Reply to thread

Message: <blockquote data-quote="SLK_sri" data-source="post: 30485667" data-attributes="member: 569192"><h3>මහින්ද නිල නිවසට ලක්ෂ 46 ක් ගෙවා කැමතිනං ඉන්න නැත්නං යන්න - ජනාධිපති</h3><img src="https://blogger.googleusercontent.com/img/b/R29vZ2xl/AVvXsEhfnbDLIo8gXnLKtKOFflpvv08NbeRa8sSWGCgj1H9vcyoSEUzjvpWaOdu_q3JmE2MY_pKMxlVBnvtBM9bD6OSV4okEqyb-XEPSsiASGnBTZyG5wMMgCD_6nwhgaVJHzixvjhSztXywgHsHp66yLf1IHAg6cI3NjyHy8AOVSlL1jMeFxm9DXaCkdTiUd-w/s16000-rw/collage.jpg" alt="if-you-dont-want-to-pay-rs-46-lakh-go-to-the-official-residence-of-the-president" class="fr-fic fr-dii fr-draggable " style="" />හිටපු ජනාධිපති මහින්ද රාජපක්ෂ මහතා දැනට පදිංචිව සිටින නිවස සඳහා මසකට රුපියල් ලක්ෂ 46ක කුලියක් ගෙවිය යුතු බවත්, එම මුදල ගෙවීමට කැමති නම් එහි සිටින ලෙසත් නැත්නම් නිවසින් ඉවත් වීමට සිදුවන බවත් ජනාධිපති අනුර කුමාර දිසානායක මහතා ප්‍රකාශ කර සිටියේය. මෙම ප්‍රකාශය අද කටුකුරුන්ද ප්‍රදේශයේ පැවති මහජන රැස්වීමකදී සිදු කෙරිණි.රජයේ තක්සේරු දෙපාර්තමේන්තුව විසින් සිදු කරන ලද තක්සේරුවට අනුව, බෞද්ධාලෝක මාවතේ පිහිටි එම නිවසේ මාසික කුලී වටිනාකම රුපියල් ලක්ෂ 46ක් වන අතර, ඉඩමේ වටිනාකම තවමත් තක්සේරු කර නොමැති බව ජනාධිපතිවරයා පැවසීය.පවතින නීතිමය රාමුව අනුව, හිටපු ජනාධිපතිවරයෙකුට නිවසක් හෝ වැටුපෙන් තුනෙන් එකක දීමනාවක් හිමි වේ. ඒ අනුව, මහින්ද රාජපක්ෂ මහතාට රුපියල් 30,000ක මාසික දීමනාවක් ගෙවීමට රජය කටයුතු කරන බව ජනාධිපතිවරයා වැඩිදුරටත් පැහැදිලි කළේය.එමෙන්ම, වත්මන් රජය යටතේ සිදු කර ඇති වෙනස්කම් පිළිබඳවද ජනාධිපතිවරයා අවධාරණය කළේය. පසුගිය කාලවල මෙන් කුමන්ත්‍රණකාරී ක්‍රියා, මුදල් බෙදීම්, හෝ විදේශීය මැදිහත්වීම් නොමැතිව ආණ්ඩුවක් පිහිටුවීමට හැකි වූ පළමු අවස්ථාව මෙය බව ඔහු පෙන්වා දුන්නේය.රාජ්‍ය පරිපාලනයේ සැලකිය යුතු වෙනස්කම් ගණනාවක් සිදු කර ඇති බවද ජනාධිපතිවරයා පෙන්වා දුන්නේය. ඇමතිවරුන්ට පොලිස් ආරක්ෂාව හා රථ වාහන පහසුකම් සීමා කිරීම, රජයේ නිල නිවාස කළමනාකරණය රාජ්‍ය පරිපාලන අමාත්‍යාංශයට පැවරීම, සහ ජනාධිපති ආරක්ෂක වියදම් සැලකිය යුතු ලෙස අඩු කිරීම ඉන් කිහිපයකි.ජනාධිපතිවරයාගේ ආරක්ෂාව සඳහා වාර්ෂිකව රුපියල් මිලියන 700ක් (කෝටි 70ක්) වැය වන බවත්, පොලිස් නිලධාරීන් 21,000ක් රටපුරා පොලිස් ස්ථානවල සේවය කරන බවත් ඔහු සඳහන් කළේය.රජයේ දේපළ භාවිතය සම්බන්ධයෙන් නව ප්‍රතිපත්තියක් හඳුන්වා දී ඇති අතර, රාජ්‍ය පරිපාලන අමාත්‍යාංශය යටතේ විශේෂ කමිටුවක් පත්කර ඇති බවද ජනාධිපතිවරයා පැවසීය. මෙම කමිටුව මගින් රජයේ නිල නිවාස සහ ගොඩනැගිලි හෝටල්, කෞතුකාගාර, හෝ අධ්‍යාපන මධ්‍යස්ථාන ලෙස භාවිතා කිරීමේ හැකියාව සොයා බලනු ඇත.මෙම ප්‍රතිසංස්කරණ හරහා දේශපාලන සංස්කෘතියේ සැලකිය යුතු වෙනසක් සිදුවී ඇති බවත්, මෙය ජනතා ජයග්‍රහණයක් බවත් ජනාධිපතිවරයා අවසාන වශයෙන් සඳහන් කළේය. මෙම වෙනස්කම් තුළින් රාජ්‍ය සම්පත් වඩාත් කාර්යක්ෂමව හා විනිවිදභාවයෙන් යුතුව භාවිතා කිරීමට හැකි වනු ඇති බව ඔහු අවධාරණය කළේය.ජනපති සිදු කළ කතාවේ උපුටනයක පෙළ පහත ලෙසිනි. </blockquote>

Verification: Dahaya deken beduwama keeyada?

Top Bottom