෙන යමේදී තමයි සම්මා සමාධිය අපිට පිහිටුවාගන්න පුළුවන් වෙන්නේ.සම්මා සමාධිය පිහිටුවා ගත් සිත අපේ පුංචි කාලෙදි වගේ නිශ්චල සිතක් වෙනවා. ඒ සිතේ නීවරණ යටපත් වන නිසා විදර්ශනා වඩන්න ලේසියි. මතක තියාගන්න පටිඝය කියන්නේ මේ සිහිය නැති කරන දෙයක් බව.</blockquote>

Verification: Asuwa dahayen wadi kalama keeyada?

Top Bottom