Reply to thread

Message: <blockquote data-quote="Fire Eye" data-source="post: 11356992" data-attributes="member: 313297">මීළඟ බටහිර ගොදුර<img src="http://cdn.wn.com/ph/img/f1/be/3c0a9969f3c502c617d054074fb7-grande.jpg" alt="" class="fr-fic fr-dii fr-draggable " style="" /> "ලිබියාවේ කාර්යභාරය අවසානයි. දැන් අපගේ මීළඟ ක්‍රියාදාමය සිරියාවයි"යයි  නවදිල්ලියේ ප්‍රංශ තානාපති කාර්යාලයේ පැවැති උත්සවයක්‌ ඇමතූ ප්‍රංශ විදේශ  ඇමැති ඇලන් ජුසේ විසින් පවසා ඇත. ප්‍රංශ විදේශ ඇමැතිගේ මේ ක්‍රියාදාමයෙන් සනාථ වන්නේ ලිබියාවට කළ දේම සිරියාවට සිදු කිරීමට නේටෝ බළකායට අවශ්‍ය බවයි. මෙයට දෙමසකට පෙර ඇමරිකාව ප්‍රමුඛ බටහිර රටවල් සිරියාවට එරෙහිව ආරක්‍ෂක  මණ්‌ඩලය වෙත යෝජනාවක්‌ ගෙන ආ අතර චීනය සහ රුසියාව විසින් ඊට එරෙහිව නිශේධ  බලය භාවිත කිරීමෙන් එම යෝජනාව ප්‍රතික්‌ෂේප විය. ඇමරිකාව විසින් ඉරාකය පරාජය කිරීමෙන් පසු එවකට සිටි ඇමරිකානු ජනාධිපති  ජෝර්ජ බුෂ් සිරියානු රජය ඇමරිකාව ප්‍රමුඛ බටහිර රටවල උපදෙස්‌ පිළිගත යුතු  බව කියා සිටියේය. මෙයට සමගාමීව ප්‍රකාශයක්‌ කළ ඇමරිකානු ආරක්‍ෂක ලේකම්  ඩොනල්ඩ් රම්ස්‌විල්ඩ් පැවසුවේ සිරියාව ත්‍රස්‌තවාදයට උදව් කරන බවයි. සිරියාවේ නායකයාව සිටි නවිස්‌ අල් අසාද්ගේ මරණින් පසු නව සිරියානු  පාලකයා වූයේ බෂිර් අල් අසාද්ය. බෂිර් අල් අසාද් මෑතකදී ලෙබනන් පුවත්පතක්‌  සමග සාකච්ඡාවක්‌ පවත්වමින් ඇමරිකාව විසින් ඉරාකය අල්ලාගත් බවටත් මැද පෙරදිග  කටයුතුවලින් ඇමරිකාව පන්නා දැමීමට අරාබි රටවල් ඉදිරියට පැමිණිය යුතු බවත්  පවසනු ලැබීය. මේ ප්‍රකාශය ඇමරිකානු පාලනයේ උදහසට ලක්‌විය. මේ අතර ඇමරිකානු  සන්නද්ධ සේවා සෙනෙට්‌ කමිටුවේ නියෝජිත ජෝන් මැකේන් පැවසුවේ ඇමරිකානු  ලැයිස්‌තුවේ මුලින්ම සිටින්නේ සිරියාව බවයි. <img src="http://resources2.news.com.au/images/2011/03/31/1226031/623930-11-03-31-bashar-al-assad.jpg" alt="" class="fr-fic fr-dii fr-draggable " style="" /> බෂිර් අල් අසාද් මානුෂික ක්‍රියාදාමය මුවාවෙන් සිරියාව ආක්‍රමණය කිරීම සඳහා නේටෝ බළකායට  ඉඩදීම ඇමරිකාවේ ප්‍රධාන අරමුණක්‌ වී තිබේ. ලෝක ආර්ථික සමුළුව අමතමින්  මැකේන් මෙසේ පැවසීය. “ලිබියාවේ දියත් කළ හමුදා මෙහෙයුම දැන් අවසානයි.  