Reply to thread

Message: <blockquote data-quote="Superuser" data-source="post: 22521855" data-attributes="member: 546689">දීර්ඝ ධර්ම සාකච්ඡාවක් අතරතුර ගිහි පින්වතෙක් "ස්වාමීන්  වහන්ස, සතර සතිපට්ඨාන දේශනාවෙත් නෑ නේද ධ්‍යාන ලැබීමක්?" කියලා අහන  ප්‍රශ්නයට තමයි මීවනපලානේ සිරිධම්මාලංකාර තෙරුන් වහන්සේ පිළිතුරු  ලබාදෙන්නේ. එම සාකච්ඡාව සම්පූර්ණයෙන්ම වීඩියෝවේ ඇතුලත් වෙන්නේ නැහැ. කෙසේ වෙතත් කෙනෙක් අර්ථකථන ඉදිරිපත් කිරීමට පෙර එම  ප්‍රශ්නය ඉදිරිපත් කළ සංදර්භය තේරුම් ගැනීම වැදගත්. මෙහිදී ගිහි  පින්වතාගේ ප්‍රශ්නය සහ මීවනපලානේ සිරිධම්මාලංකාර තෙරුන් වහන්සේගේ පිළිතුර  විමසා බැලූවිට, එම ප්‍රශ්නය ඉදිරිපත් කරන්නේ "නිවන් අවබෝධයට ධ්‍යාන ලැබීම  අත්‍යවශ්‍ය වේද?" යන සාකච්ඡාව තුල "සතර සතිපට්ඨාන ධර්මයෙහි ධ්‍යාන ලැබීම  අත්‍යවශ්‍ය ලෙස බුදුරජාණන් වහන්සේ දේශනා කර තිබේද?" යන අර්ථයෙන් බව   සංදර්භයට අදාළව තේරුම් ගත හැකියි.මෙහිදී මීවනපලානේ  සිරිධම්මාලංකාර තෙරුන් වහන්සේ, මුල් කාලීන බුද්ධ දේශනාවල ධ්‍යාන ලැබීමක්  ගැන සඳහන් වන බවත් පසුකාලීනව එසේ නොවන බවත්, එසේ වීමට හේතුවුණ කාරණාත්  පැහැදිලිව දේශනා කරනවා. එහිදී ස්කයිලාක් උපුටා දක්වා ඇති මහා සතිපට්ඨාන  සූත්‍රය ගැන සඳහන් කරන්නේවත් එහි ධ්‍යාන ගැන නොමැති බවක් දේශනා කරන්නේවත්  නැහැ.සතර සතිපට්ඨාන ධර්මය බොහෝ සූත්‍රවල අඩංගු වෙනවා වගේම ඒ කිසිදු  සූත්‍රයක ධ්‍යාන ලැබීම අත්‍යවශ්‍ය ලෙස සඳහන් වෙන්නේ නැහැ. ධ්‍යාන, අභිඥා නොමැතිව ශුෂ්ක විදර්ශකව අරිහත් බව ලැබීමට කැමති සිවුවණක්  පිරිස, සතර සතිපට්ඨානය හැර වෙනත් මගක් අනුගමනය කළ යුතු බවටද බුදුරජාණන්  වහන්සේ දේශනා කර නැහැ. මේ ගැන විමසා බැලීමට සතිපට්ඨාන ධර්මය ත්‍රිපිටකයේ සඳහන් වන තැන් කිහිපයක් පහලින් ඇතුළත් කළා.Thripitakaya.org සෙවුම<a href="http://www.thripitakaya.org/tipitakaya/search?Search=%E0%B7%83%E0%B6%AD%E0%B7%92%E0%B6%B4%E0%B6%A7%E0%B7%8A%E0%B6%A8%E0%B7%8F%E0%B6%B1" target="_blank">http://www.thripitakaya.org/tipitakaya/search?Search=සතිපට්ඨාන</a><a href="http://pitaka.lk" target="_blank">http://pitaka.lk</a><img src="https://i.imgur.com/llCDph3.png" alt="" class="fr-fic fr-dii fr-draggable " style="" />නිවන් මග පුද්ගලයාගෙන් පුද්ගලයාට වඩාත්ම ගැලපෙන අයුරින් දේශනා කිරීම බුදුරජාණන් වහන්සේගේ විශිෂ්ට ඥානයක්.