Reply to thread

Message: <blockquote data-quote="saturn" data-source="post: 30737665" data-attributes="member: 529032">ජනරජ දිනය අදයි !1972 මැයි 22 වනදා, අප මාතෘ භූමිය මුළුමනින්ම බ්‍රිතාන්‍ය කිරීටයෙන් ගලවා ගෙන Ceylon නාමය සැබෑ "ශ්‍රී ලංකාව" බවට පත්ව, පූර්ණ නිදහස සාක්‍ෂාත් කරගත් දිනය අදයි. ස්වෛරී රාජ්‍යයක සිංහ ධජය නිදහසේ ලෙලදුන් දිනය අදයි.බ්‍රිතාන්‍ය සෝල්බරි ව්‍යවස්ථාව මුළුමනින්ම ඉවත් කරමින්, ඒකීය රාජ්‍යයක් ලෙස සන්නද්ධ සේනාවන්හි අණදීම මෙරට රාජ්‍යය නායකත්වයට පැවරීම, බ්‍රිතාන්‍ය ප්‍රිව් කවුන්සලයට යටත්ව පැවති අධිකරණ බලය මෙරට ජනතාවගේ උත්තරීතර අයිතියක් ලෙස ව්‍යවස්ථානුකූලව ස්ථාපිත වීම ජනරජ දිනයේ අප ලැබූ නිදහසයි.ජනරජ ලාංජනයෙන් බ්‍රිතාන්‍ය කිරීටය ඉවත්ව ධර්ම චක්‍රයත්, ඉරත්, හඳත්, පුන්කලසත්, පළාපෙති මධ්‍යයේ අසිපත අරා සිටින සිංහ රුවත් එක්වන්නේ මේ දිනා ගත් සැබෑ නිදහස නිසාය. ජාතික ධජයේ රතු පැහැ කොටසේ සිවු කොණට බෝපත් හතරක් එකතුවන්නේ ද 1972 මැයි 22 වනදා ලද ජාතික ජයග්‍රහණය හේතුවෙනි.1948 පෙබරවාරි 04 දින නිදහස ලැබුවත්, අප මාතෘභූමියට පුර්ණ නිදහස හිමිවන්නේ ඉන් දශක දෙකකට පමණ පසු ය.1970 මහ මැතිවරණයෙන් බිහිවූ සමගි පෙරමුණ ආණ්ඩුවට සැබෑ නිදහස ලබාගැනීමේ වුවමනාවක් තිබුණි. ලංකා සමසමාජ, කොමියුනිස්ට් පක්ෂ, දේශපාලන නායකයින් සිරිමාවෝ බණ්ඩාරනායක අගමැතිනිය සමග එක්ව මෙම ජයග්‍රාහී ගමන අවසානයක් දක්වාම මෙහෙයවීම සැබෑ ජනතා ජයග්‍රහණකි. ජනරජ ව්‍යවස්ථාව සකස්කිරීමේ භාරධුර වගකීමට මූලිකත්වය ගෙන කටයුතු කළේ නීති ක්ෂේත්‍රය පිළිබඳවත්, දේශපාලනය පිළිබඳවත් හසල දැනුමැති ආචාර්ය කොල්වින් ආර් ද සිල්වා මහතා විසිනි.1972 මැයි 22, දහවල් 12.56 ට යෙදුණු සුබ නැකැතින් ශ්‍රී ලංකාව ස්වෛරී ජනරජයක් ලෙස ප්‍රකාශයට පත්කළේ සිරිමාවෝ බණ්ඩාරනායක අගමැතිනිය විසිනි.වාරියපොල ශ්‍රී සුමංගල හිමියන් තම දිවි හිමියෙන් නිදහස දිනාගනිමින් එසවූ ජාතික ධජය, පුර්ණ නිදහස් රටක ඉන් සියවස් දෙකකට පසු, දළදා පහස යට ස්වෛරීත්වයේ අභිමානය මැද අහසට නැගුණි.එවන් අභිමානවත් රාජ්‍යයක නිදහස හා ප්‍රගමනය වෙනුවෙන් කැපවුණු අද්විතීය දේශපාලන දේශහිතෛෂී නායකයන් කෘතවේදීව සිහිපත් කල යුතුය.එක්සත් ව, ජනරජය දිනවනු වස්, පුරවැසියන් පෙරමුණ ගත යුතු යුගය යලි එලඹ ඇත.පාඨලී චම්පික රණවක 2025.05.22</blockquote>

Verification: Asuwa dahayen wadi kalama keeyada?

Top Bottom