Reply to thread

Message: <blockquote data-quote="Sri_Sampath" data-source="post: 17273287" data-attributes="member: 264139">මාලඹේ නෙවිල් ප්‍රනාන්දු විසින් පවත්වාගෙන යනු ලබන හොර උපාධි ක‍ඩයෙන් උපාධි ලබාගන්නා කිසිවෙකු ලංකාවේ වෛද්‍ය වෘත්තියට සුදුස්සන් නොවන බවට පසුගියදා පළවූ සෞඛ්‍ය අමාත්‍යංශ ගැසට් නිවේදනයකින් කියැවිණි.එසේම මේ වනවිට වාර්තා වන්නේ අදාළ උපාධිය සමර්ථ වීම සදහා වන විෂයානුබද්ධ සක්‍යතා හා ‍භෞතික පහසුකම්  කිසිවක් අදාළ නෙවිල් ප්‍රනාන්දු වෙද කඩය විසින් සපුරා නොමැති බවත් ඒ සදහා වන ශික්ෂණ පහසුකම් ලබාදීමට නෙවිල් ප්‍රනාන්දු රෝහල අසමත්වී ඇති බවයි. කොළඹ විශ්වවිද්‍යාලයේ වෛද්‍ය පීඨය විසින් වර්ෂිකව සිසුන් 196 දෙනෙකු බදවා ගැනීම් සිදුකරනු ලබන අතර ඒ අනුව වෛද්‍ය පීඨයේ මේ වන විට සිසුන් 786 දෙනෙකු අධ්‍යාපනය ලබමින්සිටී. ඔවුන්ට සායනික පුහුණුව සදහා කොළඹ පිහිටි ශික්ෂණ රෝහල් 05ක ඇදන් 5000ක් ඇති අතර ඒ අනුව උපාධි පාඨමාලාවේ අඩංගු විෂය ධාරාවන් 21 සම්පූර්ණ කිරීම සදහා ආචාර්යවරු 180 කින් යුතු ආචාර්ය මණ්ඩලයකින්ද යුතුවේ. එහෙත් මෙකී තත්වයන් සමග සන්සන්ධනය කිරීමේදී වාර්ෂිකව බදවා ගත් සිසුන් 250 ක පිරිසක් සිටින මාලඹේ වෙද උපාධි කඩයෙහි සිසුන් සදහා අවශ්‍ය ගුරුවරුන් මෙන්ම සායනික පුහුණුව සදහා අවශ්‍ය ඇදන් ප්‍රමාණයද සම්පූර්ණ ව නොමැති බවද වාර්තාවේ. ශික්ෂණ රෝහලක 80% අනුපාතයකින් රෝගීන් සිටිය යුතු වුවත් ‍මෙහි ඇදන් ඇත්තේ 250ක් පමණ වන අතර එයින්ද රෝගීන් 20% වත් සම්පූර්ණ ව නොමැත. මෙවැනි තත්වයක් යටතේ වෛද්‍ය සභාව විසින් අදාළ ‍රෝහල සදහා ශික්ෂණ රෝහල් අනුමැතිය ලබා දීමට කටයුතු කොට නැත. කෙසේ නමුත් වෛද්‍ය සභාව වෙත යොමු කොට ඇති වාර්තාවක දැක්වෙන්නේ අදාළරෝහලෙහි ඇදන් 1002ක් අඩංගුව ඇති බවයි. එසේම අදාළ වෛද්‍ය උපාධි පාඨමාලාවේ විෂයන් 21 න් අර්ධයක් ‍හෝ සම්පූර්ණ කිරීමට සමත් විෂය මාලාවක් හෝ ආචාර්ය මණ්ඩලයක් මෙම ආයතන සතුව නොමැත.  මේ අනුව ආණ්ඩුවේ ඉහල නිළයන්ගේ අනුමැතිය සහිතව පවත්වාගෙන යනු ලබන නෙවිල් ප්‍රනාන්දුගේ වෙද කඩය හා රෝහල වෛද්‍යවරු නිර්මාණය කිරීමේ කිසිදු නෛතික හෝ අධ්‍යාපනික සුදුසුකමක් නොමැති ආයතනයක් බවට තහවුරු වී ඇතැයි වාර්තාවේ.</blockquote>

Verification: Hath warak paha keeyada? (hatha wadikireema paha)

Top Bottom