Reply to thread

Message: <blockquote data-quote="clumsyhulk" data-source="post: 31463196" data-attributes="member: 586988">හිතේ පොඩි ගැස්මක් තිබුණත්, "මොකා වුණත් කමක් නැහැ කුඹුර පාගන්නවාට වඩා" කියලා හිතලා මම මගේ හිත හයිය කරගත්තා.ළඟටම ගිහින් ටෝච් එක ගහලා බැලුවාමයි මගේ ඇස් උඩ ගියේ!ඒ වෙන කවුරුත් නෙවෙයි අපේ අනුරාධරාරෑ 1ට නිල් පාට එළියක් දීගෙන පාවි පාවි ඉඳලා තියෙන්නේ වෙන මුකුත් නෙවෙයි—පොරගේ ෆෝන් එකේ ඩිස්ප්ලේ එක. හැබැයි මනුස්සයා සරම කටින් අරන්, බඩගාගෙන වගේ යන්නේ අල්ලපු ගෙදර සිරියාවතී අක්කලාගේ ගේ පැත්තට! සිරියාවතීගේ මහත්තයා සිංගප්පූරු ගිහින් ඉන්නේ කියලා මුළු ගමම දන්නවා.මාව දැක්ක ගමන් අනුරාධ හොරකමකට අහුවුණ හොර පූසෙක් වගේ ගැස්සිලා නතර වුණා. ෆෝන් එක සරම අස්සේ ඔබාගන්න හැදුවත් සරමේ සාක්කු නැති නිසා ඒක මඩ ඇතුළට වැටුණා."අඩේ මචං... උඹද? සද්ද කරන්න එපා බං! මාව පාවලා දෙන්න එපා!" අනුරාධ වෙව්ලන හඬින් කිව්වා."නෑ අනුරාධ, මේ මහ රෑ 1ට සිරියාවතීලාගේ වත්ත පැත්තට බඩගාන්නේ? උඹට පිස්සුද?" මම ඇහුවේ හිනාව තද කරගෙන."පිස්සු නෙවෙයි බං! සිරියාවතී අක්කා හවස මට කිව්වා එයාගේ ගෙදර රවුටරේ 'රෙඩ් ලයිට්' එක පත්තු වෙනවා, ඉන්ටර්නෙට් වැඩ නැහැ කියලා. මම මේ රෑ වෙනකම් එළකිරියේ ත්‍රෙඩ් එකක් දාලා ඇහුවා 'අල්ලපු ගෙදර අක්කලාගේ රවුටරේ රෙඩ් ලයිට් පත්තු වුණාම රෑ 1ට ගිහින් හදන එක සදාචාරාත්මකද?' කියලා. ඒකට 'Ratta' සහ 'DJSunil' දෙන්නම කිව්වා 'වහාම පලයන්, නැත්නම් වෙන එකෙක් යයි' කියලා. ඒකයි මම මේ රහසින්ම ආවේ." අනුරාධ මඩ නාගෙන සීරියස් මුහුණින් කිව්වා."ඉතින් බං හොරෙන් යන්නේ නැතුව පාරෙන් යන්න තිබුණනේ?""පිස්සුද මචං? පාරෙන් ගියොත් ගමේ එවුන් හිතන්නේ මම හොරකමේ යනවා කියලා. කුඹුර මැදින් ආවම කාටවත් පේන්නේ නැහැ. මම මේ නින්ජෙක් වගේ ආවේ. හැබැයි මට 'නෙළුම් අල' වැලක පටලැවිලා අඩි තුනක් විතර මඩේ ලිස්සලා ගියා බං. මගේ සරමත් නෑ දැන්!"මම ටෝච් එක ගහලා බලද්දී අනුරාධගේ සරම මීටර් පහක් විතර පිටිපස්සෙන් මඩේ පාවෙනවා! පොර දැන් ඉන්නේ ෂෝටක් පිටින්."දැන් ඉතින් සරම නැතුවද රවුටරේ හදන්න යන්නේ?" මම හිනාවෙවී ඇහුවා."ඒක තමයි බං මමත් මේ කල්පනා කරන්නේ. මම මේක එළකිරියේ ලයිව් අප්ඩේට් කරන්න හැදුවේ—'කුඹුර මැදදී සරම අහිමි වීම සහ සිරියාවතීගේ රවුටරේ අනාගතය' කියලා. ඒත් ෆෝන් එකත් මඩේ. උඹේ ෆෝන් එක දීපන්කෝ ත්‍රෙඩ් එකක් දාන්න," අනුරාධ ඇවිටිලි කරන්න පටන් ගත්තා.අන්තිමේදී සිරියාවතීගේ මහත්තයා සිංගප්පූරුවේ ඉඳන් එවපු CCTV කැමරාවලට අනුරාධ මඩ නාගෙන, සරම නැතුව, වත්ත වටේ බඩගාන ලයිව් දර්ශන ටික අහුවෙන්න කලින්, මම මූව බේරලා මගේ ගෙදරට එක්කන් ආවා.ආපු වෙලාවේ ඉඳන් අනුරාධ කරන්නේ මගේ ෆෝන් එකෙන් එළකිරි ලොග් වෙලා, "රෑ 1ට අල්ලපු ගෙදර අක්කාගේ රවුටරේ හදන්න යද්දී සරම නැතිවූ අය කවුද ඉන්නේ?" කියලා අලුත් ත්‍රෙඩ් එකක් දාලා, කට්ටිය දාන කමෙන්ට්ස් කියව කියව තනියම හිනාවෙන එක!</blockquote>

Verification: Awruddata maasa keeyada?

Top Bottom