Reply to thread

Message: <blockquote data-quote="sampathdishan" data-source="post: 6278590" data-attributes="member: 159489">පාවාදීමේ පළමු මෙහෙයුම  ප්‍රභාකරන්ට ගිනිබත් කරන්නට නොහැකි වූ දේශය ගිනි තබන්නට ඔවුන් කුමන්ත්‍රණය කරන්නට  පටන් ගත්තා. ඒ අනුව මානුෂික මෙහෙයුම අවසාන වීමත් සමඟම ඒ විජයග්‍රහණය මහා පාවාදීමේ  පළමු මෙහෙයුම ආරම්භ වුණා. “බාර වීම සඳහා සුදු කොඩි රැගෙන ආ කොටින්ට වෙඩි තියන්න කියලා ආරක්ෂක ලේකම් ගෝඨාභය  රාජපක්ෂ බ්‍රිගේඩියර් ශවේන්ද්‍ර සිල්වාට නියෝග කළා” මහා පාවාදෙන්නා හරි අපූරුවට යුද හමුදාවේ කීර්තිනාමය පාවාදුන්නා. යුද හමුදාව විසින්  අසීරුවෙන් දොවාගත් කිරි මුට්ටියට ගොම තලියක් දැම්මා. අපවිත්‍රතාවක් නොමැති කිරි මුට්ටියක් යැයි නම් කර තිබූ ශ්‍රී ලංකා යුද හමුදාව එවැනි  කිරි මුට්ටියක් නොව අපවිත්‍ර ගොම හැලියක් යැයි ලෝක බලවතුන් ඉදිරියේ කියාපාන්නට  අන්තර්ජාතික දුෂ්ට බලවේගවලට අපූරු පාරක් කපා දුන්නා. ශ්‍රී ලංකාවට වින කළ කොටින්ට උදව් කළ මේ අන්තර්ජාතික දුෂ්ට බලවේග බලාසිටියේ  යුද්ධයෙන් කොටින් ජයගන්නා තෙක්. ශ්‍රී ලංකා ආණ්ඩුව පරාජය වී අවුලෙන් අවුලට පත්ව  ඊළාම් දේශයක් නිර්මාණය වී ශ්‍රී ලංකාව දෙකට කැඩී යන තෙක්. ඉන් පසු ඊළාම් දේශය හරහා  දකුණු ආසියාකරයේ ඔවුන්ගේ දේශපාලන, ආර්ථික සහ සමාජ ව්‍යාපාරය සිත් සේ ගෙනයන්නට...  ඉන්පසු මුළු අග්නිදිග ආසියාවම අවුල් කරන්නට... ඒ නිසා කොටින් විනාශ කොට ශ්‍රී ලංකා රජය ප්‍රභාමත් දිලි දිලී ඉස්මතු වීම මේ දුෂ්ට  බලවේග වලට බලා සිටිය නොහැකි... දරා සිටිය නොහැකි තත්ත්වයක් බවට පත්වුණා. ඔවුන් ඉතා සූක්ෂ්ම වැඩ පිළිවෙළක් ගැන සැලසුම් සකස් කළා. අන්තිමේදී වෛරයෙන් දැවෙන...  ඒ වෛරය වෙනුවෙන් රටක් ජාතියක් පාවා දෙන්නට සූදානම් මහා පාවා දෙන්නෙක් සොයා ගන්නට  අන්තර්ජාතික දුෂ්ට බලවේගවලට හැකියාවක් ලැබුණා... ඔහු මානුෂික මෙහෙයුමට සම්බන්ධ වූ  යුද හමුදාපතිවරයා වීම තමන් ලත් විශාල ජයග්‍රහණයක් ලෙසින් මේ අන්තර්ජාතික දුෂ්ට  බලවේගත් ඔවුන්ගේ ශ්‍රී ලංකා නියෝජිතයනුත් සැලකුවා. මාස කිහිපයකට පෙර තමන්ටත් යුද හමුදාවටත් පරිභව කළ දුෂ්ට බලවේග සමඟ එක්ව එකට පෙළ  ගැසෙන්නට තරම් පාවා දෙන්නා නිර්ලජ්ජිත වුණා. ඔහු නිර්පාක්ෂික අපේක්ෂකයකු ලෙසින් හැඳින්වුව ද ඉතිහාසයෙහි සටහන්වනු ඇත්තේ මහා  නිර්ලජ්ජිත අපේක්ෂකයා ලෙසිනුයි. “මම කියාපු දේවල් වැරදි විදියට