Reply to thread

Message: <blockquote data-quote="rocat90" data-source="post: 18298897" data-attributes="member: 452168">රාජ්‍ය මුලය1950 සිට වර්ෂ 65 කාලයක් තුළ මෙරට වාර්ෂික සමස්ථ දළ  ජාතික වියදමෙන් රජයේ ප්‍රතිශතය 20% සහ 25% අතර වෙයි. එම කාලය තුළ 1954 සහ 1955 හැර සෙසු වර්ෂ වලදී රජයේ අය වැය හිගයක් තිබී ඇත. 2014 එම හිගය රුපියල් බිලියන 552 (රජයේ සමස්ථ වියදමෙන් 27.8%) වු අතර 2015 එය රුපියල් බිලියන 499 (23.5%) වනු ඇතැයි ඇස්තමේන්තු කර තිබේ. මෙවර රජයේ සංවර්ධන වියදම රුපියල් බිලියන 520 වනු ඇත. අය වැය හිගය පියවීමට රජය විදේශීය ණය රුපියල් බිලියන 251 සහ දේශීය ණය රුපියල් බිලියන 248 ලබාගැනීමට බලාපොරොත්තු වෙයි. දේශීය ණය රුපියල් බිලියන 70 බැංකු වලින්ද, ඉතරි බිලියන 138 සේවක අර්ථසාධක අරමුදල් වැනි ඉතුරුම් ආයතන වලින්ද ලබාගැනීමට නියමිතය.මහ බැංකුවලෝකයේ සියලුම මහ බැංකු මෙන්ම ශ්‍රී ලංකාවේ මහ බැංකුවේද ප්‍රධාන කාර්යය වනුයේ රටේ මුදල්ල ණය ක්‍රමය සහ උද්ධමනය පාලනය කිරීමයි. මහ බැංකුව නෝට්ටු සහ කාසි නිකුත් කිරීමේ අධිකාරිය වේ. මහ බැංකුව වාණිජ බැංකුවලට අවසාන ණය දෙන්නා ලෙස ක්‍රියා කරයි. එසේ දෙන ණය සඳහා අයකරන පොළිය මත සාමාන්‍යයෙන් වාණිජ බැංකු අයකරන පොළී අනුපාත රඳා පැවතේ.ලෝකයේ සමහර රටවල සිදුවන පරිදි ලංකාවේ මහ බැංකුවද මහ භාණ්ඩාගාරය වෙනුවෙන් පොදු ණය පාලනයේ වගකීම භාරගෙන ඇත.භාණ්ඩාගාර පිළිනපත්ශ්‍රී ලංකා රජය අය වැය හිගය පියවාගැනීමට දේශීය ණය ගැනීම දශක ගණනාවක් තුළ කර තිබේ. 1990 ගණන්වල මැද භාගය වන තුරු එසේ ණය ගත්තේ මාස 3, 6 සහ 12 භාණ්ඩාගාර පිළිනපත් සහ ඊට වඩා ආයු කාලයක් ඇති දිගු  කාලීන සුරැකුම් පත් නිකුත් කිරීමෙන් සහ ණය ලබාගැනීමෙනි. වාණිජ බැංකු, ඉතිරි කිරීමේ බැංකු, සේවක අර්ථසාධක අරමුදල් සහ ෆිනෑන්ස් සමාගම් රජයට ණය සැපයු ප්‍රධාන ආයතන අතර විය.රජය දේශීය ණය ලබාගන්නා ක්‍රමයේ වැදගත් වෙනසක් 1997 මාර්තු  මස සිදු විය. පෙර සිට තිබුණු මාස 3, 6 සහ 12 භාණ්ඩාගාර පිළිනපත් ක්‍රමයට අමතරව අවුරුදු දෙක සිට අවුරුදු තිහ හෝ ඊටත් වැඩි කාලයකට නිකුත් කළ හැකි පිළිනපත් වෙන්දේසි ක්‍රමයක් ජාත්‍යන්තර  මුල්‍ය අරමුදලේ උපදෙස් පරිදි භාණ්ඩාගාරය හඳුන්වා දුනි. මෙහිදී සිදුවු වැදගත් වෙනස පිළිනපත් අළෙවි කරන ආකාරයේ වෙනසයි. 1997ට පෙරද එවැනි ණයකර මිලට ගෙන පොළියක් උපයා ගැනීම බැංකු, වෙනත්   ණය දෙන ආයතන වලට හෝ මහජනයාට ඉඩ තිබිණ.  එහෙත් එයට තරඟකාරී   වෙළඳ පොළක් නොවීය. මහ බැංකුව සහ ණය දෙන ආයතන කේවල් කර ගිවිසගන්නා පොළියක් මත රජය ණය ගැනීම පැරණි සිරිත විය.</blockquote>

Verification: Payakata winadi keeyak tibeda?

Top Bottom