Reply to thread

Message: <blockquote data-quote="lkdood" data-source="post: 7715106" data-attributes="member: 92282">උතුරේ මහ ඇමති කේ.පී. - සති මැද ලංකාකුමාරන් පද්මනාදන් හෙවත්  කේ.පී. ඉදිරියේදී පැවැත්වීමට නියමිත උතුරු පළාත් සභා මැතිවරණයේදී එක්සත්  ජනතා නිදහස් සන්ධාන මහ ඇමැති ධුර අපේක්ෂකයා ලෙස නම් කිරීමට නියමිත බව  ආණ්ඩුවේ ආරංචි මාර්ග උපුටා දක්වමින් සති මැද ලංකා පුවත්පත වාර්තාකර තිබේ. එම පුවත මෙසේය. දැනට අත්අඩංගුවේ පසුවන  එල්.ටී.ටී.ඊ. සංවිධානයේ හිටපු ප‍්‍රධාන අවි ජාවාරම්කරු සහ එල්.ටී.ටී.ඊ. යේ  වර්තමාන නායකයා ලෙස හැඳින්වෙන කේ.පී.ට ජනාධිපති සමාව ලබාදීමට අවශ්‍ය කටයුතු  මේ වන විටත් සකස් කෙරෙමින් තිබේ. මේ පිළිබඳව කරන ලද විමසීමකට පිළිතුරු  දෙමින් කෙහෙළිය රඹුක්වැල්ල ඇමැතිවරයා පසුගිය දිනෙක සඳහන් කර තිබුණේද  කේ.පී.ට ජනාධිපති සමාව ලබාදුනහොත් තමන් ඒ පිළිබඳව පුදුම නොවන බවයි. 2009  අගෝස්තු 05 වැනිදා මැලේසියාවේදී අත්අඩංගුවට ගෙන 07 වැනිදා ලංකාවට රැගෙන ආ  කේ.පී.ට එරෙහිව මෙතෙක් කිසිදු නීතිමය කටයුත්තක් සිදුකිරීමටද ආණ්ඩුව කටයුතු  කළේ නැත.  කේ.පී. ආරක්ෂක අංශ  අභ්‍යන්තර ආරංචි මාර්ග උපුටා දක්වමින් ‘ලංකා’  ඉරිදා සංග‍්‍රහය සහ සති මැද ‘ලංකා’  පුවත්පත් දිගින් දිගටම හෙළිදරව් කළේ කේ.පී. කොළඹ, විසුම්පායේ සියලූ පහසුකම් සහිතව ජීවත්වන බවයි. එල්.ටී.ටී.ඊ. යේ  වර්තමාන නායකයා ලෙස හඳුන්වා ගන්නා කේ.පී. පසුගිය සතියේ වවුනියාවේ පිහිටි  අනාථ කඳවුරු කීපයක් නැරඹීමට ද ගොස් ඇත. රජයේ සති අන්ත ඉංග‍්‍රීසි  පුවත්පතක් පසුගිය (20* දා වාර්තා කර තිබුණේ යුද්ධයෙන් විනාශ වූ උතුරු -  නැගෙනහිර ප‍්‍රදේශ නැවත ගොඩනැංවීම හා පුනරුත්ථාපනය සඳහා තම උපරිම සහාය ලබා  දෙන බව කේ.පී. ප‍්‍රකාශ කළ බවයි. එම පුවත්පත වැඩිදුරටත් සඳහන් කර තිබුණේ  කැනඩාව, ස්විට්සර්ලන්තය,  ජර්මනිය, බි‍්‍රතාන්‍යය, ප‍්‍රංශය  හා ඕස්ටේ‍්‍රලියාවෙන් පැමිණි දෙමළ බුද්ධිමතුන් නව දෙනකු හා කුමාරන්  පද්මනාදන් සමග ආරක්ෂක ලේකම් ගෝඨාභය රාජපක්ෂ මහතා සහ විදේශ ඇමැති ජී.එල්.  පීරිස් මහතා ශ‍්‍රී ලංකාවේ සාමය ගොඩනැගීම පිළිබඳව සාකච්ඡා කළ බවයි. ආණ්ඩුවේ අභ්‍යන්තර ආරංචි  මාර්ග සඳහන් කරන ආකාරයට අදාළ බුද්ධිමතුන් පිරිස මෙම සාකච්ඡුාවේදී 13 වන  සංශෝධනය පිළිබඳව විශේෂ අවධානයක් යොමුකර ඇති අතර කේ.පී.ට උතුරු පළාතේ මහ  ඇමැති ධුරය ලබාදීමට එහිදී එකඟ වී තිබේ. එසේම මේ වන විට ජනාධිපතිවරයා ද  ඉන්දියාවට හා ජපන් සාම නියෝජිත යසුෂි අකාෂිට 13වන ව්‍යවස්ථා සංශෝධනය  ක‍්‍රියාත්මක කරන බව පොරොන්දු වී සිටින අතර කේ.පී. මහ ඇමැති කිරීමේ  ක‍්‍රියාදාමය ද මෙම ජාත්‍යන්තර ප‍්‍රජාව මැදිහත් වීම මත සිදුවන්නක් බවටද  තොරතුරු අනාවරණය වේ. එල්.ටී.ටී.ඊ. යේ හිටපු  ප‍්‍රධාන අවි ජාවාරම්කරුවා ඉහත සාකච්ඡාවේදී එකඟ වී ඇත්තේ තම සංවිධානයට  අයත්ව තිබෙන ඩොලර් මිලියන ගණනක වත්කම් උතුරු - නැගෙනහිර සිදු කෙරෙන  පුනරුත්ථාපන හා නැවත ගොඩනැගීම් කටයුතු සඳහා යෙදවීමටය. කුමාරන් පද්මනාදන්  සතුව නැව් 18ක් සහ ඩොලර් මිලියන 500කට අධික මුදල් හා දේපළ ඇති බව මුලදී  ආණ්ඩුව ප‍්‍රකාශ කළද, අදාළ බැංකු ගිණුම් හා දේපළවලට  අදාළ කිසිදු විස්තරයක් ප‍්‍රසිද්ධ කිරීමට ආණ්ඩුව කටයුතු කළේ නැත.</blockquote>

Verification: Dawasata paya keeyak thibeda?

Top Bottom