Reply to thread

Message: <blockquote data-quote="ROCCO-X" data-source="post: 22476227" data-attributes="member: 562642">I want to be the Asia's richest man-W K H Wegapitiyaමට ඕන ආසියාවේ අංක එකේ ධනවතා වෙන්න – Neveska Lady එනකන් බලන් හිටිය රටේ නැව් තුනක් හිමි සුපිරි ධනවතාගේ කතාව…! [ATTACH]70396[/ATTACH]ඔහු එක් නෞකාවක නොවී නෞකා ත්‍රිත්වයකම හිමිකරුවකු වන්නේය.W K H Wegapitiya නමැති ඒ අපූරු මිනිසා. Laugfs සමාගමේ සභාපතිවරයා වන වෑගපිටිය යනු අද වන විට ආසියානු කලාපයේ නැගී එන ධනවත් චරිතයකි.ශ්‍රී ලංකාවට මහත් අභිමානයක් ගෙන දුන් මේ අපූරු ව්‍යවසායකයා සතු නෞකා ත්‍රිත්වය ගැන සහ ඒවා හිමිකර ගත් අරුමය ගැන කියැවෙන්නේ මෙසේය.“මම ගමේ හැදුණු කොල්ලෙක් විදිහට ශ්‍රී ජයවර්ධනපුර විශ්වවිද්‍යාලයට 81 දී ආවේ මගේ මවුපියන් දුන්න රුපියල් 200 අරගෙනයි.මා ගෙනත් බස්සන්නවත් එදා කවුරුවත් හිටියෙ නෑ. මම බොහොම දුප්පත් පවුලක දරුවෙක්.ඊටපස්සෙ මට මහපොළ ශිෂ්යේත්වය හැටියට රුපියල් 225 ලැබුණා.ශ්‍රී ජයවර්ධනපුර විශ්වවිද්‍යාලයෙන් ලැබුණ දැනුම උපයෝගී කරගෙන රුපියල් 50,000 කින් තමයි මුලින්ම මම මගේ ව්‍යාපාරය පටන් ගත්තේ.අද බිලියන 50 ක් නෙවෙයි ඊට වඩා බොහොම වැඩියි මගේ වත්කම. ඉදිරි වසර පහ තුළ ආසියාවේ විශාලතම ව්යාේපාරිකයා වීම මගේ බලාපොරොත්තුවයි.මා මෙතරම් දුරක් ආවේ, මෙවැනි සම්මානවලට පාත්‍රවී තිබෙන්නේ මා මගේ ව්‍යාපාර කිසිදු වංචාවකින්, අසාධාරණ ඉපයීම්වලින් දියුණු නොකළ, සාධාරණ ව්‍යාපාරිකයෙකු වීම නිසා කියලා මම හිතනවා. මට සම්මාන දුන් විනිශ්චය මණ්ඩලයත් ඒ බව ප්‍රකාශ කළා. මට අධ්‍යාපනය දුන් මේ විශ්වවිද්‍යාලයට අගෞරවයක් වන පරිදි කටයුතු කිරීමට මා කවදාවත් සිතන්නේ නෑ.කුඩා කාලයේ බයිසිකලයක්වත් නොතිබුණුමට නැව් තුනක හිමිකරුවෙක් වෙන්න ලැබුණේ මට මේ විශ්වවිද්‍යාලයෙන් ලැබුණු දැනුම මෙන්ම ධෛර්යය නිසයි.අපි මේ ව්‍යාපාර ලෝකයේ ඉදිරියට යන්නේ නන්දිකඩාල් සටනේදී මෙන් මඩවගුරු, බිම්බෝම්බ, වෙඩි පහර වලට මුහුණ දෙමිනුයි. අපි යන දිහා බොහෝ දෙනෙක් බලා ඉන්නවා.ඒ වගේම අපි අර බිම්බෝම්බවලට හසුවෙලා නැතිභංගස්ථාන වනතුරු බලා සිටින පිරිසකුත් ඉන්නවා. මගේ සාර්ථකත්වයේදී මූල්‍ය ප්‍රාග්ධනය වගේම මේ විශ්වවිද්‍යාලයෙන් නිර්මාණය කරදුන් සමාජමය ප්‍රාග්ධනයත් වැදගත් වුණා.”නෞකා ත්‍රිත්වයකම හිමිකාරිත්වය අද ඔබ සතුයි. මෙය ඔබගේ සිහින සැබෑවීමක්ද?කොහෙත්ම නැහැ. මෙය උපාය මාර්ගික කළමනාකරණ පරමාර්ථයක ඵලයක්. ඒ වගේම ඉලක්කයකට අනුව යන ගමනක ප්‍රතිඵලයක්. එළැඹෙන වසර පහ ඇතුළතදී නෞකා විස්සක (20) පමණ හිමිකාරිත්වය දැරීම ලාෆ්ස් සමාගමේ අරමුණයි.ඒ උපාය මාර්ගික පරමාර්ථය ඔබ වටහා ගත්තෙ මොන වගේ හේතු සාධක නිසාද?