Reply to thread

Message: <blockquote data-quote="kalupusa007" data-source="post: 25679929" data-attributes="member: 390700">කොළඹ නගරයේ රථවාහන තදබදය අවම කිරීම සඳහා පොලිසිය විසින් හඳුන්වා දී ඇති නව මංතීරු නීතිය ලබන සඳුදා (21) සිට තදින්ම ක්‍රියාත්මක කරන බව පොලිස් මාධ්‍ය හා තොරතුරු තාක්ෂණ බාර නියෝජ්‍යපොලිස්පති ලාල් සෙනවිරත්න මහතා ඊයේ (16) පැවසීය. ඒ අනුව මෙම නීතිය කඩකරන රියැදුරන්ට රුපියල් 2000 ක දඩයක් නියම කිරිම එදින සිට ක්‍රියාත්මක වන බවද ඔහු කීය. මෙම නීතිය සම්බන්ධයෙන් රියදුරන් දැනුවත් කිරිමේ පෙරහුරු අවදිය මේ දිනවල ක්‍රියාත්මක වන බවත් ඉදිරි දින දෙක තුළත් එම පෙරහුරු එලෙසින්ම ක්‍රියාත්මක වන බවද ලාල් සෙනවිරත්න මහතා කියා සිටියේය. ලබන සඳුදා සිට රියදුරන් මෙම නීතිය සඳහා අනිවාර්යයෙන්ම අනුගත විය යුතු බවද ඔහු සඳහන් කළේය. ඒ අනුව මෙම නීතිය කඩකරන රියැදුරන්ට රුපියල් 2000 ක දඩයක් හෝ අධිකරණයට ඉදිරිපත් කිරීමෙන් පසු ඒ සඳහා දඩුවම් නියම වන බවද නියෝජ්‍ය පොලිස්පතිවරයා කියා සිටියේය.නියෝජ්‍ය පොලිස්පති ලාල් සෙනවිරත්න මහතා මේ බව ප්‍රකාශ කළේ පොලිස් මූලස්ථානයේ ඊයේ පැවති මාධ්‍ය හමුවකදීය. කොළඹ නගරයේ පවතින රථවාහන තදබදය අවම කර ගමන් පහසුව උපරිම ලෙස සලසා ගැනීමට පොලිසියට සහාය දක්වන ලෙසට මහජනයාගෙන් ඉල්ලා සිටින බවද හෙතෙම කීය. ජනතාවගේ සුබසිද්ධිය වෙනුවෙන් වැඩි පොලිස් නිලධාරින් පිරිසක් මාර්ගයට යොදවා පොලිසිය කරන උත්සාහය මහජනයාගේ හිතසුව පිණිස බවත් ලකුණු කර ඇති ස්ථානවල දී බස් රථ මංතීරුව බස් රථ සඳහාත්, ලකුණු කර නොමැති ස්ථානවලදී වම් තීරුව බස් රථ සඳහාත් භාවිතා කරන ලෙසට රියදුරන්ගෙන් ඉල්ලා සිටින බවද නියෝජ්‍ය පොලිස්පතිවරයා කියා සිටියේය. යතුරු පැදි හා ත්‍රිරෝද රථ සඳහා පාර් වම්පස තීරුව පමණක් භාවිත කරන ලෙසට ද රියැදුරන්ගෙන් ඉල්ලා සිටින බවද නියෝජ්‍ය පොලිස්පතිවරයා කියා සිටියේය.ඇතැම් මාලිංගවල වම් පස මංතීරු දෙකක් ඇති බවත් ඇතැම් මාර්ගවල වස මංතීරු තුනක් ඇති බවත් මෙම සියලු මංතීරුවල වස මංතීරුව භාවිතා කරන ලෙසට රියැදුරන්ගෙන් ඉල්ලා සිටින බවද නියෝජ්‍ය පොලිස්පතිවරයා කියා සිටියේය. මුල් දිනවල මෙම පෙරහුරුව හේතුවෙන් යම් වාහන තදබදයක් හටගෙන තිබුණ ද රියැදුරන් මේ වෙනස්වීම හුරු වූ පසු නගරයේ තදබදය අවම කර ගැනීමට හැකි වනු ඇති බවද හෙතෙම වැඩිදුරටත් කියා සිටියේය. මෙම ප්‍රවෘත්ති සාකච්ඡාවට රථවාහන හා මාර්ග ආරක්ෂව බාර නියෝජ්‍ය පොලිස්පති සුමිත් නිශ්ශංක සහ එහි අධ්‍යක්ෂ ජ්‍යෙෂ්ඨ පොලිස් අධිකාරි ඉන්දික හපුගොඩ මහත්වරු ද සහභාගි වූහ.-ඉන්දිකා රාමනායක-</blockquote>

Verification: Haya warak paha keeyada? (haya wadi kireema paha)

Top Bottom