Reply to thread

Message: <blockquote data-quote="N A K A M U R A" data-source="post: 26925502" data-attributes="member: 566874">එම සියලු කාරණා සැලකිල්ලට ගත් විට දැන් ඔබ බිට්  වැනි එළවළුවලින්  සපුරා වැළකිය  යුතු නොවේ. එම එළවළු ද ඔබට අප මුලින්  කියූ එළවළු  අතරට එකතු  කර ගත හැකිය.  දියවැඩියා රෝගීන්ටත්  දියවැඩියා තත්ත්වය  හොඳින් පාලනය වී ඇත්නම් සතියකට වරක් දෙවරක් බිට් ආහාරයට ගත්තා කියා අගුණයක්  වන්නේ නැත. නමුත් දියවැඩියාව ඉතාම උත්සන්න වී තිබෙන විට නම් එවැනි සීනි සහිත  එළවළුවලින්  වැළකී සිටීම  වඩා සුදුසුය.මාළු සහ කරවලමාළුවලද අඩංගු  මේදය ශරීරයට හිතකර, හෘදයාබාධ ආදී රෝගවලින්  අප ආරක්ෂා කරන බහු අසන්තෘප්ත ඔමේගා -3 ආකාරයයි.  මාළුවල ඉතා හොඳ තත්ත්වයේ  ‍ප්‍රෝටීන් ද ඉහළ ප්‍රතිශතයකින් අඩංගුය. ශරීරයට අවශ්‍ය විටමින්  බොහොමයක් ද කැල්සියම්  යකඩ ආදී ඛනිජ බොහොමයක්ද මාළුවල යහමින්  අඩංගුය. විශේෂයෙන් කුඩා මාළු කටුත් සමග ආහාරයට එකතු කර  ගැනීමෙන් ඒ සියල්ල මනාව ශරීරයට එකතු කර ගත හැකිය.  කරවලවලද මෙම ගුණයන් බොහොමයක් අඩංගු වන අතර විශේෂයෙන් වියළි හාල්මැස්සන් ඒ අතින්  අන් සියල්ලටම  වඩා ඉදිරියෙන් සිටියි.කරවල වර්ගවල ලුණු අධික වශයෙන්  පැවතීම අහිතකර තත්ත්වයකි.  නමුත් කුඩා මාළුවලින් වේලන ලද කරවලවල ලුණු ගතිය එතරම් අධික නැත. එසේම උණු වතුරේ සෑහෙන වේලාවක්  ගිල්වා තැබිමෙන් කරවල වර්ගවල ඇති අධික ලුණු ප්‍රමාණය අඩු කරගත හැකිය.  කරවල පිසගන්නා විට යළිත්  ලුණු එකතු කර ගැනීමෙන්ද  වැළකී සිටිය යුතුය.  එසේම කරවල ආහාරයට  ගන්නා  විට අනෙක්  ව්‍යාංජනවලට එක් කරන ලුණු ප්‍රමාණය තවදුරටත්  අඩුකළ හැකිය.  එවැනි ක්‍රියාමාර්ග  ගැනීමෙන් කරවලවල ඇති ලුණු නිසා විය හැකි හානිය ප්‍රායෝගිකව වළක්වා ගත හැකිය.බර අඩු කර ගැනීමේ වැඩසටහනක යෙදී සිටින  කෙනෙකුට ‍ප්‍රෝටීන්, අත්‍යවශ්‍ය සෞඛ්‍යයට  ඉතා හිතකර මේද  අම්ල, විටමින්  සහ ඛනිජ අවශ්‍යතාව තහවුරු කර ගැනීමට ඇති  හොඳම මග වන්නේ ශාක ආහාර  අතරට මාළු විශේෂයෙන්ම කුඩා මාළු සහ ඒවායින්  වේලන ලද කරවල  එකතු කරගැනීමයි.  ඒ සඳහා මස්, බිත්තර  සහ කිරි කෙරෙහි විශ්වාසය තැබිම කිසිසේත්ම ප්‍රඥාගෝචර ක්‍රියාවක් නොවේ.වෛද්‍ය පාලිත සමන් ජයකොඩි</blockquote>

Verification: Winadiyakata thappara keeyak tibeda?

Top Bottom