මේ ලෝකයේ ආර්ථිකය බටහිර සිට නැගෙනහිරට ගලා එමින් පවතින බවට, පසුගිය වසර පහේදී ලෝක ආර්ථික විද්‍යාඥයන් මෙන්ම විශ්ලේෂකයන් පුරෝකථනය කළ දෙයක්. ඇමරිකාව, යුරෝපය ප්‍රමුඛ බටහිර රටවල් ලෝක ආර්ථික මර්මස්ථානයේ කිරුළ දරා ගෙන සිටියා. නමුත් ජාත්‍යන්තර මූල්‍ය අරමුදලේ ආර්ථිකය පිළිබඳ 2014 වාර්තාවේ ප්‍රකාශ වන පරිදි 2025 වන විට ලෝකයේ දළ ජාතික නිෂ්පාදනයෙන් 48% ක් නිෂ්පාදනය වන්නේ ආසියාවේ.ලෝක ජනගහනයෙන් 51% ක් පමණ සිටින්නෙත් ආසියාවේ. එනිසා ලෝක ආර්ථික මර්මස්ථානය දැන් බටහිරින් නැගෙනහිරට ගලා එමින් පවතින බව කියන්න පුළුවනි. ඊට ප්‍රධානම හේතුව වන්නේ ආසියානු කලාපයේ රටවල ආර්ථික වර්ධනයේ වේගය සහ ජනගහන වර්ධනයයි. එමෙන්ම ඊට සාපේක්ෂව අප ශ්‍රී ලංකාව සිටින්නේ ආසියාවේ බලවත්ම ආර්ථික මර්මස්ථාන ද්විත්වයකට මැදිවයි. එකක් ඉන්දියාව. අනෙක චීනය. සියයට 6 ක පමණ දළ දේශීය නිෂ්පාදනයක් අඛණ්ඩව මේ රටවල් පවත්වාගෙන යනවා.චීනය සහ ඉන්දියාවේ ආර්ථිකය අපට බලපාන්නෙ කොහොමද?දැන් මේ ආර්ථික ප්‍රගමනයේ වෙනස්වීම සිදුවන්නේ ඉන්දියන් සාගරය හරහායි. ඉන්දියන් සාගරය දෙස විපරම් කළාම අප සිටින්නේ ඉන්දියාවට පාමුලින්. චීනයට මැදිව. මෙන්න මේ කලාපයේ තමයි ඉන්දියානු සාගරයේ ආර්ථික සංසිද්ධිය සිද්ධ වන්නෙ. එහි මර්මස්ථානය වන්නේ ශ්‍රී ලංකාවයි. ආසියානු ආර්ථික මර්මස්ථානයේ උපාය මාර්ගික ස්ථානය වන්නේ ශ්‍රී ලංකාවයි.එනම් තවදුරටත් ප්‍රකාශ කළොත්, සාගරයේ ක්‍රියාකාරිත්වය සිදුවන්නෙ නෞකා මගින්. එහිදී අපගේ ක්‍රියාවලිය වන්නේ බල ශක්තිය බෙදා හැරීමයි. චීනයට අවශ්‍ය බලශක්තිය එන්නේ ඉන්දියන් සාගරය හරහායි. බල ශක්ති ප්‍රවාහනය ගුවනින් නෙවෙයි සිදුවන්නෙ. එනිසා තමයි අපි මේ සංකල්පයට ගියේ.මුලින්ම හිමිකරගත්තෙ මොන වගේ නැවක්ද?ලෝකයේ ඇති ගෑස් ප්‍රවාහනය කරන නෞකා අති විශාල ප්‍රමාණයේ ඒවායි. ඒවා වෙතින් ටොන් 40,000 ක් 50,000 ක් පමණ ගෙන යා හැකියි. නමුත් අපි මේ කලාපයට ඵලදායි වන නෞකා යොදා ගැනීමට කටයුතු කළා. අපේ මුල් නෞකාවේ ටොන් 7000 ක පමණ ගෑස් ප්‍රවාහනය කළ හැකියි.එය අපි මිලදී ගත්තෙ ජපානයෙන්. මේ නෞකා වසර පහකට වතාවක් සම්පූර්ණයෙන්ම නවීකරණය කළ යුතු වෙනවා. ඒක ලෝක නාවික ගමනා ගමනයේ නීතියක්. අනෙක් නෞකා දෙකත් ඒ විදියයි. ජපානයෙන් මිලදී ගත් ඒවායි.මේ නැවක වටිනාකම කෙපමණ මුදලක් වුණාද?Gas Challenger නැව මුලින්ම අප මිලදී ගත්තෙ (2014) දී පමණ. එය ඩොලර් මිලියන 5.75 ක් පමණ වුණා. 2015 දී Gas Success නැව අප සතුවුණා. එය ඩොලර් මිලියන 4.4 ක් පමණ වුණා. අලු‍තින්ම ගත්ත නැව මිලදී ගත්තෙත් ජපානයෙන්. වානිජමය වශයෙන් එය ඇත්තටම වාසිදායක වූ බව කියන්න පුළුවනි.