පත්තරේ තිබුණෙ” මහා පාවාදෙන්නා එවැනි ප්‍රකාශයක් කෙළේ ඔහුගේ පාවාදීමේ ප්‍රකාශයත් සමඟ රටපුරා  විරෝධයක් මතුවෙන්නට පටන් ගත් නිසායි... “ජෙනරාල් කී දේ මම ඒ විදියෙන් ම සටහන් කළා මිසක කිසිම වෙනසක් කෙළේ නැහැ.” පාවාදීමේ සටහන ලියූ මාධ්‍යවේදිනී ෆෙඩ්රිකා ජෑන්ස් ඉංගිරිසියෙන් පමණක් නොව සිංහලෙන්  ද කිව්වා. මේ මහා පාවාදීමත් සමඟ ම අන්තර්ජාතික බලවේග අලුතින් ප්‍රාණවත් ව ශ්‍රී ලංකාවට එරෙහිව  නැඟී සිටින්නට පටන් ගත්තා. යුද හමුදාවේ කීර්ති නාමය විනාශ කොට තම හිතවත් කොටි ත්‍රස්තවාදීන් වනසා දමා  ත්‍රස්තවාදය රටින් තුරන් කළ සේනාධිනායකයා ඇතුළු අපේ යුද වීරයන් අමනුෂ්‍යයන් සේ  හංවඩු ගසා අන්තර්ජාතික යුද අපරාධ අධිකරණයට දක්කාගෙන ගොස් දඬුවම් ලබාදෙන්නටත් ශ්‍රී  ලංකාව මානව හිමිකම් කිසිවක් නැති අමානුෂික දේශයක් වශයෙන් ලේබල් ගසා කොන් කිරීමටත් ඒ  හරහා තමන්ට නැටවිය හැකි රූකඩ පාලනයක් ඇති කරගන්නටත් මේ අන්තර්ජාතික බලවේග විවෘත ව  ක්‍රියා කරන්නට පටන් ගත්තා. ජනාධිපතිවරණය ත්‍රස්තවාදයට එරෙහි වූ බලවේග සහ ත්‍රස්තවාදයට උඩගෙඩි දුන් දේශීය සහ  අන්තර්ජාතික බලවේග අතර පවතින සටහනක් බවට පත්ව තිබෙනවා. “සුදු කොඩි ඔසවා ගෙන භාරවීමට පැමිණි කොටි නායකයින්ට වෙඩි තබන ලෙස ගෝඨාභය රාජපක්ෂ  නියෝග කිරීමත් ඒ අනුව බ්‍රිගේඩියර් ශවේන්ද්‍ර සිල්වා ප්‍රමුඛ රණවිරුවන් විසින්  ඔවුන් විනාශ කිරීමත් පිළිබඳ පාවාදෙන්නාගේ ප්‍රකාශ පිළිබඳව වාර්තාවක් සපයන ලෙස  එක්සත් ජාතීන්ගේ සංවිධානය විසින් ශ්‍රී ලංකා රජයට දැනුම් දී තිබෙනවා. මෙවැනි ලිපියක් එවන්නටත් එමගින් ශ්‍රී ලංකාවේ අභිමානය සහ ස්වාධිපත්‍යය විනාශ කොට  තමන්ගේ යටත් සහ රූකඩ ආණ්ඩුවක් නිර්මාණය කරගැනීමටත් අන්තර් ජාතික බලවේග බලා සිටියේ  බොහෝ කලක සිට ප්‍රභාකරන් හරහා ඒ තත්ත්වය ලබාගැනීමට නොහැකිවූ නිසා පාවාදීමේ පළමු  මෙහෙයුමෙන් පසු ස්වකීය දෙවැනි මෙහෙයුම පටන් ගන්නට මේ කුමන්ත්‍රණකාරී පිරිස් දැන්  ඉදිරියට පැමිණ තිබෙනවා. එහෙත් මහා පාවා දෙන්නා දෙවැනි වරට කළ ප්‍රකාශය එනම් “මම කිව් දේ නෙමෙයි ලියලා  තියෙන්නේ” යන්න ලොකු ප්‍රශ්නයක් වශයෙන් කුමන්ත්‍රණ කාරයින් ගණන් නොගත් නමුත් පාවා  දෙන්නා ලවාම මහා පාවාදීම යළි ස්ථාපිත කරන්නට කුමන්ත්‍රණකාරයන් පියවර ගත්තා. එය  හඳුන්වන්නේ මහා පාවාදීමේ දෙවැනි මෙහෙයුම නමින්.</blockquote>

Verification: Dawasata paya keeyak thibeda?

Top Bottom