Reply to thread

Message: <blockquote data-quote="KavinduDD" data-source="post: 24866736" data-attributes="member: 565589">එළාර රජුගේ විජිතපුර පරිවාර බලකොටුවක් ලෙස සැලකෙන බැලුම්ගල නැමති පුරාවිද්‍යා වටිනාකමින් යුත් ස්ථානය ඩෝසර් කිරීමේ සිද්ධියට අදාළව ජාතික නිවාස සංවර්ධන අධිකාරියේ නිලධාරීන් දෙදෙනෙකුගේ වැඩ තහනම් කළ බව නිවාස අමාත්‍ය සජිත් ප්‍රේමදාස මහතා අද දෙරණට සඳහන් කළේය.ජාතික නිවාස සංවර්ධන අධිකාරියේ අනුරාධපුර දිස්‍ත්‍රික් කළමනාකාරිණියගේ සහ තාක්ෂණ නිලධාරියකුගේ මෙලෙස වැඩ තහනම් කිරීමට පියවර ගෙන තිබේ.නිවාස සංවර්ධන අධිකාරිය යටතේ නිවාස ව්‍යාපෘතියක් ආරම්භ කිරීම සඳහා බව පවසමින් අනුරාධපුරයේ බැලුම්ගල නැමති පුරාවිද්‍යාත්මක වටිනාකමකින් යුත් අක්කර 15 ක භූමි ප්‍රදේශයක් ඩොසර් කර විනාශ කර ඇති බව අද දෙරණ පසුගිය සෙනසුරාදා රටට අනාවරණය කළේය.බැලුම්ගල නමින් හැඳින්වූ මෙම පරිවාර බලකොටුව එළාර දුටුගැමුණු යුද සමයේ එළාර රජුගේ විජිතපුර ආරක්ෂක බලකොටුවට පැමිණෙන සතුරන් පිළිබඳ ඔත්තු බැලීම සඳහා ඉදිකර තිබු එක් ස්ථානයක් ලෙස ඉතිහාසයේ සඳහන් වෙයි.‍මේ පිළිබඳව අප දුරකථනය හරහා ඉපලෝගම ප්‍රාදේශීය ලේකම් සජිදා භානු මහත්මිය සම්බන්ධ කර ගත් විට ඇය සිදු වූ වරද පිළිගනු ලැබීය.අපගේ අනාවරණයේන පසු දින මාධ්‍ය හමුවක් පැවැත්වූ ජාතික නිවාස සංවර්ධන අධිකාරියේ සභාපතිවරයා මේ පිළිබඳ අදහස් පළ කළේය.නමුත් මෙම නිවාස ව්‍යාපෘතියට අක්කර 15 ක පමණ භූමි ප්‍රදේශයකට අනුමැතිය ලබා දුන් බවට මුලින් පිළිගත් ඉපලෝගම ප්‍රදේශීය ලේකම් සජිදා භානු මහත්මිය ඊයේ(07) ප්‍රකාශ කළේ අදාල ව්‍යාපෘතිය අතිහිටුවන ලෙස තමන් දැනුම් දී තිබූ බවයි.මෙම චෝදනාව පිළිබඳ අප ජාතික නිවාස සංවර්ධන අධිකාරියේ අනුරාධපුර දිස්ත්‍රික් කළමනාකරු දේවිකා විජේරත්න මහත්මියගෙන් ද  විමසා සිටියේය.කෙසේවෙතත් මෙම සිදුවීමට සම්බන්ධ නිළධාරීන්ට එරෙහිව නීතිය ක්‍රියාත්මක කරන්නැයි ඉල්ලා සිංහල ජාතික සංවිධානය අද පොලිස් මුලස්ථානයට පැමිණිල්ලක් ඉදිරිපත් කළේය.එසේම බෞද්ධ තොරතුරු කේන්ද්‍රයද මෙම විනාශය සම්බන්ධයෙන් නිසි පරීක්ෂණයක් ඉල්ලා පුරාවිද්‍යා අධ්‍යක්ෂ ජනරාල්වරයා වෙත ලිපියක් ඉදිරිපත් කරනු ලැබීය.කෙසේවෙතත් නීතිඥ සංගමය අද මාධ්‍ය හමුවක් පවත්වමින් සඳහන් කළේ මෙම පුරාවිද්‍යා විනාශයට එරෙහිව අධිකරණයට යන ඕනෑම අයකුට තම සංගමයේ සහාය ලබා දෙන බවයි.<a href="http://sinhala.adaderana.lk/news/88746/%E0%B6%91%E0%B7%85%E0%B7%8F%E0%B6%BB%E0%B6%9C%E0%B7%9A-%E0%B6%B6%E0%B6%BD%E0%B6%9A%E0%B7%9C%E0%B6%A7%E0%B7%94%E0%B7%80-%E0%B6%A9%E0%B7%9D%E0%B7%83%E0%B6%BB%E0%B7%8A-%E0%B6%9A%E0%B7%85-%E0%B6%AF%E0%B7%99%E0%B6%AF%E0%B7%99%E0%B6%B1%E0%B7%99%E0%B6%9A%E0%B7%94%E0%B6%9C%E0%B7%9A-%E0%B7%80%E0%B7%90%E0%B6%A9-%E0%B6%AD%E0%B7%84%E0%B6%B1%E0%B6%B8%E0%B7%8A-%E0%B7%80%E0%B7%92%E0%B6%B1%E0%B7%8F%E0%B7%81%E0%B6%BA%E0%B6%A7-%E0%B6%91%E0%B6%BB%E0%B7%99%E0%B7%84%E0%B7%92%E0%B7%80-%E0%B6%B1%E0%B7%93%E0%B6%AD%E0%B7%92%E0%B6%A5-%E0%B7%83%E0%B6%82%E0%B6%9C%E0%B6%B8%E0%B6%BA%E0%B6%AD%E0%B7%8A" target="_blank">http://sinhala.adaderana.lk/news/88746/එළාරගේ-බලකොටුව-ඩෝසර්-කළ-දෙදෙනෙකුගේ-වැඩ-තහනම්-විනාශයට-එරෙහිව-නීතිඥ-සංගමයත්</a></blockquote>

Verification: Awruddata maasa keeyada?

Top Bottom