Reply to thread

Message: <blockquote data-quote="x-pert" data-source="post: 5251408" data-attributes="member: 837">ෆෝන් භාවිතයට වැට බැඳීම,වැඩිහිටි චිත්‍රපට තහනම,අසැබි වෙබ් අඩවි තහනම, වැනි දේවල් මම හිතන්නේ නැහැ අනවශ්‍ය දේවල් කියලා, නමුත් ඇත්තෙන්ම බැලුවොත් පෙනෙන කාරනේ වෙන්නේ ඕවලින් ඇත්තෙන්ම හේතුවට පිළියමක් කෙරෙන්නේ නැති බවයි. මොකක්ද මේ ළමයි දෙන්නා දිවි නසාගන්න ඇත්ත හේතුව? හරියටම මොකක්ද කියලා දන්නේ නැති වුනත්, මම හිතන විදියට:1. ෆෝන් එකේ නිල් සහ අසැබි චිත්‍රපට/ පින්තූරු තිබීම.2. අදාල සිසුන් දෙදෙනා ඇතුලත් දර්ශන/ කෙටි videos තිබීම. 3. ෆෝන් එකෙහි තමුන්ගේ ආදරවන්තයාගේ පින්තූරු සහ/හෝ sms තිබීම.4. ෆෝන් එක ආදරවන්තයා දුන් එකක් වීම. ඔන්න ඔය වගේ හේතුවක් නිසා වෙන්න ඕනෙ තමුන්ගෙ ගෙදරට සහ/ හෝ පාසැලට මුහුන දෙන්න බැරුව දිවි නසාගන්න තීරණය කරලා තියෙන්නේ. පරිගණක ක්‍රීඩා, ටෙලි නාට්‍ය, චිත්‍රපට, පොත් පත් වැනි දෑ තුලින් දිවි නසාගැනීමට උල්පන්දම් දෙනවා කියා ම හිතන්නේ නැහැ. ඒවා භාවිතය සීමා කිරීම මඟිනුත් කරන්නේ අතීසාරෙට අඹුඩ ගැසීමක් පමනයි මට හැඟෙන විදියට. හරි එහෙම නම් මොකක්ද වෙන්න ඕනෙ?මම හිතන විදියට වෙන්න ඕනෙ, දෙමාපිය-දූ දරු සම්බන්දතාවය වැඩි දියුණු වෙන එකයි සහ ලිංගික අධ්‍යාපනය වැඩි දියුනු වෙන එකයි. ලංකාවෙ බහුතරයක් දෙමව්පියන් තමුන් තමුන්ගේ ළමයින්ට වඩා උසස් යැයි සිතන නිසාද මංදා, හරි අමුතු ජීවන රටාවක් ඇති වෙලා තියෙන්නේ. ලිංගිකත්වය ගැන දෙමව්පියන් කථා කරන්නේ නැති තරම්... කාර්ය බහුලත්වය නිසා දෙගොල්ලෝ කථා කරන්නේත් හරි අඩුවෙන්... ඉදින්, වෙන්න ඕනෙ දෙමව්පිය සහ ළමා මනස් දියුණු කරන එක, ලිංගිකත්වය සහා එහි ඵල විපාක කුඩා කල සිටම කියා දීලා, සහ ඒ සමඟම දෙමව්පියන් එක්ක ඕනෙම දෙයක් විවෘතව කථා කිරීමේ වාතාවරණයත් ගෙදර ඇති කරලා. ඒ සමඟම දෙමව්පියන් ඕනෙම වෙලාවක තමුන්ගෙ ළමයව කරදරේකදි බේර ගන්නවා, ළමයා හරි හෝ වැරදි වුනත් කියලා ළමයට ඒත්තු ගන්වන්න ඕනෙ කුඩා කල සිටම. අද කාලෙ ළමයි බයයි වරදක් කරලා ගෙදර යන්න. මොකද අම්මා ගහන නිසා හරි තාත්තා ටොකු දෙන නිසා හරි. එහෙම නෙවෙයිනේ වෙන්න ඕනෙ. හරි වැරැද්ද මොක්ද කියලා ළමයාට කුඩා කල සිටම කියලා දීලා ඊට පස්සෙ ළමයගෙ හැම දෙයකදීම දෙමව්පියන් ඉන්නවා කියන වාතාවරණයයි වැදගත් මම හිතන විදියට.එහෙම කලොත් ලංකාවෙ ඉන්න ළමයි තම දෙගුරුන්ට තවත් ලං වීම තුලින් ඔවැනි සියදිවි නසාගැනීම් අඩු වෙන අතරම, හරි අධ්‍යාපනයක් ලැබීම නිසා නීතිවිරෝධී ලිංගික හැසිරීම්, අනවශ්‍ය ගැබ් ගැනීම්, සමාජ රෝග වැනි දෑ වලත් අඩුවක් දක්නට ලැබෙනු ඇත. </blockquote>

Verification: Dawasata paya keeyak thibeda?

Top Bottom