Reply to thread

Message: <blockquote data-quote="x-pert" data-source="post: 7315410" data-attributes="member: 837">එළාර දුටුගැමුණු රජවරු ගැන කවදාවත් නැතුව ඇයි මිනිස්සු මේ ළඟදි ඉඳන් වැඩියෙන් කථා කරන්නේ කියලා හිතලා බැලුවාද? ඔය සංකල්පය ප්‍රභාගේ අවසාන හරියෙදි අපේ මිනිස්සු කථා කරන්න ගත්තු සංකල්පයක්නෙ මචං. ඇත්තෙන්ම කියුවොත් දේශපාලනික වාසි තකා දේශපාලුවෝ කියන්න ගත්තු සංකල්පයක්. ඔව්, දුටුගැමුණු රජ ලංකාවේ බුදු සසුනට ගොඩක් සේවයක් කල කෙනෙක් කියන්න පුළුවන් එතුමා නිම කරපු දාගැබ් දිහා බලපු ගමන්ම. නමුත් දුටුගැමුණු කියන්නේ තම පියාගේ උපදෙසට විරුද්ධ ව වැඩ කරපු තරුණ කාලයේ දී දඩබ්බර පුද්ගලයෙක් යන්න මහාවංශයේත් සඳහන් වෙනවා. මේ හේතුව නිසාම එතුමට කොත්මලේට පැනලා යන්නත් වුනා කියලා කියනවා (කාවන්තිස්ස රජුට ස්ත්‍රී ආභරණ ත්‍යාග කල නිසා). කාවන්තිස්ස රජ එදා එළාර සමඟ සටනට නොපිවිසෙන්න ඇත්තේ යක්ශ ගොත්‍රිකයන්ගේ සහය නොලැබෙන්නට ඉඩ තිබුනු නිසයි කියලත් මතයක් පවතී (පුරාණ ග්‍රන්ථ වලට අනුව). කෙසේ හෝ කොත්මලයට ගිය ගැමුණු කුමරා (මෙය පලායෑමකටත් වඩා, කාවන්තිස්ස රජුගේ අනුදැනුම යටතේ වුනු දෙයක් විදියටයි මම පෞද්ගලීකව දකින්නේ) යක්ශ ගෝත්‍රයේ සහයත් අරගෙන තමයි එළාර සමඟ සටන් වදින්නේ. නන්දිමිත්‍ර, ගෝටයිම්භර, සුරනිමල වැනි යෝධයෝ යක්ශ ගෝත්‍රිකයන් බවත් සදහන් වේ. කොහොමින් කොහොමහරි සොළී පාලකයෙක් වූ එළාර රජතුමාව මර්ධනය කරන්න දුටුගැමුනු රජතුමාට හැකියාව ලැබිලා තියෙනවා. නමුත් මෙහිදී යුද්ධය ගැන, මිනිස්සුන් මැරීම ගැන එතුමා සෑහෙන්න කළකිරුනු බවක් දකින්න පුළුවන්. මෙයට මානසීක සහනයක් පිණිස දාගැබ් අති විශාල ගනණක් එතුමා සාදන්නට තීරනය කල බව සිංහල ථූපවංශය, ධාතුවංශය වැනි ග්‍රන්ථ වල සඳහන් වේ. ඒ විතරක් නෙවෙයි එළාර රජතුමා වෙනුවෙනුත් මෙතුමා සොහොනක් නිමවා ගෞරව කල බවත් සඳහන් වෙනවා.  ඒ කෙසේ වෙතත් බුදු දහමට පිටුපා ජීවිත විනාශ කල දුටුගැමුණු රජ හට දිට්ඨ ධම්මවේදනීය කර්මය පළ දුන්නු බවත් පැහැදිලිව පෙනෙන දෙයක්. මොකද එතුමාගේ මහාර්ඝ නිර්මානය වූ මහාථූපය (රුවන්වැලිසෑය) නිම කරන තෙක් ජීවත් වන්නට නොහැකිව රෝගී වී එතුමා අකාලයේ මියගිය බවට ඉතිහාසය සාක්ශි දරනවා. අනිත් කාරණේ තමයි අපි ජීවත් වෙන්නේ 2010 වසරේ. රජ කාලයේ කරපු කෙළි හරියන්නේ නැහැනෙ දැන්. මිනිහා දියුනු වෙනකොට ඉහමොළත් දියුනු විය යුතුයි. ඒ කාලේ හැම දෙයකටම කලේ යුද්ධ කරපු එක නිසා එකල දුටුගැමුනු රජ කල දෙයෙහි වරදක් මම දකින්නේ නැහැ කොහෙත්ම. නමුත් මිනිසා දැන් ඉන්නේ ඊට වඩා දියුණු තත්වයක පෙනෙන විදියට. (එක අතකින් එහෙම කියන්නත් බැහැ හැබැයි!) ඉදින්, එදාට වඩා සිතා බලා ක්‍රියා කල යුතුයි සැමවිටම.  </blockquote>

Verification: Haya warak paha keeyada? (haya wadi kireema paha)

Top Bottom