එනිසා මේ නැව් 20 ක් ගන්න යන අරමුණ අහසින් ආ සංකල්පයක් නෙවෙයි. දකුණු ආසියානු කලාපයේ තියෙන ලොකුම ආනයන – අපනයන පර්යන්තය හදන්නෙ හම්බන්තොට වරාය කලාපයේ. 2018 අප්‍රේල් මාසයෙන් පසුව මේ කලාපයේ ධාරිතාව මෙහෙයවීමට අඩු තරමින් නැව් 20 ක්වත් අවශ්‍යයි. ඉන්දියන් සාගරය අප රට වටේ තිබුණත් අපට නැව් ඉතා අල්පයි. සිංගප්පූරුව පුංචි රටක් වුණත් නෞකා හිමියන් බොහෝමයි. නැව් බොහෝමයි.ඒ කියන්නෙ මේ නෞකා නතුකර ගැනීමේ ඔබ සතු සංකල්පය අද ඊයෙක ඔබට ඇතිවූවක් නොවෙයි?ඇත්තෙන්ම ඔව්. මම මුලින්ම රැකියාව කළේ සාමාන්‍ය පුහුණුවන්නකු ලෙස ලංකා නැව් සංස්ථාවේ. දියුණු ආර්ථිකයන් දෙකක් මැද තියෙන, රට වටේ මුහුදක් තිබිලත් අපට නැව් නැහැ. පුංචිම සිංගප්පූරුවට නැව් විශාල ප්‍රමාණයක් සතුයි.අතීතයේදී පරාක්‍රම රජු නැව් හමුදාවක් රැගෙන බුරුමයට ගිය කතා පවා අපි අහලා තිබුණට වත්මනෙහි එය යථාර්ථයක් වුණේ නැහැ. කවදාහරි අපට ඒ යථාර්ථය ප්‍රායෝගික කර ගත හැකිය යන අරමුණ නොතිබුණාම නොවෙයි.මීළඟට ඔබ ගුවන්යානා මිලදී ගැනීමක් කරාවිද?අප රට තුළ භාවිතයට ගත හැකි, සංචාරක කර්මාන්තයට උචිත ගුවන් යානයක් ගැනීම එතරම් අපහසු දෙයක් නෙවෙයි. එවැනි ගුවන් යානයක් මේ නෞකාවක් තරමට මිල වන්නේ නැහැ. මෙවැනි නෞකාවක් මිලදී ගන්නා මුදලින් එවැනි යානා හතරක් විතර ගත හැකියි. රට ඇතුළෙ පරිහරණය වන එවැනි ගුවන්යානා මෙම නැවක තරමට මිල අධික නැහැ.ඔබ සතු මෙම නෞකාවල සේවය කරන්නෙත් ශ්‍රී ලාංකීය සේවක පිරිසක්ද?සියයට සීයක්ම ශ්‍රී ලාංකීය ජාතිකයන්. මෙවැනි නැවක නියමුවා ගෑස් ප්‍රවාහනය ගැන ඉතා පළපුරුදු අයෙකු විය යුතුයි. එමෙන්ම මේ නැව් ගමනා ගමනයේදී භාවිත කරන අපද්‍රව්‍ය (කැළිකසළ) මුහුදට දාන්න බැහැ. ඒක තහනම්. ඒ සියලු‍ ආරක්ෂණ කටයුතු ගැන හිතලා තමයි අපි මේ නාවුක කටයුතු සිදුකරන්නෙ.හම්බන්තොට හරහා 2018 දී ලොකුම ගෑස් පර්යන්තය ඉදිවුණාම ලොකු නෞකා වලින් ගෑස් ප්‍රවාහනය කොට අප සතු කුඩා නෞකා මගින් මේ කලාපය පුරා බෙදාහැරීම වඩා ඵලදායක කටයුත්තක්. දැනට බංග්ලාදේශයේ ස්ථාපිත එරට තෙවැනි විශාලතම ගෑස් සමාගම පිහිටුවීමට අපට හැකිවුණා. ඉදිරියේදී එය තව තවත් පුළුල් කටයුත්තක් කොට රටට වඩා ඵලදායී ශක්තියක්වීම අපගේ පරමාර්ථයයි.අසූ එකේදී විශ්වවිද්‍යාලයට ආවේ මගේ මවුපියන් දුන්න රුපියල් දෙසීයකුත් අරගෙනයි. මම බොහොම දුප්පත් පවුලක දරුවෙක්. රුපියල් පන්දාහකින් තමයි මුලින්ම මම මගේ ව්‍යාපාරය පටන් ගත්තේ. අද බිලියන පනහක් නෙවෙයි ඊට වඩා බොහොම වැඩියි මගේ වත්කම. කුඩා කාලයේ බයිසිකලයක්වත් නොතිබුණුමට නැව් තුනක හිමිකරුවෙක්.source:lakbima/reporter.lk</blockquote>

Verification: Hathara warak wissa keeyada? (Hathara wadi karanna 20)

Top Bottom