Reply to thread

Message: <blockquote data-quote="Al Baik" data-source="post: 16450129" data-attributes="member: 326965">පැවැත්වීමට නියමිත පළාත් සභා මැතිවරණයේදී මහා පරිමාණ ඡන්ද වංචාවකට භාවිතා කිරීමට සූදානම් කර තිබූ හොර ඡන්ද පත්‍රිකා තොගයක් අත් අඩංගුවට ගැනීමට ගිය සහකාර මැතිවරණ කොමසාරිස් වරයෙකුට රාජපක්ෂ රෙජීමයේ මහ ඇමැති අපේක්ෂකයා සහ ඔහුගේ මැරයන් විසින් පහර දී මරණීය තර්ජන එල්ල කර තිබේ. රාජපක්ෂ රෙජීමය මහා පරිමාණ වශයෙන් හොර ඡන්ද දැමීමට නියමිතව ඇති අතර මැතිවරණයට දිනයක් තිබියදී මේ පිලිබඳ තොරතුරු හෙළි වී තිබේ. දකුණු මහ ඇමැති අපෙක්ෂකයා ලෙස ඡන්දය ඉල්ලන චන්දිම රාසපුත්‍රගේ මාතර වෙරළ පාරේ පිහිටි අනවසර කාර්යාලයක එවැනි හොර ඡන්ද පත්‍රිකා තොග ගණනින් ඇති බවට ලැබුණු ඔත්තුවක් අනුව ප්‍රදේශයේ සහකාර මැතිවරණ කොමසාරිස් වරයා එහි ගොස් පරීක‍ෂා කර තිබේ. මෙම කාර්යාලයද නීති විරෝධී එකක් වන අතර මේ වන විට සියළු ප්‍රචාරක කටයුතු නතර කර තිබිය යුතු වුවද එහි එවැන්නක් තිබී නැත. තමන්ගේ හොර ඡන්ද පත්‍රිකා අල්ලන්න ඇවිත් සිටින බව දැනගන්නට ලැබුණු චන්දිම රාසපුත්‍රද මැර පිරිසක් සමග එහි පැමිණ ඉතිහාසයේ පළමු වන වරට සහකාර මැතිවරණ කොමසාරිස්වරයෙකුට සහ ඔහු සමග පැමිණි දෙපාර්තමේන්තු නිලධාරීන්ට පහර දී මරණීය තර්ජන එල්ල කර ඇත. රජයේ නිලධාරින් මෙම වැටලීම වීඩියෝගත කිරීමට ගෙන ගිය වීඩියෝ කැමරාවකටද පහර දී විනාශ කර ඇත.ප්‍රහාරයට ලක්ව ඇත්තේ නුවරඑළිය සහකාර මැතිවරණ කොමසාරිස් අරුණ සෞම්‍ය ප්‍රනාන්දු ඇතුළු පිරිසකි. සහකාර මැතිවරණ කොමසාරිස් වරයා මේ පිලිබඳව පොලීසියට පැමිණිලි කර ඇති අතර මැතිවරණ කොමසාරිස් මහින්ද දේශප්‍රිය ද මේ සිදුව ඇති බරපතල ක්‍රියාව ගැන සොයා බැලීම සඳහා මාතරට ගියේ ය.රාජපක්ෂලාගේ හොර ඡන්ද කෙරුවාව මේ සිදුවීමෙන් හෙලිදරව් වන බැවින් මැදමූලන මරාද මීට මැදිහත් වී ඇති අතර ඔහුගේ බලපෑම මත මැතිවරණ කොමසාරිස් වරයාද සිදුවීම වසා ගනිමින් මාතර කොටුවේ පිහිටි මැතිවරණ කොමසාරිස් කාර්යාලයයේදී සිද්ධියට අදාල දෙපාර්ශ්වය කැඳවා සාකච්ඡාවක් පවත්වා සිද්ධිය යට ගසා ඇතැයි වාර්තා වේ. පොලිසිය පවසන්නේ සහකාර මැතිවරණ කොමසාරිස්වරයා කටවුට් වීඩියෝ ගත කිරීමට ගිය අවස්ථාවකදී පරුෂ වචනයෙන් බැන වැදී මරණ තර්ජන එල්ල කර ඇති බවකි. ඇමැති කැස්බෑවේ ගාමිණී ලොකුගේ ගේ මැර පිරිසක්ද මැතිවරණ නිලධාරීන් කණ්ඩායමකට පසුගියදා කැස්බෑවේදී පහර දී තිබිණ. ගාමිණී ලොකුගේ ගේ බෑණා මෙවර ඡන්දය ඉදිරිපත්ව ඇති අතර ඔහුගේ අනවසර ප්‍රචාරක කටයුතු ඉවත් කිරීමට ගිය මැතිවරණ කොමසාරිස්ගේ නිලධාරීන් කණ්ඩායමකට පහර දී තිබිණ. ඒ අවස්ථාවේදී ද එය බරපතල සිදුවීමක් ලෙස නොසලකා නීතිය ක්‍රියාත්මක නොකෙරුණි. මේ වන විට ඉතිහාසයේ පළමුවරට මැතිවරණ නිලධාරීන්ට පහරදීම් 4 ක් මෙම මැතිවරණයේදී වාර්තා වී ඇතැයි පැෆරල් සංවිධානය පවසයි. මේ සිදුවීමත් සමග මාතර සිදුවීම් දෙකක්ද හෝමාගම සහ කැස්බෑව එම සිදුවීම් සිදුවූ ප්‍රදේශයන් ය. මෙම බරපතල සිදුවීම් සම්බන්ධයෙන් මෙතෙක් කිසිවෙක් අත් අඩංගුවට ගෙන නැතමේ වන විට සහකාර මැතිවරණ කොමසාරිස් වරුන්ට මහ ඇමැති අපේක්ෂකයන් පහර දෙන තත්ත්වයට දුර දිග ගොස් ඇති අතර හෙට දවසේදී මැතිවරණ කොමසාරිස්වරයාටම රෙජීමයේ මිනීමරුවන් පහර දී තමාට අවශ්‍ය ප්‍රතිඵලය ලබා ගන්නා තුරු මහජනතාව නපුංසකයන් සේ බඩ උලාගෙන සිටිනු ඇත.LEN</blockquote>

Verification: Haya warak paha keeyada? (haya wadi kireema paha)

Top Bottom