බාහිය දාරුචීරිය තෙරුන්ට "දිට්ඨෙ දිට්ඨමත්තං භවිස්සති..."  ලෙස බුදුරදුන් දෙසූ ධර්මය අවබෝධ කිරීමෙන් රහත් බව ලැබුණා.චුල්ල පන්ථක තෙරුන්ට "රජෝ හරණං" ලෙස මෙනෙහි කිරීමට බුදුරදුන් දුන් අවවාදය පිළිපැදීමෙන් රහත් බවට පත්වුණා.මෙවැනි වෙනස් උදාහරණ ත්‍රිපිටකය පුරාම අඩංගු වෙනවා.මීවනපලානේ සිරිධම්මාලංකාර තෙරුන් වහන්සේ පැහැදිලි කළ අයුරින්, බුදුරජාණන්  වහන්සේ විසින් සතර සතිපට්ඨානයද ඒ ඒ පිරිසට/පුද්ගලයාට පහසුවෙන්ම නිවන් පිණිස  හේතු වන පරිදි දේශනා කර තිබෙනවා.ධ්‍යාන, අභිඥා ලැබූ අයට හෝ ඒ මග පහසු පිරිසට, සමථ පුබ්බංගම ලෙස ධ්‍යාන සමග සතර සතිපට්ඨානයත්,ධ්‍යාන, අභිඥා නොලැබූ අයට හෝ ඒ මග අපහසු විය හැකි පිරිසට ධ්‍යාන නොමැතිව සතර සතිපට්ඨානයත් වශයෙන්.මේ බව ත්‍රිපිටකයේ පැහැදිලිවම සඳහන් වන නිසා කෙනෙක් සතර සතිපට්ඨානයට ධ්‍යාන  අත්‍යවශ්‍ය බව කියනවානම් එය බුදුරජාණන් වහන්සේගේ විශිෂ්ට ඥානය ගැන  අවබෝධයෙන් කියන දෙයක් නෙවෙයි.බුදුරජාණන් වහන්සේ විනය නීති පැණෙව්වේ බුද්ධත්වයෙන් විසි අවුරුද්දක් ඉක්ම  ගියාට පසුව විනය නීති වලින් හික්මවිය යුතු භික්ෂූන් වහන්සේලා බහුල වුණ  නිසායි. ඊට පෙර භික්ෂූන්වහන්සේලා විනය නීති නොමැතිවම හික්මීමෙන් නිවන අවබෝධ  කළ බව ධර්මයේ සඳහන් වෙනවා. මෙලෙසම ධ්‍යාන සමග සතර සතිපට්ඨානය වැඩිය යුතු  සිවුවණක් පිරිස බහුල වූ සමයේ බුදුරජාණන් වහන්සේ ඒ අයුරින් මග පෙන්වූ බවත්;  පසුකාලීනව එවැනි සිවුවණක් පිරිස දුර්ලභ වී, ධ්‍යාන නොමැතිව සතර සතිපට්ඨාන  ධර්මය වැඩිය යුතු සිවුවණක් පිරිස බහුල වූ බව බුදුරජාණන් වහන්සේ විශිෂ්ට  ඥානයෙන් දුටු විට, ඒ අයුරින් මග පෙන්වූ බවත් මීවනපලානේ සිරිධම්මාලංකාර  තෙරුන් වහන්සේ දේශනා කිරීම පරම සත්‍යයක් බව ත්‍රිපිටක ධර්මානුකූලව විමසා  බැලීමෙන් වටහා ගන්න පුළුවන්.</blockquote>

Verification: Dahaya deken beduwama keeyada?

Top Bottom