සිරියාවේ සිවිල් ජීවිත රැක ගැනීම පිණිස හමුදාව මැදිහත් වීමක්‌ සඳහා දැන්  අවධානය යොමුවී තිබෙනවා”. මාකේස්‌ගේ මේ ප්‍රකාශයට සහය පිණිස බටහිර මාධ්‍ය විසින් සිරියාවේ සිවිල්  වැසියන් 3000 ක්‌ද, ළමුන් 187 ක්‌ද මියගොස්‌ ඇති බවට ප්‍රචාරය කර තිබේ. ඒ  සමගම තවදුරටත් ප්‍රකාශයක්‌ කළ මාකේන් සමූල ඝාතනය ක්‍රියාදාමයෙන් ගැලවීමට  අසාද්ට නොහැකිය. හැබැයි ඒ වැරැද්ද කළා. ඒ නිසා ඔහුට වන්දි ගෙවීමට සිදුවුණා  යෑයි මැකේන් තවදුරටත් පවසා ඇත. මේ ප්‍රකාශයට ප්‍රතිචාර දැක්‌වූ සිරියාවේ හිටපු පාර්ලිමේන්තු මන්ත්‍රී  මොහොමද් නවාස්‌ පැවසුවේ විදේශ මැදිහත් වීමක්‌ තුළින් සිරියාව විනාශ මුඛයට  ළංවන බවයි. මේ අතර ඇමරිකානු රාජ්‍ය ලේකම්වරිය වූ හිලරි ක්‌ලින්ටන්ටද  සිරියාවේ රජය වෙනස්‌ කිරීමේ අවශ්‍යතාව මතුවී ඇත. ඇය මේ ප්‍රකාශය කර පැය  කීපයක්‌ ගතවීමට පෙර ජෝන් මැකේන් පැවසුවේ සිරියානු හමුදාවේ සෙබළුන් රජය  අත්හැර සිරියානු ප්‍රාන්ත කමිටුව නමැති සංවිධානයකට සම්බන්ධවී ඇති බවයි. ජෝන් මැකේන්ගේ ප්‍රකාශයට ප්‍රතිචාර දැක්‌වූ කැනඩාවේ සිරියානු තානාපති  අන්දේ අහමද් ඉරාකයේ විනාශකාරී ආයුධ තිබෙන බව පවසමින් ඇමරිකාව විසින් ඉරාකය  ආක්‍රමණය කළා. එහෙත් සොයාගත් දෙයක්‌ නැත යෑයි කියා සිටියේය. එහෙත් ඇමරිකාව විසින් සිරියාව ඉලක්‌ක කර ඇත්තේ පසුගිය අප්‍රේල් මස සිටය.  මැයිසස්‌ රූපට්‌ නමැති මාධ්‍යවේදියා දක්‌වන අන්දමට බටහිර අධිරාජ්‍යවාදී  හමුදා යාන්ත්‍රණය දැන් සිටම සිරියාවේ මෙහෙයුමට සූදානම් වී සිටී. මෙය  ජනාධිපති ඔබාමාගේ විශාල ක්‍රියාව යෑයිද ඔහු හඳුන්වා ඇත. මේ පසුබිම මැද ඇමරිකාව යළිත් වරක්‌ සූදානම් වන්නේ සිරියානු නායකයාටද නඩු නැති මරණයක්‌ අත්කරදීම බව පැහැදිලිය. එලෙස ඇමරිකානු ඉලක්‌කය සාර්ථක වූවොත් ඊළඟ ඉලක්‌කය ඉරානයයි. එහෙත් ඉරානය  න්‍යෂ්ටික අවි භාවිත කළහොත් යන ප්‍රශ්නය ඇමරිකානුවන් හමුවේ පවතී. නමුත් අවිගත්තෝ කෙදිනක හෝ අවියෙන්ම නසිති... 30/10/2011 දිවයින දියග පුවත්පත ඇසුරෙනි </blockquote>

Verification: Asuwa dahayen wadi kalama keeyada?

Top Bottom