Reply to thread

Message: <blockquote data-quote="waligamaya" data-source="post: 20837720" data-attributes="member: 435142">බැරිම තැන එජාපය බෑනව අල්ලයි!හ බැංකු බැඳුම්කර සිද්ධියෙන් අයුතු ලාභයක් උපයා ගත් බවට පැවසෙන අර්ජුන් ඇලෝසියස්ට හා පර්පෙචුවල් ට්‍රෙසරීස් සමාගමේ අධ්‍යක්ෂවරුන් අත්අඩංගුවට ගෙන අපරාධ නීතිය යටතේ නඩු පැවරීමට කෝප් කමිටුවේ එජාප කණ්ඩායම නිර්දේශ කර ඇතැයි කෝප් කමිටු සාමාජික නියෝජ්‍ය අමාත්‍ය අජිත් පී පෙරේරා මහතා සඳහන් කරයි.බැඳුම්කර සිද්ධිය සම්බන්ධයෙන් සාකච්ඡා කිරීම සඳහා ඊයේ (24) පැවති විශේෂ කෝප් කමිටු රැස්වීමේදී මෙම තීරණය කර තිබේ.ඊට සහභාගි වූයේ කෝප් කමිටුව නියෝජනය කරන එක්සත් ජාතික පක්ෂ මන්ත්‍රීවරුන් වන අජිත් පෙරේරා, ආචාර්ය හර්ෂ ද සිල්වා, සුජීව සේනසිංහ, හෙක්ටර් අප්පුහාමි,  හර්ෂන රාජකරුණා, අශෝක අබේසිංහ, රවීන්ද්‍ර සමරවීර, වසන්ත අලුවිහාරේ, එම් මහරුෆ් සහ ශ්‍රී ලනකාවේ කොමියුනිස්ට් පක්ෂයේ චන්ද්‍රසිරි ගජධීර මන්ත්‍රීවරයා පමණි.ඊයේ පැවති මෙම විශේෂ රැස්වීමේදී විගණකාධිපතිවරයාගේ වාර්තාව වෙනස් කිරීමට එල්ල වූ බලපෑම් හමුවේ කෝප් කමිටු සභාපති ජනතා විමුක්ති පෙරමුණේ පාර්ලිමේන්තු මන්ත්‍රී සුනිල් හඳුන්නෙත්ති මහතා ඉන් ඉවත්ව ගොස් තිබුණි.මේ අතර ජනතා විමුක්ති පෙරමුණ පවසන්නේ, හිටපු මහ බැංකු අධිපති අර්ජුන් මහේන්ද්‍රන් යටතේ සිදුකළ කුප්‍රකට බැඳුම්කර වංචාව සැඟවීමේ අසාර්ථක උත්සාහයක එක්සත් ජාතික පක්ෂය නිරත වෙමින් සිටින බවයි.කෝප් කමිටුව විසින් සිදුකළ විමර්ශන වර්තාව එම කමිටුවේ සාමාජිකයින් බහුතරයකගේ එකඟතාවයෙන් පසුගියදා සම්මත කරගනු ලැබීමෙන් පසුව එජාපය මෙම අසාර්ථක උත්සාහයේ නිරතවෙමින් සටියි.හිටපු මහ බැංකු අධිපති අර්ජුන් මහේන්ද්‍රන් යටතේ සිදුකළ බැඳුම්කර වෙන්දේසි දෙකක් සම්බන්ධයෙන් දීර්ඝ විමර්ශනයක් කිරීමෙන් අනතුරුව එම වාර්තාව අද (25) පාර්ලිමේන්තුවේ සභාගත කිරීමට නියමිතව තිබියදී එම වාර්තාවට සම්පූර්ණ පටහැනි වාර්තාවක් සකස් කරමින් හිටපු මහ බැංකු අධිපතිවරයා බැඳුම්කර වංචාවෙන් ගලවා ගැනීමට එජාපය උත්සාහ දරමින් සිටියි.කෙසේ නමුත් අජිත් පී පෙරේරා මහතා ඊයේ මාධ්‍ය වෙත ලබා දුන් ප්‍රකාශය අනුව පැහැදිලි වන්නේ අර්ජුන් මහේන්ද්‍රන් බේරාගැනීම සඳහා අර්ජුන් ඇලෝසියස්ව වරදකරු කරමින් නිර්දේශයක් ලබා දීමට එජාපයේ කණ්ඩායමට සිදුව ඇති බවයි.හිටපු මහ බැංකු අධිපති අර්ජුන් මහේන්ද්‍රන් හා ඔහුගේ බෑනාවන අර්ජුන් ඇලෝසියස් යන දෙදෙනාම මෙම වංචාවේ හවුල් කරුවන් යැයි ජනතා විමුක්ති පෙරමුණත් දූෂණ විරෝධී හඬ සංවිධානය ඇතුඵ බොහෝ සිවිල් සංවිධානත් විවිධ ලිඛිත සාක්ෂිද ඉදිරිපත් කරමින් ප්‍රකාශ කර තිබේ. දූෂණ විරෝධී හඬ සංවිධානය විසින් අර්ජුන් මහේන්ද්‍රන් සහ අර්ජුන් ඇලෝසියස් යන දෙදෙනාටම එරෙහිව නඩු පවරණ බවද ප්‍රකාශ කර ඇත.මූලාශ්‍ර මිරර්</blockquote>

Verification: Hath warak paha keeyada? (hatha wadikireema paha)

Top Bottom