Reply to thread

Message: <blockquote data-quote="sasliit" data-source="post: 12063928" data-attributes="member: 35153">[YOUTUBE]YAB0adM3ox0[/YOUTUBE]මේ ගීතය ලිවුවෙ ලක්මාලි කාරියවසම්.... මේ ගීතයේ තියෙන විශේෂත්වයත් ඒකම තමා... අපි පද රචකයන් විසින් කාන්තාවන් සිතන පතන අයුරින් ලියපු ගීත දැකල තියෙනවා... මේ නූලෙ මම ඒ වගේ ගීත කිහිපයක් ඔබට දීල ඇති... නමුත් මෙම ගීතයේ තියෙන වෙනස තමා කාන්තාවක් ඒ කියන්නෙ පද රචිකාවක් පිරිමියෙකු සිතන විදියට හිතල තමා මේ ගීතය ලියල තියෙන්නෙ.... ගීතය ගැන කතා කරන්න කලින් ඒ හා බැදුනු සිදුවීම් කිහිපයක් අපේ යාළුවන්ට පැහැදිලි කරන්න ඕන....මම හැම තිස්සෙම කියන දෙයක් තමයි යාළුවනේ පද රචකයෙක් සිය හැගීම් තමයි මේ ගීතවල පොවල අපට දෙන්නේ කියන එක.... ඒ වගේ සන්වේදී හැගීමක් ප්‍රකාශ කලාම ඔවුන්ට මාකට් වෙන්න අවශ්‍ය  නෑ... ඔවුන්ට අවැසි ගීතය රසවිදීම පමණයි... අන්න ඒ වගේ හරිම නිහතමානී සංවේදී පදරචිකාවක් තමයි මේ ලක්‌මාලි කාරියවසම් කියන්නෙත්.... ඒ දේ ඔබට පැහැදිලි කරන්නයි මම මේ ගීතය ගෙන ආවේ....මේ ගීතය ලියපු රචිකාව මේ ගීතය රචනා කරල තියෙන්නෙ තම පෙම්වතා ඇයට කියන ආදරණීය වදන් නිසා ඇතිවූ අදහසක් අනුව... ඇය වෙළද දැන්වීම් ආයතනය වැඩ කරන කාලෙ මේ ගීතය ලියල එම ආයතනයේ දැන්වීම් වලට සංගීතය සැපයූ සුරේෂ් ද සිල්වා කියන සංගීතඥයට දීල තියෙනවා... වැඩේ තියෙන්නෙ ඒ ගීතය දුන්නා පමණයි ආයෙ ඒ ගීතයට මොකද උනේ කියලවත් ඇය හොයල නෑ....ඉතින් මේ සුරේෂ් කියන්නෙ කීර්ති පැස්‌කුවෙල් මහතාගේ හොද යාළුවෙක්. ඔහු මේ ගීතයට තනුවක් දාල එහෙම ගීතය කීර්ති පැස්‌කුවෙල් මහතාට දීල තියෙනවා ගායනා කරන්න කියල... නමුත් ඒ වෙනකොට(1998) විදේශගත වෙන්න සූදානම් වෙලා හිටි නිසා කීර්ති පැස්කුවෙල් මහතාට ගායනා කරන්න බැරි උනා... පස්සෙ ඔහු 2000 වසරේදී ලංකාවට පැමිණිය...  ඇවිත් ඔය ගීතයට හඩ එකතු කලා... එතනින් තමයි ගීතය අපිට අහන්න ලැබුනෙ....නමුත් හොදම දේ ඒක නෙමෙයි අපේ පද රචිකාව... ලක්‌මාලි කාරියවසම් මේ ගැන නිහඩයි... ඇය නිකම්වත් මේ මගේ ගීතයක් කියල නෑ... ඒ විතරක් නෙමෙයි කීර්ති පැස්‌කුවෙල් මහත්මා ඇය දැකලවත් ඇය සමග වචනයක් වත් කතා කරල නෑ... ඇයට උවමනාවක් තිබිලත් නෑ. ඉතින් වසර ගානක් මේ ගීතය කොච්චර ජනප්‍රිය උනත් ඉන් දශමයකවත් ප්‍රයෝජනයක් ඇය ගත්තෙ නෑ.... පුදුමයි නේද..... සැබෑ කලා කරුවො එහෙම වෙන්න ඇති.