Reply to thread

Message: <blockquote data-quote="Amalka101" data-source="post: 5481714" data-attributes="member: 137532">සීගිරියෙ මුල් පදිංචිකරුවො එහෙමත් නැත්නම් නියම අයිතිකාරයො යක්ෂ ගෝත්‍රිකයො බව මීට පෙරත් අපි විවිධ අවස්ථාවල මෙතන කතාවුණා. පුරාණයේ ආලකමන්දාව කියලා හැදින්වුණ සීගිරිය සහ යක්ෂ ගෝත්‍රිකයන් අතර ඇති සම්බන්ධතාවය ගැන කියවෙන තොරතුරු ටිකක් මේ. සීගිරියෙ නිර්මාතෘ (ඉංජිනේරුවා) ලෙසට හැදින්වෙන්නෙ මය නම් අසුර ප්‍රධානියෙක්. එමෙන්ම මෙය නිර්මාණය කරලා තියෙන්නෙ වෛශ්‍රවණ (කුවේර) වෙනුවෙනුයි. ‘රාවන වත’ නම් පුරාණ පුස්කොල පොතෙත් මේ පිළිබදව විස්තර සදහන් වෙනවා. ආලකමන්දාව, චිත්‍රකූටය ආදී නම් වලින් හැදින්වුණු මෙම මාලිගාව සහ වෙසමුණි රජු සතුව තිබුණු පුෂ්පක විමානය පසුකළෙක වෛශ්‍රවණයන් පරාජයට පත් කරන රාවන සතු වෙනවා.නැවතත් විභීෂණ රාජ්‍යත්වයට පත්වීමෙන් පසු සීගිරිය, චිත්තරාජ නමැති වංශාධිපති යක්ෂයෙකු‍ට පවරා දුන් බවත් සදහන්. පසුකලෙක පණ්ඩුකාභය කුමරු රැකගන්නට උපකාර කල චිත්තරාජත් මෙම පරපුරේම අයෙක් විය හැකි නොවේද?ඉන්පසු ආලකමන්දාව සිය වාසභවන කරගත් බව සදහන් වන්නෙ කාශ්‍යප රජු පමණයි. කාශ්‍යප රජුගේ මව ධාතුසේන රජුගේ අග මෙහෙසිය නොවන බවත් ඇය වැදි ගෝත්‍රයේ කාන්තාවක් බවත් විවිධ අවස්ථාවල අහන්ට ලැබෙනවා. ඒත් යකුන්ගේ බලකොටුවකටම ගොස් සිය රාජධානිය පිහිටුවා ගැනීමෙන් පැහැදිලි වන්නේ කාශ්‍යප රජුගේ මවත් යක්ෂ ගෝත්‍රික කාන්තාවක් බව නේද? කාශ්‍යප රජුට සිය මව් පාර්ශවයෙන් උපකාර ලැබුණු බව ඉතිහාසයේ මෙන්ම ජනකතා වලත් සදහන් වෙනවා. යකුන් විසූ ප්‍රදේශයකට ආරක්ෂාව පතා යාමත්, එහි සිට රාජ්‍ය පාලනය කිරීමත් තුලින් කාශ්‍යප රජුගේ යක්ෂ සම්භවය තහවුරු වේ. (මාතෘකාවට අදාල නොවුණත් කියන්න හිතුනෙ, පණ්ඩුකාභයගෙ කතාවත් මීට හුගාක් සමානයි නෙ) ලොවපුරා පුරාවිද්‍යාඥයන් හා ඉතිහාසඥයන් මවිත කරවන සීගිරිය බලකොටුවේ සෝපානය ලබාගන්නටත් බොහෝදෙනා අදටත් වෙර දරනවා. මෙය ලී වලින් කල සෝපානයක් (කර්කටක යන්ත්‍රය) බව සදහන් වෙන අතර සමහර තැන්වල තනි රනින් කල සෝපානයක් බවත් සදහන්. කෙසේ වෙතත් සිංහකට අසලින් ඉහලට දිවෙන සේ නිර්මාණය කරලා තියෙන කුහරය තුල මේ සෝපානය තිබුණු බව බොහෝ දෙනාගේ මතයයි. මෙම රන්මුවා සෝපානය ගලවගෙන බ්‍රිතාන්‍යට රැගෙන යාමේදී ලංකාවේ මුහුදු සීමාවෙන් පිටවෙන්නටත් පෙර නැව අනතුරට පත්ව මුහුදුබත් වුණ බව කියැවෙනවා. එමෙන්ම අදටත් බලකොටුව තුල සෝපානය නිරුපද්‍රිතව ඇතැයි විශ්වාස කරන අයත් ඉන්නවා.  ආශ්‍රිත: <a href="http://lishwish.wordpress.com/2009/06/" target="_blank">http://lishwish.wordpress.com/2009/06/</a> <img src="http://i571.photobucket.com/albums/ss158/Dilhini/Sigiriya_Sri_Lanka_162_05012009_155.jpg" alt="" class="fr-fic fr-dii fr-draggable " style="" /> <img src="http://i571.photobucket.com/albums/ss158/Dilhini/sri-lanka-sigiriya.jpg" alt="" class="fr-fic fr-dii fr-draggable " style="" /></blockquote>

Verification: Winadiyakata thappara keeyak tibeda?

Top Bottom