Reply to thread

Message: <blockquote data-quote="macfa" data-source="post: 24910762" data-attributes="member: 559756">මහින්දානන්ද ගෝඨාගේ සිංහල ඡන්ද කඩන්නන්ගේ සංගමයට එක්වෙයි !ශ්‍රී ලංකා පොදුජන පෙරමුණට මහනුවර ප්‍රදේශයේ මුස්ලිම් ඡන්ද හිමිව ඇත්තේ 10% - 15% අතර ප්‍රමාණයක් පමණක් බවත් ඉදිරි දින කිහිපය තුළ එය 25%ක් දක්වා ඉහළට ඔසවා දෙන්නේ නම් මහනුවර නගරයේ මුස්ලිම් පාසලක් අලුතින් ඉදිරිකර දීමට තමන් පොරොන්දු වන බවත් පාර්ලිමේන්තු මන්ත්‍රී මහින්දානන්ද අලුත්ගමගේ මහතා ප්‍රකාශ කර තිබේ. මුස්ලිම් ව්‍යාපාරිකයින් පිරිසක් හමුවේ ඒ මහතා මේ බව ප්‍රකාශ කර ආකාරය දැක්වෙන වීඩියෝ පටයක් සමාජ මාධ්‍ය ජාල හරහා වේගයෙන් සංසරණය වෙමින් තිබේ. "සීයට දහයයි - පහළවයි මේ වෙනකොට. මේ දවස් ටිකේ මේක උස්සන්න ඕගොල්ලො සීයට විසිපහකට. එච්චරයි ඕනෙ කරන්න. ඉතුරු ටික කිසි දේකට බයවෙන්න එපා, අපි බලාගන්නම්. මේ නුවර ඔයාලට අබමල් රේණුවක දෙයක් .... මං කිව්වනෙ, ඔයාලා මේක හදලා දෙන්න, මං ඔයාලට නුවර ටවුමෙ මුස්ලිම් ඉස්කෝලෙකුත් හදලා දෙනවා. මුස්ලිම් දරුවන්ට ඉගන ගන්න මුස්ලිම් ඉස්කෝලයක්. මම නුවර මුස්ලිම් ඉස්කෝලයක් හදලා දෙනවා. තමුන්නාන්සෙලාගෙ තේ කොළ ප්‍රශ්නෙ දශමයක් බය වෙන්න එපා. අපි දැන් ජනාධිපතිතුමාත් එක්ක කතා කළා, හම්බන්තොට වරයා කේන්ද්‍ර කරගෙන ඔයාලගෙ තේ කොළ වෙනම එතන ගෙනල්ලා එක්ස්පෝට් කරන සිස්ටම් එකක්. ඒකත් මං ඕකේ කරගත්තා. ඔක්ෂන් එකක් හදලා ඒක වෙනම වැඩක්. ඒකනිසා ඔබතුමාලා අබමල් රේණුවක සැකයක් හිතන්න එපා. ඔයාලා වෙනුවෙන් අපට රණ්ඩු කරන්න, ෆයිට් කරන්න සීයට විසි පහක් දෙන්න. " යනුවෙනුයි ඒ මහතා සඳහන් කර තිබුණේ. ශ්‍රී ලංකා පොදුජන පෙරමුණ යනු උග්‍ර මුස්ලිම් විරෝධයක් නඩත්තු කළ, එය සිය ප්‍රමුඛ දේශපාලන ව්‍යාපෘතිය කරගත් පක්ෂයකි. ඊට උදාහරණ ඕනෑ තරම් පසුගිය යුගයේදී දක්නට ලැබිණි. එවන් වටපිටාවක් තුළ මහින්දානන්දගේ මේ පොරොන්දු පොහොට්ටුවේම මූලික මතවාදය හා ගැටෙන බැවින් සිදුවන්නේ පොහොට්ටුවේ, එනම් ගෝඨාගේ සිංහල ඡන්ද කැඩීමය. කෙසේවෙතත් මින් එකක් පැහැදිලි වෙයි. එනම්, මේ මහින්දානන්දලාම ප්‍රසිද්ධ මාධ්‍ය හමුවල මහත් ආඩම්බරයෙන් ප්‍රකාශ කරන අන්දමට ගෝඨාභය රාජපක්ෂ මහතා දැනටමත් ඉහළ ප්‍රතිශතයක් ඉදිරියෙන් නොසිටිනා බවයි. මෙසේ පොරොන්දු වරුසාවන් හෙළීමට ඔවුන්ට සිදුව ඇත්තේ ජයග්‍රහණය හෙළත්තාඩු වී ඇති බව ඔවුන් හොඳින්ම දන්නා නිසාය. <a href="https://www.lankanewsweb.net/sinhala/90-special-news/51284-%E0%B6%B8%E0%B7%84%E0%B7%92%E0%B6%B1%E0%B7%8A%E0%B6%AF%E0%B7%8F%E0%B6%B1%E0%B6%B1%E0%B7%8A%E0%B6%AF-%E0%B6%9C%E0%B7%9D%E0%B6%A8%E0%B7%8F%E0%B6%9C%E0%B7%9A-%E0%B7%83%E0%B7%92%E0%B6%82%E0%B7%84%E0%B6%BD-%E0%B6%A1%E0%B6%B1%E0%B7%8A%E0%B6%AF-%E0%B6%9A%E0%B6%A9%E0%B6%B1%E0%B7%8A%E0%B6%B1%E0%B6%B1%E0%B7%8A%E0%B6%9C%E0%B7%9A-%E0%B7%83%E0%B6%82%E0%B6%9C%E0%B6%B8%E0%B6%BA%E0%B6%A7-%E0%B6%91%E0%B6%9A%E0%B7%8A%E0%B7%80%E0%B7%99%E0%B6%BA%E0%B7%92--" target="_blank">https://www.lankanewsweb.net/sinhala/90-special-news/51284-මහින්දානන්ද-ගෝඨාගේ-සිංහල-ඡන්ද-කඩන්නන්ගේ-සංගමයට-එක්වෙයි--</a></blockquote>

Verification: Nawa warak dahaya keeyada? (Namaya wadi kireema dahaya)

Top Bottom