ඉතින් මෑතකදි කීර්ති පැස්‌කුවෙල් මහත්මා පැවත්වූවා සිය ගීත ප්‍රසංගයක් බණ්ඩාරනායක සම්මන්ත්‍රණ ශාලාවෙදි... සිය ගායන ජීවිතයේ ගැයූ ගීත එකතුවක්... මට මතක විදියට ප්‍රදර්ශණයේ නමත් කදුල ඉතින් සමාවෙයන්... කොහොම හරි ඔහු මේ ප්‍රදර්ශණයේ ගීත ගායනා කරමින් සිටින අතරතුර මේ ගීතය හදපු සංගීතඥය දුවගෙන ආවලු කීර්ති මුණගැහෙන්න... ඇවිත් කිවුවලු කීර්ති කදුල ඉතින් සමාවෙයන් ගීතය ලියපු ලක්‌මාලි කාරියවසම් ඉන්ව වගේ මම දැක්ක... මට වරදින්න විදියක් නෑ ඇය මේ කොහේ හරි ඉන්නව කියල.... කීර්තිටත් හරි ආස හිතුනලු මේ නිහඩ රචිකාව දකින්න.. ඉතින් ඔහු කදුල ඉතින් සමාවෙයන් ගීතය ගායනා කරන්න සූදානම් වෙලා කිවුවලු ලක්මාලි ඔයා මෙතන ඉන්නවනම් නිහඩව ඉන්න එපා... ලොකෙටම පේන්න එන්න... ඔබේ ගීතයයි ගායනා කරන්න හදන්නෙ නැගිටල එන්න කියල... ටික වෙලාවක් ගියාම මෙන්න ඈත ඉදල ඇය එනවපු.... කීර්තිට ඇඩෙන්න වගේලු.... බලන්න ඇය හොරෙන් ඇවිත් ඈ ලියූ ගීතය රසවිදින්න සූදානම් වෙලා හිටපු හැටි.... නම්බුනාම නෙමෙයි වැදගත් වෙන්නෙ ඇයට ඒව ඕනෙ නෑ... ඇයට ආස හිතෙන්න ඇති ඇගේ ගීතය හැබැහින් රසවිදින්න... ඔබ දන්නවද ඇයගේ ඒ වෙනකොට පදිංචිය ඕස්ට්‍රේලියාවේ.... ඇය එදා මෙම ගීතය අහන්නමලු ලංකාවට ඇවිත් තියෙන්නෙ... ඒ ඇවිත් නිහඩවම ඒ ගීතය අහල රසවිදල යන්නයි ඇය සූදානම් වෙලා තියෙන්නෙ.... තවත් දෙයක් යාළුවනේ මේ ගීතය අපට ඇසුණු කාලය මතකද.... මල් ගී රැල්ලත්, පන්සල් ගැන ලියූ ගී රැල්ලත් තිබුන කාලයක්.... ඒත් එම රැලි දෙකම කදුලක් විසින් පරාජය කලා කියලයි ඒ කාලයේදී බොහෝ විචාරකයින් මේ ගීතය හැදිනවූයේ.....කදුල තවත් මම දුක විදින්නෙ නෑ... තනි වෙන්නෙත් නෑ... මම යුවතියක් සමග අතිනත ගන්නව හෙට දිනයේ... දැන් ඉතින් ඇය මගේ ලග ඉදියි... මට දුකක් නොදී ඇය මා හා ඉදීවි... අපි ලස්සන ජීවිතයක් ගෙවනව... ඉතින් මට හරිම සතුටුයි... අපි මැවූ සිහින එකින් එක ජයගෙන අපි ආදරයෙන් ජීවත් වෙනවා.....කඳුළ ඉතින් සමාවෙයන්අපි වෙන්වෙමු අද හවසටමගෙ ගෙපැලට ඈ එනවාසිරියහනේ තනි රකින්නකළුවළාව නැගෙන්නෙපාගඟට උඩින් හැන්දැවටමුදුන් ලීය යටින් පොළොවේගොම හේදෙයි අලුත් පිටමකන්ද කපා සඳ පායාසඳරැස්‌ යහනට වඩින්නසඳ එළියෙන් ඇගේ ගතේපෙති ගෝමර මල් දකින්නමල් දෙවැටේ වතුසුදු මල්පිපේවි ඈ පිළිගන්නටකොපුල් තලා ඔමරි සිනාමතුවෙයි මල් පරදන්නටබිළිඳු ගෙනා කිරි සුවඳක්‌ගෙපැල දොරින් හමා එන්නඉඩදීයන් වළාකුළේමගෙ සිහිනයෙ මල් පිපෙන්නගී පද - ලක්‌මාලි කාරියවසම්සංගීතය - සුරේෂ් ද සිල්වාගායනය - කීර්ති පැස්‌කුවෙල්කතාව ගොඩාක් දිගට ඇදුනා... ඒ නිසා විචාරයක් කලේ නෑ... ඒ ගැන සමාවෙන්න....තවත් ගීතයකින් හමුවෙමු.... ඔබගේ අදහසුත් දෙන්න...</blockquote>

Verification: Awruddata maasa keeyada?

Top Bottom