Reply to thread

Message: <blockquote data-quote="neyohk" data-source="post: 20864796" data-attributes="member: 554983">පෙමට_අකුල් හෙලනවා කියා 15 දැරියක්පෙමට අකුල් හෙලනවා කියා 15 දැරියක් මවට එරෙහිව මානව හිමිකම් යන්න හදලාමව විසින් සිය කුලුඳුල් ප්‍රේමයට අකුල්හෙළන බව පවසමින් බාලවයස්කාර පාසල් සිසුවියක එම ක්‍රියා කලාපයට විරෝධය පළකර දින තුනක් නිරාහාරව සිට මානව හිමිකම් කොමිෂන් සභාව වෙත සිය අයිතිවාසිකම් මව විසින් උල්ලංඝනය කරන බව පවසමින් පැමිණිල්ලක් කිරීමට කළ තීරණය ස්වාමීන් වහන්සේ නමකගේ අනුශාසනාවෙන් අනතුරුව ඉවත් කර ගැනීමේ පුවතක් අනුරාධපුරයෙන් වාර්තා විය.මැය අනුරාධපුර ප්‍රදේශයේ පාසලක 11 වැනි ශේණියේ ඉගනම ලබන පාසල් සිසුවියකි.මීට මාස කිහිපයකට ඉහතදී තරුණයකු සමඟ පෙම් සබඳතාවක් ආරම්භ කර ඇති අතර එම සම්බන්ධය මවට ආරංචි වීමත් සමඟ ඇය විසින් දියණියට එම සම්බන්ධය වහාම නතර කර දමන ලෙස අවවාද කර තිබේ.අධ්‍යාපනයට වඩා පෙම්වතා පිළිබඳව අවධානයක් දක්වා ඇති ඇය ඔහුව අමතක කර දැමිය නොහැකි බව පවසමින් නිරන්තරයෙන් මව සමඟ රණ්ඩු සරුවල් ඇතිකර ගෙන අවසානයේ සිය ඉල්ලීම දිනා ගැනීමට මවට එරෙහිව මීට මාස කිහිපයකට පෙර පොලිසියේ පැමිණිල්ලක් දමන බවට තර්ජනය කර ඇය බිය ගන්වා තිබේ.මාස කිහිපයක් තිස්සේ දෙදෙනා අතර මත ගැටුම් සිදුව ඇති අතර පෙම්වතාගේ උපදෙස්වලට අනුව දැරිය කාමරයක් තුළට වී පසුගියදා නොකා නොබී මවට එරෙහිව උපවාසයක් ආරම්භ කර තිබේ.මව විසින් ඒ පිළිබඳව විද්‍යාලයේ විදුහල්පතිවරයාට දැන්වූ පසු මුරණ්ඩුකමින් සිටින දැරියව අනුරාධපුර ප්‍රදේශයේ වැඩවසන ප්‍රසිද්ධ ස්වාමීන් වහන්සේ නමක් හමුවට කැඳවාගෙන ගොස් තිබේ.දින තුනක් නිරාහාරව සිටි ඇය විහාරස්ථානයට ගිය අවස්ථාවේ නිරාහාරව සිටීම නිසා ක්ලාන්තය වී ඇද වැටී ඇති අතර ස්වාමීන් වහන්සේ විසින් දැරියට ආහාර පාන ලබාදී අනුශාසනාවක් කර තිබේ.“පුතේ අම්මා මේ දේවල් නතර කරන්න කියන්නේ ඔයාත් එක්ක තියෙන අමනාපයකට නෙවෙයි. ඔයාලා තාම පොඩි දරුවෝ. ආදරයට ඉස්සෙල්ලා අධ්‍යාපනය ලබාගත යුතුයි. මේ හැම දෙයක්ම තාවකාලිකයි. නමුත් අම්මගේ ආදරය මිල කරන්න බෑ.ඇයව වෛරක්කාරියක් විදියට දකින්න එපා. ඔයාව හොඳ තැනකට ගෙනි යන්නයි ඇය වෙහෙසෙන්නේ” යනුවෙන් උන්වහන්සේ දැරියට දීර්ඝ අනුශාසනාවක් කරමින් කරුණු අවබෝධ කරදී තිබේ.උන්වහන්සේගේ අනුශාසනාවෙන් අනතුරුව පෙමට අකුල්හෙළන බව පවසමින් මවට එරෙහිව මුරණ්ඩු ලෙස හැසිරෙමින් උපවාසයේ යෙදුණු දැරිය මානව හිමිකම් කොමිසමට පැමිණිලි කිරීමට සිතා සිටි සිතුවිල්ල ඉවත් කරගෙන පෙමට තිත තබන බවට ස්වාමීන් වහන්සේට වැඳ නමස්කාර කර පොරොන්දු වී තිබේ.nethfm</blockquote>

Verification: Dahaya deken beduwama keeyada?

Top Bottom